教育王國
標題: 升中選校保險線 [打印本頁]
作者: sokandy 時間: 12-4-23 10:44 標題: 升中選校保險線
點解老師話保險線在第三志願?例如小囡是b1組別,老師建議:
First choice: 1b
Second choice: 1c
Third choice: 2a
作者: adaleung0716 時間: 12-4-23 10:46 標題: 回覆：升中選校保險線
我校議第5
作者: BettyMa9240 時間: 12-4-23 11:19
我女兒學校老師都係建議5,但我們决定去到6，第7志願才開始填bank 2學校。
作者: sokandy 時間: 12-4-23 11:19
其實根據派位機制，所有band-one 學生完成派位,然後到band-two再到band-three。有無可能一間受歡迎2a 學校,在第一組別無位可以派。
如果以上答案:否定,老師要我們設定保險線係好矛盾!
作者: twcho 時間: 12-4-23 11:24
選校策略可參考Khmama的好帖"談填表策略"。
作者: Yanamami 時間: 12-4-23 11:31
khmama唔係話band1生唔好填band2校咩?
3rd志願填band2? 老師靠點?
作者: khmama 時間: 12-4-23 11:39
唉!有幾多個老師真正識得選校既策略? 個個都係因循前人教落1a, 1c, 2a咁就可以保障學校頭3志願派位100%
. 睇黎我寫o個四篇策略只可以贈與有緣人, 如果肯花些少時間理解下band1生仲使咩煩?
作者: sokandy 時間: 12-4-23 11:49
根據khmama選校建議,選band2 學校就是保險線,不過是在所有band1之後,而不是老師所講的第三或第五志願
作者: spw 時間: 12-4-23 11:59
其實都係,跟亞仔,亞女的性格方面,選取最合適的....老師及khmama都是提供技巧給我們呢.......
作者: marcuscyrus 時間: 12-4-23 12:03
雖然我孩子只是幼稚園生，但因姨甥是小六，所以也有幫忙看看升中資訊，我感覺老師的保險線是頭3志願，即唔理你第3志願是甚麼，總之要保持高比例的學生派獲頭3志願，但拜讀khmama的策略，覺得更有道理，如派獲第7志願的band 1c，都好過派到第3志願的band 2a，但似乎大部份老師的著眼點是派到第幾志願
作者: hw1115 時間: 12-4-23 12:19
sokandy 發表於 12-4-23 10:44 
點解老師話保險線在第三志願?例如小囡是b1組別,老師建議:
First choice: 1b
Second choice: 1c
My school too. 唉!
作者: 瑄婷 時間: 12-4-23 13:13 標題: 引用：唉!有幾多個老師真正識得選校既策略?+個個
原帖由 khmama 於 12-04-23 發表
唉!有幾多個老師真正識得選校既策略? 個個都係因循前人教落1a, 1c, 2a咁就可以保障學校頭3志願派位100%:igi ...
作者: hongkeikei 時間: 12-4-23 14:30
回復 khmama 的帖子
hi khmama,
有問題想請教:
b1學位在大部份校網都是供不應求,一般只有70-80%b1學生最終能派到b1中學.所以每年會有約20%b1生是會落入b2學校.(有些最終會去了直資).
假如一位b1生盡填區內b1學校,很可能到10名以後才開始按頭中尾次序填b2學校;如有另一些b1學生比較保險,他們在4/5位開始按次序填b2頭中尾學校.
雖然b1學生派位永遠是早於b2學生,所以b1生最多只會派入b2學校,但當盡填b1學校的b1學生no.好時會入到心儀學校,但no.不好時便很大機會被派入b2中/尾的學校,因為大家都是b1學生,較保險的學生已取了b2頭/中學校.所以每年都有b1學生會投訴被派到b2尾學校.
不知我這個理解是否合理?
請賜教,謝謝!
作者: jojo127 時間: 12-4-23 15:42
hongkeikei 有道理
作者: iffman 時間: 12-4-23 16:28
回復 hongkeikei 的帖子
大家必須掌握一些數字，包括自己校網的升中學生人數，從而計算出各banding學生的人數，又從這數字推算出剔除自行收生階段被取錄而要參加大抽獎的學生的數字；另外又從剛出籠的中學一覽表，計算出相關banding的學生學校供大抽獎的總學額，兩個數字比較，估計有幾多個百份比的學生會入了低一級banding的學校，去估計低一級banding學校應放在那個志願。
對不對呢？
作者: 禮媽媽 時間: 12-4-23 16:52
本帖最後由 禮媽媽 於 12-4-23 16:52 編輯
我個仔個老師又係叫我第6志願開始填B2, 我唔理喇, 我1-8志願都填區內B1, 9-13志願填B2A, 14-18志願再填返他區B1 (因為我都唔太想個仔去咁遠返學)
希望策略冇錯啦!
作者: BanBan350 時間: 12-4-23 17:21
阿仔同學band 1 頭學生，舊年升中一, 自行面試有2nd In,家長好有信心自行已取錄，所以大抽獎時沒仔細填，把網內所有band 1學校，由第一志願排起，然後到 band 2 學校。到派位日，結果自行嗰間冇收，大抽獎派到第8志願，仍然係band1尾英中。
如果確定小朋友係band1生，真的可以參考khmama策略，大抽獎多填幾間band 1學校。
作者: sumheima 時間: 12-4-23 17:47
BanBan350 發表於 12-4-23 17:21
阿仔同學band 1 頭學生，舊年升中一, 自行面試有2nd In,家長好有信心自行已取錄，所以大抽獎時沒仔細填，把 ...
其實,每年派位結果都是有人歡喜有人愁.上年我都有朋友band 1中,大抽獎派了第11志願band2中,後尾去了一間英中直資.大抽獎始終看不同地區的競爭和策略,再加上運氣!!!進唔進取,真係要家長自己詳細考慮呢...
作者: greenapple1093 時間: 12-4-23 18:00
回復 BanBan350 的帖子
請問你囝囝的同學上年升中時, 是那區校網?
作者: greenapple1093 時間: 12-4-23 18:01
回復 sumheima 的帖子
請問你朋友上年升中時, 是那區校網?
