教育王國
標題: 一位B2尾生媽媽的心路歷程 [打印本頁]
作者: cmvfamily 時間: 13-1-12 16:30 標題: 一位B2尾生媽媽的心路歷程
最近，心情麻麻，忙於申請自行。阿仔成績麻麻B2尾生，都無乜好選擇，只望選一間校風好的學校，我選了鄧鏡x和五x節。
問了一些朋友同事意見，但他們對我選的學校，大部份都話唔好，話係飛仔學校。
有一個在女同事曾在五隔鄰的官中做助教，問她意見，她說不知道情況，點知，三日後，我交晒自行，我同事就話：五X節是飛仔學校黎架喎?!
我的心真係冷了一截，真係好唔開心，我知我應該 EQ高一點，但係真的好煩擾。
我都唔知有沒有幫阿仔選錯學校，壓力好大。
其實我對阿仔可以入鄧鏡x和五x節，我都覺得OK，但旁邊的人，猛話唔好，話係飛仔學校。老實說，B2尾生的選擇真係不多，人人都知銀禧、喇沙好啦，但入到咩 ?!
如果，將來，阿仔升了中學，學壞咗，旁人又會話：一早叫你唔好揀xxx架啦。
唉，阿仔幾唔好，都係我個仔，我一定要全力支持他。
作者: Jen123 時間: 13-1-12 16:33 標題: 回覆：cmvfamily 的帖子
cmvfamily : 或許真的不用太擔心！今時今日，其實應該沒有什麼飛仔學校！
作者: natsoscar 時間: 13-1-12 16:46
感同身受，與你情況相約！有時真係感到無奈，見到孩子成績唔係太好，又擔心佢前路難行，眼淚就好容易流出！可能自己係單親，感覺更無助！
作者: Jen123 時間: 13-1-12 16:48 標題: 回覆：natsoscar 的帖子
保重！
作者: cmvfamily 時間: 13-1-12 16:56
回復 natsoscar 的帖子
我都係單親，一拖二，壓力好大。
我讀書唔叻，讀到中五就無讀，同事旁人多多少少有D睇唔起我，覺得我讀書唔叻，仔女又唔叻，覺得我唔識教。
大家加油!! 
作者: almondlatte 時間: 13-1-12 17:05
我十分明白你的感受。為你們打氣！加油呀！
作者: hogowin 時間: 13-1-12 17:08
唯有自己看緊些，不放心抽時間看兩學校學生的行為，還有大抽獎，再重新排位不用太担心，大家加油。
作者: Jerrylaomama 時間: 13-1-12 17:10 標題: 回覆：cmvfamily 的帖子
各位家長要加油呀！
作者: natsoscar 時間: 13-1-12 17:21
cmvfamily講得對，孩子係自己孩子，將來無論讀什麽中學，都要同他同行，支持鼓勵他，真心相信，在愛中成長的孩子，必會有自信去面對將來！
作者: wskl 時間: 13-1-12 17:32
回復 cmvfamily 的帖子
其實唔好唔開心,就算派到入去,都未必一定做飛仔, 唔通全校是飛仔?反而你攪好母子關係,到他青春期仍聽你支笛和從旁多加留意他擇友, 考好PreS1,入些成績較好的班,希望學習風氣好些. 或者叩門直資(有些學費較平,約千元)
至於旁人說話,可能會影響你短暫的情緒,但冷靜過後,一定要重新振作,努力凑大子女,我相信幸福的道路在你前面. Add Oil
作者: 黃巴士 時間: 13-1-12 17:56
本帖最後由 黃巴士 於 13-1-12 17:57 編輯
最好令他有一種有益的課外活動. 個人認為運動可磨練青少年人的意志. 多參加校內/外課外活動, 有此專注, 老師在校看著他們, 可令他們遠離損友及受其感染.
作者: gardenia_kw 時間: 13-1-12 18:05 標題: 回覆：cmvfamily 的帖子
唔好太擔心，如果與兒子關係和溝通良好的話，沿途有你，未必會學壞，凡事向好看，有危機感是好的，不要想得太多、太灰。努力!
作者: 瑩瑩老豆 時間: 13-1-12 18:06
hogowin 發表於 13-1-12 17:08 
唯有自己看緊些，不放心抽時間看兩學校學生的行為，還有大抽獎，再重新排位不用太担心，大家加油。 ...
