教育王國

標題: 阿女有d 唔開心 [打印本頁]

作者: shsh3 時間: 12-7-17 14:22 標題: 阿女有d 唔開心

剛剛看到女女facebook 的留言,阿女話今天去中學考PS1, 見到其他人都有識的人, 唯獨她孤令令, 很掛住6年班的同學, 我看後都有d唔開心, 是否應該輔導下她?

作者: mrs.so 時間: 12-7-17 14:31

安慰下之餘, 更要支持, 因為面對新環境, 帶著惶恐...

作者: wingfamily 時間: 12-7-17 14:42

唔好唔開心啦 ! 小朋友好快識到新同學

作者: 杰杰媽媽 時間: 12-7-17 14:47

我仔咪又係，誇區讀，人都唔識個，但我知佢係因為係一個唔識既學校而有d 驚，多過覺得悶，佢帶埋書去break 個陣睇。

作者: ohnono 時間: 12-7-17 14:50

放心，小朋友會好快識到新朋友！

呢d事最好唔好理喇，比個機會佢自己學懂處理問題，新環境新挑戰一定多，發完嘮蘇後，又開開心放假去！

作者: wyl 時間: 12-7-17 14:54

放心啦, 上Bridging course好快識到新朋友

作者: maylmm 時間: 12-7-17 15:06

唔駛擔心喎, 我女今日都已經識到新同學la

作者: htts 時間: 12-7-17 15:07 標題: shsh3 的帖子

我女都話得佢一個，其他都有同校的同學，佢冇，都驚冇朋友

作者: like_travel 時間: 12-7-17 15:24

本帖最後由 like_travel 於 12-7-17 15:56 編輯

htts 發表於 12-7-17 15:07
我女都話得佢一個，其他都有同校的同學，佢冇，都驚冇朋友

真係養兒100歲, 長憂九十九 ~

作者: shsh3 時間: 12-7-17 15:27

聽到都心酸.

作者: alice44 時間: 12-7-17 15:33

其實每個人都要經歷, 就算讀書時有識得的同學而不用經歷呢種孤獨, 到了大過時要揾到新工返工時都要經歷, 所以不要為此而擔心. 當比個機會佢地學習.

作者: sakura65 時間: 12-7-17 15:41

小朋友係要學習怎去適應的。當然啦，去到陌生環境初時一定是比較覺得孤立和不習慣，那當然會表現得不開心或悶悶不樂。
但小朋友適應的能力那麼強，可能開學半個學期已經在學校跟同學玩到唔想咁快返屋企了......

作者: sandylaw 時間: 12-7-17 15:48

sakura65 發表於 12-7-17 15:41
小朋友係要學習怎去適應的。當然啦，去到陌生環境初時一定是比較覺得孤立和不習慣，那當然會表現得不開心或悶悶不樂。
但小朋友適應的能力那麼強，可能開學半個學期已經在學校跟同學玩到唔想咁快返屋企了......

這樣更令父母擔心

作者: ohnono 時間: 12-7-17 16:09

sandylaw 發表於 12-7-17 15:48
這樣更令父母擔心

係學校玩的多數係課外活動，唔駛太擔心。你反為要留意小朋友放學後是否留校還是跟同學四圍去就真。

小朋友開始進入反叛期，我寧願佢地有正常的課外活動。

作者: sandylaw 時間: 12-7-17 16:22

ohnono 發表於 12-7-17 16:09
係學校玩的多數係課外活動，唔駛太擔心。你反為要留意小朋友放學後是否留校還是跟同學四圍去就真。

小朋 ...

我就是怕課後活動

作者: grace_xian 時間: 12-7-17 16:24

我仔升小學都是一個幼稚園同學都無, 但很快佢就識到朋友, 安慰下無嘢架

作者: 龍舌蘭 時間: 12-7-17 16:35

本帖最後由龍舌蘭於 12-7-17 22:26 編輯

越係一個就要主動d.
阿女都係一個人去考, 但回來已識左個同學, 她們做左fd.

考試還有笑話添.

對唔住, 我唔應表達呢樣,

一心係想住大家都係同學的, 打下招呼先冇咩壞.

