教育王國
標題: 中學聯繫學位問題 [打印本頁]
作者: YWCCL 時間: 12-5-22 12:35 標題: 中學聯繫學位問題
一間中學與2間小學有聯繫，在派位時中學有25%給有聯繫小學，想問係每間小學都有25%聯繫學位還是25%聯繫學位2間小學平分？
作者: alice44 時間: 12-5-22 12:39
本帖最後由 alice44 於 12-5-22 12:41 編輯
應該是兩間一同享有嗰25%, 即是大抽獎時一同抽, 沒有特定12.5%給一間聯繫小學.
作者: clarawuwu 時間: 12-5-22 13:41
我都想知..係點分配? 大抽獎時先分配?
作者: tszyan1001 時間: 12-5-22 15:24
咁我想問吓喺大抽奬時，係抽咗保留學位俾聯繫小學先，定係先抽非保留學位呀??
作者: tszyan1001 時間: 12-5-22 20:04
作者: Chanv 時間: 12-5-23 07:37 標題: 引用：咁我想問吓喺大抽奬時，係抽咗保留學位俾聯
原帖由 tszyan1001 於 12-05-22 發表
咁我想問吓喺大抽奬時，係抽咗保留學位俾聯繫小學先，定係先抽非保留學位呀?? ...
作者: tszyan1001 時間: 12-5-23 11:42
明白!唔該哂!
作者: MariaTsui 時間: 12-5-24 10:52
請問保留學位是留待大抽獎用嗎?我一直以為是面試用,如果有2間小學是聯繫,可能一間BANDING高D,我以為入的人數會多D.
作者: redkoni 時間: 12-5-24 12:34
MariaTsui 發表於 12-5-24 10:52 
請問保留學位是留待大抽獎用嗎?我一直以為是面試用,如果有2間小學
是聯繫,可能一間BANDING高D,我以為入的人數會多D.
以灣仔軒小為例，軒小的聯繫中學，適合男生的有皇仁、金文泰及鄧肇堅維多利亞官中，如果你是軒小Band1男生，你會點揀？
今年灣仔區校網，皇仁有50個非保留位，17個聯繫保留位。而鄧肇堅維多利亞官中有49個非保留位，12個聯繫保留位。
假設軒小上午有50位Band1男生參與乙部大抽獎，全部選皇仁為第一志願，軒小下午有40位Band1男生參與乙部大抽獎，有39位選皇仁為第一志願，有1位選鄧肇堅維多利亞官中為第一志願，他是邊緣人，以為自己屬Band2。同時，灣仔區校網也有30位參與乙部大抽獎的非軒小Band1男生選皇仁為第一志願。首先要攪清楚，聯繫小學學生必須要在第一志願選聯繫中學，才可抽其聯繫保留位，所以就算有幾間聯繫中學，但抽聯繫保留位的機會只有一次！
統一派位大抽獎開始，先抽甲部，如果無人抽到，進入乙部第一志願，首先處理直屬及聯繫，軒小上下合共(50+39)=89人Band1先抽皇仁的17個聯繫保留位，當然有(89-17)=72人暫時落空，這72人hold住先，那邊廂，軒下的那1位Band1先抽鄧肇堅維多利亞官中的12個聯繫保留位，無人爭當然實掂，餘下的11個保留位便輪到軒小揀維官做第一志願的Band2生去抽，嘻，抽輸剩下的Band2也hold住先。現在才開始處理非保留位，由Band1開始，剛才hold住的72人再與街外那30人，合共(72+30)=102人一起抽皇仁的50個非保留位，抽輸的人便進入第二志願，如此類推，直到所有Band1抽完第30志願，便開始處理Band2第一志願的非保留位，剛才hold住的軒小Band2又可以與街外揀維官做第一志願的Band2，合共抽鄧肇堅維多利亞官中的49個非保留位(視乎之前有幾多Band1取剩)，又再重演像剛才Band1的過程，如此類推，唉，真係打字打到手軟。
作者: MrsYing 時間: 12-5-24 14:43
But I have called EDB, the lady said (Wah Chai District): 大抽奬係同區抽咗非保留學位呀, 才抽保留學位俾聯繫小學.
作者: tszyan1001 時間: 12-5-24 15:07
我有問過敎統局統一派位的查詢電話，佢話係先抽保留學位!但我又不明為何我仔小學的聯繫中學只有廿多個保留學位給小學，上年卻有四十多聯繫小學學生入到其中學，還有少量B2學生都入了那間B1 聯繫中學，而那職員就解釋可能B2生是在自行入咗，但我認為一間有名的B1中學有無需要在自行收一些B2仲係繫小學的學生呢?無咩可能囉!唯一解釋就是可能先抽非保留學位,在過程中已有大部份B1聯繫學生抽中，才抽保留學位俾聯繫小學.所以有些B2學生在此時有得執死雞入到!不過這只是本人沒根據的差測而已!!
作者: 黃巴士 時間: 12-5-24 15:23
本帖最後由 黃巴士 於 12-5-24 15:47 編輯
tszyan1001 發表於 12-5-24 15:07
我有問過敎統局統一派位的查詢電話，佢話係先抽保留學位!但我又不明為何我仔小學的聯繫中學只有廿多個保留 ...
會唔會係咁 : -
當中2所聯小中, 除卻了2X聯繫位外, 其餘便是大池中抽中及自行時已入. 學生自己本身都唔知自己是小池抽中抑或是大池抽中的!!!
因為唔知你講邊間?所以只可假設此BAND1校是十分受歡迎, 學位<投表數. 以我理解你所說的可能是BAND1尾-BAND2A邊緣人. 實是BAND1尾生.
作者: ABC-DAD 時間: 12-5-24 15:47
本帖最後由 ABC-DAD 於 12-5-24 15:48 編輯
如果小學在全港同區都是強勢，有可能校內Band2生在全港以至區內排都係Band1生，(參考過redkoni 之前的大作悟出來的，THX redkoni)
作者: tszyan1001 時間: 12-5-24 18:40
可能係掛!!
作者: redkoni 時間: 12-5-24 19:45
twcho,
其實以一個例子解釋整個遊戲規則，都要花多少心思設計，既可以涵蓋規則的主體且能夠自我說明，有教無類只是精神，只求付出，不求回報，但在功利主義社會下，這是低成效的蝕本生意，所以今日的所謂教育生態，有教無類巳經成為某些所謂名校的藏書，她們的所謂辦學理念，表裹不一，口是心非。就像三色台的新劇《心x》，連心魔的角色都要刻意化裝成魔鬼嘅樣，驚啲師奶睇唔明，分辨唔到，要討好主流的支持者，無辦法，要迎合商業市場的需要，這等學校好笑在口口聲聲話為學生好、很無奈地被逼要商業化，適者生存才是明智等等，真係好鬼好笑，佢哋同化裝成魔鬼嘅樣的心魔角色何其相似！哈哈，廢話少講，講多錯多，也多謝你俾機會我借題發揮呻吓。
| 歡迎光臨 教育王國 (/) |
Powered by Discuz! X1.5 |