作者: 瑩瑩老豆 時間: 13-1-12 18:08
cmvfamily 發表於 13-1-12 16:30
最近，心情麻麻，忙於申請自行。阿仔成績麻麻B2尾生，都無乜好選擇，只望選一間校風好的學校，我選了鄧鏡x ...
唔駛人地點講, 點叫飛仔學校? 唔通個個學生都係飛仔?
作者: khmama 時間: 13-1-12 18:26 標題: 回覆：cmvfamily 的帖子
好學校都有壞學生，差嘅學校都有好學生.唔使太担心，你自己又冇親眼睇見，人地講嘅嘢唔使咁上心.你可以問你同事有咩事例去証明嗰間係飛仔學校.
作者: eviza_snow 時間: 13-1-12 18:39 標題: 回覆：一位B2尾生媽媽的心路歷程
放鬆d，樹大都有枯枝，唔見得所有名校個個學生都係紳士淑女，亦唔係所有band 2 or 3學校出到黎都差人一節，眼見都有唔少band 2生靠自己升大學，做專業人士!小朋友既潛力除時發揮!飛唔飛仔唔係睇間學校，你敢肯定名校冇飛仔?唔好自己嚇自己!cheer up
作者: hklaw1013 時間: 13-1-12 18:53 標題: 回覆：cmvfamily 的帖子
比心機 ！加油！
作者: smallAD 時間: 13-1-12 20:02
回復 cmvfamily 的帖子
唔使太擔心，有親戚個仔前年係五X節畢業，成績就真係麻麻，但都冇學壞，都仲係好乖，好聽話。
作者: laips 時間: 13-1-12 20:21
我係五x附近反工,我知佢係一間band2尾,band3頭中學,但佢d學生好正經,等巴士會比人上先,無講粗口,我份工做左好多年,每日早.午,晚,都見到佢d學生,反而同何x比五x仲好d,何x都出名,你其實可以放心,.
作者: huawei 時間: 13-1-12 21:36
本帖最後由 huawei 於 13-1-12 21:37 編輯
阿仔幾唔好，都係我個仔，我一定要全力支持他。你這幾句話說得很有意思，中國人有兩句說話：子女不嫌父母醜，父母不嫌子女呆，一家人，當然要互相支持，B2學校又如何？一樣會有好學生，也不好只聽人說，自己先去看看實況。大不了，不去面試，只要有學生選，絶大部份學校都不會收不去面試的，如果不面試都收，學校一定很不堪，到時便去叩門，總會找到比他好些的學校。
作者: CPLau129 時間: 13-1-12 21:40
回復 smallAD 的帖子
五X節 是否指黃大仙x光?
作者: cmvfamily 時間: 13-1-12 22:04
本帖最後由 cmvfamily 於 13-1-12 22:19 編輯
多謝大家的鼓勵~其實我好鍾意九龍城的鄧鏡x和五x節，而阿仔都好想入呢兩間學校。
其實以我阿仔成績來計，B2尾生入到鄧鏡x和五x節，我自己都好心足，好滿意。我亦到學校門口睇過，見到學生都似番個學生，正正經經，沒有飛型學生。我真係好相信選中學是木門對木門，竹門對竹門，我只想阿仔入到一間合他程度，又唔學壞，又給回他信心的學校。B2尾生的選擇真係不多，好難選擇，人人都知B1好，但入到咩 ?! 入到都跟不上，被趕出來，仲死。
但我身邊的朋友同事，只會覺得唔係 B1學校，就係差學校、飛仔學校，一盤一盤冷水淋下來，真的令我好唔開心，或許是 我無法面對現實。
作者: abcd0001 時間: 13-1-12 22:32
途窮亦未必是绝路！绝處尚可逢生！
何况只是升中！人生中的一小段吧了！不必太灰。
記住有 1/3 人也是 B3 ，那叫他們怎樣自處呢見到你這個 B2!
