教育王國
標題: 囝囝返來投訴班主任 [打印本頁]
作者: maymail 時間: 12-7-4 09:55 標題: 囝囝返來投訴班主任
囝囝昨天投訴班主任罰佢坐門口，並鬧佢話唔想見到囝囝。被罰的原因系囝囝畢業禮個日著借校服！囝囝因為這件事話唔想返學了！我是否應該打電話返學校了解下情況呢？囝囝已12歲。就升中一
作者: nganc9 時間: 12-7-4 10:00
剩番幾日, 如果己settle down, 忍埋佢啦!
作者: ohnono 時間: 12-7-4 12:55
我相信你應該跟小朋友說清楚，如果係錯，點解會錯，點樣可以改善，錯了怎樣面對，唔係跟父母講話唔返學，讓父母出頭去找老師理論以求出番一啖氣。
樓主亦要自我反醒，點解可以讓小朋友用唔返學來作為報復的手段，我相信，今日你幫不了他，第日佢會用更加激進的方法，甚至用死亡來威脅！
作者: 杰杰媽媽 時間: 12-7-4 13:19
早2日影畢業相，我仔個班都有人著錯運動衫，佢都俾人鬧到狗血淋頭，因之前通告講明要著校服，最後好彩佢住得近，叫屋企人即時拎衫去學校換，如果唔係我估個同學冇得影畢業相都似。
講真自己做錯野就要俾人鬧／罰，好小時，老師前一日一定有再提佢地，佢收唔到係佢唔岩，係我仔既，我仲要鬧埋佢一份。
作者: pangivan 時間: 12-7-4 13:40
我讀小學時,做錯事老師會打藤條,我覺得應該.
作者: ANChan59 時間: 12-7-4 13:54
回復 杰杰媽媽 的帖子
態度正確，孩子錯，不能譲他逃避。
作者: ohnono 時間: 12-7-4 13:59
罰都只係一個形式，最主要係在這事上，小朋友和父母得到甚麼迻啟示！
作者: DBS_spdm 時間: 12-7-4 14:51
本帖最後由 DBS_spdm 於 12-7-4 17:11 編輯
罰還罰，著錯校服都不至於要咁樣罰，六年班罰坐門口再加一句"我唔想見到你！“。對少年期嘅小朋友係好大嘅誨辱。佢唔想返學可能有心理因素，要了解開導，免注成大錯。
作者: kenfu 時間: 12-7-4 14:55
提示: 作者被禁止或刪除 內容自動屏蔽
作者: Yanamami 時間: 12-7-4 15:01
唔知他日老細叫帶份文件去簽約, 帶錯左俾人炒魷. 會唔會話: 帶錯左份野o者, 洗唔洗要炒, 仲話以後都唔想見到我呀?
我諗呢個係責任心問題. 自己理虧, 打就要企定.
作者: DBS_spdm 時間: 12-7-4 15:33
現今有一些家長在意式及行為上已授權小學老師甚至中學老師惡型惡相咁對待自己小朋友，難怪香港小朋友在學習上好難搵到樂趣。難道真係無其它方法哩咩？
如果一定要咁態度對待小朋友，咁教師就唔使專業都得，家長已可以了。
到有一日受害者係自己小朋友，各位家長又會點嘅心情呢？
小朋友除咗對佢惡之外，無理由無其它方法吓？
作者: maymail 時間: 12-7-4 15:59
回復 杰杰媽媽 的帖子
問題就是當時老師宣佈著校服時，我個囝被另外一個老師叫去修改發言稿的事。所以就唔清楚。我當時有跟佢分析，唔理點解都好，自己始終系錯著。雖然唔系有心。不過我覺得這件事對我個囝造成了一定的壓力。佢好少會返來講到學校的事哭
作者: BallBallMaMa 時間: 12-7-4 16:02
回復 DBS_spdm 的帖子
咁當時小朋友對自己著錯校服這件事有沒有認錯呢?
會唔會老師開頭不是咁樣, 而是給小朋友愛理不理的態度激怒的呢?
