教育王國

標題: 調景嶺匯知中學與順利聖道迦南 [打印本頁]

作者: smilejackie 時間: 12-6-19 12:29 標題: 調景嶺匯知中學與順利聖道迦南

阿女畢業試都考完, 成績亳無起色, B2, 相信成功叩心儀機會低.上面兩間仲收唔收9月S1學生?
阿女喜運動, 畫畫, 缺自信,
請問邊間好D?

作者: k_0530_a 時間: 12-6-19 12:55 標題: 引用：阿女畢業試都考完,+成績亳無起色,+B2,+相信

原帖由 smilejackie 於 12-06-19 發表
阿女畢業試都考完, 成績亳無起色, B2, 相信成功叩心儀機會低.上面兩間仲收唔收9月S1學生?
阿女喜運動, 畫畫 ...

打電話去學校，問定有否叩門位，做定file叩門。

作者: 杰杰媽媽 時間: 12-6-19 16:23

本帖最後由杰杰媽媽於 12-6-19 18:08 編輯

千祈唔好讀匯知，我住係隔離，d學生煲煙／粗口／女仔條裙有咁短得咁短，咩都齊

作者: joemyt 時間: 12-6-19 17:03

聖道迦南學生唔錯，又有警察宿舍在學校隔離，好多學生都係去宿舍內的商場茶餐廳 lunch。

作者: rogerlam123 時間: 12-6-19 21:54

雖然話成績亳無起色, 都唔好攪到操行退哂色, 匯知係本區名校, 千萬要考慮清楚呀!!!!!!!!!!

作者: 24孝阿媽 時間: 12-6-19 22:19

Yes, 匯知係本區" 名校 ", 千萬要考慮清楚呀!!!!!!!!!!

作者: 杰杰媽媽 時間: 12-6-19 22:52

就算BAND3,我揀隔離香島都好過匯知(操行)

作者: smilejackie 時間: 12-6-21 19:26

朋友的侄女讀匯知, 佢話個小朋友由小學時的滿江紅至現在F.3 考到頭10名, 老師很鼓勵他們, 校風佢話OK掛, 唔清楚

作者: rogerlam123 時間: 12-6-22 18:35 標題: 回覆：調景嶺匯知中學與順利聖道迦南

如果係我，我會喺食午飯及放學的時間去兩間學校附近＂辣辣更＂實地觀察下兩間學校的學生才決定！

作者: ^曾小姐^ 時間: 12-6-22 18:50

以我所知,匯知中六以上先可以出街食飯,老師好有愛心,好多都同學生玩成一遍
其實有邊間學校唔會有學生食煙講粗口?

作者: manmanhau 時間: 12-6-22 19:29 標題: 以我所知,匯知中六以上先可以出街食飯,老師

原帖由 ^曾小姐^ 於 12-06-22 發表
以我所知,匯知中六以上先可以出街食飯,老師好有愛心,好多都同學生玩成一遍
其實有邊間學校唔會有學生食煙講 ...

但比例多就不可接受囉！呢個風氣就唔要得。

作者: rogerlam123 時間: 12-6-22 22:27

manmanhau 發表於 12-6-22 19:29
但比例多就不可接受囉！呢個風氣就唔要得。

所以家長最好還是要實地考察!!! 眼見為真, 地區名校, 人家不是隨便說的.

作者: NCLmama 時間: 12-6-26 12:17

小兒都會在今年九月升上中一, 佢成績唔好, 係b2b3邊緣人, 聖道迦南, 匯知, 二間直資我都有去聽講座同面試, 兩間中學都感覺好有心去教導小朋友, 校長好友善, 係呢一年我不斷咁問家長心得, 對某某學校的評語, 聽人講真係會好亂, 好似上面有家長話匯知係"名校", 話香島品行好d, 但我一樣係另一d 家長到聽到相反既意見, 千祈唔好讀香島, 又好似我仔班主任極力推介匯知, 因為有畢業生回校見證學校對佢地既支持同讀得好開心, 而隔離班班主任就覺得香島對操行都好嚴緊, 仲有我朋友個仔讀聖道迦南, 佢話都有人食煙講粗口, 所以我都認同rogerlam123既說法自己去睇, 去搵間程度適合小朋友既學校。