和孩子一起走。笑對明天。
旁人不過是旁人 不須太介懷！知足者常樂。
作者: 1773 時間: 13-1-12 23:00 標題: 回覆：一位B2尾生媽媽的心路歷程
看得出妳是一位體恤和關心兒子的媽媽，有一位好媽媽的照顧，個仔又點會咁易變壞？
作者: vivi2000 時間: 13-1-12 23:17
唔好咁快心灰啦！免得亞仔以為自己冇用，去唔到band1校以至令你憂心，你該同亞仔打好関係，無論band幾都會有好學校，再找多些資料，如果到時真係唔鍾意咪唔in囉！比D信心自己，比D信心亞仔，BK好多媽咪支持你！
作者: huawei 時間: 13-1-12 23:21
cmvfamily 發表於 13-1-12 22:04
多謝大家的鼓勵~其實我好鍾意九龍城的鄧鏡x和五x節，而阿仔都好想入呢兩間學校。
其實以我阿仔成績來計，B2 ...
這兩所學校的學生並不是甚麼惡霸，當然會有一些比較冇心機上課的學生，但老實說，對B2尾學生來說是合適的。你說得很對，選中學是木門對木門，竹門對竹門，我只想阿仔入到一間合他程度，又唔學壞，又給回他信心的學校。很多家長都没有你這理性的想法，小朋友在你的教導下，必有成就。希望小朋友能明白你的愛心，努力學習，六年後能在各方面有正增長。以報答你對他的愛。
作者: hermanpapa 時間: 13-1-13 07:26 標題: 回覆：一位B2尾生媽媽的心路歷程
我所用五x節並非太差，姊妹校係沙田的五x節林x光，仲係B1英中。俾小朋友參與多些校內活動，駐校牧師也住在校內，可以幫助學生，在快樂中成長分享，也是不錯，每年也有不少同區出名小學的學生失手跌入這校。
作者: KKKK 時間: 13-1-13 16:48
很明白你的心情，由考試，準備，選校，填form，等待，期盼，對於每個人都是煎熬，我個人認為最緊要看學生自己，只要肯讀書，即使band 3一樣有成就，何況外面大把補習名師，咪自己黎囉，我朋友個仔當年錯配，入了band3校，扣門都無人收，誰知他自己發憤，今年3A (A level)入了CU。人，講唔埋的，運氣都有一D。小朋友自己都知 "艱難"，有時"艱難"可幫他們成熟，最緊要家長唔好氣餒！！
互勉之。
作者: reginayu 時間: 13-1-13 17:30 標題: 回覆：KKKK 的帖子
你能夠面對現實接受孩子嘅成績, 其實好值得欣賞。
我曾經見過band 2學生因運動入band 1英中, 讀唔上, 佢幫學校拿金牌, 可以試升, 跟著留班, 現在和家人關係有問題。佢家人仍然堅持留在band 1嘅學校......。
其它人可能唔明你實際嘅情況, 只提供表面嘅意見, 無須太上心。只要家人接受佢, 其實孩子唔會噤容易跟朋輩學壞。努力, 加油!
作者: 銘銘媽 時間: 13-1-13 19:36 標題: 回覆：wskl 的帖子
其實間間學校都有好學生，有壞學生，你同佢既關係先最重要，你可以一齊同佢行人生路，同佢一齊經歷過程引導佢，就唔洗擔心。
作者: cambo 時間: 13-1-13 22:14
我在灣仔區是B2中至尾，苦不堪言。姊妹們努力吧！
作者: Aoi 時間: 13-1-14 00:48
讀band1墊底的學生, 相信比唔上band2的優異生. 最緊要建立到學生的自信心和奮鬥心. 對學校的評論眾說紛紜, 你和仔都鐘意,又親身去了解過, 就唔駛理人點講. 加油!!
作者: gmaorky 時間: 13-1-14 01:04
咩學校都有好同壞嘅學生，唔好比太大壓力自己
作者: cambo 時間: 13-1-14 07:51
回復 gmaorky 的帖子
靠自己的定力
作者: cmvfamily 時間: 13-1-14 09:03
好感動~ 多謝大家的支持和鼓勵~
我要陪阿仔行每一段路，教導他一齊經歷過程。
作者: MaxMara 時間: 13-1-14 09:14
回復 cmvfamily 的帖子
一個人的好壞,跟讀書的多少沒有關係.假如讀書多,又心術不正,豈不戈對社會更大影響.多鼓勵自己和孩子,加油.