作者: greenapple1093 時間: 12-4-23 18:08
本帖最後由 greenapple1093 於 12-4-23 18:10 編輯
deleted
作者: greenapple1093 時間: 12-4-23 18:11
回復 sumheima 的帖子
Thanks a lot
作者: BanBan350 時間: 12-4-23 18:13
Hi sumheima,
你的意見很有道理，要看地區同校網。家長要詳細考慮及分析才好決定怎樣填排位。
Hi greenapple1093,
阿仔舊年係沙田區。
作者: 黃巴士 時間: 12-4-23 18:20
BanBan350 發表於 12-4-23 17:21 
阿仔同學band 1 頭學生，舊年升中一, 自行面試有2nd In,家長好有信心自行已取錄，所以大抽獎時沒仔細填，把 ...
作者: BanBan350 時間: 12-4-23 18:30
回復 greenapple1093 的帖子
阿仔舊年係沙田區．
作者: sumheima 時間: 12-4-23 18:31
BanBan350 發表於 12-4-23 18:13
Hi sumheima,
你的意見很有道理，要看地區同校網。家長要詳細考慮及分析才好決定怎樣填排位。
hi BanBan350,
沙田區是其中一個band 1生的天堂,band 1 學位與band 1學生相若,梗係填晒band 1 學校先填band 2喇..
作者: greenapple1093 時間: 12-4-23 18:32
回復 BanBan350 的帖子
Thanks a lot
作者: 黃巴士 時間: 12-4-23 18:59
sokandy 發表於 12-4-23 10:44
點解老師話保險線在第三志願?例如小囡是b1組別,老師建議:
First choice: 1b
Second choice: 1c
請問邊區??
作者: Mother_Boy 時間: 12-4-23 20:37 標題: 回覆：sokandy 的帖子
係啦，今日家長會班主任話第一志願選B1(阿仔係B1生)，跟住已經叫我地選B2做第二第三志願,之後咪繼續B2....到起碼15間,返到屋企越諗越唔對路,冇理由淨係填一間,放棄其他B1學校?加上葵青區已經唔多揀，再放棄埋幾間英中,真係玩我地咩。
所以試用版都唔理,揀左2間B1,睇下老師會有咩意見
作者: karen2323 時間: 12-4-23 20:54
我女係元朗區，老師話她是Band 1中，但我和老公唔敢博，所以在第2志願已選了一間Band 2頭的中學，有時真的覺得讀得咁辛苦，到頭來因為唔夠Band 1位比所有Band 1生而唔敢博，好似好唔甘心，但又驚隨機號碼唔好，叩門成績又唔及人好，驚太進取最後落得去Band 2尾，真係好慘！
作者: Mother_Boy 時間: 12-4-23 21:06 標題: 回覆：karen2323 的帖子
同感,真係煩死,又怕揀錯累左阿仔
作者: khmama 時間: 12-4-23 21:21
本帖最後由 khmama 於 12-4-23 21:48 編輯
回復 hongkeikei 的帖子
<hongkeikei>
b1學位在大部份校網都是供不應求,一般只有70-80%b1學生最終能派到b1中學.所以每年會有約20%b1生是會落入b2學校.(有些最終會去了直資).
假如一位b1生盡填區內b1學校,很可能到10名以後才開始按頭中尾次序填b2學校;如有另一些b1學生比較保險,他們在4/5位開始按次序填b2頭中尾學校.
雖然b1學生派位永遠是早於b2學生,所以b1生最多只會派入b2學校,但當盡填b1學校的b1學生no.好時會入到心儀學校,但no.不好時便很大機會被派入b2中/尾的學校,因為大家都是b1學生,較保險的學生已取了b2頭/中學校.所以每年都有b1學生會投訴被派到b2尾學校.
不知我這個理解是否合理?
<khmama>
呢個理解唔合理. 當甲係第一個b1, 乙係第二個b1. 當甲既no. 唔靚, 都只會入第一間所填既b2, 斷唔會填咗b2頭中尾, 結果入唔到b2頭, 而入咗b2尾. 甲仲會比乙多更多機會係6-10志願搏到b1. b1生抽獎既目的係以抽到b1為樂, 我唔認為保守既乙會因為第4志願入到b2而開心過甲第10志願抽到b2. 而每年咁多b1投訴派入b2, 唔係因為佢地運氣唔好或太進取, 而係因為佢地運氣太好又太保守, 第二三志願已經填b2結果入咗.
作者: kwongck 時間: 12-4-23 21:46
本帖最後由 kwongck 於 12-4-23 21:50 編輯
khmama 發表於 12-4-23 21:21
回復 hongkeikei 的帖子
Khmama，真多謝妳的無私詳盡的分析。
作者: khmama 時間: 12-4-23 21:48
回復 kwongck 的帖子
唔好意思, 上面o個截係quote番hongkeikei既問題, 唔係我要講既嘢. 一場誤會.
作者: iffman 時間: 12-4-23 22:09
本帖最後由 iffman 於 12-4-23 22:10 編輯
kwongck, 你剛說的有反證的道理。即若甲b1生因將一間b2學校放在很後的志願位置，結果因其他b1生驚錯失機會，即使b2學校也放在較前的志願位置，令甲入不到那間ｂ2學校。有此結果，那間ｂ2學校必是出現學額被所有b1生取了，那不就成為了一間ｂ1學校?真有趣!
作者: 夏美 時間: 12-4-23 22:28
我仔舊年派第十，不過好彩去返心水學校。諗返真係一額汗。扣門扣了幾間，得一間打來，一間有筆試，其余都係沒有回覆。我諗應該係自行沒有選，所以沒給機會吧。
作者: 貓大姐 時間: 12-4-23 22:55
b1 生就話好填D, 就算點都好, 都係跌去B2, B3 冇得跌啦喎, 唔保守D填, 分分鐘唔知派去邊個區....
作者: 夏美 時間: 12-4-23 23:02
回復 夏美 的帖子
1-3 ,Band 1
4-10 band 2 頭-尾
作者: stanleypyk 時間: 12-4-23 23:40
本帖最後由 stanleypyk 於 12-4-23 23:49 編輯
回復 khmama 的帖子
Hi khmama :
我是東區校網的,今晚小學開了介紹會,我小兒是band 1尾至band 2頭,有什麼中學可選呢?謝!
