教育王國

標題: .你地做家長心目中, 多少分才滿意 [打印本頁]

作者: 超正龍吐珠 時間: 12-6-14 21:01 標題: .你地做家長心目中, 多少分才滿意

我起碼90分以上才滿意, 但身邊朋友大多80以內就心足, 有些話剛合格(60分以上)己經滿足

作者: ChiChiPaPa 時間: 12-6-14 21:14

分數唔重要。隨意啦！讀得開心就夠啦！每天孩子面上的笑臉比甚麼都要好。

作者: 瑄婷 時間: 12-6-14 21:19 標題: 引用：分數唔重要。隨意啦！讀得開心就夠啦！每天

原帖由 ChiChiPaPa 於 12-06-14 發表
分數唔重要。隨意啦！讀得開心就夠啦！每天孩子面上的笑臉比甚麼都要好。 ...

我都係咁話！

作者: 杰杰媽媽 時間: 12-6-14 21:37

本帖最後由杰杰媽媽於 12-6-14 21:38 編輯

有"真正" 盡力,幾多分都冇問題

冇盡力,就算100分我都唔OK

(我成日都係咁同個仔講)

作者: mo-ma 時間: 12-6-14 22:04 標題: 引用：+本帖最後由+杰杰媽媽+於+12-6-14+21:38+編

原帖由 杰杰媽媽 於 12-06-14 發表
本帖最後由杰杰媽媽於 12-6-14 21:38 編輯

有"真正" 盡力,幾多分都冇問題

超同意！

作者: 小小bb 時間: 12-6-14 23:04

無什麼滿意不滿意, 盡了力就最好。

作者: cc_2012 時間: 12-6-14 23:45

無意得罪,只想說:如還說「求學不是求分數」的家長,真的是心底裡的所想嗎?
有得揀;除想小朋友開心成長、無病無痛外,但成績年年在後(不論盡了力與否),會否感到有點不足?

最最無奈及心寒是有些家長,口裏說着人家的兒女不須緊張學業,只要開心過日便可,
而自己卻大力催谷子女,琴棋書畫。

以上的純是現實和所見,很值大家細味一番,謝謝~~

作者: 杰杰媽媽 時間: 12-6-15 01:07

回復 cc_2012 的帖子

好認真講,如果有盡力溫書,我唔信會考得差.

作者: 長生不老 時間: 12-6-15 01:34

提示: 作者被禁止或刪除內容自動屏蔽

作者: 瑄婷 時間: 12-6-15 05:31 標題: 引用：回復+杰杰媽媽+的帖子你好命姐+!+有個天

原帖由 長生不老 於 12-06-15 發表
回復杰杰媽媽的帖子

你好命姐 ! 有個天生嘅叻仔 , 幾多無天份讀書嘅人 , 溫極都唔掂架 ! 唔係使嘜有咁 ...

同意！勤力讀唔代表佢吸收到又或者考試時表達到！不過成績表唔靚不是代表一切，好多港隊代表成績都一般！祇要佢地認定目標，一樣有成功的一曰！

作者: karen2323 時間: 12-6-15 07:41

我都想講求學不是求分數，但升中派位話我知：比人低一份可以由 band 1變band 2的，我就會叫個女比d心機啦！

作者: orangebb 時間: 12-6-15 08:32

回復杰杰媽媽的帖子

我無意冒犯, 不過我識得身邊都有好多好盡力嘅小朋友, 真係讀唔掂就讀唔掂架.

以往細初小都仲尚可, 一直維持級30名, 甚至50名之內, 去到高小, 已開始跌, 一路跌, 佢地媽媽一路揾補習, 都係補極都唔掂, 甚至有次派成績表, 其中一個媽媽喊住打比我, 數學得60幾分, 中文70幾, 點解會咁, 佢地2個(媽媽自己+小朋友)已經非常努力, 臨考前仲溫到10點先比瞓, 都攪成咁, 最後, 3次呈分試加埋, 考級110幾, 係band 2 中尾.

有時係資質問題, 再加上如果屋企有個高人, 點佢一句好過佢摷十本書架.

作者: JustAParent 時間: 12-6-15 08:36 標題: 引用：無意得罪,只想說:如還說「求學不是求分數」

原帖由 cc_2012 於 12-06-14 發表
無意得罪,只想說:如還說「求學不是求分數」的家長,真的是心底裡的所想嗎?
有得揀;除想小朋友開心成長、無病 ...

