教育王國

標題: 家長會否諗多咗呢？ [打印本頁]

作者: starfishting 時間: 12-7-19 10:45 標題: 家長會否諗多咗呢？

有時真係覺得呢一代家長太多嘢擔心！未派位前，就緊張子女呈分試、考完呈分試又緊張揀中學、揀完又擔心自行的面試、面試後又煩惱統一選校、不論派得好唔好又各有各擔心、註完冊又驚做錯決定，跟著又憂慮編班！你們咁多擔心，會無形加添子女的壓力！家長們，請放鬆吧！讓子女在這個暑假，好好relax ，讓他們完成小學階段後，放一個真真正正的暑假，為迎接另一階段前，好好充電！

作者: esmond88 時間: 12-7-19 10:58 標題: 回覆：家長會否諗多咗呢？

Agree

作者: CrabPincers 時間: 12-7-19 11:02

WAKAAAAA其實我見到都係樹諗, 係依家D 家長太緊張, 定係我太過放心
我女考PRE S1時, 應該游緊雲, 中一時, 分到去英文補底班
後尾考試成績出左, 老師同同學都好驚訝點解佢會入到去補底班
我又吾覺得有乜野大不了, 補底未補底LAW

還可以打好基礎, 幾好呀

中一之後, 我完全放晒手啦, 乜都無理佢

作者: Yanamami 時間: 12-7-19 11:16

本帖最後由 Yanamami 於 12-7-19 11:28 編輯

而家多數生一個半個, 注意力梗係集中d囉.....不過真要學下放鬆d.

作者: louis_aa21 時間: 12-7-19 11:23

放鬆唔到！而家個社會風氣唔同以前。

作者: reginayu 時間: 12-7-19 11:57

都明白家長好緊張孩子嘅成績, 好想去幇佢地, 其實學業上嘅支持還可以理解, 但係某一些方法... ... 就見仁見智嘞。

作者: 靚豬豬 時間: 12-7-19 12:25

完全認同, 我覺得好多都係過份擔心, 連個小朋友識唔識到朋友仔都擔心一餐

(不喜勿插

)

作者: starfishting 時間: 12-7-19 14:48

校長建議家長，初中時可放開少少，但唔可以完全放手，因為始終反叛期，但當子女升到高中，思想成熟後，就可放手待他們自己處理。

作者: ohnono 時間: 12-7-19 15:45

由小學進入中學，去了一個新環境，這個環境重要係所有小朋友差不多是同一個level的，家長擔心有甚麼出奇，擔心給別人比下去囉！

起跑線現在大家在某程度上拉近了，甚至可以說是一樣了，還可以跟在小學時一樣能獨領風騷嗎？新環境、新同學、新課程，單係一本歷史書的厚度，就等如小學所有書加起來的厚度，怎不教小朋友畏懼，令家長擔憂！

升中後，還有一大堆甚麼「放手」、「反叛期」、「課後活動」、「人際關係」等等的問題排山倒海而來，還未計算那些閂埋門仍然聽到的親朋戚友的嘲諷。你看，這些都直叫父母瘋癲！

除非你唔去諗，一諗就停不下來。還記得董建華的8萬5事件嘛，停不下來，最多就揮袖而去，但家長們可以學董生那樣洒脫，真的可以揮一揮衣袖，不帶走一點煩惱。

我相信，這個情形起碼要待開學後觀察一個學期，沒有異樣才可安定下來！

作者: hw1115 時間: 12-7-19 15:46

我都想唔理佢呀 ! (由佢hea ) 可以嗎 ?
中學要上三星期的summer course , 中, 數各一本, 英文勁多,
我怕我唔 PUSH 佢, 開學就麻煩啦.

