教育王國
標題: 請問 梁文燕 / 基督 書院 是 band ? [打印本頁]
作者: TracyC 時間: 12-11-9 10:02 標題: 請問 梁文燕 / 基督 書院 是 band ?
請問 梁文燕 / 基督 書院 是 band ? 哪間較難入 ? 算熱門受歡迎中學 嗎 ?
作者: 2隻臭豬 時間: 12-11-9 10:35
2間都係BAND 2, 基督多人揀D, 沙田區BAND 2 黎講, 基督是受歡迎的
作者: TracyC 時間: 12-11-9 10:40
回復 2隻臭豬 的帖子
2012 基督 / 梁文燕 現 是 band 2 頭 中 尾 ?
作者: tungyanmama 時間: 12-11-9 11:23
我兒正是在基督讀中一，他是九龍出名小學既band two頭，基督大概band two頭至中，我初時入到此校都怕學校程度淺，但經過2個月時間觀察同今次UT出既卷，程度不比band one尾差，因我經常同其他band one學校家長朋友傾下教到邊，出D咩野。最令我放心就係校風，我仔經常口不擇言（得罪人多），怕會比高年班蝦，又怕比同班同學打，但2個月來沒有發生以上的事，學兄學姐對後輩很好，我兒2個班主任超有耐性，當然幫我兒化解不少爭執，我經常午飯都專登去附近吃飯（中一要留校午飯，所以我自已吃），他們學生校風行為拍得住無玷，在校內兒子都話學生好乖，所以我仔行為都有改善，同時以前我吾迫佢，佢吾溫書，現在佢居然每天都會自己主動溫，成績比小學有進步，學校行政都很好，我現在很放心，絕對無選錯學校
作者: TracyC 時間: 12-11-9 14:07
回復 tungyanmama 的帖子
九龍城區名band2
請問你是自行嗎 ?
甲部有沒有選 ?
作者: tungyanmama 時間: 12-11-9 18:28
小學在油麻地區，因區內band two得一間，而我又會搬入馬鞍山，經過問過好多在沙田住朋友，上網收集資料同實地考察，最後自行第二選基督（自行第一是band one尾），最初我擔心程度淺，又有網上話附近雜，但入讀後一D都吾覺得雜（可能比起油麻地、大角咀），又有網友話怕隔離間band three,但隔壁學校已經不收中一，只剩一小部份高年級生，我兒話佢地行為都不太差，所以我仔經常留校溫書至6：00才回家，我都很放心。甲部第三
作者: mstamtam 時間: 12-11-9 19:38
回復 TracyC 的帖子
基督 書院 is Band 2 A/B, not sure about 梁文燕 but it surely is Band 2. From what I heard from parents, students of the former quite enjoy the school life and the teacher-student relationship is quite good. Seems the fomer's reputation is better.
作者: Mokch 時間: 12-11-14 13:04
你好！我小朋友今年叩門入讀梁文燕中學，因我哋住油尖區，所以叩門前特別打俾做警察的朋友問一下梁文燕及德信的校風，得到回答為：兩間學校都ok, 無犯事記錄，德信係band2, 梁文燕係band1尾，band2頭，校風純樸，絕對無問題。梁文燕差不多每星期都有各科嘅默書同測驗，亦已開咗一次家長會。從班主任口中，你知佢地真係有留意每個小朋友，佢連小兒嘅性格都講得番出來。我覺得佢屬band幾都好，校長老師都有心攪好呢間學校，實在值得推薦！
作者: TracyC 時間: 12-11-15 10:36
吓 ? band 1 尾 ? 請問你小朋友 本身 band ? 我仲以為 是 band 2 中 , 點算 ? 叩門 要考咩 ? 或 要達 甚麼級 (成績, 操行 ) 才有機面試呢 ?
作者: Mokch 時間: 12-11-15 11:41
Hi TracyC, 我仔本身讀新油天, 老師話佢係BAND 2頭, BAND1尾, 佢報自行時INTERVIEW過ST. FRANCISES, 但最終收唔到佢, 派位亦唔好彩, 老師話有幾個差過佢嘅都入咗SF, 所以我地先去沙田區叩門. 梁文燕唔會見哂所有叩門嘅小朋友, 亦無明文講最低要求, 我仔成績為ABB, 操行B+以上. 面試時有兩位老師一齊考, 內容有讀一篇中, 一篇英, ORAL, 俾D畫你睇, 再分享感受咁. 後來李國X, 聖瑪加X, 德X, 莫X堯等一共七間學校收我仔, 我地都係去梁文燕, 因為我地覺得佢地純樸, 環境好, 相對其他學校, 佢交通方便. 可能我仔底子較好, 你見佢依家讀得好有信心又好開心, 唯一我自己介意嘅佢係中中, 不過校長好有心幫學校升呢! 今年中一有一班英數班, 明年全級中二用英數, 其中一班改為英科咁, 不斷語文微調, 好值得讚.
作者: Mokch 時間: 12-11-15 11:46
你都可以問下其他人其他學校係點, 因我住TST, 對沙田其他學校唔係太瞭解, 梁文燕都係朋友介紹俾我, 我仔讀梗, 我先有以上感覺. 希望對你有幫助啦!
