教育王國

標題: 朋友幫仔仔選中學, 話最重要學校不可放學生出去吃飯??? [打印本頁]

作者: GIGI168 時間: 12-11-21 15:11 標題: 朋友幫仔仔選中學, 話最重要學校不可放學生出去吃飯???

佢話乜都係假, 最緊要學校唔比出外吃飯, 你地會否是考慮之列???

作者: 2隻臭豬 時間: 12-11-21 15:18

回復 GIGI168 的帖子

會, 不過唔係最重要 , 如果自己鍾意個間可以出去食我都會揀

作者: ohnono 時間: 12-11-21 15:30

有d係中一至中三唔比，中四或以上就比。

作者: 杰杰媽媽 時間: 12-11-21 15:56

我會睇,但唔係最主要, 越遲可以出街食就最好啦

作者: ‵v′bb 時間: 12-11-21 16:18

杰杰媽媽發表於 12-11-21 15:56
我會睇,但唔係最主要, 越遲可以出街食就最好啦

me too

作者: ohnono 時間: 12-11-21 16:28

阿仔學校中一都可以出外吃飯，經過第一年好奇心驅使外出和朋友吃飯之後，今年鳥倦知還了，邊度都唔想去，留在學校飯堂，吃完還可睇下別人打波。

當然考慮時還要看學校的地區，那些較僻的，或者附近沒有選擇的，倒不如留校午膳算了。但情況許可的，有時識得放下，佢行極都唔會行好遠。你成日收緊晒，佢越想走，走得更遠去逃避大人的魔掌！

作者: Charlotte_mom 時間: 12-11-21 21:51 標題: 引用：佢話乜都係假,+最緊要學校唔比出外吃飯,+你

原帖由 GIGI168 於 12-11-21 發表
佢話乜都係假, 最緊要學校唔比出外吃飯, 你地會否是考慮之列???

誇張手法姐，有家長會考慮不過吾會係最重要因素lor。我女果間四野無人，我地都好放心

。包保無機會lunch去wet

作者: cmvfamily 時間: 12-11-21 21:57

我都覺得唔出去食飯，好似好d，但唔係最主要因素。

作者: One-Mama 時間: 12-11-21 22:22

如果只係食物之考慮, 大可自備飯盒, 但如果為了阻止仔仔隨街走, 就以此為選校首要考慮, 便有點斬腳趾避沙蟲吧.

作者: Meikin 時間: 12-11-21 23:06

本帖最後由 Meikin 於 12-11-22 00:41 編輯

我都覺得唔出去食有好處, 但選校時冇諗過這方面, 只要入到心儀的學校, 入郷隨俗啦.

阿仔嗰間中一規定留校食飯盒, 今年中二有得出去食, 最初一個月真是興致勃勃出去揾食, 但好快就知揾食艱難, 上上落落, 又要等位, 最近的商場food court又貴, 去遠些又花時間......結果都係多數留在學校canteen買野食, 食完仲夠時間打波或做其他事.

我曾經都擔心過佢外出午膳的安全問題, 不過遲早都有第一次, 唔擔心得咁多, 惟有多叮嚀佢過馬路小心D.

作者: km822 時間: 12-11-22 00:11 標題: 回覆：GIGI168 的帖子

呀仔剛升中一，選學校時真係完全無捻過呢一方面。呀仔學校中一已經可以出外食飯，但係佢都好少出去食，因為學校又平又好味喎，重可以留番啲時間打乒乓球。反而佢小學同學入左間中一至中五都冇得出去食飯嘅學校，呢位同學形容自己似坐緊監。

作者: mayc 時間: 12-11-22 08:15

大家留意吓,Banding 越高的學校,管得越少!

作者: Yanamami 時間: 12-11-22 08:58

本帖最後由 Yanamami 於 12-11-22 09:00 編輯

阿囡間女校, F1仔第一日番學(非夏令時間)都要出外食lunch. 學校無飯堂/ 訂飯. 不過lunch time 係11:20a.m. 食頭輪, 唔洗爭位之餘亦少機會碰到他校學生或其他食客. 佢地食完其他學校先放lunch. 所以呢個安排都OK.

作者: yschau 時間: 12-11-22 09:07

mayc 發表於 12-11-22 08:15
大家留意吓,Banding 越高的學校,管得越少!

講得啱

作者: connie0420 時間: 12-11-23 15:40 標題: 回覆：朋友幫仔仔選中學, 話最重要學校不可放學生出去吃飯

冇得出去食飯,我覺得不是太大問題,最重要係吾係心儀學校,校風好

作者: bb86 時間: 12-11-23 15:44

我會睇,但唔係最主要考慮

作者: jj7723 時間: 12-11-23 16:05 標題: 回覆：mayc 的帖子

又好似係wor!
我地呢區2間B1A 中一已經出街食, 反而幾間B3要中三先可以。

作者: ELJCHL 時間: 12-11-23 23:27 標題: 引用：Quote:杰杰媽媽+發表於+12-11-21+15:56+我

原帖由 ‵v′bb 於 12-11-21 發表
me too

Yes agreed

作者: fion6406 時間: 12-11-24 00:04 標題: 引用：大家留意吓,Banding+越高的學校,管得越少!

原帖由 mayc 於 12-11-22 發表
大家留意吓,Banding 越高的學校,管得越少!

或者樓主朋友正是要揀選Band 2尾/3 學校，所以校風緊要，要揀些管得嚴的。

作者: ohnono 時間: 12-11-24 00:13

我又唔覺乜野band 1學生可以管自己，band 3學生就唔可以自己管自己！
BPS夠係band 1頭喇，咪一樣低班唔可以外出。

其實我覺得大部份band 1學校都經歷有半世紀，校舍的位置多是近住宅和市中心，校舍的設計在當時是沒有考慮到預留空間給用作飯堂。迫不得以才因循著以往的做法，午飯時放學生外出。

相反band 2、3的學校較新，設計上已顧及全日學制，早已預留地方作飯堂之用，亦騰空地方給學生休息。因此實有利於學校推行校內就食，除可協助家長提供有營養的膳食之外(家長一定喜歡，起碼唔駛擔心佢地在外面唔知食埋d乜野)，還可培養同學對學校的歸屬感。早幾年九華在家教會的協助下，改善了午膳的供應和服務，令一眾同學可在如此舒適的環境下享用午膳。

作者: longlokma 時間: 12-11-24 00:30 標題: 回覆：ohnono 的帖子

留不留校午餐，個人相信和校舍設施無關，因無饭堂的學校如小學也可安排午餐公司送飯盒在課室吃。反而，我相信和校風有相當關係，觀乎校風較佳的學校校規會相对寬鬆，故容許中一開始出外午餐，鼓勵學生自理自律，而普遍band1 學校一般校風較好。当然，有些學校位置半山或偏遠地区則無法不留校午餐了。但以這点作為選校因素又真是頗特別的。

作者: hoihoima 時間: 12-11-24 00:48

回復 GIGI168 的帖子

I have never thought that whether a F.1 boy can go out for lunch would be a consideration for choosing the secondary school. I would find it normal if this topic is in 小一選校.

When I was in secondary school, there was no restriction for going out for lunch from Form 1. Most of the students went out for lunch. We went to the nearby food court, a very small mall, etc. for lunch. That was really a good time to mingle with classmates and breath "fresh air" outside school. Hmm...is it because there are more and more bad guys in town so this has become a big security issue, or children / teenagers have much less discipline than us in the past so that parents have to avoid them leaving the school for lunch?

歡迎光臨教育王國 (/)