作者: khmama 時間: 13-1-14 14:05 標題: 回覆：cmvfamily 的帖子
最大問題只係你朋友信口開河，既然佢講嘅說話唔啱聽又唔係咁值得聽，又唔係企喺你嘅立場去諗，何必理會？人總要向前望，band1/2/3各有不同做法，你既然交咗表又唔係一時衝動，就要相信自己嘅選擇係正確嘅. 上年都有家長講過band3生插班去band1/2學校，男仔上到中學開咗竅會突飛猛進，唔使灰心.
作者: ohnono 時間: 13-1-14 15:49
講煩講亂，而家都係啱啱開始。Band 1同學選校的煩惱一點也不比band 2和band 3少。就算band 1A同學派到band 1頭學校都一樣會有人說閒話。「大風吹倒梧桐樹，自有閒人說短長」。
選校時，總是覺得唔夠選擇，到交表後又覺得後悔，這類心情係好普遍亦好正常。而且樓主已在EK收集了好多資料和意見才去作決定，為何人家說兩句竟然有如此反應呢！坦白說，九龍城區band 2尾男生的選擇鄧鏡波都可算是膽，再看搭配那一間而矣。穩陣點的，我絕對同意五旬節。總好過第三次呈分試後跌落band 3唔知還可選那一間。
更好的當然有，何官、胡兆熾吧，除了在大抽獎可有機會一償素願之外，還要看小朋友的能力是否應付到日後的功課壓力。
但無可否認，band 2和band 3的學校的確係校風較重要，亦較多談論，正如band 1的學校，有人標榜傳統名氣和成績，亦有人標榜入U率一樣。
若拿不定主意的，容易受人影響的，你怎麼樣可以陪阿仔行每一段路，相反，你還可能加重了阿仔的心理負擔！
作者: 200yan 時間: 13-1-14 16:42
提示: 作者被禁止或刪除 內容自動屏蔽
作者: kt2007 時間: 13-1-14 16:53
加油,大家一起努力!
作者: Jackieson 時間: 13-1-14 17:12
本帖最後由 Jackieson 於 13-2-8 08:54 編輯
回復 cmvfamily 的帖子
未必每間B1學校都全是好學生, 當中亦有壞份子; 而B2,B3學校也有優異生, 只要選擇適合小朋友的學校, 如你說竹門對竹門, 讓他們開心愉快地成長便夠了. 你的朋友同事可能唔認識鄧&五, 所以有壞評, 別介懷. 只要家中有愛, 孩子便覺溫暖. 鄧&五的學風良好, 並不是飛仔學校, 也不要傳達錯誤信息比阿仔, 影響咗佢. 我以前在該區住了多年, 並未見過一個飛仔飛女係穿著鄧&五的校服. 放心吧!!
作者: odelia_ho 時間: 13-1-14 17:22
cmvfamily 發表於 13-1-12 16:30 
最近，心情麻麻，忙於申請自行。阿仔成績麻麻B2尾生，都無乜好選擇，只望選一間校風好的學校，我選了鄧鏡x ...
看了你囝囝的情況及其他家長的意見, 你真的不用太擔心! 樹大有枯枝, 是不爭的事實, 成績有多好的band 1學校, 也有害群之馬, 所作所為, 令人咋舌
小朋友學壞與否, 要看他自己的定力, 但有家人的支持和關顧, 學壞的機會, 應該不大吧
有朋友的兒子前年是喇x小學, 但成績不濟, 要自行找中學, 他最終入了余x強, 週遭的人都說是飛仔學校, 但事實卻是, 她囝囝在這間學校找回自信! 因為程度相配, 他讀得很開心 
作者: Vin仔媽 時間: 13-1-14 20:09
cmvfamily加油呀
作者: 一家的太陽 時間: 13-1-14 22:10
本帖最後由 一家的太陽 於 13-1-14 22:11 編輯
講個真人真事樓主聽,
夫家有一外甥數年前應該是選校策略錯誤,.派位入到鄧記.
當時當然很不開心,而父母也不太懂,就這樣入讀鄧記.
幸那男仔比較生性,開始發奮努力.
因為成績名列前茅,深得老師歡心.
當然他自己也讀得開心兼有自信,
會考成績不錯,大有機會跳到其他Band 1 學校.
但他還是選擇留在鄧記升讀.
最後考入港大,大學畢業即進入一家中資銀行做經理助理.
後來考入公務員,現在是政務主任,大把前途.
