教育王國

標題: 校董或校監推薦信有用嗎? [打印本頁]

作者: vivien4888 時間: 12-10-10 21:29 標題: 校董或校監推薦信有用嗎?

或直接打電話較好

作者: csy_ma 時間: 12-10-11 01:29

梗係有用啦，莫講話中學，就算係外國名牌大學，校董或校監既推薦都好有牙力，近乎直入咁滯。我都聽過唔只一位阿囡既小學同學呢d咁猛既推薦，通常，佢地第日就會接到校長親自打黎既約見電話，成數有幾高，你自己諗吓勒

作者: peaceandlove 時間: 12-10-11 01:41

校監是一所學校或一個教學團體的太上皇，權力最大。
校董次一級，但都有影響力，端看他的地位、權力、信受性，會有點差別的。

作者: One-Mama 時間: 12-10-11 08:28

本帖最後由 One-Mama 於 12-10-11 16:19 編輯

個人始終唔贊成用人事推薦既形式升學, 更何況已經係中學生, 從孩子方面要考慮:

1. 學校是否真的是孩子的正確配對, 特別係教學程度方面, 錯配對孩子是極其痛苦之事, 重新再配更大傷元氣, 廢時失事;
2. 打擊孩子的自信心之餘, 為怕辜負了別人的期望而徒添一份壓力;
3. 影響孩子價值觀, 日後成長路上是否亦以人事方式去解決問題, 無視常規;
4. 影響孩子學習動力.

一般家長要獲得一封校董/校監的推薦信殊不簡單, 除非真的近親或用不知甚麼牌張吧, 是否值得? 最終是否如願入到心儀學校或達到培育孩子的目的, 真的見仁見智. 以此乃個人愚見, 請勿見怪.

作者: mrs.so 時間: 12-10-11 09:42

我個人都覺得憑成績靠實力入學先係為孩子最好既配對.

作者: Glau 時間: 12-10-11 10:02

本帖最後由 Glau 於 12-10-11 10:06 編輯

有用架, 不過有關人士都會睇下你咩水平, 先會幫你寫信.

作者: vivien4888 時間: 12-10-11 23:33

多謝各位的意見。

作者: thenewipad 時間: 12-10-11 23:45

i think it works for most of secondary school but may not work for some of top
DSS (such as SPCC / DGS) as they have too many referral and too many elite student waiting to get into the school

作者: vivien4888 時間: 12-10-12 22:59

小兒成績也是B.1A的，只擔心他抽獎失敗，

但也非常所謝各位。

作者: Charlotte_mom 時間: 12-10-12 23:21 標題: 回覆：校董或校監推薦信有用嗎?

我知有小朋友夾住校董推薦信申請小一，照out

作者: Law12345678 時間: 13-3-29 01:33

我都想要·······

作者: 憫父 時間: 13-3-29 10:10 標題: 回覆：校董或校監推薦信有用嗎?

如果操行差的話，推薦信的用途真的有限，如果學生各方面都好好的話，有推薦信會有著數。有時校董推薦信唔及小學校長既推薦信，始終小學校長係教育界人士，亦較大機會見到個學生，校董可以係家長、校友或其他行業人士，唔係教育界，若彼此不屬於同一辦學團體的話，封推薦信效能唔及小學校監或小學校長推薦信。

作者: vincher 時間: 13-3-29 20:48

睇下邊種：欏住B學校校監或校董嘅推薦伩，去申請A學校•••••唔睇呀!

:
欏住A學校校監或校董嘅推薦伩，去申請A學校••••百分百入啦!

作者: IRON 時間: 13-3-31 12:47

校董位都有限架! 我AUNT都一早問我仔去唔去果間書院, 因校董位得幾個, 好多人搵UNCLE嘛, 邊推薦得咁多. 不過我地無簡呢, 阿仔話想去就自己去考喎.

作者: chumamma 時間: 13-3-31 23:16

vivien4888 發表於 12-10-10 21:29
或直接打電話較好

前年....

我識幾個, 都係家長親眼見到校長打電話, 攪掂, 入讀名津中學。

學生 (無特異功能, 操行 A+) 同埋家長, 循例去見中學校長, 學生不回答任何一句, 校長問, 你到底係唔識答定係唔答, 學生仍然不答, 家長好炆, ......

最後都收咗, 因為校長打電話的關係。

我同意樓上有家長講, 係錯配, 今天的學生, 成績慘不忍睹, 佢媽好谷氣。

作者: ohnono 時間: 13-4-1 00:25

樓主有冇諗過自己寫一封自薦信，唔知成效有幾大，但成效一來，這封自薦信不比甚麼校監、校長的差！

作者: smallfoothk 時間: 13-4-1 13:56

校董或校監推薦信是白紙一張,得個簽名/用名片都得,近乎99%直入咁滯

作者: ANChan59 時間: 13-4-1 14:35

ohnono 發表於 13-4-1 00:25
樓主有冇諗過自己寫一封自薦信，唔知成效有幾大，但成效一來，這封自薦信不比甚麼校監、校長的差！ ...

看個別辦學團體，部份給予校董/總理每年少數目(1-2)的推薦位，真係直入。部份無指標，面試後，成績一樣，有推薦信者自然佔優。
自薦信寫了不少，效果看不同學校有不同處理，我覺得效用一般，略盡人事而已。2000+人申請，點睇得晒！如果200-500人申請，睇的機會高些！

到香港各大學看學生的Personal Statement，多數都唔係點睇，可能到Tie break 或面試前5分鐘先睇。

作者: ohnono 時間: 13-4-1 16:11

ANChan59 發表於 13-4-1 14:35
看個別辦學團體，部份給予校董/總理每年少數目(1-2)的推薦位，真係直入。部份無指標，面試後，成績一樣，有 ...

如果我沒記錯，你當日曾提及的自薦信，present得好好，應該有的資料有，幫到力的都有。先唔好諗成效，又係果句，當機會來臨時，就能發揮效用。你又說得對，自薦信自己可以間間學校寫，但人家的推薦信不論幫到力與否，寫完就沒有了。

當個個都知道某幾個人的推薦信是有用的時候，又係個個千方百計去找他。一千多人的面試，最後又係一千多人找這個人寫推薦信，就算幾有力都不得了，重難過憑自己實力進身學校。

可以找到人家寫推薦信當然好，但真的可憑人家的推薦信而成功的，都係得還看天意！

作者: ANChan59 時間: 13-4-1 16:40

回復 ohnono 的帖子

同意，幾種我都做過，除了搵校董，刻意唔搵。盡力做好本份。

作者: Glau 時間: 13-4-1 17:10

我老闆個仔當年就憑校董推薦信入左x小，講明每名校董可推薦2個，所以呢封信唔簡單。

作者: r29860 時間: 13-4-3 23:15 標題: 回覆：ohnono 的帖子

十分認同ohnono的說法，自薦信或文章可讓中學老師或面試官留下印象，從字裡行間知道孩子的真誠和理想及願望；上年，我的兒子都有寫自薦文章。

歡迎光臨教育王國 (/)