要了解清楚先
作者: maymail 時間: 12-7-4 16:05
嗯，當我聽到這件事後我有問佢，被老師罵時，他有同老師解釋話被其他老師叫離著課室，不過佢班主任話幾時都系架啦，凡系這些活動都要著校服的啦！總之這些是囝囝所講的情況，並不了解當時老師是如何同佢頃。今晚佢返來看點先。
作者: ANChan59 時間: 12-7-4 16:36
Yanamami 發表於 12-7-4 15:01 
唔知他日老細叫帶份文件去簽約, 帶錯左俾人炒魷. 會唔會話: 帶錯左份野o者, 洗唔洗要炒, 仲話以後都唔想見 ...
"弱小心靈受傷害，自殺點算? 你賠番個仔俾我呀......"
作者: DBS_spdm 時間: 12-7-4 16:47
本帖最後由 DBS_spdm 於 12-7-4 17:12 編輯
照咁講版主你都唔洗點睇嘞，全部都係阿仔錯晒，老師打佢都仲得，仲要企定添。
衷心希望無細路會因為咁而自尋短見囉，一震返黎鬧多佢兩野唧
講笑啫，sorry ! 知你應該好煩。
作者: ANChan59 時間: 12-7-4 16:53
本帖最後由 ANChan59 於 12-7-4 16:54 編輯
回復 maymail 的帖子
看得出妳是明理的家長，聽完阿仔的描述，在問老師才決定吧，太多未知數???
肯定唔好即時怪老師或仔仔，做一個好榜樣。
作者: DBS_spdm 時間: 12-7-4 17:02
影畢業相都係靠把口講下算數？無寫手冊或通告請家長留意？
如果淨靠口頭通知，一個有經驗嘅老師都應預期好多小朋友會左耳入，右耳出啦。
作者: DBS_spdm 時間: 12-7-4 17:04
本帖最後由 DBS_spdm 於 12-7-4 17:10 編輯
回復 BallBallMaMa 的帖子
Sorry, 漏左回覆，
同意先了解，後判斷，不過唔好假設老師一定無錯。
對待小朋友，人情和道理應該互相兼容，佢地仲係幼苗，體諒同自尊心係好重要。
作者: mrs.so 時間: 12-7-4 17:14
回復 ohnono 的帖子
非常認同!
錯要認, 要檢討錯在那裡, 唔可以逃避責任...
作者: phoebepanpan 時間: 12-7-4 17:42
我估樓主針對係 "並鬧佢話唔想見到囝囝" ,
作者: 黃巴士 時間: 12-7-4 17:59
本帖最後由 黃巴士 於 12-7-4 18:00 編輯
DBS_spdm 發表於 12-7-4 17:02
影畢業相都係靠把口講下算數？無寫手冊或通告請家長留意？
如果淨靠口頭通知，一個有經驗嘅老師都應預期好 ...
高小- 我校老師經常口頭通知某些要帶的作業,書本, 注意事項, 而不會寫在手冊上. 因為認為小朋友已大個, 有足夠能力去ATTENTION & REMIND自己的事情.
所以, 有時我小朋友幫老師在教員室取簿回來/幫老師做其他事情, 而離開/遲入課室, 很多時, 老師講的, 他會MISS了而遭寫手冊"欠"帶/交.
我都只是平常心去看待.
但我覺得小朋友因一些不開心/不如意的事情/對待而去想"不返學", 是一種不敢承擔的行為. 
作者: 杰杰媽媽 時間: 12-7-4 18:17
如果只係個一次口頭通知，而個小朋友不在場，咁唔知道著錯係正常，又唔可以怪佢。
大前提係冇用其他方式提過呢件事。
作者: Umi 時間: 12-7-4 18:57 標題: 回覆：囝囝返來投訴班主任
我覺得係人生既經歷！少少事就發少爺脾氣唔返學，第時返工比老闆或上司話咁佢會點，將來大把野係會冇理由、冇解釋的
！咁你會點幫佢拆？
佢已經快升中啦！佢有能力handle的，唔想比人鬧、比人罰，就自己再做好d，好到唔好比人有機會挑三揀四，這樣才會成長的，千其唔好比佢返屋企呻兩句就幫佢電學校，反而正面帶佢睇返佢自己出了什麼問題才是為他將來好！他有唔開心既情緒是正常的，靜靜地聽佢話晒出來便ok~
作者: CS0316 時間: 12-7-4 19:21
錯係需要同個小朋友講, 但係我亦覺得個老師有點過分, 不過現在距離畢業只有一個星期, 多一事不如少一事, 同個小朋友講老師唔係咁嘅意思算啦!