另外, 我有少少對聖道迦南面試既分享, 校長表現好有心, 但面試時老師不斷在本人同小兒面前批評小兒, 實在有欠專業。

作者: smilejackie 時間: 12-6-27 22:48

真是心大心細

作者: latte55178 時間: 12-7-1 23:04

我之前o係匯知教過課後補習, 真係唔好入呀

作者: HaYi 時間: 12-7-2 09:05

成日係MTR 見匯知D 學生, 感覺係

作者: phoebepanpan 時間: 12-7-2 13:36 標題: 回覆：latte55178 的帖子

香島如何？

作者: heihonmum 時間: 12-7-2 22:03

我選了匯知, 因為覺得這學校有很多學術以外的活動, 對一些學習能力較弱的小朋友会有幫助. 希望沒有選錯.
去過學校附近看, 学生都沒甚麼不妥, 反而隔離香島学生就似乎較差.

作者: 雪文 時間: 12-7-3 09:38

杰杰媽媽發表於 12-6-19 16:23
千祈唔好讀匯知，我住係隔離，d學生煲煙／粗口／女仔條裙有咁短得咁短，咩都齊 ...

我朋友個女, 中二. 今年要轉校.

作者: bosyahoo 時間: 12-7-3 11:24

無論是在學術，體育，音樂/朗誦，校舍方面，匯知中學都比其他的學校優秀。然而，在師資方面,基督教中國佈道會聖道迦南書院是比較出色。學費方面每年學費為$6,000。學位教師比重高，學校佔地面積約 8000平方米，設施包括null。
匯知中學是直資的男女校，採用中文教學，如果經濟能力許可，建議選擇匯知中學。其次，基督教中國佈道會聖道迦南書院也是一個不錯的選擇!

詳情分析

作者: NCLmama 時間: 12-7-3 11:25

回復雪文的帖子

請問知唔知點解??

作者: 雪文 時間: 12-7-3 14:29

另一原因可能佢一直係傳統的學校返學, 一下子去到咁自由的中學, 可能都係原因, 而家佢爸媽想同佢揾返傳統教會學校.

作者: latte55178 時間: 12-7-3 21:54

回復 phoebepanpan 的帖子

香島唔清楚, 聽聞都唔係咁好

匯知係我真係o係入面教過班
我教o個年有不少學生由名校小學升上來
學生的確比較俏皮, 但是尚可
2個月後, 學生已經被這學校風氣完完全全改變
例如: 1. 一不高興就掟椅子, 2. 走堂仍極度常見的事, 3. 粗口/態度極度惡劣不在話下
當然不是所有學生都是這樣, 但起碼8成
我都好奇怪點解有咁多名校小學生會揀匯知

另外, 有一樣野係所有打算入讀的家長要留意
匯知每級有5班, 每一年都有分班試,
成績差的2-3班 (我唔記得), 係唔會教哂數學科的syllabus
我唔清楚其他科有冇同一情況, 但at least maths 係咁

作者: latte55178 時間: 12-7-3 22:01

bosyahoo 發表於 12-7-3 11:24
無論是在學術，體育，音樂/朗誦，校舍方面，匯知中學都比其他的學校優秀。然而，在師資方面,基督教中國佈道 ...

omg,,,click 入你個"詳細分析", 見到匯知6科14分百份比係20%....
你仲叫人入匯知???

學術	5.0 分	4.0 分
Banding :	2C	3C
高考中文及格百份比 :	0	0
高考英文及格百份比 :	0	0
入大學百份比 :	0	0
6科14分百份比 :	20

作者: 杰杰媽媽 時間: 12-7-3 23:27

所以我先講我就住係匯知隔離,日見夜見(返工& 收工都撞到正), 住左8年撞到呢間學校既學生,TOTAL 唔夠20%係乖學生,我唔係踩呢間學校,只係講親身眼見既事實,不喜物插

歡迎光臨教育王國 (/)