教育王國

標題: 官塘福建中學面試唔公平 [打印本頁]

作者: linwailin 時間: 13-1-19 15:03 標題: 官塘福建中學面試唔公平

亞仔同啲同學都有去考呢間,第一輪都唔係好公平，到進入第二輪仲唔公平,睇你面試邊一個,如果果主任用中文問,你就答中文,如果咁啱係副校長或其他就用英文問答, 咁樣好唔公平,點可作準則，而亞仔啲同學就用中文問答,亞仔就用英文問答!有啲同學就好開心用中文問, 有啲學生就自動轉台用中文問就用英文答! 真係好唔啱!

作者: riggsy 時間: 13-1-19 15:55 標題: 回覆：官塘福建中學面試唔公平

小兒是兩位老師一位英文问答，另一位老師普通話问答喎。其他考生一樣，因大家在同一場地礼堂。

作者: riggsy 時間: 13-1-19 15:59 標題: 回覆：官塘福建中學面試唔公平

第二輪時候我見到課堂內有一位主任及副校长，我所聽到兩位都用中文。其他課室內情況就不太清楚吼！

作者: like_travel 時間: 13-1-19 16:17

linwailin 發表於 13-1-19 15:03
亞仔同啲同學都有去考呢間,第一輪都唔係好公平，到進入第二輪仲唔公平,睇你面試邊一個,如果果主任用中文問, ...

平常心la, 面試 / 收生不公平一直存在, 這就是香港 ! 要學會接受

我也在學習中, 學習既來之則安之 !

作者: linwailin 時間: 13-1-19 16:49

回復 riggsy 的帖子

第二輪就係每個課室都會有二至三位主任,老師或副校, 但有分開用中英文面試的!家長同在一起面試!

作者: ELJCHL 時間: 13-1-19 17:50

linwailin 發表於 13-1-19 15:03
亞仔同啲同學都有去考呢間,第一輪都唔係好公平，到進入第二輪仲唔公平,睇你面試邊一個,如果果主任用中文問, ...

我地1st interview 分別有2個老師,1個用普通話對答,另一個用英文對答,請問有咩唔公平?

2nd interview 就主任用中文對答.

作者: panlai 時間: 13-1-19 19:34

我都唔覚唔公平,個個都一樣考法.我有offer,不過冇去註册,希望多左個位出来可以幫到佢la.

作者: hermanpapa 時間: 13-1-19 19:49 標題: 引用：亞仔同啲同學都有去考呢間,第一輪都唔係好

原帖由 linwailin 於 13-01-19 發表
亞仔同啲同學都有去考呢間,第一輪都唔係好公平，到進入第二輪仲唔公平,睇你面試邊一個,如果果主任用中文問, ...

樓主若自問心儀那一間直資中學，若面試不成功，可以考好未來的試，向學校要求重新考慮。放榜後，多數都大執位。

作者: ckcstanley2003 時間: 13-1-19 22:38

其實福中可能有唔少冇去註册 , 因為有D人去面試只係當攞經驗 !

作者: linwailin 時間: 13-1-20 12:05

回復 ELJCHL 的帖子

唔公平係點解有啲可以用中文問,而有啲就要用英文問答,亞仔同個同學都好驚用英文,結果佢同學就用中文問答,結果可以入讀,已經註咗冊，而亞仔用英文問答,但可惜太驚答得唔理想! 所以覺得唔公平!

作者: hermanpapa 時間: 13-1-20 12:53 標題: 回覆：linwailin 的帖子

若你係心儀，不如寫封信同學校講，附上最新成績表，要求再作評估，一直煩到佢地怕，優先安排後補位俾你，當然唔好講唔公平這件事！其實，中小上英中，大都海軍鬥水兵，邊個大膽有鬥心就邊個贏，可能就係咁輸咗少少面試分。

作者: khmama 時間: 13-1-20 13:04

回復 linwailin 的帖子

其實又冇話公平唔公平既, 但凡面試都應該有試前準備, 諗下對方會問咩, 用中文/英文應該點答, 相信驚就個個都會, 最緊要問題答得有冇point. 同學得咗又唔一定關中英文對答問題. 退一步去想, 能夠用英文去對答, 如果應付得宜, 反而可以被睇高一線, 對用中文答既考生先係唔公平就真, 冇咗表現既機會. 忽然想起半柸水既比喻. 凡事有兩面睇, 與其埋怨得半柸水飲而心中不快樂, 何不為仍有半柸水飲而感恩? 福中好多人報咗會唔讀, 現階段耐心等候, 好消息可能好快到.

作者: 可樂fan 時間: 13-2-1 00:17

有啲學校分收該生的機會(巳把學生交來的資料ranking)來2nd in ,
:如果in科任,正副校可能機會大左.:

歡迎光臨教育王國 (/)