教育王國
標題: 唔知學校攪乜？？ [打印本頁]
作者: gagamama20 時間: 13-2-3 10:54 標題: 唔知學校攪乜？？
下個月第三次呈分考試，學校在過去一星期有個什麼主題日，只是玩樂就玩足一個星期，完全無敎書，就嚟放新年假，餘下D時間有限，根本都唔夠時間去敎曬成本書，叫些學生點趕點溫呢?不明學校攪D乜??? 唔知有無其他家長有這經驗呢?
作者: kikiloklok 時間: 13-2-3 13:19
教少啲，考少啲，有數
作者: mrs.so 時間: 13-2-3 13:24 標題: 回覆：kikiloklok 的帖子
認同！
我仔係十二月及四月，我幾個朋友小學將十月及二月既測驗為呈分試。而我仔今年要兩測三考。
作者: wingfamily 時間: 13-2-3 14:01
我地學校都係甘, 下個月考呈分試都唔知點死
, 放完假後要佢快D收拾心情溫習, 您都唔今最後一次呈分都好緊要, 真係擔心死我啦
作者: reginayu 時間: 13-2-3 14:30 標題: 回覆：gagamama20 的帖子
我仔去年學校就將上次嘅測考範圍都加埋落去第三次評分試內。所以建議向學校查詢十試範圍, 在農曆年假温吓書。
希望你們嘅孩子在第三次評分試大有進步啦!
作者: gagamama20 時間: 13-2-3 15:25 標題: 回覆：kikiloklok 的帖子
唔會考少啲，同平時一樣，如果係就好，唔洗煩。
作者: gagamama20 時間: 13-2-3 15:31 標題: 回覆：wingfamily 的帖子
如果成績屬B1頭都可不用緊張，對一些B1中至尾的就非常緊張第三次呈分的成績帶來的影響，而學校有無為他們想過。
作者: lopoto 時間: 13-2-3 16:31
咁我女學校咪仲嚴重 !
O岩O岩1-5年級考完試，而家係試後活動時間，日日不同節目
黎緊呢個禮拜，6年級去畢業營，又上少3日堂
因為仲未用下學期D書 ，由12月考完呈分到試後活動期間學O既野下學期唔駛考
我個女就由12月考完呈分可以 HEA 到新年假後
作者: laiping 時間: 13-2-3 17:44
小朋友經歷了兩次決定生死的呈分試，壓力不比我們少，有些輕鬆的時間也不為過，況且，又唔係佢特別hea，輕鬆完再拼博可能更有力量呢?
作者: fion6406 時間: 13-2-3 18:31 標題: 引用：咁我女學校咪仲嚴重+!O岩O岩1-5年級考完試
原帖由 lopoto 於 13-02-03 發表
咁我女學校咪仲嚴重 !
O岩O岩1-5年級考完試，而家係試後活動時間，日日不同節目
作者: LML 時間: 13-2-3 19:16 標題: 回覆：fion6406 的帖子
為什麼唔備下課？不用等學校迫的....
作者: gagamama20 時間: 13-2-3 20:10 標題: 回覆：laiping 的帖子
可惜餘下時間太少，淨返三個星期，需要教曬成本書兼溫習，會否太趕呢? 對學生嚟講米重大壓力啦! 應該過埋第三次呈分再玩都未遲，點hea都得啦!: unknown:
作者: laiping 時間: 13-2-3 21:59
回復 gagamama20 的帖子
你咁快就知道考試範圍？以我愚見，學校應該唔會三個星期內完成一本書，(雖然唔知一本裏面有幾多課！)或者只是抽某些單元完成呢?就算教哂，應該是小朋友應付到的負荷，其實照計唔會咁唔人道的，唔通唔驚家長投訴咩！就嚟放農曆年假，要玩都是好正常好自然的！我都想玩啦!