所以任何學校都可產龍成鳳,還要看本人如何走自己的路
作者: kiukiupig 時間: 13-1-14 22:30
一家的太陽 發表於 13-1-14 22:10
講個真人真事樓主聽,
夫家有一外甥數年前應該是選校策略錯誤,.派位入到鄧記.
當時當然很不開心,而父母也不 ...
作者: cmvfamily 時間: 13-1-15 08:30
好多謝各位家長的鼓勵，我真的好感動 
好多謝大家!!
我會給阿仔一個正面的鼓勵，我們努力向前行。
作者: bb613 時間: 13-1-15 10:45
回復 cmvfamily 的帖子
我仔是鄧的一份子, 鄧絕對不是飛仔學校, 請放心。
我認識有幾位護士和一位醫生也畢業於鄧.
作者: winniebb30 時間: 13-1-15 11:19
我都覺得家庭教育比讀什麼學校較為重要, 就算去左Band 3都冇辦法, Band 3亦唔代表飛仔多, Banding係根據考試成績來訂的, Band 1 學校都有飛仔有壊同學, 只要家長多關心子女, 他們在愛的環境下一定不會學壞的, 請放心!
作者: cambo 時間: 13-2-7 15:00
好鼓舞、好感動。Band 2 仔慘，呀媽更慘，揾校處處碰釘，衹好咬緊牙關，努力不懈地做。
作者: mesmerising 時間: 13-2-7 15:23
"唉，阿仔幾唔好，都係我個仔，我一定要全力支持他。"
我雖不熟鄧n伍，但看到你這句，我鄧你阿囝放心了。有家愛的孩子不會太壞，放心。他日教仔路途行得累，記著自己說過的這句，和這裡支持你的媽媽們，為自己定神和加油。
作者: lucia6119 時間: 13-2-7 16:59
我住土瓜灣, LUNCH TIME 山上D 學生都來吃飯 , 鄧記和五旬 的學生都好乖 呀...
作者: cmvfamily 時間: 13-2-7 21:50
多謝大家的鼓勵，好感動
正如 Cambo 所說，"Band 2 仔慘，呀媽更慘，揾校處處碰釘，衹好咬緊牙關，努力不懈地做"。
作者: jackysophia 時間: 13-2-7 23:29
Band 2學校老師更賣力！Band 3學校也有大學生！
用擔心！多點关顧孩子便是了！
作者: do-re-me 時間: 13-2-8 01:49 標題: 回覆：cmvfamily 的帖子
“阿仔幾唔好，都係我個仔”，多謝你提醒了我，我每日迫個女讀讀讀，佢成績唔好我淨係識鬧佢，我差d忘記了佢係我個女，成日想放棄佢
作者: do-re-me 時間: 13-2-8 01:52 標題: 回覆：do-re-me 的帖子
你同朋友講，鄧同五都有學生入大學，你有冇見過大學會收飛仔？所以鄧同五都唔係飛仔學校！
作者: bbforever 時間: 13-2-8 05:03
我都識ㄧ個五旬節仔，幾乖架~
我家鄰居個仔讀九龍塘中學啲品德都好好，好有礼貌~
最主要你和你小孩關係和洽，他知你係好愛好支持佢，佢係唔會咁易變壞！
作者: cambo 時間: 13-2-8 08:34
本帖最後由 cambo 於 13-2-8 08:36 編輯
cmvfamily 發表於 13-2-7 21:50
多謝大家的鼓勵，好感動
正如 Cambo 所說，"Band 2 仔慘，呀媽更慘，揾校處處碰釘，衹好咬緊牙關，努 ...