作者: hongkeikei 時間: 12-4-25 01:28
本帖最後由 hongkeikei 於 12-4-25 01:58 編輯
khmama 發表於 12-4-23 21:21
回復 hongkeikei 的帖子
Hi khmama,
首先多謝你的解釋,但我還是不明白為何不合理.
根據教育局的升中光碟解釋派位程序(如果我無理解錯),每個學生都有一個no.,派位遊戲從band 1生的no.1,no.2....開始,電腦會按no.次序開始處理.若學生所選的學校有學位,電腦當然會派到學位給他;但假如甲在第一志願已無學位,電腦不會處理他的第二志願,而是處理no.後於甲的乙的第一志願,然後是丙,丁,....直至所有區內的band 1生的第一志願與學位配對完成;才回到甲和一些在此階段未派學位的學生的志願配對.
由於每個學生的選校次序不同,雖然甲的no.比較前(但不是極前的no.若是他選任何學校都有位),但他將10間band1中學填在1至10的選擇,11位才開始選band2頭中學.相反假若乙或丙等雖然在首數個階段都一樣未能派到b1學位,但他們在第5/6位已開始選band2頭學校.由於電腦是按每次的選校次序來為學生配對,由於該區band1學位不足,只佔b1學生的60-70%,可能在第5次配對時已無b1學位.所以在第5次配對時為乙選派了b2頭學校,第6次配對為丙也配對了b2頭學校,如此類推,到了第10次配對已為大部份b1學生選了b2頭/中學校,到了第15次配對才為甲配對到一間b2尾學校.
直至所有b1生派完位,b2生才開始派位,所以b1生永遠早於b2生派位,但b1生之間的選校策略和no.,一樣直接影響派位結果.
而只有是電腦先處理配對甲所有的志願,才到乙的志願這個先設情況,才會出現甲只會派b2頭,而乙永遠是遲於甲被配對的出現,但統一派位方式不是這樣的,這是我的理解.
作者: iffman 時間: 12-4-25 01:51
本帖最後由 iffman 於 12-4-25 02:26 編輯
回復 hongkeikei 的帖子
我的理解與估計，正如所說，大家必需知道子女網的升中學生人數及網內的b1學額數量，若然b1學額數量不足，則必會出現b1生入b2學校的情況，選校策略須加以調整，不能盡填b1學校，要提早填b2學校，是否呢？
但話又說回來，那些甲入不到的b2學校，便全收了b1生，不是成了b1學校嗎?接著，那些b2學校的學生平均質素高了，若老師的質素又不錯的話，公開考試的成績便高了，就吸引更多b1升中學生以更前的志願報讀，更容易吸納b1生，變成了「穩定」的b1學校。最後(多年後)，該網的b1學額增加了並剛能吸納 所有b1生。是教育局所祈盼的。
對不對?
作者: muimui2005 時間: 12-4-25 02:01
想問怎樣 "肯定是 b1" ? 如果個學生係b1 尾咪好危險?
作者: hongkeikei 時間: 12-4-25 02:06
本帖最後由 hongkeikei 於 12-4-26 02:05 編輯
iffman 發表於 12-4-25 01:51
回復 hongkeikei 的帖子
我的理解與估計，正如所說，大家必需知道子女網的升中學生人數及網內的b1學額數量 ...
hi iffman,
因為我們先將某些中學先置成b2頭或中或尾,所以他們不會立即變成band1中學,但由於減班效應,不是常聽到教育界說:減班減過頭會造成學生下流動,即b1生入了b2校;b2生入了b3校嗎?而的確若此情況持續,b2頭學校過多一段時間,學校可能升呢變了b1學校的,所以你的理解合理.
但上述例子只是簡化來說,真實的派位程序更複雜,事實上b2學校在短時間不容易全收b1學生,因為B2學校之前數屆的學生還是以B2生為主,全體來說還是以B2生佔大部份,只是b1生比例較前增多.
或者我們不以B1/B2頭/中/尾來分,因為某間學校是B1尾或B2頭/中不會一成不變,也因不同人而定義不同.我覺得以全開英文班,開3班英文班或只開1-2班英文班,甚至是無開英文班的純中中分,會清楚些.大部分B1生都想入英中,以之前的例子,甲被派的所謂B2中/尾學校可能是只有一班或無英文班的學校;而乙被派的B2頭學校則有2-3班英文班.甲被派的學校就算幾年後升呢變了B1學校,但甲最少初中是讀中文班的事實是不能改變;而乙雖未必入選英文班,但至少他的機會比甲大.
上年的一位'跳橋家長"的兒子不是B1生被派第7志願入了一間全中中學而不甘心嗎.....
.
作者: hongkeikei 時間: 12-4-25 02:13
muimui2005 發表於 12-4-25 02:01
想問怎樣 "肯定是 b1" ? 如果個學生係b1 尾咪好危險?
b1頭或中應該較能放心,b1尾係有風險.
作者: muimui2005 時間: 12-4-25 02:16
回復 hongkeikei 的帖子
thank you .
作者: hongkeikei 時間: 12-4-25 02:21
回復 hongkeikei 的帖子
想補充一下,若校區的b1位與b1學生相若,的確是可以填完所有b1學校才填b2,因b1生最終極大機會可派到b1中學,最多去到b2頭中學,因為b1生就算no.幾後,都先於b2生no.1學生派位.
作者: ANChan59 時間: 12-4-25 08:48
想當年小兒升中時，還有分英中及中中，我的選校策略的重點是英中，而非似是而非的Band 1一3，如果大多數家長習非勝是，khmama 及其他家長點講都無用。
言歸正傳，我首先分析校網內第一組別學生數目，英中學位數目約是學生數目的60一70%，如果Lucky Number 太後，點選都係中中。所以我花最多時間部署自行派位。到填表時，我選了三間十分心儀英中，然後四間中中，其中兩間有機會轉英中學校。你選多少間英中都冇用，如果你孩子的No在後1／3，你抽到英中機會是0。要抽多少輪冇哂英中學位，2一3輪而已，所以我在第四選擇已經放中中了。若是笫二三組別學生是尋找成績及品行較好的學校，我不再詳述了。
部分家長會認為我沒有與時並進，重講英中，但妄顧事實有學生組別而沒有學校組別，部部署及排位亦有不利。聽得入耳便聽聽囉。
作者: hongkeikei 時間: 12-4-25 09:11
回復 ANChan59 的帖子
HI,
我也覺得家長應以孩子的語文能力來選校,勝於拘泥學校的BANDING或所謂的頭/中尾.
