教育王國

標題: St Rose [打印本頁]

作者: 甜粟米 時間: 12-12-15 16:25 標題: St Rose

St Rose 黎緊中一, 只收返自己友95個, 我女band 2尾, 點算??

作者: kswiss 時間: 12-12-15 18:52

提示: 作者被禁止或刪除內容自動屏蔽

作者: 心心媽 時間: 12-12-15 19:29 標題: 回覆：甜粟米的帖子

我女都係Band 2尾呀！班主任叫我聽完20號個家長會再諗報邊間中學喎！

作者: 霖霖B媽咪 時間: 12-12-15 21:43

kswiss 發表於 12-12-15 18:52
可以點算, 爭幾多? 唯有加緊努力追囉!

上年我識一個女仔, 又係有直屬中學, 仲話考得好尾下, 7月派位後都 ...

相信你指的直屬學校並非指樓主所講那間吧 !!!

作者: 霖霖B媽咪 時間: 12-12-15 21:47

甜粟米發表於 12-12-15 16:25
St Rose 黎緊中一, 只收返自己友95個, 我女band 2尾, 點算??

如果並非返回直屬中學不可, 自行大可試試區內外的BAND 2.質素好的BAND 2有英文班, 小朋友讀得會既輕鬆又有自信. 乙一才考慮放回自己直屬中學, 碰碰運氣.

作者: cameo 時間: 12-12-16 00:08

甜粟米發表於 12-12-15 16:25
St Rose 黎緊中一, 只收返自己友95個, 我女band 2尾, 點算??

其實最主要你及個女想將來中學係點??如果一心最大希望係入一間band1中學,但似乎你以乙一靠luck入番書院係最大機會咯,,,
如果想將來6年喺一間比較適合自己程度o既學校讀書,咁SRL收番幾自己友都唔關事啦~

根據小部份我女o個屆以band2生入番書院o既,話讀得輕鬆就出奇~ 始終係band1校,亦出名無乜支援,唯一最大優點係小學升上去有85%機會的band1英中,兼校風好!!!!

作者: loveDayo 時間: 12-12-16 11:34 標題: 回覆：St Rose

其實有無諗過band 2尾生，就算幸運入返直屬band 1學校小朋友會跟唔上呢？相信博入其他band 2頭中學，考入英文班對小朋友自信、能力更勝夾硬入到band 1校。

作者: 甜粟米 時間: 12-12-17 21:01

所以睇埋20號家長會, 就會有決定.

作者: YuenBaBa 時間: 12-12-17 23:22 標題: 回覆：甜粟米的帖子

其實可以咁睇：
今年四班小六，一共132人。
當平均分開三band, 即係大約Band1加Band2有88，
依家書院收足95個位，如果咁計就連Band3頭都有機會。
但另一方面，好似上面有提過，
囡囡上到去會唔會跟得好辛苦呢？
依樣都要考慮！

作者: bing-jing 時間: 12-12-17 23:37

雖則只收 95人，但好奇一問，小學部成績最 top 的十幾人，全都屬意自己中學部嗎?

作者: cameo 時間: 12-12-18 02:17

bing-jing 發表於 12-12-17 23:37
雖則只收 95人，但好奇一問，小學部成績最 top 的十幾人，全都屬意自己中學部嗎?
...

今屆唔知,,,前面最top當然唔多似甘心留喺書院,因SRL小學部做得top10-20都絕對有能力去band1A! 前一屆就有st mary,瑪莉諾,上屆有2個DGS,亦有HTC ~

又咁講,收自己友都有95個位,算多o架喇,如果"未必入到",我會先考慮係咪自己能力未到,咁搏入去為乜?? 不如搏一間程度合適o既中學,SRL啱自己讀就唔會讀完6年都,,,咩啦~

作者: cameo 時間: 12-12-19 00:22

甜粟米發表於 12-12-17 21:01
每個人的睇法都唔同, 我無野講

我都係好主觀咁講出自己睇法,所以你有自己睇法係好正常!!正如我都唔係一面倒話st rose書院零優點,始終佢係一間校風好的band1女校,你絕對可以有自己要求及方向嘛~

正正大家實話實說,呢個平台先有交流價值~~

作者: bing-jing 時間: 12-12-19 13:41

cameo 發表於 12-12-19 00:22
正正大家實話實說,呢個平台先有交流價值~~ ...

里呢句說話好正

禾好感動

作者: bing-jing 時間: 12-12-19 13:46

cameo 發表於 12-12-18 02:17
又咁講,收自己友都有95個位,算多o架喇,如果"未必入到",我會先考慮係咪自己能力未到,咁搏入去為乜?? ......,SRL啱自己讀就唔會讀完6年都,,,咩啦~

作者: odelia_ho 時間: 12-12-19 14:32

本帖最後由 odelia_ho 於 12-12-19 14:34 編輯

甜粟米發表於 12-12-15 16:25
St Rose 黎緊中一, 只收返自己友95個, 我女band 2尾, 點算??