作者: ohnono 時間: 13-2-3 23:49
樓主又唔駛太緊張。第一係先瞭解第三次呈分試的考試範圍，是否要考晒成本書先。第二以自己的經驗，這個時候都係攪一些學校的試後活動來調節下同學緊張的心情。第三就係如果真係老師教唔晒，應該所有同學都會有影響，唔識就大家都因為未教過而唔識，不會有同學特別多影響，有同學特別少影響。又唔駛太擔心，不如趁著而家和假期，溫左知道要考那些課文先，唔駛迫埋一齊去溫。
作者: sammibaby 時間: 13-2-4 01:01
原來妳地既心情同我一樣，之前已經同班主任問過第三次呈分試範圍，佢話未出通告所以未知，同埋佢知唔晒所科既範圍，可能佢唔想偷步！
作者: JustAParent 時間: 13-2-4 08:03 標題: 回覆：唔知學校攪乜？？
放鬆下啦 
一個星期唔教課本又唔係一個月，學校唔係補習社，除咗課本，也有其他非考試範圍東西要教的。如果你覺得學校不專注課本浪費時間，我小朋友學校也在「浪費」中，有D學校由聖誕新曆年已「半浪費」到現在，如果係你學校，肯定激瓜你。其實小學課程又唔係咁緊呀，真係怕佢心散，咪叫佢做下閱讀理解、默下字、買本練習做下數，一星期好快過啦，吊頸都要抖下氣，唔係好易玩殘小朋友。
作者: gagamama20 時間: 13-2-4 09:35 標題: 回覆：laiping 的帖子
就是不知道考試範圍，如果知就自己溫習先啦! 還等學校。
作者: gagamama20 時間: 13-2-4 09:59 標題: 回覆：ohnono 的帖子
因為第二次呈分對某些學生「自行派位」己成定局，所以第三次就唔緊要，但對某些邊緣人學生就非常緊要。我只不過覺得如果可以早些教，可早些準備，只得三星期敎書，點溫?我和其他家長也有同感（ 大家仔女都是B1中至尾）
作者: mrs.so 時間: 13-2-4 10:07 標題: 回覆：唔知學校攪乜？？
我仔係邊緣人，我都緊張，但無奈孩子也要輕鬆下。
作者: gagamama20 時間: 13-2-4 10:10 標題: 回覆：JustAParent 的帖子
小學課程唔係咁緊要，但升中就非常緊要。
可能我小朋友吸收慢，所以想早些敎可早些温。
作者: betsymak99 時間: 13-2-4 12:21
去年我囡第三次呈分試只考已教內容，余下未教留待畢業試考。考完呈分試尚要教書，所以只是部份下學期內容，不要太擔心。
作者: gagamama20 時間: 13-2-4 13:10 標題: 回覆：betsymak99 的帖子
thank you
作者: 黃巴士 時間: 13-2-4 17:36
本帖最後由 黃巴士 於 13-2-4 17:36 編輯
邊緣人就真是要第3次呈分博到盡, 由其是band1c生. 如果老師教得慢, 自己/補習老師先教&溫, 咁就可以打定個底囉. 溫定要記的內容, 如常識, 沒須要老師教, 小朋友自學自背&備課都可. 中文都是圍繞課外閱讀理解, 重組句字, 標點, 實無走雞(唔會溫多的). 數學好少跳課的, 新舊都溫吓. 英文就看底子了, 默書就有範圍至溫, 免了浪費時間. 春節假(銀行假)都是去玩的, 及後少少假才再去溫, 可免卻小朋友心散, 又可relax少少.:;pppp:
作者: ohnono 時間: 13-2-4 22:55
體諒一些邊緣的同學，但有時太緊張反為對小朋友構成壓力。倒不如趁住現在較輕鬆的時候，針對已教的課文，溫熟D。況且中文、英文和數學好多都跟學科的根基有關，特別中文科的應用文、標點符號、重組句子，做多一點坊間的練習都有用。
作者: gagamama20 時間: 13-2-5 08:01 標題: 回覆：黃巴士 的帖子
我都係咁諗，自己同小朋友溫左先，假期會比小朋友玩下，隨後幾日才溫書，免得他心散。
| 歡迎光臨 教育王國 (/) |
Powered by Discuz! X1.5 |