以下再節錄我後加的回應:
(或者我們不以B1/B2頭/中/尾來分,因為某間學校是B1尾或B2頭/中不會一成不變,也因不同人而定義不同.我覺得以全開英文班,開3班英文班或只開1-2班英文班,甚至是無開英文班的純中中分,會清楚些.大部分B1生都想入英中,以之前的例子,甲被派的所謂B2中/尾學校可能是只有一班或無英文班的學校;而乙被派的B2頭學校則有2-3班英文班.甲被派的學校就算幾年後升呢變了B1學校,但甲最少初中是讀中文班的事實是不能改變;而乙雖未必入選英文班,但至少他的機會比甲大.)
作者: hongkeikei 時間: 12-4-25 09:20
本帖最後由 hongkeikei 於 12-4-26 02:09 編輯
ANChan59 發表於 12-4-25 08:48
想當年小兒升中時，還有分英中及中中，我的選校策略的重點是英中，而非似是而非的Band 1一3，如果大多數家 ...
其實我知道Khmama多年的努力為各人的義務辛勤,我自己上年女兒派位都有參考她的資料,所以也很感謝她.
我的提問和分享只是最近看了一些回應分析,有些不明白.我為自己的不同理解也想了又想,好不好表達?!我的理解可能也不全對,只是和大家討論分享一下吧.....
作者: ANChan59 時間: 12-4-25 09:28
回復 hongkeikei 的帖子
我同意你的看法及補充我的說法不足之處。謝謝。
作者: karen2323 時間: 12-4-25 11:05
我想講一講我女學校老師的意見，我女和另外兩位同學都是Band 1生，另外兩位同學都是全級10名內的學生，1位同學乙部在第1及第2志願選了Band1頭中學，另1位同學則於1-10志願都選了Band 1中學，老師建議那位同學，選校不可全部先填完Band 1再到Band 2，我女選校是乙部第1志願Band 1，第2志願選了Band 2頭(開2班英文班)中學，老師說我女和第1位同學選校策略o.k.，至於另一位同學則要再重新選校。
老師說因小女的區沒有足夠Band 1位給所有band 1學生，部份Band 1生一定要派往band 2，所以不鼓勵我們太進取，當然是不是因為小學亦想做靚個派位比例我唔敢肯定。不過無論如何，我相信在此分享的家長，都是希望幫助小朋友能派到好的中學，與及減輕我們一班參與升中學派位的家長的壓力，多謝你們！
作者: ANChan59 時間: 12-4-25 12:09
回復 karen2323 的帖子
Good luck to your daughter.
作者: iffman 時間: 12-4-25 12:16
本帖最後由 iffman 於 12-4-25 12:17 編輯
回復 ANChan59 的帖子
Hi, ANChan59,
請問如何計算或推算出抽2一3輪便冇哂英中學位?
作者: ANChan59 時間: 12-4-25 12:41
如果以英中來想，假如只有60%B1學生，如果平均被選取，理論上第一輪後便沒有餘額。餘額只發生在較次的英中，或者好多人唔敢選的頂級英中。所以兩輪后真係冇得剩。
我都問過幾間心儀中學的校長或老師，他們都講95一100%都選該校為第一志願。
未面對大抽獎前，我都以為B1學生慘，後來先感受到原來每個Band都有他的難處。
作者: Kenpleple 時間: 12-4-25 23:13
如學校話BAND1邊緣那如何排好? 為何會有邊緣,不是BAND1就BAND1?????
作者: hongkeikei 時間: 12-4-26 01:38
本帖最後由 hongkeikei 於 12-4-26 01:56 編輯
回復 ANChan59 的帖子
Hi,
上年女兒升中派位,我也是以中學的教學語言作最大的選校原則;小學時她在全英語和普通話的環境中學習,為她選擇英中就是要配合她一貫的學習方式,於是區內開全英文班學校自然成為我的心水學校.那時坊間對他們的標籤是什麼b1 a/b/c不是我重要的考慮.去年我的校區band one學位比例約75%
在這8/9間學校中我選擇了背景性向、學習環境與女兒配合的學校作她的第1和第2志願,那兩間是區內新興起的英中,即坊間稱為b1c,b1b的學校(不是最出名人稱b1a的傳統英中);而第3志願是他區的一間b1c,第4志願我開始放有3班英文班的學校,然後是2班英文班,1班英文班....隨著是口啤好的中中...排了約20間學校,最後她幸運地被派入了第1志願!
我舉這例是想回應這主題"升中選校的保險線";我相信沒有一條穩妥的保險線或方程式會適合所有不同校區,或每個不同的學生,我覺得最重要大家能清楚自己孩子的能力,如ANChan和iffman的說法:按每區的競爭情況,計算風險和機會,為孩子作出一個合適的策略.
作者: khmama 時間: 12-4-26 22:40
本帖最後由 khmama 於 12-4-26 22:41 編輯
回復 hongkeikei 的帖子
我用個實質o的既講法黎分析甲乙既排位, 假設甲同乙都係選同一間b2學校作為第一間所填既b2學校, 分別只係甲放第十而乙放第五. 如果派到第五輪阿乙派入呢間b2而去到甲居然入唔到, 即是呢間學校已經收晒b1生, 成為一間b1學校, 已經唔係我所講既用b2頭去包底, 因為b2學校收得b2生唔會b1反而入唔到. 結果係阿乙其實第五都係放咗一間b1學校, 唔係b2學校. 如果間b2學校收得阿乙, 去到阿甲抽第十志願時都會收佢, 既然如此, 使咩咁早填b2?
其實家長一直都有個好錯誤既理解, 就係點為之band1/2/3中學以及區內唔夠band1位比band1生既問題. 首先一間中學係唔分banding既, 視乎所收各band學生數目而定. 收得band1多就叫band1學校, band2多就叫band2, band3多就叫band3. 而我所做既排位係睇中五會考成績, 所以弱區好似唔夠band1位, 其實唔係, 只係班band1生成績較弱, 去到會考只有band2成績而矣.
