教育王國

標題: 應該選林漢光 or 鄭榮之? [打印本頁]

作者: cfmama 時間: 12-11-16 14:00 標題: 應該選林漢光 or 鄭榮之?

小兒應是band 2, 在大抽獎想選一間band one 尾的博博彩數, 其他就選 band 2.
請問若是這樣的話, 應選林漢光 or 鄭榮之較適合?

另請問自行是否等於甲部, 大抽獎 = 乙部(選30 間)?

謝謝大家幫忙.

作者: csy_ma 時間: 12-11-16 14:09

舊年有人話林漢光已升呢做band1中？？

我囡舊年去咗沙田區兩間學校叩門，林漢光既錄取通知仲遲過培英（不過培英數學筆試係全選擇題，我囡準確度應高過實際計答案好多，但阿囡話英文卷林漢光勁淺，15分鐘就搞掂，倒是培英既有返咁上下深度），唔知佢係唔係叩門階段好搶手？

（林漢光係逢報名既都有筆試，培英則揀約百人）

作者: csy_ma 時間: 12-11-16 14:12

回復 cfmama 的帖子

甲部同乙部都係大抽獎階段既，甲部三間，可跨區，乙部卅間限本區

自行係揀兩間（體藝除外），一般黎講，自行多半盡收成績最厲害果班，所以band2響呢個階段好難博band1，除非有特異功能……

作者: cfmama 時間: 12-11-16 14:26

csy_ma 發表於 12-11-16 14:09
舊年有人話林漢光已升呢做band1中？？

我囡舊年去咗沙田區兩間學校叩門，林漢光既錄取通知仲遲過培英（不 ...

謝謝你的回覆. 林漢光遲通知, 我估係要等其他勁band 1 派好晒先confirm 到? 畢竟家長都希望入到間更好的. 不過如果佢升左做band 1 中, 可能我就高攀唔起!

題外話: 咩唔係教育署不準考筆試?

作者: cfmama 時間: 12-11-16 14:28

csy_ma 發表於 12-11-16 14:12
回復 cfmama 的帖子

甲部同乙部都係大抽獎階段既，甲部三間，可跨區，乙部卅間限本區

另請問 csy_ma, 我咁樣在大抽獎時候博一間band 1 尾是否正確, 會唔會風險太大害阿仔派得差呢?

作者: 杰杰媽媽 時間: 12-11-16 21:20

本帖最後由杰杰媽媽於 12-11-17 01:09 編輯

如1st choice係博BAND 1 既,2nd choice最好填BAND 2b/c 會安全D, 如果萬一係BAND 2 生,咁樣填都應該唔會派得太差,除非NO.真係好後.

(只限沙田區)

作者: adaleung0716 時間: 12-11-17 00:33 標題: 回覆：應該選林漢光 or 鄭榮之?

我個仔是bank 2，我第一偕段報鄭榮之，抽獎都有㝍鄭榮之。。。好lucky 派左鄭榮之。。

作者: KAP 時間: 12-11-17 01:12

Higher chance to put 1st choice for 林漢光 even your daughter in Band 2 level.

作者: tracy668899 時間: 12-11-17 13:41

回復 cfmama 的帖子

你好~ cfmama

我仔都係band two頭(上次呈分時, 老師話係根據今次成績, 全級5x), 就當暫時keep住此成績,所以我都想博一間band 1尾既中學, 我心目中都係鄭榮之同林漢光, 我都係怕太進取, 令都阿仔派得唔好~

我諗住自行第一考鄭榮之or林漢光(鄭榮之近屋企d, 我就鍾意林漢光多d)
自行第二間會選一間band2 (心目中係陳振夏or梁文燕)

填表都會 1st 鄭榮之or林漢光
2nd 陳振夏or梁文燕 (我多數撰梁文燕覺得佢係band2中, 會易入d同近屋企, 但都算唔太差, 比較safe d)
如果band two你會選邊間? 同埋你會唔會考慮直資? 我諗住考培基~
不過現時就希望更加努力考好之後呈分試, 上得番band 1就好好多~

tracy668899

作者: cfmama 時間: 12-11-17 19:05

杰杰媽媽發表於 12-11-16 21:20
如1st choice係博BAND 1 既,2nd choice最好填BAND 2b/c 會安全D, 如果萬一係BAND 2 生,咁樣填都應該唔會 ...