作者: vincher 時間: 12-7-4 19:52
回復 maymail 的帖子
我也不認同如此罰!責罵係要，但此句又好傷害孩子!不過畢業禮係莊嚴的典禮，要穿整齊校服!穿錯衣服又有點兒••••••
難道之前所發的通告沒寫需穿什麼嗎?
作者: alice44 時間: 12-7-5 10:29
其實畢業禮唔使人講都知要穿校服不會穿運動服的. 我覺得學校係會有出通告通知的.
作者: renewdanny 時間: 12-7-5 11:14
路過, 順便問一問, 做父母既, 子女畢業禮, 會唔知著咩野衫既咩.
作者: gigivinda 時間: 12-7-5 11:30
仔仔是做得不對，但老師也處理得不對，過火了，但求出氣．我會客觀分析整件事給仔仔聽，但不會回校討公道或了解事情．反而會教仔仔處理自己的情緒，怎樣在壓力下站起來，面對這種事情．這樣會讓他成長．我不會怪責仔仔，也不會投訴老師，因為社會實在有很多人像這老師一樣對事情處理不當．我會支持仔仔，幫他分析對錯，鼓勵他回校面對，學習做一個鐵漢．
作者: NormalGuy 時間: 12-7-5 13:25
本帖最後由 NormalGuy 於 12-7-5 14:32 編輯
gigivinda 發表於 12-7-5 11:30
仔仔是做得不對，但老師也處理得不對，過火了，但求出氣．我會客觀分析整件事給仔仔聽，但不會回校討公道或 ...
我都認同孩子有錯要檢討, 但老師EQ低也應檢討, 老師應有教養才能教好學生. 如果衡量過把事情和老師或校長提出來商討不會影響孩子的話,為人為己, 我覺得把意見說出來是正面和積極的做法, 但你就要預咗忠言逆耳.
孩子是上了人生一課, 世上有很多不公平的事, 磨鍊得多, 面皮自然變厚, 百毒不侵, 但也要適度爭取公義.
作者: Ivy07 時間: 12-7-5 13:56
不如了解下係咩一回事先，一條鎖匙唔會響的，一定有引因的，了解清楚後，好好解釋比小朋友聽，就當係一個人生經驗
作者: Meikin 時間: 12-7-5 15:11
老師也是人, 也會犯錯. 正如身為父母, 有時也會有情緒, 沖口說出一些本是無心, 但偒小朋友心的說話.
如果是我, 我會先安撫囝囝的情緒, 然後跟他一同分析及檢討整件事, 如下次有相同情況, 如何可以避免呢. (這才是最重要)
我想學校事前應有通知畢業禮事宜, 即使沒看清楚或錯過老師的口頭宣佈, common sense也應該知道要著整齊校服, 不肯定的話, 也可以致電同學問問.
雖然老師可能有誤會, 也會說錯話. 但我時常跟我的囝囝講 -- 口長在別人處, 別人怎樣說,怎樣想, 你都是控制不到的.
做得不好被人怪責, 我會要求他先檢討自己是否有錯, 有不善的地方. 做錯了不要緊, 重要是從中汲取教訓, 知道錯在哪裏, 哪些地方可以改善, 避免以後犯同樣的問題.
上到中學, 大部份學校/老師已當小朋友是大個存看待, 不一定會有適應期或好似小學時那樣提點你. 將來出來做事也一樣會遇到同樣的情況. 興其說其他人應該如何對自己, 倒不如先做好自己.
因此我覺得除非事態嚴重, 我一般不會向學校或老師投訴或反映, 反而會藉這件事教囝囝自己如何去面對和處理.
但同時我會向囝囝解釋老師為何可能會說出這樣說話的原因, 並以此為反例子, 教導他日後說話時不要沖口而, 要多想想別人的感受.
| 歡迎光臨 教育王國 (/) |
Powered by Discuz! X1.5 |