作者: 2隻臭豬 時間: 12-11-15 11:58
回復 TracyC 的帖子
梁文燕應該唔係band 1尾, 有3個朋友個女讀緊, 佢地都係band 2中, 沙田區band 1尾有鄭榮之, 林漢光, 郭德勝, 有人話聖心都係, 佢地全部都係4班全英
作者: Mokch 時間: 12-11-15 12:20
梁文燕紀念中學 (沙田區)
本帖最後由 redkoni 於 12-4-20 08:50 編輯
中一學額
2011-2012年度的數字
梁文燕紀念中學中一 36*4 = 144人
自行位 = 43
留班位 = 8
統一派位甲部不受學校網限制學位 = (144-43-8)*75%*10% = 7
統一派位乙部聯繫保留位 = (144-43-8)*25% = 23 (沙田區:23 )
統一派位乙部非保留位 = (144-43-8)*75%*90% = 63 (油尖旺區:3 + 深水埗區:3 + 沙田區:57)
其聯繫小學的優勢
正常情況，沙官小的Band1學生都會選沙官中，所以選梁文燕應該衹有Band2學生，如是者Band2學生多於23個聯繫保留位便要抽獎，電腦如何處理可參考前帖的例子。
2012-2013年度的數字及分佈
中一學額 36*4 = 144人
自行位 = 43
留班位 = 8
統一派位甲部不受學校網限制學位 = (144-43-8)*75%*10% = 7
統一派位乙部聯繫保留位 = (144-43-8)*25% = 23 (沙田區:23 )
統一派位乙部非保留位 = (144-43-8)*75%*90% = 63
( 油尖旺區:2 + 深水埗區:8 + 荃灣區:5 + 沙田區:48 )
總結：由於聯繫收全Band2學生的關係，所以大抽獎也是沙田區校網Band2學生的選擇之一。據明報資料：2011年自行分配收211份申請表。
作者: Mokch 時間: 12-11-15 12:29
根據Redkoni嘅資料, 梁文燕係BAND2, 只係警察朋友幫我地搵警察學校關係主任CHECK嘅時侯, 個伙計咁答, 佢就咁講囉.
作者: Mokch 時間: 12-11-15 12:56
本帖最後由 Mokch 於 12-11-15 12:57 編輯
回復 Mokch 的帖子
MUMMYSIK 你好, 可PM你嗎?
作者: TracyC 時間: 12-11-16 10:23
九龍城 band 3 頭 自行 有沒有機 ? 因去沙田博升Level , 梁 強項 是甚麼 ?
作者: Mokch 時間: 12-11-16 11:13
運動強項係劍擊, 佢有自己嘅攀石場咁, 你可去學校個WEBSITE睇下
作者: pineapple0983 時間: 12-11-16 17:39
真係估唔到梁文燕升 lev 升得咁快......
作者: nc2000 時間: 12-11-17 00:03 標題: 引用：九龍城+band+3+頭++自行+有沒有機+?+++因去
原帖由 TracyC 於 12-11-16 發表
九龍城 band 3 頭 自行 有沒有機 ? 因去沙田博升Level , 梁 強項 是甚麼 ?
作者: 鋒媽 時間: 12-11-20 16:56
回復 tungyanmama 的帖子
唔該我想知多啲基督書院情況?開幾多班英文班?校舍環境(因見到資料校齡好久)?老師是否會對比較差成績同學補習?等等.....
作者: tungyanmama 時間: 12-11-21 20:07
回復 鋒媽 的帖子
基督書院有一班全英文班, (包括地理,西史,數學,科學,電腦), 而其他3班係英語申廷,有25% 課時用英文,(地理,西史,數學,科學,電腦),所以其他班買書例如地理,會買2本中文,1本英文. 如入到英文班,同BAND 1 尾差不多,不過通識4班都係中文教,阿仔話用英文上課老師不講中文的, 至於校舍環境真係舊D,我成日覺得佢地個禮堂好暗,唔夠光,同埋個有蓋小食部好細,比起阿仔小學還要細,不過阿仔已經習慣左.
校長話老師經常會留校至7:30(唔知係咪真),如有課堂上不明可放學去問,阿仔有時在校有野唔明就約老師放學問(要預約),如果特別成績差我又唔覺學校有補底,但是學校要求中,英考試必須合格,如其中一科不合格,會有1-2星期補英OR補中班,跟住補考,若補考都唔合格,會留班,因7月註冊,考呈分嗰幾日見到好多學生補課及補考.
學校操行係用分數,做得好有1分加,若果上堂多口,唔交功課,頭髮過眉等等就扣1分,65底分,110以上就有優點,(呢個方法我覺得幾好,以前我個仔叫極佢剪頭髮都唔肯剪,現在每2星期自動自覺同我講要剪,同埋自己會留意在校儀容,操行,佢怕比人扣分)
最好係老師有愛心,又包容,可能比起阿仔小學老師,他們更加為學生付出,阿仔話有同學成績差係唔會比人笑,(以前成績差小學老師係會點名訓話),今年轉左校長同副校,去過幾次學校講座,活動,我覺得他們有一團火,係有心辦學同想學校更上一層樓 (我老公話其中一個副校個樣似有頭髮既金剛)
.
12月15日會有個中一資訊日,如有興趣可去參觀一下校舍,同埋見下D學生,阿仔話佢地班會有朗誦表演,我上年都有去中一資訊日
作者: 鋒媽 時間: 12-11-24 11:26
回復 tungyanmama 的帖子
Thanks! tungyanmama,
我還想知道Lunch是否一定要留校食.
| 歡迎光臨 教育王國 (/) |
Powered by Discuz! X1.5 |