至於band1位, 有咗上面既理解之後, 我地可以形象化o的去解釋. 假設有900個橙, 其中300個係一級, 300個係二級, 300個係三級. 而地上面有好多個紙箱, 只要o的箱裝晒一級橙, 就叫一級箱. 所以當o的橙一路入箱, 一路出現一級箱, 直到剩返幾十個放唔滿一箱, 唯有放埋二級橙, 係委屈咗o的一級橙些少, 但大部份一級橙其實都係放咗入一級箱. 唔知呢個比喻會唔會易明o的.
作者: pooh仔 時間: 12-4-27 01:08
回復 khmama 的帖子
Hi Khmama,
不好意思在下面嘅例子我有奌兒不理解?! 為何派到阿甲冇位時就表示這間學校是band 1? 因第五志願去到第十志願都要走五輪, 五輪後甲與乙之間可能有好多學生填這所學校為保險線(以為是band 2school). 甲填第十志願入唔到不出為奇!
我唔明就是為何這校變成band 1學校嘅?
可否簡明之?
"別只係甲放第十而乙放第五. 如果派到第五輪阿乙派入呢間b2而去到甲居然入唔到, 即是呢間學校已經收晒b1生, 成為一間b1學校, 已經唔係我所講既用b2頭去包底, 因為b2學校收得b2生唔會b1反而入唔到. "
作者: twcho 時間: 12-4-27 09:28
本帖最後由 twcho 於 12-4-27 14:15 編輯
讓我代Khmama回答這問題吧！
請記住一個重要原則---就是Band 1生派完晒所有他們選的志願才輪到Band 2生抽，所以就算是Band 1生的第三十志願，都優先於Band 2生的第一志願。
如果甲學生是Band 1生而在其第十志願揀選一間被視為Band 2學校而居然入唔到，那只有一個可能性：就是所有非保留學額都已被其他Band 1生所佔(Band 2學生不可能先於甲學生選學校)，一間全收Band 1生的學校當然就是一間Band 1學校了。
作者: pooh仔 時間: 12-4-27 09:40 標題: 回覆：twcho 的帖子
咁即是這所學校變相升呢？對不？
作者: pooh仔 時間: 12-4-27 10:26 標題: 回覆：twcho 的帖子
噢！謝謝你嘅解答。
上述情形就如同港島東某中中升格為全英中！
我還有一個問題：
咁來年為小朋友選校時，我如何得知這校收咗大部份band 1 students? 但有中學校長解釋比我知開到幾多班英文班亦要視乎公開試成績，不是單一睇今年收到多少band 1生而開幾多班英文班！
正如港島東某中學都是續年遞升的，短短數年已升格咗！兩三年前都有諗這所學校給仔仔，可惜而家這校要求好高，仔仔高攀不起！
作者: sumheima 時間: 12-4-27 14:09
本帖最後由 sumheima 於 12-4-28 00:34 編輯
khmama 發表於 12-4-26 22:40
回復 hongkeikei 的帖子
我用個實質o的既講法黎分析甲乙既排位, 假設甲同乙都係選同一間b2學校作為第一間 ...
khmama,
我也有疑問,大前題是甲和乙都是band1學生,雖然甲的編號比乙前,但乙被派第五志願的中學,如果以hongkeikei所列的派位原則,電腦在每個組別是按逐個志願派位,點保證甲將乙這中學放在第十志願都一定會入到? 謝謝.
作者: sumheima 時間: 12-4-27 14:15
twcho 發表於 12-4-27 09:28
讓我代Khmama回答這問題吧！
請記住一個重要原則---就是Band 1生派完晒所有他們選的志願才輪到Band 2生抽 ...
作者: twcho 時間: 12-4-27 14:27
回復 sumheima 的帖子
假設某區有800名Band 1學生進入乙部大抽奬階段，而甲學生(Band 1)前九個志願的總學額有780個,，而前十個志願的總學額有850個，則甲學生不論他隨機號碼多壞揀校次序多麼不明智最差亦只會被派到第十志願。
作者: sumheima 時間: 12-4-27 14:31
pooh仔 發表於 12-4-27 10:26
噢！謝謝你嘅解答。
上述情形就如同港島東某中中升格為全英中！
我還有一個問題：
以我所知,學校按年收到全港前置成績頭40%的學生,每班不少於85%便可申請開一班英文班,門檻不算高.
但中學開英文班數目,如沒記錯應該是每4年檢討1次!所以就算呢2屆夠數開多一些英文班,現屆學生也不能受惠.
BTW,我也覺得用開幾多班英文班來為學校定位,好過分b1或b2學校.
如果我想子女讀英中,就唔會想他派去b1中中,因為是b1或b2人言人殊,根本是虛浮;教學語言才是重點,而且愈開得多英文班的,客觀條件一定是過往取錄學生程度較高,自然就是家長心儀的學校喇.
作者: sumheima 時間: 12-4-27 14:36
本帖最後由 sumheima 於 12-4-27 14:40 編輯
twcho 發表於 12-4-27 14:27
回復 sumheima 的帖子
假設某區有800名Band 1學生進入乙部大抽奬階段，而甲學生(Band 1)前九個志願的總學 ...
請問這和乙選第5志願被派到的學校,而甲放幾多位都會派到有什麼關係呢?統一派位不是處理完甲所有的選擇,才處理乙的選擇.甲和乙的分別只有是雙方都在同一志願又選擇同一學校,甲才會比乙先取學位.
作者: sumheima 時間: 12-4-27 14:55
本帖最後由 sumheima 於 12-4-27 14:56 編輯
回復 sumheima 的帖子
各位,
我想理性討論,不是怒言相向.
ohnono,
請看清楚舉例,才作回應.該區不是如九龍城,沙田,灣仔等好區,有足夠b1位給所有b1學生...
我不會再浪費時間回應!