Hi 甜粟米,
當年我個女都係因為總成績去唔係80分以上, 而放棄考書院, 自己知道, 就算書院比倒個位佢, 而阿女既成績永遠都係薦底, 會好打擊佢既自信, 所以冇報考書院, 因為我地有其它選擇, 而考左一間讀 IB 既直資中學, 佢讀得好開心又有自信
後來, 又考慮到 IB 容易pass 但不容易取得高分, 對於往後要升讀香港好的大學可能不容易, 於是係佢讀完中二後, 便安排佢去左英國讀boarding school.
另外, 朋友個女都係書院讀, 個女成績OK, 但係要日以繼夜咁做功課, 溫書, 先可以應付倒, 攪到自己壓力好大, 朋友好擔心佢做應屆(舊年)白老鼠, 於是主動要求學校比阿女留班, 今年才應考DSE
真心一句, 阿女要盡力而為, 而且一定要考自己的直屬, 如果OK左, 要加陪努力.
阿女有個同學仔, 小學成績和阿女差不多, 但上到書院, 好似開左竅咁, 而家讀得好好
但如果唔得也不要勉強, 搵一間成績和自己能力相約的, 會讀讀得開心啲

作者: 甜粟米 時間: 12-12-19 19:23

多謝各位的意見, 其實小學階段中, 今次失手, 唯有要再追啦!!

作者: cameo 時間: 12-12-19 22:59

bing-jing 發表於 12-12-19 13:41
里呢句說話好正

禾好感動

我有少少唔正常,,,我唔太鍾意聽D"客觀意見",反而好鍾意聽到不同o既用家說法(主觀就主觀),因為每個學生case都不同,我想聽多D先決定自己去向,,,我女前屆選校時,我地無要直屬位,連份模擬選校表交左返去都無人睇(咁唔好派俾我填啦),跟住我地轉埋校網,一心都係想搵間真正合適o既中學(特別係教學作風,老師態度),,,
喺其他人眼中,覺得原先咪九成九入到band1B女校囉,為乜兜咁大個圈搏另一間band1B女校???

喺學校無人問到,當時BK好多人義務PM幫我分析及支持,我當時都好感動,,,,

作者: vivi2000 時間: 12-12-20 01:52

填模擬選校表冇人睇，會不會是班主任忙中睇漏？我去年填表時，班主任逐張跟進，有問題的次序逐個圈起（好似跟頭3或5間，太耐忘記了），家長如有疑問，又可致電給班主任解答。我感覺到老師盡量照顧每一個學生。

作者: cameo 時間: 12-12-20 02:50

vivi2000 發表於 12-12-20 01:52
填模擬選校表冇人睇，會不會是班主任忙中睇漏？我去年填表時，班主任逐張跟進，有問題的次序逐個圈起（好似 ...

如果佢係忙中睇漏,,,咁做老師都可以咁甩漏,咪重驚???我係轉左校網,佢應該唔太熟識其他校網"機會率",所以無電話回覆我!
係見家長o個次傾過,我心儀係其他區2間band1女校,佢一味覺得"你放乙一入到書院係band1學校個喎",我諗佢未明白我意思,我唔係單單搵"一間band1學校",我係搵一間首要教學作風合適的學校,我心儀的2間band1學校都係偏向人情味重,兼有足夠支援的,而且同書院教學作風非常唔同 !
基本o個次傾談上,我表明意思之後,佢大概都係講o個一兩句,"咁好難入到個喎".....無其他意見俾我!!

我都相信個別老師做法會唔同,但以上切實係我當年經驗~

作者: vivi2000 時間: 12-12-21 02:24

回復 cameo 的帖子

很佩服你的勇氣，相信你女兒的成績應該不俗，否則眼前有一所bank 1中學，可謂十拿九穩，而真的為了教學理念甘於去冒險的，又能有幾人？不過，如能入到一所適合自己的中學，女兒的得著應該是事半功倍！
最後你女兒能入到心儀中學嗎？

作者: cameo 時間: 12-12-21 04:41

vivi2000 發表於 12-12-21 02:24
回復 cameo 的帖子

很佩服你的勇氣，相信你女兒的成績應該不俗，否則眼前有一所bank 1中學，可謂十拿九穩 ...

我的確有無比的勇氣,因為我女係正正冇料同人爭o個種band1B至band1C學生呀

(前o個屆唔夠band1位)
如果有能力的話,直頭小學未畢業都走人喇,喺小學階段正正感受到咩叫"作風唔適合",所以中學條路更加應該搵一間合適o既學校,,,
例如,2間同樣係band1B中學,一間重視拔尖,另一間重視補底,以我女女能力同作風(佢冇乜鬥心的),佢會適合喺後者先有機會受惠!!
我始終認為"band1生配band1校"只係講緊成績方面,呢個大抽獎遊戲無涉及學校作風,我更重視"咩類型學生就配咩類型學校"

我女當年首選上智,次選聖母玫瑰,論成績一定未夠料入上智,但兩間都係人情味極重o既好學校,我女最終入左聖母玫瑰,學校氣氛比以前開心百倍 !!!

