教育王國

標題: 今年小六TSA [打印本頁]

作者: hcmswsy 時間: 12-5-7 12:03 標題: 今年小六TSA

想問今年小六學生好似唔使考TSA,但我哋學校話要照考,想知你哋學校要唔要考?
(如果選擇性考又睇到教育制度的混亂,試問現今學校會否互不比較)

作者: 瑄婷 時間: 12-5-7 12:10 標題: 回覆：今年小六TSA

唔係取消了嗎？

作者: hcmswsy 時間: 12-5-7 12:28

就係校長開統一派位家長會時講我哋學校照考.
之前15/11/11教育處宣佈話2012和2014唔考,2013唔考PS1,當時老師有同
學生講唔考,呀女不知幾開心,還記得她小三時因流感停課都冇考,以為可以
考少D.想知大家學校會唔會似我哋.

作者: htts 時間: 12-5-7 13:51

我以為唔洗添

作者: lulu1312 時間: 12-5-7 14:22

提示: 作者被禁止或刪除內容自動屏蔽

作者: VV媽 時間: 12-5-7 14:22

亞囡學校照考,是不用計分,不會影嚮任何人

作者: maylmm 時間: 12-5-7 14:35

吓, 唔係教育署話取消就全部都唔駛考咩

作者: whmama 時間: 12-5-7 15:29

應該冇取消, please see the below news from Apple Daily dd 18 Nov 11:

【本報訊】教育局日前決定未來三個學年，隔年舉辦全港性系統評核（ TSA）及中一編班試。但教協調查顯示九成學校為學生操練 TSA，學生幾乎要每周補課，批評 TSA是「評核怪獸」，要求全面取消小三及小六的 TSA，但教育局副秘書長謝凌潔貞昨日向逾300名小學校長強調，「小六 TSA，絕對要保留」。

教協批評「評核怪獸」每年約四至五月，全港小三、小六、中三學生必須參加該全港性系統評核（ TSA），讓教育局知道整體香港學生的水平。教協在今年一至三月進行問卷調查，向142位小學課程發展主任了解對 TSA的意見，發現約20至35％受訪老師指，由小一開始讓同學做 TSA練習，六年小學中重點操練中文，其次為英文。學生由小一開始做 TSA補充練習作業，逾五分一人表示利用假期、周末及午膳補課，每周為小一至小六生補課；九成受訪學校指小三、小六的「考試年」會重點補課，約6％學校在小一操練 TSA。教協批評， TSA現時已異化成高風險的「評核怪獸」，要求取消。
昨日教育局常任秘書長謝凌潔貞參加津小議會周年大會，逾300名小學校長出席。她在會上致辭的十多分鐘，重申「小六 TSA，絕對要保留」。她解釋 TSA題目不分深淺，也不記名，只用作了解該年學生表現，作小學教師的教學參考，故有必要保留，學校毋須特別操練。

作者: woodst 時間: 12-5-7 16:08

提示: 作者被禁止或刪除內容自動屏蔽

作者: 日常 時間: 12-5-7 16:19

我個女間學校都不用考,不過佢話考都冇所謂,反正都要考第四次評估,學校出啲paper比TSA仲要難好多!

作者: hcmswsy 時間: 12-5-7 18:37

多謝大家的回應因我今年一個小三,一個小六,如果像報導所言
(教育局常任秘書長謝凌潔貞參加津小議會周年大會，逾300名小學校長出席。她在會上致辭的十多分鐘，重申「小六 TSA，絕對要保留」。她解釋 TSA題目不分深淺，也不記名，只用作了解該年學生表現，作小學教師的教學參考，故有必要保留，學校毋須特別操練。)有冇學校唔操練,小三呀仔講老師要佢哋開TSA網練習,(但我冇)又要佢哋考好D如果唔係要受罰.
另如想了解該年學生表現,校內考試唔可以咩?????我實在有點不開心.

作者: curryson 時間: 12-5-7 19:47

我仔學校都不要考tsa，不過要考ps1。

作者: bmuimami 時間: 12-5-7 20:08 標題: 回覆：今年小六TSA

我女學校照考，但唔呈分

作者: 煒良媽咪 時間: 12-5-7 20:54

本帖最後由煒良媽咪於 12-5-8 10:27 編輯

我哋學校早係上年十二月己出通知比家長以公平投票方式，每位應屆小六家長以一人一票嚟決定是否應考TSA，最終結果係要"考"

作者: wyl 時間: 12-5-8 19:31

我囡學校只考PS1

作者: avbee 時間: 12-5-8 21:24

see which year, some year has TSA and some year has no TSA

作者: ohnono 時間: 12-5-8 23:43

煒良媽咪發表於 12-5-7 20:54
我哋學校早係上年十二月己出通知比家長以公平投票方式，每位應屆小六家長以一人一票嚟決定是否應考TSA，最 ...

一方面鬧教局安排小六的同學考試太多、太密，但到學校比家長自己選擇的時候，家長們又唔願意放棄，真奇怪！

作者: 煒良媽咪 時間: 12-5-9 08:56

ohnono 發表於 12-5-8 23:43
一方面鬧教局安排小六的同學考試太多、太密，但到學校比家長自己選擇的時候，家長們又唔願意放棄，真奇怪 ...

校長話我哋應屆小六生係小三時因豬流感已取消當年TSA考試，而學校又想知現屆小六生既公開考試成績，以作參考日後擬定未來既課程改進。同時校長又承諾唔會因為要考TSA試而額外操練學生，另一方面學生已購買既TSA習作已編入教學課程中既一部分。我諗最重要一點係點解會有大多數家長同意，因為大部分都有弟妹就讀／將就讀同一小學

作者: 貓大姐 時間: 12-5-12 00:29

curryson 發表於 12-5-7 19:47
我仔學校都不要考tsa，不過要考ps1。

我個女都係, 不過, 學校緊張 PS1 多過呈分試, 由今個月開始, 連續 6個星期六上午, 都要返學校補課, 不可缺席

作者: cellon 時間: 12-5-13 00:05

wyl 發表於 12-5-8 19:31
我囡學校只考PS1

Pre-S1 是在中學考的. 7月17日.

作者: cellon 時間: 12-5-13 00:08

貓大姐發表於 12-5-12 00:29
我個女都係, 不過, 學校緊張 PS1 多過呈分試, 由今個月開始, 連續 6個星期六上午, 都要返學校補課, 不可缺 ...

呈分試只影響學生自己，Pre-S1 會影響幾屆的師弟師妹。所以學校肯定會重視Pre-S1.

作者: wyl 時間: 12-5-13 10:33

回復 cellon 的帖子

係喺中學考, 不過操練都係小學嘛

作者: curryson 時間: 12-5-14 13:00

貓大姐發表於 12-5-12 00:29
我個女都係, 不過, 學校緊張 PS1 多過呈分試, 由今個月開始, 連續 6個星期六上午, 都要返學校補課, 不可缺 .

係呀,不過阿仔學校係早上提前廿分鐘返學,同埋一星期二日放學後一小時補,因為星期六有興趣班呱.

歡迎光臨教育王國 (/)