作者: ohnono 時間: 12-4-27 15:34
sumheima 發表於 12-4-27 14:55
回復 sumheima 的帖子
各位,
我都唔夠膽講九龍城區有足夠的英中band 1學位派給本區的band 1同學。你去隔離post度
http://www.edu-kingdom.com/forum.php?mod=viewthread&tid=2382197&extra=page%3D1
看看我怎樣對待九龍城區的band 1，你就清楚我絕對唔會教人填晒所有band 1英中就得，我強調係要派得好，還得講求策略。因為最後你仍然會有機會派去你心目中那些唔係band 1的升呢中中。
我都唔係淨講九龍城，沙田和灣仔我唔熟我唔會講，油尖旺我一樣有講，連一向比人話嚴重唔夠band 1英中位的西貢，我都一樣有講，我就係唔忍心見到d家長茫無頭緒，我都經歷過呢個階段。不幸地往往又比學校誤導。我唔係亂叫人填晒d band 1中學就得，我係跟這班家長一起研究點樣由900幾個band 1生用甚麼方法去爭個四間band 1英中。
作者: sumheima 時間: 12-4-27 19:24
本帖最後由 sumheima 於 12-4-27 19:56 編輯
sumheima 發表於 12-4-27 14:36
請問這和乙選第5志願被派到的學校,而甲放幾多位都會派到有什麼關係呢?統一派位不是處理完甲所有的選擇,才 ...
本來不打算回應,不過妳的點評令我忍不住想講:我上面個句是說派位不是
先處理甲所有選擇後才處理乙的選擇.
我沒有留意閣下在其他版面的留言,不明為何將我的意見代入你其他的建議?
我只是討論和同意hongkeikei之前提出的:在一個band1學位不足的校區,不能因為自己是band1生,就填滿該區的band1學校,再填band2頭的中學,也以為保證最差也只會派band2頭的中學.
copy前數頁一些留言::(
khmama話band1生唔好填band 3, 填晒所有band 1校(本區和他區), 先好填band 2, 唔使將d band2校填咁前. 發表於 前天 13:19)
根據khmama選校建議,選band2 學校就是保險線,不過是在所有band1之後,而不是老師
所講的第三或第五志願
作者: sumheima 時間: 12-4-27 19:59
本帖最後由 sumheima 於 12-4-27 20:08 編輯
回復 sumheima 的帖子
當然知道,khmama用兩個band1學生甲and乙,他們在乙部的選校策略.
copy from khmama之前回應:
呢個理解唔合理. 當甲係第一個b1, 乙係第二個b1. 當甲既no. 唔靚, 都只會入第一間所填既b2, 斷唔會填咗b2頭中尾, 結果入唔到b2頭, 而入咗b2尾. 甲仲會比乙多更多機會係6-10志願搏到b1. b1生抽獎既目的係以抽到b1為樂, 我唔認為保守既乙會因為第4志願入到b2而開心過甲第10志願抽到b2. 而每年咁多b1投訴派入b2, 唔係因為佢地運氣唔好或太進取, 而係因為佢地運氣太好又太保守, 第二三志願已經填b2結果入咗.
作者: ohnono 時間: 12-4-27 20:43
本帖最後由 ohnono 於 12-4-27 20:52 編輯
sumheima 發表於 12-4-27 19:24
本來不打算回應,不過妳的點評令我忍不住想講:我上面個句是說派位不是
先處理甲所有選擇後才處理乙的選擇.
...
你沒有留意我在其他版面的留言都唔緊要，因為你誤會了我將甲乙兩個學生的選校意願，學校的band 1學額硬說成我要將佢地跟九龍城區比。其實，第一我全無此意，亦沒有意義，第二，我覺得你少少不切實際。點解？係無實際的官方數字支持低下，我唔會謬然說九龍城區有足夠的band 1位給所有band 1生。除非大家同意band 1同學最差都係派band 2中學，在這大前題，都可能有少部份band 1生被派往band 2學校。如果大家都同意的話，咁唔止九龍城、其他區都係一樣，包括西貢 - 一個本來就係band 1學生和學額極不配的校區，但最終只係會最差都係派去band 2學校。
我亦都明白有家長會認為那些可以收足85%以上在全港排名頭40%以內的學生而又能開足英文班的中中，或者應該叫升呢中中或者band 1中中絕對不可能跟傳統的band 1英中比，這些學校應該是band 2，不能當成band 1學校的話。咁最差派去band 2學校這句說話都冇錯，不過可能係好多，唔係少部份。若以西貢區為例，景嶺和宣基都只能當band 2學校。
咁樣都唔緊要，最緊要家長清楚知道佢地自己需要乜野學校，大原則就比左大家，怎樣去定那些係band 1，那些係band 2，就各人自己去定。我聽到有九龍城區家長講，我只會考慮喇沙、華英、迦密、旅港和黃笏南。丘左榮、銀禧、陳瑞祺喇沙唔會揀，直情當佢地係band 2作為保險線之用。如果佢地的小朋友入到喇華迦旅和黃是但一間，都恭喜佢，但同時亦都沒有問題，條標準線由家長自己去定，佢知道九龍城好，所以條線未定高d囉，有乜問題，西貢區競爭咁大，條標準線未定低d囉。有同學選了皇仁和伊中作為自行的學校，好不幸，只能入到伊中，佢竟然喊晒，話冇天理。相反幾多同學想入伊中都入唔到。
所以人家告訴你band 1生最差就係派往band 2學校，呢個只係整個遊戲中最底的底線，只是要家長在選校時可參考這個準則，但不一定要跟這個最底的底線去做。有人定高d，只要傳統band 1英中，都沒有問題，你要加你自己的選校策略囉，再加隨機號碼要好囉，我相信係bk呢道都以大路為主，絕對有自由個別要求就個別作答，但不會個個都揀皇仁嗎。當然亦有人跟最底的底線去做，沒有對與錯！不要說成人家最底的底線就是錯。你睇唔到有家長話係沙田區派到第八志願，都係band 1學校，但人家已經於願足矣。雖然比著我都可能接受唔到，因為我自己的要求都係好高，怎可能派不到頭七個志願呢！
所以標準定成怎麼樣，你就用怎麼樣的策略去應付不就是可以嗎！若有灣仔區的小6同學問我，點樣先可以一定入皇仁，非皇仁不可的，對唔住，我諗我唔會花時間去答囉。
作者: hongkeikei 時間: 12-4-27 20:54
本帖最後由 hongkeikei 於 12-4-30 00:16 編輯
khmama 發表於 12-4-26 22:40
回復 hongkeikei 的帖子
我用個實質o的既講法黎分析甲乙既排位, 假設甲同乙都係選同一間b2學校作為第一間 ...