教仔呢份工我做到200分，搏命過返工收人工果份，而家辭埋工返家全職教仔，衹希望呀仔條路好行d。香港社會競爭大，我可以做嘅就係盡量提點佢。呀仔而家重未有直資收，唯有寄望中央派位。想到肯交多d學費讀間心儀嘅學校都咁難時，個心真係萬分難過。
作者: cmvfamily 時間: 13-2-8 09:23
回復 cambo 的帖子
cambo:
我無幫阿仔報直資學校，直資中學通常是英文中學，我怕他跟不上，對返學抗拒就糟了；我連幫阿仔報直資的勇氣都沒有，希望阿仔派到一間校風較好、適合他程度的中學。
作者: cambo 時間: 13-2-8 10:52
本帖最後由 cambo 於 13-2-8 10:53 編輯
回復 cmvfamily 的帖子
呀仔英文ok但中文水皮，所以跌落band 2，霖住英文ok報直資，結果都係唔得。我覺得係自已以前無用多d時間幫佢攪好中文，萬分內疚，好怪自己。而家無得返轉頭，英文ok都要讀中中，好無奈。
作者: LML 時間: 13-2-8 17:18 標題: 回覆：cambo 的帖子
條條大路通羅馬，天生我才必有用。
什麼band1, band 2 都是返學讀書，開心唔開心都係要讀完中學。
做到盡力而為，以經是很難得。比多啲鼓勵小朋友，家長放鬆啲，曰子好過啲。
作者: 燁燁媽 時間: 13-2-8 19:06
係我眼中, 鄧已經係一間幾好既中學~
作者: cmvfamily 時間: 13-2-8 20:18
回復 燁燁媽 的帖子
如果阿仔入到鄧x波，我已心滿意足了，希望阿仔入到啦~
作者: Yukyuk 時間: 13-2-8 20:23 標題: 回覆：黃巴士 的帖子
Good!
作者: 燁燁媽 時間: 13-2-8 20:31 標題: 引用：回復+燁燁媽+的帖子
如果阿仔入到鄧x波，
原帖由 cmvfamily 於 13-02-08 發表
回復 燁燁媽 的帖子
作者: Jen123 時間: 13-2-8 20:38 標題: 回覆：Yukyuk 的帖子
預祝新年快樂！
作者: cmvfamily 時間: 13-2-9 16:50
燁燁媽 發表於 13-2-8 20:31
唔難既，因為是男校，小左女仔爭！比心機不過灰心！
我揀鄧都係呢個原因，希望可以成功啦~
作者: humbertcarol 時間: 13-2-16 23:17
cmvfamily 發表於 13-2-9 16:50
我揀鄧都係呢個原因，希望可以成功啦~
記唔記得我呀? 我自行都有揀鄧鏡波, 請問幾時先知有得 interview ?
你有冇揀到彭學高呀?
作者: cmvfamily 時間: 13-2-17 10:30
humbertcarol 發表於 13-2-16 23:17
hi cmvfamily,
記唔記得我呀? 我自行都有揀鄧鏡波, 請問幾時先知有得 interview ?
humbertcarol:
Hi!
祝新年進步!!! 希望大家的小朋友都派到一間理想的中學!!
我自行選了鄧鏡波，我唔知幾時通知有得 interview，Interview會在 23/3(sat)，大家加油!! ^^
另一間自行，我選了五旬節。
我無選彭學高，因交通太不方便，由我屋企去要轉三程車才到。 @@
作者: 歐文 時間: 13-2-18 18:50
你揀的兩間學校，我印象中都係band 2學校，不算差，更差的有大把!
但我其實認識不少出身自band 5(從前我讀書的年代是有band 5的)中學的人，通過後來的努力，亦有不錯的成就，例如有人在港大教書，有人入了政府cpu做統計師。我相信有很多原因可以影響一個人會否變飛仔，例如家人的愛和支持，這點我肯定你個仔已擁有了!
