教育王國
標題: 小五生媽咪請教升中事情 [打印本頁]
作者: loveDayo 時間: 12-10-8 14:34 標題: 小五生媽咪請教升中事情
囡囡今年小五，想請教有經驗家長，是不是今年開始要著手準備升中事情？因為未開始呈分試，唔會知道囡囡既banding，若果根據番佢呢4年既學校成績睇，係咪可以估計大約屬於咩banding去留意中學？
作者: Yanamami 時間: 12-10-8 14:52
慢慢開始去整理一下d cert. 準備做portfolio./ 同囡上心儀學校校網望下....
作者: ohnono 時間: 12-10-8 15:11
是不是今年開始要著手準備升中事情？>>>>
大部份學校，包括直資、官津在第一階段或直資收生時都要求呈上五年級全年和六年級第一次呈分試的成績表。所以五年級上學期雖然未開始呈分試，但都要小心處理上學期的測驗和考試。
若果根據番佢呢4年既學校成績睇，係咪可以估計大約屬於咩banding去留意中學？>>>>>>
其實老師都應該知以往校內的名次和所屬banding，可以在家長日或有機會見到老師時問問老師的情況(老實說，就算考完第一次呈分試，到第二次呈分時都可能有變化。況且呈分試係同學搶分的機會，所以同學的認真度會相對提高，平時烏下烏下d可能平地一聲雷；平時好好的又可能因為緊張和壓力而失手)。暫時可跟據自己喜歡的學校去留意中學收生情況和學校的資訊，因為一般直資已開始接受報名，而官津會在1月頭至月尾接受自行收生報名。
在這段時間，升中並不急切，不需花太多時間在選校方面。反而盡量爭取更好成績，課外活動亦盡量參與，多一點reference始終都著數d。
作者: loveDayo 時間: 12-10-8 15:42
ohnono 發表於 12-10-8 15:11 
是不是今年開始要著手準備升中事情？>>>>
大部份學校，包括直資、官津在第一階段或直資收生時都要求呈上五 ...
謝謝你解釋得好詳細。
課外活動 <-囡囡無咩方面較為突出，以往只係校際拎過朗誦同音樂獎，睇番呢度既媽咪分享，小四前既獎項應該無咩用。而今年暫時都係幫囡囡報左校際朗誦同音樂，下年年中會考樂器級試，而囡囡所學既樂器係中樂，所以較少比賽可以參加。校內就參加左樂團，但亦都唔見得係有咩突出之處。
校內服務 <-囡囡只係做班長、英文大使、英語伴讀生等，另外就只有入選英文同視藝科拔尖，比起其他學生，囡囡屬於平平無奇，咁對考出名既直資同津校係咪競爭機會較弱？
開學時家長會問過老師，老師根據佢以往經驗，囡囡保持返水準保持以往名次問題不大，因間學校一直都幾谷學生，唔係有太多既例子突然追上。但我始終認為一日未出呈分試成績都無人會知道係點。ohnono你講得好岩，緊張同壓力先至係最影響既關鍵，我要好好係呢方面幫助囡囡面對。
作者: loveDayo 時間: 12-10-8 15:46
Yanamami 發表於 12-10-8 14:52
慢慢開始去整理一下d cert. 準備做portfolio./ 同囡上心儀學校校網望下....
我們已有一間心儀的津校，囡囡都會向入讀呢間中學的要求而努力。但因自行和大抽獎都要填寫超過一間中學，而且我亦認為唔能夠只留意一間中學就算，所以想上黎了解下。但我見沙田校網既中學，競爭都好大，某幾間唔放第一都唔會有機會呢。
作者: Yanamami 時間: 12-10-8 15:49
不要非君不嫁, 合適的學校相信不止一間. 如何也要有最心儀/ 心儀/ 較心較/ 尚可接受/ 最底線選擇.