首先,多謝sumheima不厭其煩的為我的想法辯解.
也謝謝khmama的回應.妳這次的回應,我反而明白妳的含意:一間能收取所有band one學生的band two學校妳會視為band one學校.
不過,我都是比較喜歡以全開英文班(應被列為b1中學),3班英文班(約算為b2頭),1班英文班(b2中/尾).大家暫且接納我的分法.
我雖然不大同意妳所說:
(第五. 如果派到第五輪阿乙派入呢間b2而去到甲居然入唔到, 即是呢間學校已經收晒b1生, 成為一間b1學校, 已經唔係我所講既用b2頭去包底,)
既然這校當初被人定為b2學校,她不會因為這次收了全b1就變成b1學校,舉例屯天開2/3班英文班,家長將她當b2頭包底.
今年收了90%以上b1同學,但她仍是開2/3班英文班的中學.屯天校內F.2-F.6仍以當年B2生為主.不會即時升為B1中學.
若以之前的例子甲學生的進取選校方式.,.....
不過我想無謂再執著於此,因為升中派位本來就不是一件簡單易明的事.每年的學位與學生的數字固然有別,各區每個學生的選校取向可以有千萬個可能組合,互相影響.
我的想法已表達,而khmama盡心幫助升中的家長亦巨細無遺,就讓各家長自行參考上列資料,自行選取合適的方案吧!
作者: hongkeikei 時間: 12-4-27 22:00
本帖最後由 hongkeikei 於 12-4-30 00:18 編輯
ohnono 發表於 12-4-27 20:43
你沒有留意我在其他版面的留言都唔緊要，因為你誤會了我將甲乙兩個學生的選校意願，學校的band 1學額硬說 ...
hi ohnono,
我想sumheima的意思只是她對我和khmama之前的選校例子的意見。而大家在此討論貴於彼此尊重別人的想法,不宜將別人的說話斷章取義。九龍城區、灣仔、沙田等屬好校網,band1學生有九成幾機會被派到band1中學,這也是很多家長共知。.
升中派位人人皆可發表自己的意見和看法,誰容不下別人的意見呢!
我多言了..
作者: csy_ma 時間: 12-4-27 22:00
本帖最後由 csy_ma 於 12-4-27 22:05 編輯
回復 hongkeikei 的帖子
在他區band1位較多既地區，khmama既方法較值得參考，因為多他區額，即係本區好唔夠，咁好多家長唔敢博。不過同理，即係話好多保守既家長已揀咗band2頭既學校，咁博完他區band1後，似乎未必適宜博band2頭？
以葵青區為例，據我所知，區內阿一同阿二，第二都會揀band1尾英中，第三揀band2頭英中，第四揀band2中。兩間加埋，都過百六人，如果獎排第三既band2英中，放響第七……都可能會有機會中（保守既學生通常首兩位志願搞掂），但要幾好彩至得咯……
我地既策略，反而會響排band2中之前攝他區既band2A及B，咁反而比較安全。老實講，全英既band2A已同band1尾好接近，但保守家長唔會冒險博他區果幾個位，咁反而有機？
作者: jillianmami 時間: 12-4-28 00:10
唔係好明,想請問:
我係深水埗區,B1位唔夠分,聽老師講話欠~150 Band 1位,本來我是跟kamama的策略,塡曬Band1,後用Band 2,点知比老師改完又改,最後把一間B2的放在第4志願,請各位比比意見,唔該
作者: jillianmami 時間: 12-4-28 00:10
補充:小女是B1頭
作者: ohnono 時間: 12-4-28 00:20
hongkeikei 發表於 12-4-27 22:00
hi ohnono,
我想sumheima的意思只是她對我和khmama之前的選校例子的意見。而大家在此討論貴於彼此尊重別 ...
我絕對尊重別人的意見，我沒有話邊一種方案好與唔好，亦沒有對與錯。我尊重band 1生最差都只係會派往band 2頭的說法，我亦理解各人對bnd 1學校的定義。定義不同，準則自然有別。兩者都沒有對與錯，相反我覺得兩者都對，只是各自站在不同的地方去看，就是這樣。
只是有人誤會了我在解釋甲乙同學的選擇時，選擇用了一個像九龍城區的情況 - 以為九龍城有足夠band 1位給所有band 1學生。說實話，我不想其他家長誤會以為我說九龍城有足夠band 1位派給所有band 1同學而忽略了選校的先後，我一路都強調只有適當地選擇合適的學校和排序才有機會優先派到理想的學校。
當然我亦想強調的就是band 1學生不論在那一個區，只要小心處理，一樣可以派到不錯甚至理想的學校，不是只局限九龍城、灣仔、沙田。不論在好區與唔好區之間，我選擇了九龍城和西貢，我亦說出了最壞的底線，不同的標準我係尊重各家長自己的決定，我並沒有說一定要選band 1中中作為保險線，有興趣的家長可以自己選一間自己認為最適當的band 1英中作為保險線，就算放那一個志願亦是由家長自己去決定。
我相信家長較想知道選校的最壞情形會去到邊多個最好的情形會是怎樣。在解釋選校的最壞打算的同時，我只係唔想別人對我的誤會而影響別人在派位上的選擇。
謝謝！
作者: jillianmami 時間: 12-4-28 00:27
請問各位可否比意見呢..
是我太進取,還是老師太保守呢?
作者: khmama 時間: 12-4-28 00:28
回復 jillianmami 的帖子
我一定話你好保守.
作者: LeoRyan 時間: 12-4-28 00:55
Khmama或各位家長，可否俾d意見，仔仔在灣仔區，老師說排名50-60|100。是否band2學生，如果想博band1英中，是否冇可能？因為灣仔區b1英中，只有有聯繫小學或他區位少的高主教、華仁、英皇、聖若瑟（加埋約有30個位），跟住就係皇仁（有40幾個位），然後只有聖公會鄧肇堅（有60幾個位）。結果我係甲、乙都選了鄧肇堅，老師話都有機會，跟住第二間想填中中b1金文泰（只有7個位俾灣仔區）。但老師話我地只可以2選1，於是取消了金文泰，放了b2嘅鄧鏡波，跟住全部都係b2或b3，放到第30間已經係b3尾。
咁我想問：1、我會唔會太大想頭？2、是否應該取消金文泰？意思我仔只有一個機會入b1？3、係咪真係要填哂30間，就算抽到都唔會去？
作者: 黃皮蛋 時間: 12-4-28 01:01
提示: 作者被禁止或刪除 內容自動屏蔽
作者: 701003 時間: 12-4-28 01:08
Yanamami 發表於 12-4-23 11:31
khmama唔係話band1生唔好填band2校咩? 3rd志願填band2? 老師靠點?
