教育王國

標題: 九龍城BAND 2頭女仔 [打印本頁]

作者: lopoto 時間: 13-1-6 22:50 標題: 九龍城BAND 2頭女仔

請問報考一間沙田BAND 1尾 (大抽獎可選) + 一間觀塘BAND 1尾 (聽人講九龍城去觀塘有機會升BAND)

會唔會太搏?

因呀女唔讀女校，我地唔選九真、培道、德雅
而九龍城BAND 2頭就好似得何官，但又有幾間官小聯繫，驚少位

作者: ohnono 時間: 13-1-7 00:47

lopoto 發表於 13-1-6 22:50
請問報考一間沙田BAND 1尾 (大抽獎可選) + 一間觀塘BAND 1尾 (聽人講九龍城去觀塘有機會升BAND)

會唔會太 ...

沙田都係強區。揀band 1尾都係要搏。官塘還可考慮。用一個志願去搏都係值得。
何官的聯繫位唔關自行收生這階段的事，只會影響統一派位時的乙部大抽獎。九龍城還有一間胡兆熾可以考慮。

作者: HappyEE 時間: 13-1-7 09:47

可以考慮深水埗
香港四邑商工總會黃棣珊紀念中學

作者: lopoto 時間: 13-1-7 22:18

本帖最後由 lopoto 於 13-1-11 23:14 編輯

ohnono 發表於 13-1-7 00:47
沙田都係強區。揀band 1尾都係要搏。官塘還可考慮。用一個志願去搏都係值得。
何官的聯繫位唔關自行收生這 ...

如果我自行A: 郭得勝/ 林漢光 / 鄭榮之 B: 順天 / 觀官 / 呂郭碧鳳

係A 同B之中各選一間，會唔會太搏 ?

THANKS !

作者: cindy6868 時間: 13-1-11 14:48

九龍城BAND2頭可選丘佐榮

作者: lopoto 時間: 13-1-11 23:11

ohnono 發表於 13-1-7 00:47
沙田都係強區。揀band 1尾都係要搏。官塘還可考慮。用一個志願去搏都係值得。
何官的聯繫位唔關自行收生這 ...

但係今年沙田區唔係BAND 1位有多咩? 反而觀塘區好似一直都係勉勉強強夠BAND 1位
點解你會覺得觀塘搏得過而唔係沙田呢？

ＴＨＡＮＫＳ！

作者: ohnono 時間: 13-1-12 00:05

lopoto 發表於 13-1-11 23:11
但係今年沙田區唔係BAND 1位有多咩? 反而觀塘區好似一直都係勉勉強強夠BAND 1位
點解你會覺得觀塘搏得過 ...

其實沙田係好睇但都可以食，但唔係好好食嗰類。位係多，但都應該吸引附近來自四方八面的同學入來。北有大埔、南有黃大仙、九龍塘一帶，東有官塘、將軍澳。我更加相信每年改地址抽沙田的度該都唔少，因為的確有吸引力。區內不但英中多，連名牌英中都有，各適其適。

雖然係咁，我記得上年有家長話派到第七志願都重可以派到band 1英中。整體來說，沙田係不錯的校區，但又要小心這幾年沙田因為band 1位多而導致學校banding下降的情況好像不多，說來說去都是得一間。所以唔好因band 1位多而掉以輕心。況且自行的學生可以自由跨區，位多位少的情況對統一派位階段影響較大。

其次就係沙田本身都屬強區，在自行時跟沙田的學生排亦未必一定有著數，何況還要搏高一線。郭、林、鄭能到今天都能保持到開足咁多班英文班，大抽獎未必可信賴，郭得勝都試過要開一班中文班了，自行時能收到一班band 1學生去支持學校係好大主因。

相反搏官塘有一定誘因，九龍城區屬強區，區內的同學跨往官塘有望在排次序時可進佔有利位置。所以我讚成band 2a的同學試一試跨往官塘band 1c學校

歡迎光臨教育王國 (/)