作者: csy_ma 時間: 12-10-8 15:58
回復 loveDayo 的帖子
假如係沙田網，您小朋友已好好彩：學校選擇多，又各具特色，分分鐘頭三個志願都可以揀band1英中，最為得天獨厚。
小五要做既，仲有係留意學校開放日參觀定先。學校通常會響年底做升中講座，好多時，一個星期六往往有幾間學校一齊做開放日，如果到小六先去參觀，好可能要滾水淥腳走幾場，分兩年就好D
作者: csy_ma 時間: 12-10-8 16:13
另外，最好參考吓vincher既叩門攻略http://www.edu-kingdom.com/forum ... p;extra=&page=1
同小朋友一齊睇吓報紙、朗讀吓社評，以便日後小組討論時應付得更自如。
可以抽到時間的話，試吓考個以對話為主既英文口語試，俾小朋友多d以英語作答既實戰機會。
至於課外活動，其實都係人有我有，除非係全港攞獎，否則學校都係睇成績居多（有部分學校面試考奧數，咁都要準備吓），努力考好個試（好多人響第一、二次呈分試發力，排名有好大上落），祝好運
作者: r29860 時間: 12-10-8 19:23 標題: 回覆：csy_ma 的帖子
csy_ma 的建議好受用，我都是在五年级就去參觀中學，因為好多中學都是集中十二月開資訊曰，兩間一齐開，就要決擇；用过去成績可作參考，讓我們去選擇那個band的中學參觀.
由於banding是由成績定，而面試名單亦多用教署提供的名次來決定，所以選一間門當戶對的中學或略高一級的中學，面試機會較大；在面試中，學生可施展才華，這是課外成就便有用.
作者: loveDayo 時間: 12-10-9 09:07
你既意見好有用，完全無想過可以從睇多d報紙同社評有幫助小組討論。另外英文方面因我好差，好難幫囡囡練習，坊間面試班其實有無用？定係出去搵人幫囡囡搞下oral好d?
作者: loveDayo 時間: 12-10-9 09:09
r29860 發表於 12-10-8 19:23
csy_ma 的建議好受用，我都是在五年级就去參觀中學，因為好多中學都是集中十二月開資訊曰，兩間一齐開，就 ...
hello r29860，根據你既經驗，除左係中學網頁睇到有參觀外，仲有咩途徑可以知？要唔要預約呀？
作者: loveDayo 時間: 12-10-9 09:10
Yanamami 發表於 12-10-8 15:49
不要非君不嫁, 合適的學校相信不止一間. 如何也要有最心儀/ 心儀/ 較心較/ 尚可接受/ 最底線選擇. ...
即係我地最基本要有4-5間設定做心儀中學？假如是band 1頭，最底線選擇是否以band 2頭做保守線？
作者: csy_ma 時間: 12-10-9 12:42
loveDayo 發表於 12-10-9 09:07 
你既意見好有用，完全無想過可以從睇多d報紙同社評有幫助小組討論。另外英文方面因我好差，好難幫囡囡練習 ...
一般來說，各間小學本身都會在小五開始訓練吓小朋友既應對同各種試題既模擬答案，到小六仲會勤加操練。不過，都有聽過支援不足既小學，所以要向師兄師姊家長打聽吓。
我囡當年，都係人有我有咁響屋企附近既青少年中心報咗，仲要係組隊五六個人去，所以唔多覺效用。後來都係多得小學英文老師既操練
。不過，我囡向來有上開英文口語班，定期會考英國派考官來考既口語試，咁可能會著數D。您可以讓囡囡多聽英文古仔或影碟，訓練自己既語速同聽力。
響EK同朋友度聽返，d太子所謂名面試班，都有幾多問題，就算要報，都唔駛去趁。最實際既倒係，到時多報幾間直資，攞實戰經驗。
作者: r29860 時間: 12-10-9 20:06 標題: 回覆：loveDayo 的帖子
你好，loveDayo,中學網資料足及更新，我每天或隔天去check,如果心儀中學是同區，小學會有通知；EK亦會有家長報料.
至於面試訓練，我的孩子都是參加青年空間活動，有些是三期課程，從了解自己，怎樣选校，制作profolio, 面試練習，個人或小組等，還有街頭訪問及義工探訪，真是一條龍服務.