作者: ngma 時間: 12-7-19 16:41

養兒100歲長憂99

作者: hinhin-mother 時間: 12-7-19 17:25

今天的他不像昨天的我。,,,,,,,無奈

作者: cc1215 時間: 12-7-19 19:12

提示: 作者被禁止或刪除內容自動屏蔽

作者: ohnono 時間: 12-7-19 19:18

cc1215 發表於 12-7-19 19:12
上得來 B K 的爸媽，那有一位可以完全不擔心，完全放手？

我相信叫人放手的，自己可能抓得更緊，想的還多！

作者: starfishting 時間: 12-7-19 20:59

本帖最後由 starfishting 於 12-7-19 21:09 編輯

其實，我唔係好明白，點解個Topic係諗多咗，想大家放鬆啲，點解變了放手嘅？

作者: 青青河邊草 時間: 12-7-19 21:39

唔睇呢度個討論區名, 我仲以為係小一選校.
所有野都好似係家長自己決定咁,
乜都要擔心, 過份代入其中.
對仔女絕對唔係好事.
一個已經11歲的人, 應該要有一定的分析能力,
也要為自己的選擇去負責任.
當年我媽乜都唔識, 係我自己去排中學派位志願的次序,
根本唔駛阿媽去操心.
依家呢代, 中學要父母去奔波,
到將來搵野做都會係咁!
怕且呢度都要開番個求職討論區, 俾D父母討論下點幫仔女搵工面試!

作者: ohnono 時間: 12-7-19 22:06

本帖最後由 ohnono 於 12-7-19 22:22 編輯

回復青青河邊草的帖子

有家長話養兒一百，長憂九十九。有家長又話，囡囡四年級要自己搭巴士返學。

究竟站在一個家長的立場，何謂遲、何謂早、何謂適中。

以前我都想阿爸阿媽可以係我有因難的時候，站係我身邊，幫我解決問題。好可惜，生活困難，手停口停，他們還那有時間停下來。我地自己攪掂唔代表我地唔需要父母幫助，我地懂得自愛，唔代表我地唔需要父愛，唔需要母愛！

若有更好的生活條件，我願意長伴我兒，大風時為他遮風；下雨時，為他擋雨，直到有一日，他不再需要我的時候，我才無怨無悔地離開！

作者: 青青河邊草 時間: 12-7-19 23:10

ohnono 發表於 12-7-19 22:06
回復青青河邊草的帖子

有家長話養兒一百，長憂九十九。有家長又話，囡囡四年級要自己搭巴士返學。

長期為兒好遮風檔雨真係一件好事咩???
我真係好驚見到來求職果D, 要父母一齊陪來IN!
根本長不大, 教出個三十歲仲係無阿媽唔掂的仔女, 我覺得父母好失敗, 呢D唔係愛.
唔好永遠當自己仔女係自己的資產、寵物
我地係要教佢自立, 繼而服務社會, 服務人群

乜野父母愛先係夠呢?
父母唔去搵食, 你唔識自立, 邊個話父母一定唔啱?

作者: Snakemama 時間: 12-7-19 23:33

本帖最後由 Snakemama 於 12-7-19 23:33 編輯

家長會不會混淆了＂放手＂和＂放棄＂的意思呢？

放手：父母依然關心、愛護孩子，而孩子也知道父母是愛自己的。但必須讓孩子獨立成長，就算碰壁，也讓他們去試。在適當的時候，加以援手。

放棄：不聞不問，成龍成蛇，都不關父母的事，讓孩子自生自滅。

作者: ohnono 時間: 12-7-19 23:54

本帖最後由 ohnono 於 12-7-19 23:56 編輯

青青河邊草發表於 12-7-19 23:10
長期為兒好遮風檔雨真係一件好事咩???
我真係好驚見到來求職果D, 要父母一齊陪來IN!
根本長不大, 教出個三 ...

我相信現在小朋友當他們曉得走進商場中避雨的時候，還需你來遮風擋雨！放心，當你「猶恐巢中飢」的時候，他們已經「舉翅不回顧，隨風四散飛」。

以前d父母，冇乜點讀書，唔識寫字，特別係教導呢兩個字，但佢地都識得去關心小朋友。佢地冇我地咁好彩，連abc都唔識，但都知DGS係好野，識得拼命去QC排隊交申請表。

自己做得夠唔夠，都係問番自己的寶貝、寵物和資產，不要問別人！

作者: Snakemama 時間: 12-7-20 00:14

csy_ma 重點是:何時為適當?擋風遮雨的另ㄧ角度，是忍心讓其淋雨。不過，到初中，家長還可以任意指點的，大概不多了?有時，不由不放吧? 發表於 3 分鐘前

+++++++++++++++++++++++++++++++++++++++++++++++++++++++++++
To csy_ma:

放手是一門學問 +藝術。因孩子而異，因父母而異。正如幼兒初學行路一樣，有些孩子早早便會行會跑。有的接近2歲，還是行兩步，跌一跌的。這不止關乎父母的引導，還要看孩子的生理是否已發育好。

做父母的，只能視乎自己孩子的能力，隨時調較力度，並沒有一個特定的時間表。慢慢摸索。自己的孩子，自己最清楚，並不需要太著意人家怎想，怎看。

但有一點非常重要：父母對孩子的愛要満溢到路人皆見。特別對青春期的孩子至為重要。

作者: starfishting 時間: 12-7-20 00:33

唔好意思,呢個Topic 到此為止,我開呢個Topic只想大家一齊放鬆心情,開心啲玩埋呢個暑假,絕不是叫你們'放手',各自有自己管教子女的一套方式,不用為此而爭論!