從來不覺得孩子活得開心便可。對大部分小朋友來說，唔使讀書由朝玩到晚最開心，大人還不是一樣。做人最重要盡本分，不同年紀有不同責任，聽明仔hea住九十分還不如一個努力過的60分值得父母珍惜，我小時候老一輩都是這樣教，畢竟，讀書也要看天份，迫未必迫得來。學校的教學模式理念對小朋友也有決定性作用，有些家長認為，叻的學生都係自己叻唔關學校事，另一極端係，死都要死係某幾間名校，個人覺得都不可取。父母職責在於培養小朋友正確的生活態度，給他製造一個適合他成長的環境，其他一切，還得看天。何苦硬要在孩子身上複製一條什麼成功方程式？況且，對很多人來說，這條方程式在自身實驗不是已經失敗了嗎？何必唔信邪拿自己小朋友再做一次？

作者: kanlawts 時間: 12-6-15 09:28

有D小朋友比較遲開竅，要均衡，太大壓力效果未必好

作者: hw1115 時間: 12-6-15 10:22

我識得一位媽咪, 佢小朋友是語文低弱( IQ ),
但佢媽咪唔識字, 又不會搵人教,年年係主流小學照升班,
我真的很擔心呢位小朋友既前程. 無奈!

唔好意思, 離題 !

作者: ABC-DAD 時間: 12-6-15 11:29

小朋友自己知道自己有努力，自己知道有進步，自己滿意，我會滿意，如果，佢知道自己未盡力，所以有唔滿意，我都收貨，但要佢下次做番令佢自己都滿意嘅表現。但無論點，要佢清楚現實世界存在競爭，想過自己追求的理想生活，就要知道自己付出咩，而得到咩，將來佢地要靠自己過生活。

作者: reginayu 時間: 12-6-15 12:00

我都同意求學不是求分數, 但係小朋友都會因分數低而覺得自己比人地差, 特別係高小, 孩子對自己會缺乏自信心。而且無論家長點樣鼓勵, 實在也不及一張靚嘅成績表噤有説服力, 及得到朋輩嘅認同。對一部分小朋友來說，唔使讀書由朝玩到晚又未必最開心。所以家長有時都很矛盾。

作者: tungyanmama 時間: 12-6-15 13:39

我有個小女兒, 幼稚園時期無替她補習,希望她過一個快樂既幼稚園生活,到1年級時發現她的語文IQ不及同年齡,每次考試份中文卷一定唔合格,重要比學校話佢有咩咩病,心裡很難過,經過一年時間(找補習,多看書等) 今次份中文卷有40/50, 作文卷由不合格到合格多2分13/20 , 現在語文卷比起其他同學是中間位,作文差D,但我已經很開心亦很滿意,同時我要話比學校知道,不要因為小朋友一時追唔上就搵D咩咩病推給小朋友及家長,希望各位小朋友都能開心過暑假

作者: mrs.so 時間: 12-6-15 13:55

本帖最後由 mrs.so 於 12-6-15 13:56 編輯

我都想分享一下...

我兩個仔分別小五及小二

我大仔小聰明成績唔錯, 由幼稚園到現在, 分別唔同既老師話我大仔可以考第一, 但佢懶洋洋既性格唔好, 所以從未考過頭三名

我細仔幼稚園証實有讀寫障礙, 我最初接受唔到, 但我努力面對, 同學校一齊努力之下, 今年小二成績明顯有進步.

我兩個仔擁有既唔同強弱項, 對我黎講分數指係一個數字, 只係可以講我知小朋友同班既程度去到邊,

今年大仔小五呈分試, 我都好緊張, 當我每日放工返到屋企, 我見到我大仔自己做哂功課同溫書, 我好安慰, 加上我大仔係考試前一星期(即係上星期五)同我講:媽咪, 我考左五年試, 我未試過連考音樂都腳震, 食粥食飯睇今次

我聽到之後, 我好擔心, 大仔既心理狀況影響呈分試表現, 再者, 幾多分都唔重要, 重要係我真係見到我大仔今次有主動努力, 我已經心滿意足...

作者: Fion_Chan 時間: 12-6-15 14:04

其實與所謂"滿意的分數"一樣，"盡力"、努力"溫書考試，定義大家不盡相同。

例子1：
我叔仔最近如發現新大陸一樣，話終於知點解同學們大家都有努力溫書、佢自己都溫到11、12點，但人地會考得好，佢就唔掂，.......佢發現原來人地溫書是日日溫的 (佢臨考兩個禮拜至日日溫到11、12點)

例子2：
我由小一已教阿仔做完卷要覆卷，佢每次都話有照做。最近佢如發現新大陸一樣，話因考第一那個同學今次坐在他前面，發現考第一同學做完卷是逐題check，成張卷由頭掃一次check。我

問：咁你點覆卷？答：揭一次睇下邊題未做囉，如做哂就伏枱囉

作者: Ivy07 時間: 12-6-15 14:07

我個仔想迫都迫唔到，我能力範圍可以做的都做哂，罵又罵過，勸又勸過，佢都係hea住讀，剛剛好合格就叫交代左比我，成日個心就諗住玩，我講咩都係耳邊風，好時真係好氣餒

作者: mrs.so 時間: 12-6-16 10:26

回復 Ivy07 的帖子

明白, 我大仔都係咁, 只係今次呈分試突然知道係咩一回事, 居然自己主動發力, 我隨左幫佢溫默書之外, 其他我已經放手.

歡迎光臨教育王國 (/)