Thank you 杰杰媽媽的提醒. 這個遊戲真難玩!

作者: cfmama 時間: 12-11-17 19:06

回復 adaleung0716 的帖子

你咁好彩, 恭喜你

作者: cfmama 時間: 12-11-17 19:08

KAP 發表於 12-11-17 01:12
Higher chance to put 1st choice for 林漢光 even your daughter in Band 2 level.

謝謝你的意見. 但可以說說原因嗎? 鄭榮之會多人揀一些嗎?

作者: cfmama 時間: 12-11-17 19:14

tracy668899 發表於 12-11-17 13:41
回復 cfmama 的帖子

你好~ cfmama

你好 tracy668899
我仔冇你仔咁好成績, 加上佢表達能力較低, 不是能言善道那一種, 好多直資都話interview 佔好大比重, 所以對考直資沒有大信心.
band 2 我想揀基督, 梁文燕都好好, 不過佢要預留好多比聯繫小學, 所以以基督排先.

作者: tracy668899 時間: 12-11-17 21:37

回復 cfmama 的帖子

HI, cfmama,

你太謙啦, 大家都係為仔女, 其實佢地盡左力就算, 有d小朋友天生讀書材料, 但我仔成日要日哦夜哦, 哦到我自己都覺得煩先叫好d咋~
其實我覺得基督重好過梁文燕, 就算梁文燕有聯繫小學(沙官), 沙官d學生都未必會選粱~

希望大家仔仔都選到心儀既中學~ 加油!!!

作者: adaleung0716 時間: 12-11-17 22:51 標題: 回覆：應該選林漢光 or 鄭榮之?

我覺得第一階段先傅下先2間都in 左先，抽獎甲部都填頭2間band 1,但乙部就一間band 1,其他填band 2,不要太傅，因我上年有好多mama 1,2都band 1(個仔band 2).....都派到第4，5志願

作者: nc2000 時間: 12-11-18 01:17 標題: 回覆：cfmama 的帖子

全進取型自行可搏兩間b1，林漢光，榮之，郭得勝都可考慮！根據上年經驗，林漢光較榮之受歡迎，你可考慮一下如何排位！大抽獎都係以上三選一，博執下雞！

作者: 2隻臭豬 時間: 12-11-18 15:42

回復 cfmama 的帖子

我覺得你應該考慮吓, 如果小朋友真的屬於band 2 , 比你博到入一間band 1中學, 他可能會讀得好辛苦, 對佢黎講係咪好事呢? 我個女的同學今年入佐林漢光, 讀佐2個月佢真係話好辛苦好想走, 佢地係全英教學包括通識科, 佢一向小學成績唔差的, 可能未適應或者真係好多功課做, 林漢光都係一間好好的學校, 我上年揀學校首選考慮自己個女的能力, 我個女係band 1 尾, 但我揀佐一間band 2頭的學校比佢讀, 而家都覺得好吃力, 要知道一上佐中一真係好多野都唔同哂, 尤其係上堂要用英文聽書, 功課測驗統測考試樣樣多, 慶幸so far 到而家, 所有測驗統測只係衰佐一科中文(爭1分合格), 其他全部謹謹合格, 而家讀書真係辛苦同難佐好多, 希望你可以幫你小朋友搵到一間岩佢的學校!!!

作者: bonme 時間: 12-11-19 09:58

其实大多数学校都想保持成绩，因此就算band two的有些也很多功課，林漢光比想像中多測多功課，但都好看小朋友的態度，我個女同班同学有D馬馬虎虎很快完成，有D用心做就多D時間，一分耕耘，一分收穫

作者: cfmama 時間: 12-11-19 16:41

2隻臭豬發表於 12-11-18 15:42
回復 cfmama 的帖子

我覺得你應該考慮吓, 如果小朋友真的屬於band 2 , 比你博到入一間band 1中學, 他可能 ...