作者: tungwai 時間: 12-7-17 16:42

返識應班後應該會好D

作者: chanman0522 時間: 12-7-17 17:12

小朋友識朋友好快...
我細女都係得一個,其他有同校同學,
考完之後我就問細女:「有無識到朋友呀？」
細女就話:「識左一個朋友,其他都有自己既同學.其實開頭只係:"問中文幾時考？英文考成點？"之後就傾左其他野...」

作者: super888 時間: 12-7-17 17:21 標題: 回覆：阿女有d 唔開心

彼的時間佢地適應下新環境好快可以習慣同搵到新朋友仔！放開手彼佢地自己跌下撞下好快就會長大！

作者: 黃巴士 時間: 12-7-17 17:23

本帖最後由黃巴士於 12-7-17 17:27 編輯

記得小時候, 我都係一個人在班中唔識人, 人地就一班同學一堆咁派入來, 起初真有些不習慣, 點知老師編了位後, 佢地好熟的一班女生, 男生依依哦哦, 一齊主動同我傾計, 好快成了好朋友. 所以, 有時自己唔主動都唔須要太驚, 最緊要開朗, 因為其他同學有些真係好主動.
其實小朋友真係好易熟, 唔須要咁擔心, 俾D時間&信心大家.

作者: ohnono 時間: 12-7-17 17:28

sandylaw 發表於 12-7-17 16:22
我就是怕課後活動

學校的課外活動有問題？

作者: hugub 時間: 12-7-17 17:37

我囝都係無同學仔得佢1個, 但間學校係佢自己選既,叫佢叩門又唔肯....我今日無安慰佢之餘仲潤佢添

作者: homingm 時間: 12-7-17 18:05

本帖最後由 homingm 於 12-7-17 18:09 編輯

想當年呀仔獨自一人跨區升讀小一，現在也一個人跨區升讀中學，身邊沒有相熟的朋友，不用擔心，孩子的適應能力很強，只要多參與學校的活動，很快會結交到朋友

作者: mielmiel 時間: 12-7-17 18:14

當年我都係跨區，一個同學都唔識，我就問下隔離借下紙/筆咁，一陣就識咗仲一齊放學

作者: storye 時間: 12-7-17 19:02

我個小朋友由幼稚園開始已經沒有朋輩一起讀書，小一的時候，又無mud同學做同校，當時只得一年班，非常可憐，依加又係無同學同一間中學，咪以為他已大，沒問題，好彩母子關係尚算好，前幾天跟我說，有點擔心，怕像一年班時的空虛無助。當然，我緊係安撫一番，解除了他的顧慮。

今天考分班試，可以平常心地考，他還跟我說，每科的休息時間，他都用來睡覺，他笑說，重要其他考生叫醒他才考試。

作者: siutomama 時間: 12-7-17 23:22

好快適應架，阿仔都係得一個人，佢本身都怕羞型竟然今日識到新朋友，同坐係前後隔離左右傾計，大家仲討論份卷深吾深，仲同我講同後面個個而家最熟。最初都怕佢太怕羞冇咁快識到新朋友仔

作者: redkoni 時間: 12-7-18 00:53

shsh3 發表於 12-7-17 14:22
剛剛看到女女facebook 的留言,阿女話今天去中學考PS1, 見到其他人都有識的人, 唯獨她孤令令, 很掛住6年班的同學, 我看後都有d唔開心, 是否應該輔導下她?

溫馨提示：青少年踏入反叛期，是很抗拒父母在facebook等社交渠道監控着自己，家長宜小心處理。

小朋友咁樣呻吓係好小事，做直升機家長要適可而止，來日方長，佢哋班朋友又Whatsapp、又LINE、又Conference call 等全方位multitasking互動嘅場面，到時家長就會知道有幾煩！

作者: Snakemama 時間: 12-7-18 01:03

阿仔唔止跨區，同學絶大部份係直屬小學的學生。考完試後，已經識咗2個新同學。仲講佢地D趣事俾我知。

所以，唔使太擔心，小朋友適應能力好強嘅。

作者: sandylaw 時間: 12-7-18 11:18

ohnono 發表於 12-7-17 17:28
學校的課外活動有問題？

課後活動是指離開學校後的活動

作者: shsh3 時間: 12-7-19 11:16

阿女話迎新會識了很多新朋友, 有很多嘢食, 好味, 取了同學和大姐姐的電話號碼, 問了她很多問題, 對學校的了解多了, 還有兩個同學和她六年級的同學很相似, 是否日有所思, 夜有所夢.

作者: Ivy07 時間: 12-7-19 12:35

唔使擔心，呀仔有個同學派左一間學校，又係淨係佢一個，初初成日係facebook喊慘，上左預備班已經識到同學仔，返學無幾耐，見佢facebook的留言，不知幾開心

作者: headwind 時間: 12-7-19 13:36

提示: 作者被禁止或刪除內容自動屏蔽

作者: like_travel 時間: 12-7-19 14:04

headwind 發表於 12-7-19 13:36
我女都係自己一個去考PS1, 不過佢話佢地呢D外來生係咁交換電話, 方便日後問功課喔! ...

Congrats headwind, my duaghter also very happy to meet the new friends from the new secondary school, she got their facebook accounts and added as new friends, plus... many feedback + "like" by posting the new threads.

歡迎光臨教育王國 (/)