教育王國

標題: 小兒剛升小六, 將會選校, 老師說他是B2 [打印本頁]

作者: 柏禧媽咪 時間: 12-9-7 09:11 標題: 小兒剛升小六, 將會選校, 老師說他是B2

小兒剛升小六, 將會選校, 老師說他是B2, 但原來很多保XX既中,小學校都有教國民教育科,只是名稱不同, 如果是你們會選嗎?

作者: mayc 時間: 12-9-7 11:26

剛升小六,只考了一次呈分試,"甘"快就話佢B2,我諗係咪應該考多次試才可計算是B幾掛?!1

作者: longlokma 時間: 12-9-7 11:34 標題: 回覆：mayc 的帖子

通常每次呈分試后老師都會通知家長各學生的最新banding,比學生做更好準備及考慮選學方向

作者: ohnono 時間: 12-9-7 15:00

每一次的呈分試的排名或者banding對同學都好有用，起碼知道自己現在的定位，對下一次的呈分部署都有幫助，特別是好多競爭大的學校，比人拋離一分，想追都好難。我地有同學就係在第一次呈分試後知道自己有不足、懶散，推算為band 1尾的邊緣人。幸好早知早覺，阿媽就加多兩錢肉緊，阿仔就加倍用功，小心，卒之脫離邊緣的位置，省卻估計band 1尾band 2頭的煩惱，可以確確實實揀其心愛的band 1學校。

作者: 柏禧媽咪 時間: 12-9-7 15:23

多謝各位意見!! 小兒就讀將軍澳宣小的, 所以在這裡請教各位, 有關TKO中學資料.

如果真是B2, 有咩選擇呢?

作者: ohnono 時間: 12-9-7 15:44

柏禧媽咪發表於 12-9-7 15:23
多謝各位意見!! 小兒就讀將軍澳宣小的, 所以在這裡請教各位, 有關TKO中學資料.

如果真是B2, 有咩選擇呢? ...

王華湘、呂潤財、鄭裕彤、甲子年、慕德都唔錯。王華湘正在升呢，不乏有band 1生派入。鄭和呂因為是一條龍的關係，放出來的學位不多，試下循自行入。

作者: 柏禧媽咪 時間: 12-9-7 15:47

ohnono,
王華湘聽講好谷, 怕小兒頂唔順啊....

作者: ohnono 時間: 12-9-7 16:11

本帖最後由 ohnono 於 12-9-7 16:13 編輯

而家又唔係越級挑戰，唔需要擔心谷唔谷的問題，間間學校都會扯到行架，就算呂潤財，之前咪一樣聽到有家長講佢地d補課都補到幾行。你係呢個band，大家同學水平差不多，要谷大家一起谷，一齊起步，一齊進步，讀書的問題應該不大。我地做大只需比多d鼓勵就得，孩子終歸係要經過啄磨才能成就。捨棄過份的寵愛，拋開過份的憂慮，就讓孩子踏上征途吧！

作者: 柏禧媽咪 時間: 12-9-7 16:32

ohnono,
我明白玉不啄,不成器, 我只怕太過盡取, 令到佢弄巧成拙, 因見好多小朋友入升到中學, 無心向學.

作者: ohnono 時間: 12-9-7 17:31

柏禧媽咪發表於 12-9-7 16:32
ohnono,
我明白玉不啄,不成器, 我只怕太過盡取, 令到佢弄巧成拙, 因見好多小朋友入升到中學, 無心向學. ...

你咁樣邊度算太過進取呀，唔好諗到讀書好難啦。要考第一係好難，但考第尾都唔容易架。世上無難事，用將勤來補拙我還相信係有用。

無心向學似乎關佢周邊同學的影響多一點點，選一間好一點的學校總比選一間差的學校好。

作者: ChiChiPaPa 時間: 12-9-8 09:30

本帖最後由 ChiChiPaPa 於 12-9-8 09:34 編輯

回復柏禧媽咪的帖子

保XX既中學的國民教育

有學校今個學年便推行德育及國民教育科，又傳校方與老師
簽了保密協議，但此與同時，在荃灣的一間中學，中午時，
身穿黑衣的老師們，和手戴黑帶的學生，在烈日高空下，站
於操場上，用手打交叉，說國民教育說「不」。... 同一天空下，卻有著如此大的分別...

http://hk.apple.nextmedia.com/
realtime/news/20120903/51053685

歡迎光臨教育王國 (/)