教育王國

標題: 有冇人派到劉金龍呀~？ [打印本頁]

作者: rockin1112 時間: 12-7-11 13:26 標題: 有冇人派到劉金龍呀~？

想問下有冇人派到劉金龍？想了解多d呢間中學，比阿囡多d準備迎接中一生活

作者: UMii 時間: 12-7-12 06:41

HELLO 你好呀咁岩見到呢個 POST
我係呢間學校既學生你有咩可以問我架我知道既都可以答到你
希望幫到你：）

作者: kacary 時間: 12-7-13 11:35

作者: rockin1112 時間: 12-7-13 20:02 標題: UMii 的帖子

妳好~阿囡派到劉金龍，想認識多d學校校風，讀書壓力，精英班&唔係精英班的分別，中一書建唔建議買全套新書等等，諗住暑假期間同阿囡備課，各科需要注意事項或重點。唔好意思，太多問題喇，想同阿囡一起面對&適應中一轉接點。

作者: katrinaau2002 時間: 12-7-13 21:48 標題: UMii 的帖子

呢間學校風好唔好嫁？

作者: katrinaau2002 時間: 12-7-13 21:49 標題: katrinaau2002 的帖子

band 幾?band 2難唔難入

作者: quee246 時間: 12-7-16 17:40

我兩年前畢業，依家仍然有聯絡
我可以總括，好多老師都狗眼看人低
如果成績較差的就要目弟下有無運氣遇到好老師
校風我覺得是不錯的，精英班同吾系精英班的分別就系一個有人理，一個無人理
成績呢幾年越來越差，但仍算BAND2頭的

作者: UMii 時間: 12-7-16 23:03

回復 rockin1112 的帖子

呢幾日聽好多講今年入黎既中一生成績好叻！我諗你囡都一定係叻女，加油呀。

學校校風一樣都唔錯，係屯門都出名校風純樸。
一間學校點都會有乖既人唔乖既，但係唔乖既比例只係好小。
讀書壓力我又唔覺太大，初中幾年都讀得好開心，高中有壓力就難免！不過老師都好樂意同學生傾下計。

至於精英班同唔係精英班，當然係學習氣氛啦，精英班真係好勤力，課程會教快啲，有時可能會覺得有壓力因為個個都好叻好勤力嘛！

我又唔覺得好多老師

都狗眼看人低，我精英班同差啲既班都讀過，我覺得啲老師都好好，都好有心機教，我成日都借用佢地好多時間問野都好詳細咁答番我，又會鼓勵下學生！

買書方面就係睇你地經濟喇，我中一係買全套新書，可以問下囡囡意願，會唔會想新校園生活用新書，鼓勵有個好開始咁。我岩岩睇左書單，真係唔平喎而家啲書。
中一用舊書都無咩問題既，記住要檢查清楚版本岩唔岩。同埋習作 WORKBOOK 就建議買新，音樂、普通話可以買舊因為比較少用，一星期只會上大約三堂。

七月定八月好似有分班試？我唔知而家仲有無，係考小學既野。
暑假幫佢備課係好事，我中一前都有備課，之後跟得唔辛苦都好快適應！
中文你可以同佢睇下課文內容，了解課文好重要，因為小學同中學的中文都有幾大的分別。
英文就可以查定字典，到時上堂就唔會唔知老師講緊咩。
數學可以做下基本，或者重溫小學既野先，打好個根底。
科學 ( I.S ) 我個時就無乜點備，一開始都係會窗實驗既工具，設施等等，如果就咁用書同佢講可能會難明啲，個時上科學係會有埋實物加老師講解，都幾有趣！
可以只係幫佢備呢幾科先，唔好逼得太緊，等佢慢慢適應校園生活啦！：）

可能答得唔夠詳細，你可以繼續問架，加油呀，讀左劉金龍咁多年我都係開心的！

作者: UMii 時間: 12-7-16 23:05

回復 katrinaau2002 的帖子

唔錯架！你可以睇番我下面的回覆。我入個時係 BAND1，而家好似降左少少，但仍然係英中。
難唔難入呀，呢個我就肯定唔到，我個時係第一輪面試入既。

作者: rockin1112 時間: 12-7-17 18:41 標題: UMii 的帖子

多謝妳呀~

答得非常詳盡，我會好好利用暑假同阿女備課，陪住佢適應中一生活

歡迎光臨教育王國 (/)