作者: sauwaileung 時間: 12-12-26 02:29

回復 cameo 的帖子

我都好欣賞和佩服你，你是一位醒目和有頭腦的媽媽，在這無助的學校環境底下，都可以有這個決定，結果都好好，我都好為你開心。現在還咁熱心幫助其他媽媽，真是好難得。不過，我吾係好明，你話：前o個屆唔夠band1位，咁d位去咗邊，連band1生都入吾到的話，點樣分呢。另外，我想問吓你女當年首選上智，次選聖母玫瑰，咁樣，三選和四選是不是德雅和德貞呢? 謝！

作者: 霖霖B媽咪 時間: 12-12-26 12:43

回復 YuenBaBa 的帖子

提提一點, 如果係BAND 3學生, 書院是不會收的, 就算有多位.

作者: 霖霖B媽咪 時間: 12-12-26 12:53

vivi2000 發表於 12-12-20 01:52
填模擬選校表冇人睇，會不會是班主任忙中睇漏？我去年填表時，班主任逐張跟進，有問題的次序逐個圈起（好似 ...

班主任並非每個學生用心地睇. 相信佢地主力係留意最TOP那批有冇揀番書院, 最尾果批又有冇死固固填書院. 我當年直情打電話問老師可唔可以揀沙田區BAND 1中學, 佢話唔同區, 唔可以揀 ! 我補充, 書仔入面有沙田區中學可以揀, 佢只係一句話我地係九龍城區, 唔可以揀...

我就費事同佢拗. 自己問BK家長好過

作者: sauwaileung 時間: 12-12-26 17:52

回復霖霖B媽咪的帖子

你都係一位熱心媽媽，難得難得。咁最後結果如何，有無揀到沙田區中學，入到那間中學呢？謝。

作者: cameo 時間: 12-12-27 00:56

sauwaileung 發表於 12-12-26 02:29
回復 cameo 的帖子

我都好欣賞和佩服你，你是一位醒目和有頭腦的媽媽，在這無助的學校環境底下，都可以有 ...

唔好讚到我咁勁啦,我咁決絕,都要多得小學部俾我一個咩感覺,先可以令我下定決心,到最終搵到間真正合適學校咋!
至於我幫唔幫到人,就真係見人見智,我每次喺某D post打完數大段之後,無耐就有新人出嚟刻意嘈交(離晒題o個種),嘈到版主封帖,我只係主觀咁覺得,有人愛學校愛到過火了,唔想有負面訊息影響到自己女女間學校卦?? 但我又唔想某D家長正為小朋友搵學校而接收左錯誤資訊,所以都忍唔住又留言~~~

講番我女選校先,SSP區本來係唔夠band1位俾本區band1生,亦可以於當屆電話查詢到SSP區內有幾多band1生(但只知人數,唔可以知道/估計到去向,可能跨左網),到我女派位o個屆如常唔夠band1位~
我填乙三德雅,乙四係他區band1校~ 德貞喺區內口碑頗差,我唔記得填到好尾or冇揀啊~

作者: 霖霖B媽咪 時間: 12-12-27 09:29

班主任並非每個學生用心地睇. 相信佢地主力係留意最TOP那批有冇揀番書院, 最尾果批又有冇死固固填書院. 我當年直情打電話問老師可唔可以揀沙田區BAND 1中學, 佢話唔同區, 唔可以揀 ! 我補充, 書仔入面有沙田區中學可以揀, 佢只係一句話我地係九龍城區, 唔可以揀... 我就費事同佢拗. 自己問BK家長好過

點評cameo 我都好難相信老師唔知有"他區位"呢樣野,佢唔知應該先去理解,唔係亂答你嘛~ 發表於 8 小時前

算啦, 咪當笑話一則囉 ! 佢地大部份人都係諗住直上中學, 老師都唔駛點理出面學校既情況啦!

作者: 霖霖B媽咪 時間: 12-12-27 09:47

sauwaileung 發表於 12-12-26 17:52
回復霖霖B媽咪的帖子

你都係一位熱心媽媽，難得難得。咁最後結果如何，有無揀到沙田區中學，入到那間中 ...

其實去左邊間中學並唔重要, 最重要係揀間岩既學校比小朋友.

眼見亞女常常同我講學校既生活, 亦非常活躍於學校既活動, 學習既動力亦漸漸提高. 和老師既關係亦緊密好多, 我就知佢很享受現時既學校生活.

身邊太多家長只向band 1英中出發, 但卻忘記了自己小朋友的性格和能力是否適合.其實只要搵到一間岩小朋友既學校, 小朋友就有可能發揮到佢內在既潛能. 這遠比留在一間作風唔岩的學校, 做墊底既一層, 更有返身既機會 !

歡迎光臨教育王國 (/)