作者: ohnono 時間: 12-10-10 01:07
Yanamami Mmmmmm.......問下Redkoni/ ohnono/ khmama穩陣d.....佢地比較有心得. 我自己果時比較博
--------------------
我自己睇番之前的選校紀錄都係好搏，直情要抹一把汗。所以我知道作為一個家長的心態，你叫佢唔好搏，佢實唔肯過你；你叫佢搏，佢又會擔心你係度講風涼說話。
Yanamami，你話你好搏，呢個一定係正常，但搏的同時，搵乜野去搏，這個才是關鍵。
經歷過後，更多的家長會說找一間合適的學校比任何名氣更實在，更緊要。這樣對嗎？肯定對，但聽唔入耳！因此，我唔會用我的經驗去教大家，因我成功可能存在幸運的因素，我選擇合理地去搏，我更會選用更多其他家長的分享，以升中的家長心態去參與，再嘗一齊打開信箱的滋味！
作者: One-Mama 時間: 12-10-10 10:43
以上各位具備經驗的家長們都已給了很多寶貴意見, 容我補充小小, 就是學習做好以下角色:
1. 策劃者: 多取經, 做好準備, 根據孩子興趣. 能力, 選擇合適的活動. 學習方式. 中學等等;
2. 聆聽者: 多傾聽及了解孩子需要和感受, 為孩子分憂, 讓他們盡力而為, 不要壓力下而為;
3. 示範者: 言傳身教, 家長如何面對升中, 直接影響孩子將來如何面對日後的人生各類過程. 處世. 甚至挑戰.
Best Wishes!
作者: grace_xian 時間: 12-10-10 12:02
本帖最後由 grace_xian 於 12-10-10 12:02 編輯
多謝各位家長的分享, 但願十二月可以有中學開放日的集中貼
作者: dlh525 時間: 12-10-10 12:33
不好意思! 我的小朋友今年是P.4. 但對於升中此問題好像是一知半解!! 我最擔心的是將來面試!!!!
作者: loveDayo 時間: 12-10-10 14:14
r29860 發表於 12-10-9 20:06
你好，loveDayo,中學網資料足及更新，我每天或隔天去check,如果心儀中學是同區，小學會有通知；EK亦會有家 ...
請問青年空間活動係點o架？係網上搵過好似無特定機構做。
作者: loveDayo 時間: 12-10-10 14:15
grace_xian 發表於 12-10-10 12:02
多謝各位家長的分享, 但願十二月可以有中學開放日的集中貼
好好既提議，暫時我只見到ST.ROSE有openday 係11月17&18日。
作者: loveDayo 時間: 12-10-10 14:19
csy_ma 發表於 12-10-9 12:42
一般來說，各間小學本身都會在小五開始訓練吓小朋友既應對同各種試題既模擬答案，到小六仲會勤加操練。不 ...
我囡向來有上開英文口語班，定期會考英國派考官來考既口語試，咁可能會著數D。您可以讓囡囡多聽英文古仔或影碟，訓練自己既語速同聽力。 <-- 請問英文口語班係邊度上？囡囡未試過報呢d班，我都好應同英文講得係interview時會佔優勢。
另外我都會試報幾間直資當作面試經驗，比囡囡見識下出面叻人何其多。
作者: loveDayo 時間: 12-10-10 14:22
One-Mama 發表於 12-10-10 10:43
以上各位具備經驗的家長們都已給了很多寶貴意見, 容我補充小小, 就是學習做好以下角色:
1. 策劃者: 多取經 ...
作者: loveDayo 時間: 12-10-10 14:25
ohnono 發表於 12-10-10 01:07
Yanamami Mmmmmm.......問下Redkoni/ ohnono/ khmama穩陣d.....佢地比較有心得. 我自己果時比較博
------ ...
作者: One-Mama 時間: 12-10-10 14:28
回復 loveDayo 的帖子
藉着升中過程, 沿途多些跟孩子溝通, 無論將來結果如何, 家長都可以與孩子建立信任. 良好的親子關係, 對即將青春期的孩子來說, 尤其重要呢.
Best Wishes!
| 歡迎光臨 教育王國 (/) |
Powered by Discuz! X1.5 |