教育王國

標題: 請問選擇那個區來升讀中學比較好？ [打印本頁]

作者: mandy2007 時間: 12-9-23 22:15 標題: 請問選擇那個區來升讀中學比較好？

請問各位太太、 ohnono、 khmama、redkoni等，小兒就讀深水埗區小學，班主任話屬於B1尾生，亦可選擇報觀塘區，旺角請問選擇那個區來升讀中學比較好？選校策略應怎樣？謝謝！

作者: ohnono 時間: 12-9-24 12:21

今年升中人數，單係深水已經少近200人，觀塘重多，少近400多人。

本來少了同學競爭本來就係好事，但同時band 1的人數亦自然會減少。即是原本是band 1尾的同學，有機會跌落band 2。

除了因減少人數會跌band之外，從來介乎邊緣的學生，我都唔主張轉區，特別是由弱區往其他區。分分鐘跌band，跌起上黎，你所選擇的學校全部錯晒，派左去d冇人揀的band 3中學就後悔莫及。

如果穩穩陣陣係深水band 1尾學生，大抽獎時你大可選擇長天、瑪利諾神父。

作者: chuntam 時間: 12-9-24 22:08

觀塘不嬲都band1學位不足,不要白白送死

作者: Ceci333 時間: 12-9-24 22:56

油尖旺是強區．深水埗Ｂａｎｄ１尾去到有機會變Ｂａｎｄ２，小心小心．

作者: redkoni 時間: 12-9-25 03:43

ohnono 發表於 12-9-24 12:21
本來少了同學競爭本來就係好事，但同時band 1的人數亦自然會減少。即是原本是band 1尾的同學，有機會跌落band 2。

你都幾心水清噃

，如果某某校網的學生人數急跌，連其Band1學生人數都會跟住一齊急跌，但又未必個個人都識咁諗！唔知啲老師會否執生睇餸食飯，參考吓啲跌幅而相對調整一下對上屆邊緣人分界線的估計，唉，出年用咗新組合的Pre-S1成績巳經令到出年估Banding準確度有變數，仲要加埋呢啲因素，邊緣人真係要自求多福。

作者: a_mum2009 時間: 12-9-25 08:58 標題: 回覆：請問選擇那個區來升讀中學比較好？

我小朋友藍田區讀書，第一次呈分band 1c, 應該係邊緣果種添，咁今年咪好危險？

作者: Regina 時間: 12-9-25 09:43

請問各位, 小兒亦是就讀深水埗區小學六年級, 家住九龍城, 第一次呈分試後, 老師告知小兒是Band 1(沒有告知是band 1 頭, 中或是尾),請問轉校網到九龍城, 是否會跌banding, 應該揀深水埗抑或九龍城校網升中才好呢, 請指教!

作者: kswiss 時間: 12-9-25 13:38

提示: 作者被禁止或刪除內容自動屏蔽

作者: khmama 時間: 12-9-25 16:31

回復 mandy2007 的帖子

理論上深水埗比官塘強但比油尖旺弱, 轉去油尖旺就無謂啦, 轉去官塘都可以考慮下. 你都係睇定o的先再決定, 能夠推高成績就盡量努力o的, 出年個band1%會有變動, 冇人知會好咗定差咗, 如果band1尾成績最好選校保守o的.

作者: mandy2007 時間: 12-9-25 21:09

多謝您們各位給的意見，我會出力谷佢成績，希望佢有幸能谷到B1A

作者: elbar 時間: 12-9-25 22:11 標題: 引用：請問各位太太、+ohnono、+khmama、redkoni

原帖由 mandy2007 於 12-09-23 發表
請問各位太太、 ohnono、 khmama、redkoni等，小兒就讀深水埗區小學，班主任話屬於B1尾生，亦可選擇報觀塘 ...

旺角最佳

作者: humbertcarol 時間: 12-9-27 07:33

khmama 發表於 12-9-25 16:31
回復 mandy2007 的帖子

理論上深水埗比官塘強但比油尖旺弱, 轉去油尖旺就無謂啦, 轉去官塘都可以考慮下. ...

khmama,

我小兒又係深水埗區小六生, 成績不太好屬2c或3頭, 如果轉去中西區, 是不是很危險?

請指教!

作者: khmama 時間: 12-9-27 08:09 標題: 回覆：humbertcarol 的帖子

中西區得兩間band3學校揀，又好大機會跌band，轉過去冇著數。但係深水埗啲band2尾band3學校嘅校風似乎唔多好，最好可以維持band2成績，自行可以成功，唔使等抽獎。你小朋友嘅英文得唔得？

作者: humbertcarol 時間: 12-9-27 09:00

本帖最後由 humbertcarol 於 12-9-27 09:04 編輯

khmama 發表於 12-9-27 08:09
中西區得兩間band3學校揀，又好大機會跌band，轉過去冇著數。但係深水埗啲band2尾band3學校嘅校風似乎唔多 ...

英文成績平均70分左右, 我非常苦惱. 搬又煩唔搬又煩.

我有諗過, 用番深水埗區揀它區的九龍城學校, 如九龍塘中學 / 彭學高等......唔知這樣好唔好?

歡迎光臨教育王國 (/)