謝謝你的意見. 你的提議我真的有想過, 心裡面都覺兩難, 老公很想仔讀英中, 因為佢覺得個仔係你迫佢, 佢會做, 但你讓佢hea, 佢會很開心地hea下去的仔. 我明白做仔當然想hea. 有時我覺得做中間人的我很大壓力. 害怕找一間勁的阿仔覺得吃力+討厭讀書, 找一間令佢輕鬆的, 又怕他前途似"咁"...唉!
無論如何謝謝你的意見. 我會好好想想的.

作者: 杰杰媽媽 時間: 12-11-19 18:21

band 1尾既英中都可以唔太谷,我仔個間日日都好少功課,多數係預備工作多

我堅持留返一半屋企時間俾個仔玩既阿媽黎,因我知佢係唔迫得既人黎, 溫書一過一半時間就會發癲

作者: 杰杰媽媽 時間: 12-11-19 19:16

都係個句，睇返自己小朋友係邊類人，揀返間岩佢讀既學校。

就算間學校成績幾 top都冇用，到時佢唔想讀書都冇晒計。只會害佢一生。

作者: 2隻臭豬 時間: 12-11-20 10:22

回復杰杰媽媽的帖子

係呀, 尤其係F1-F3呢D反叛期階段, 先要條件係希望佢唔好學壞, 佢讀唔讀書已經唔係講你迫唔迫到佢, 中一已經開始唔係幾想聽你講野, 到F.2&F3真係暴風少年期的開始, 最緊要keep 住同佢d關係好d , 我真係見好多F.1開始, 覺得讀書辛苦, 個阿爸阿媽又成日嘈個女, 攬到佢無哂興趣讀書跟住學壞的例子, 有D直頭向電話開埋個群組黎抄功課,逃學呀咩都有, 我講緊係BAND 1學生, 所以真係要了解自己的仔女, 再幫佢揀一間岩佢的中學為首要

作者: cfmama 時間: 12-11-20 16:54

杰杰媽媽發表於 12-11-19 18:21
band 1尾既英中都可以唔太谷,我仔個間日日都好少功課,多數係預備工作多

我堅持留返一半屋企時間俾個仔玩既 ...

杰杰媽, 咁你仔仔讀邊間英中? 竟然唔太谷, 好好喎!

作者: 杰杰媽媽 時間: 12-11-20 17:15

本帖最後由杰杰媽媽於 12-11-20 17:20 編輯

我仔差唔多日日都係得3-4樣功課,一星期先有一日會7-8樣功課........所以我仔如果個日有7-8樣功課就會牙痛咁聲

(今日就係咁啦!)

佢放學打電話俾我時,等我以為佢唔舒服tim, 原來因為今日多左少少功課,唔多開心

作者: 杰杰媽媽 時間: 12-11-21 10:58

天主教郭得勝中學

作者: cfmama 時間: 12-11-21 13:08

杰杰媽媽發表於 12-11-21 10:58
天主教郭得勝中學

謝謝你回覆! 要去看看....

作者: cfmama 時間: 12-11-21 14:40

有一問題想請教大家:

我網上搵料之時, 我常見教育王國內有很多家長都教人不要選band 3 (特別明年升中人數大減) 真的派不好寧願選直資. 我聽了好幾間的直資講座, 我覺得直資一點也不容易入, 一樣很講究成績和課外活動表現, 是沙田區的直資難入, 還是其實最後成績不大好的也可以入呢? 大家有這方面的經驗嗎? 能分享一下嗎? 我自己被那些直資升中講座嚇得什麼信心也沒有.

作者: himitsu 時間: 12-11-21 15:07

杰杰媽媽發表於 12-11-21 10:58
天主教郭得勝中學

謝謝你回覆

歡迎光臨教育王國 (/)