作者: 青青河邊草 時間: 12-7-20 00:45

你問你的寶貝, 寶貝永遠都話你做得唔夠.
見過有人, 19歲來見工, 阿媽陪住來, 原因係, 佢自己唔識來,
但OFFICE係地鐵沿線啊!
阿媽唔陪佢來, 佢個寶貝又係咪覺得阿媽愛佢唔夠呢?
阿媽因為愛佢, 永遠都只係俾埋條魚去食, 唔係教佢去捉魚,
對佢個寶貝來講, 呢D係乜野愛? 疼愛? 溺愛?

作者: Yanamami 時間: 12-7-20 00:49

突然間諗起母嬰健康院有個chart俾d mami.....4個月識翻身, 6個月識把物件轉手, 10個半月識自行站立, 幾時講句子, 幾時識塗鴉.....話雖每個兒童發展快慢不一, 但總算有得跟. 上到P1就弊勒, 無人話你知, 其實個小朋友幾時應該識自己做功課, 識收拾書包, 又無人話你知, 如果同同學仔有爭執, 幾多歲曉應付.....搞到上中學, 都無個chart話你知, 到底一個12歲小朋友可以做到d乜.....但我諗, 其實唔洗個表話你知, 都應該唔洗擔心佢去到新環境識唔識到朋友, 應該買咩書包波鞋, 中午食乜野, 會唔會遲到做漏功課....之類之類. 請相信佢地會做到係佢地果個年齡會勝任既事la.

作者: blueberry123 時間: 12-7-20 00:59

starfishting 發表於 12-7-19 20:59
其實，我唔係好明白，點解個Topic係諗多咗，想大家放鬆啲，點解變了放手嘅？ ...

可能你的標題跟內容有點出入吧. 你所提及的呈分, 選校, 面試, 編班試. 都是圍繞升中機制帶來的壓力和担憂. 她不似我們"學能測驗"年代, 以成績選校. 對於入唔入倒心儀或校風好的學校, 都是靠運氣或希望在自行階段有幸取錄. 緊張和担心是難免.

至於自理,社交能力, 自從"港孩"此語一出,相信好多家長都會驚覺,並在適當的時候會放手, 在這裡都有媽媽分享她們的囝囡經過面試, 叩門,發覺他們漸漸成長.

家長不用太担心仔女是否吃得飽,穿得暖, 以11/12歲的小朋友來說, 他們是有能力照顧自己的.

作者: ohnono 時間: 12-7-20 01:34

本帖最後由 ohnono 於 12-7-20 02:03 編輯

青青河邊草發表於 12-7-20 00:45
你問你的寶貝, 寶貝永遠都話你做得唔夠.
見過有人, 19歲來見工, 阿媽陪住來, 原因係, 佢自己唔識來,
但OFF ...

咁你有沒有問過你個寶貝你做得夠唔夠？係咪都係如你咁想：做得唔夠呢？

如果係，就嘗試去改進。做到相互接受，多一分則太濃；小一分也則太淡！

至於你舉19歲要阿媽陪住來的例子更覺牽強，我相信這個似係社會的問題多個係升中的問題了。正如樓主話齋：家長會否諗多呢？

作者: Data 時間: 12-7-20 05:30 標題: 回覆：家長會否諗多咗呢？

好難唔咁諗, 你周圍環境亦會迫你咁做, 我以前曾因為唔想阿囡太大壓力, 幫阿囡要求老師調出精英班; 到揀中學時完全就阿囡心意去揀banding較低既學校......最後當然過唔到老師嗰關, 俾佢鬧咗好耐, 最後唯有選擇banding高既中學去讀......

作者: starfishting 時間: 12-7-20 07:36

唉！原來'諗少啲'、'放鬆啲'對香港家長來說是咁難做到，唔怪之得，好多朋友寧願唔生育。今天文憑試放榜，不知有幾多家長又要為此奔波和煩惱！

歡迎光臨教育王國 (/)