作者: cch0928 時間: 13-2-19 03:32 標題: 回覆：cmvfamily 的帖子
我對你選的學校有點認識，本身是中學教師，教過北區band 1 和觀塘band 3,你選的學校裏的學生即使有成績未達band 2 但大部份的品行一定是合乎band 2，學生學習動機較弱，家長一定要配合幫助孩子學業上為自己訂目標和不要受懶散的氣氛影響，但學生都算頗受教純品，而且在我經驗九龍城的band 2 學生的質素的確是比他區band 2 學生較高。作為老師，也是家長，我覺得你選校方向十分正確，不要相信路人片面之辭！上面分享個人的經驗和看法希望能給你一點鼓勵和肯定，但其實我也是路人一個，人人對同一事都有不同觀感，所以我建議你在放學時到學校觀察學生留意一下他們的言行及校服髮型，再引證一下自己的選擇是否合乎你的期望。我相信你這樣用心灌溉，假以時日你孩子一定會成長，相信自己，堅持信念！
作者: cmvfamily 時間: 13-2-19 20:01
回復 cch0928 的帖子
謝謝您~謝謝你的建議和鼓勵。
如果阿仔入到鄧x波和五x節，我就心滿意足了。
我亦到過這兩間學校，覺得學生品行，很符合我的期望。
作者: 鋼琴媽媽 時間: 13-2-19 22:02 標題: 回覆：一位B2尾生媽媽的心路歷程
少少經驗分享, 我係五X節舊生，學校當年已經係band2(分5 band)。我當年見倒小學同班同學升倒叻學校(eg 華英旅港)好羨慕！
當時都有個别曳學生，但學生整體算係受教，老師非常好，好錫學生 (我見好多而家仲教緊)。
我會考考得唔差(幾個A)，可以嘗試轉校, 但我冇，考埋A level (幾個A, 文科)，最後攞獎學金入左大學。
我雖然唔係讀band 1 中學，但我好努力讀書，因我想我媽咪開心。樓主放心，小朋友係感受到父母嘅愛。
而家我做人媽媽，好明白樓主苦心。
各位媽媽共勉之。
作者: cmvfamily 時間: 13-2-20 20:40
回復 鋼琴媽媽 的帖子
謝謝你的分享~好感動~
作者: Leung2010 時間: 13-2-27 14:11
大家加油啊!加油啊!!
作者: 719117 時間: 13-2-28 08:21
各位家長要加油
作者: echo123 時間: 13-2-28 16:20
cmvfamily 發表於 13-1-12 16:30
最近，心情麻麻，忙於申請自行。阿仔成績麻麻B2尾生，都無乜好選擇，只望選一間校風好的學校，我選了鄧鏡x ...
唔好太擔心, 我係五x節附近住, 亦都識人係度讀, 見佢地都好乖, 好斯文, 聽d細路講, 老師都好好, 係讀書風氣係差少少.
作者: 家之達人 時間: 13-2-28 20:53
本帖最後由 家之達人 於 13-2-28 22:16 編輯
cmvfamily 發表於 13-1-12 16:30
最近，心情麻麻，忙於申請自行。阿仔成績麻麻B2尾生，都無乜好選擇，只望選一間校風好的學校，我選了鄧鏡x ...
鄧鏡x和五x節；我兒在去年選校的奇幻漂流...最後衝刺亦即叩門時...前者面試緣慳一面；後者連攞報名表都落空...
如果你兒有幸兩進其一；已經算是上天眷顧！不要再三心兩意了！
cmvfamily 我在此祝福你天從人意！努力吧！人哋個媽咪！
作者: MUMMYSIK 時間: 13-3-6 17:23
Hi cmvfamily,
很關心你23/3鄧鏡波有面試嗎?
預祝成功!
作者: yovin 時間: 13-3-8 09:42
我小學同班(非精英班) , 入了鄧x波 , 現在是醫生了ｏ
作者: Joyceiptso 時間: 13-3-8 12:05 標題: 回覆：wskl 的帖子
加油！母愛的偉大！
作者: cmvfamily 時間: 13-3-9 21:02
家之達人 發表於 13-2-28 20:53
鄧鏡x和五x節；我兒在去年選校的奇幻漂流...最後衝刺亦即叩門時...前者面試緣慳一面；後者連攞報名表都落 ...
鄧鏡x和五x節是但一間, 我就謝天謝地了~
作者: cmvfamily 時間: 13-3-9 22:04
本帖最後由 cmvfamily 於 13-3-9 22:10 編輯
回復 yovin 的帖子
謝謝你的分享~
作者: cmvfamily 時間: 13-3-9 22:08
回復 MUMMYSIK 的帖子
MUMMYSIK:應該無行啦~一d音訊都無~
作者: 乖乖 時間: 13-3-9 22:45 標題: 引用：回復+MUMMYSIK+的帖子
MUMMYSIK:應該無行
原帖由 cmvfamily 於 13-03-09 發表
回復 MUMMYSIK 的帖子
作者: ohnono 時間: 13-3-9 23:55
23號面試的學校，要等過埋明天，下星期一開始就準備收信。如果18、9號都未收到信就打電話去學校問問。我自己的經驗係兩間學校都收唔到信，好在我打電話去問先知到學校有寄出，但我又收唔到。後來學校唯有即時用傳真補發才免至錯失機會。
作者: smalleye 時間: 13-3-10 00:18
cmvfamily: 事到如今，唔好再俾呢個唔知由乜水計算出嚟嘅＂B2尾＂標籤壓住你一家，將它掉入垃圾筒。新的一日，精精神神帶細路搵個海灘坐下曬陣太陽，又或者去附近有啲樹的地方行下吸吸氣！無論被派到那一間中學，亞仔要做的除了努力讀書，最好揀2、3個他有點興趣的學會參加，或所屬學社，自篶擔當某些初級職位，學習怎樣去計劃及組織活動、怎樣同其他人合作、聽下人怎樣做presentation,有機會就爭取表達己見；若唔俾F1同學仔擔任，唔好放棄，F2、F3再主動自篶，相信老師終會給機會予這樣積極的學生!人地唔做，你亞仔唔好怕蝕底去做。將來升學、搵工，你亞仔就係寫佢係學校幫手做過乜嘢，過程中他必定有得著，就係靠呢啲贏其他人！有幾多老闆會知/理B1、2、3吖！有好嘅表達能力、懂得與其他人合作，是取勝嘅武器！努力！
作者: 乖乖 時間: 13-3-10 00:30 標題: 引用：23號面試的學校，要等過埋明天，下星期一開
原帖由 ohnono 於 13-03-09 發表
23號面試的學校，要等過埋明天，下星期一開始就準備收信。如果18、9號都未收到信就打電話去學校問問。我自 ...
作者: cmvfamily 時間: 13-3-12 08:48
我打咗去學校問，佢地話未通知家長，若果到咗下星期都無消息，我就打去學校問下~
作者: bb613 時間: 13-3-14 12:21
回復 cmvfamily 的帖子
鄧鏡波:上年我是一星期前才收到信的, 等多兩天吧！
祝好運 !
作者: 乖乖 時間: 13-3-14 12:32
回復 乖乖 的帖子
YuYuMother 乖，真係要留意信箱，收唔到記住打電站去問，唔好怕尷尬呀。 努力加油！ 發表於 4 天前
知道喇, 老朋友
作者: 乖乖 時間: 13-3-14 12:34
cmvfamily 發表於 13-3-12 08:48
我打咗去學校問，佢地話未通知家長，若果到咗下星期都無消息，我就打去學校問下~ ...
我校有家長尋日收到信喇, 你都留意下信箱啦, 加油!!
作者: humbertcarol 時間: 13-3-14 17:36
cmvfamily 發表於 13-3-12 08:48
我打咗去學校問，佢地話未通知家長，若果到咗下星期都無消息，我就打去學校問下~ ...
你有冇收到鄧鏡波面試通知呀!
作者: cmvfamily 時間: 13-3-14 19:52
本帖最後由 cmvfamily 於 13-3-14 19:58 編輯
多謝大家支持~ 我收到鄧鏡波的面試通知 la~
作者: smalleye 時間: 13-3-14 20:19
回復 cmvfamily 的帖子
相信所有在這裏的家長都支持你仔仔！保持信念！全力以赴！
作者: bb613 時間: 13-3-15 17:28
回復 cmvfamily 的帖子
cmvfamily:
恭喜哂! 面試時比心機, 鎮定Ｄ!
作者: reginayu 時間: 13-3-15 17:41 標題: 回覆：cmvfamily 的帖子
真心支持你同你嘅仔仔, 加油, 努力。
作者: humbertcarol 時間: 13-3-18 00:57
cmvfamily 發表於 13-3-14 19:52
多謝大家支持~ 我收到鄧鏡波的面試通知 la~
你幾多點面試? 我封面試信要我9:00 正.
作者: cmvfamily 時間: 13-3-19 09:46
回復 humbertcarol 的帖子
我都係 9:00面試。
大家加油!!!
作者: cmvfamily 時間: 13-3-19 09:48
smalleye: bb613: reginayu: humbertcarol: 乖乖:
多謝大家的鼓勵和支持!!!
我們會努力!!加油!!!
作者: sai1031 時間: 13-3-19 09:58
回復 cmvfamily 的帖子
唔好擔心,五旬節中學,唔係 飛仔學校,校風唔太差架.放心啦!加油!
| 歡迎光臨 教育王國 (/) |
Powered by Discuz! X1.5 |