唔好一本通書睇到老!!!!要視乎地區
元朗/荃灣區填晒band 1再band 2......肯定凶多吉少!!!!!!!!!
作者: sumheima 時間: 12-4-28 01:09
本帖最後由 sumheima 於 12-4-30 15:40 編輯
ohnono 發表於 12-4-28 00:20
我絕對尊重別人的意見，我沒有話邊一種方案好與唔好，亦沒有對與錯。我尊重band 1生最差都只係會派往band ...
ohnono,
我真想問一句我在那處誤會你quote<解釋甲乙同學的選擇時,選擇用了九龍城區的情況>quote,而令你不忿?
我之前寫:不是每區都像九龍城,灣仔,沙田有足夠band1位給band 1生
是回應你的點評,因為你說
quote<因為乙怕死，第五志願已經填band 2學校，冇人幫到佢。其實重有好多冇咁熱門的band 1學校都未派完，所以人家第十志願都重有band 1位派。 發表於 昨天 14:49 >
另外你說quote<我並沒有說一定要選band 1中中作為保險線，有興趣的家長可以自己選一間自己認為最適當的band 1英中作為保險線，就算放那一個志願亦是由家長自己去決>quote
在你未回應前,我從不知道你在其他主題中說過什麼,所以請告訴我,我在那處提過你有此意圖?
我一路討論hongkeikei與khmama提出的派位情況,你就一路點評代khmama答.
你講以上的說話,令人錯覺你將自己代入khmama身份,令我不解?
事實上我除了不認同band1學生在乙部選校最差只會入band2頭外,你其餘的意見我是同意的.
因為我比較認同hongkeikei的:band1學生在乙部選校最差只會入band2學校(包括頭中尾).
作者: 701003 時間: 12-4-28 01:31
黃皮蛋 發表於 12-4-28 01:01
想請問元朗區band1生應該第幾志願開始放band2學校呢?
學校教我地第二志願已經要放。
元朗區約有1850名band1 ...
元朗友,第2志願可揀~~元中/羅桂祥/基朗.....
千祈唔好進取!!!!!!
每年都有好多進取的失敗例子
因為小朋友係元朗可以成為band 1生，更加唔可以因選校錯誤而浪費6年的努力！
上EK索料參考係好事，因為有選校達人義務座鎮！但唔好盲目死跟一個方程式！
每年上EK報喜再加千多萬謝ge父母，仔女都係獲派1st/2nd志願，唔係全因為佢哋選校精明，
係因為隨機number靚呀
作者: renewdanny 時間: 12-4-28 01:45
說到底就是3分技術7分拜神, 最為保險.
作者: yovin 時間: 12-4-28 02:42
有些學生連學校都以為是BAND 1生 , 但真實學生是BAND 2第一名成績卻隋機NO後 , 結果學生用了BAND 1的進取方法 , 才會有自稱BAND 1生跌入BAND 2 尾學校的情况!
BAND 1 邊緣學生要加陪小心.
我識有些家長聽到老師指出學生屬BAND 1尾2頭 , 但家長永遠只聽到BAND1尾入耳.唉!我媽咪其中一個不面對現實的人囉 , 結果我真係入咗BAND 2 尾學校.
作者: redkoni 時間: 12-4-28 02:59
sokandy 發表於 12-4-23 10:44
點解老師話保險線在第三志願?例如小囡是b1組別,老師建議:
First choice: 1b
Second choice: 1c
Third choice: 2a
我唔係嚟運吉，我覺得作為Band1組別，保險線在第一志願，因為這時每間學校都有最多學位。哈哈
作者: ohnono 時間: 12-4-28 04:09
sumheima 發表於 12-4-28 01:09
ohnono,
我真想問一句我在那處誤會你quotequote,而令你不忿?
我都想借呢個機會去解釋一下甲和乙的關係。甲的編號比乙前，照理，係想同的派位輪次上，電腦係會考慮甲的選擇先，然後才到乙。我由第五輪開始，省略了頭四輪。
第五輪：
甲在第五輪揀了一間冇位剩餘的band 1中學，所以派唔到學位。
乙在第五輪揀了一間band 2學校，我相信如果band 1生揀band 2學校作為保險線的，一定首選band 2頭，甚至以英文班能開得最多的band 2學校作為考慮。在band 1生派先的情況下，乙在第五輪就可成功派進band 1學校。
第六輪
甲的第六志願仍然是band 1學校，在沒有位剩餘的情況下，繼續失敗。
但其他同學亦會開始在第六志願填上佢地的保險線band 2學校。當然如果跟乙相同的學校，佢地便會派去阿乙的學校。
第七-九輪
甲的第七-九志願仍然是band 1學校為目標，在沒有位剩餘的情況下，繼續失敗。
但陸續有其他band 1同學因為在第七輪派位都未派得band 1學位而會填上佢地的band 2學校。當然如果跟乙相同的學校，佢地便會派去阿乙的學校。若跟阿乙不同的，就被派往別的band 2學校(對band 1同學來說，佢地仍然會揀最熱門的band 2學校作為保險線，不過這間跟乙的不同)。
第十輪
甲開始選擇band 2學校，他在第十志願填上阿乙的一間，但因為阿甲在這一輪的隨機號碼唔夠其他的同學咁好，比其他band 1同學選了阿乙的學校(此時因為區內的band 1同學尚未完成派位程序，所以band 2生仍未開始派位)。阿甲因為阿乙的學校沒有學位剩，而得不到學位。但阿乙的學校所收的學生仍然是band 1學生，所以，阿乙的學校已經變成一間band 1學校(但這間所謂band 1學校，骨子裡仍是一間band 2中中，若想開辦全英文班，得待2016/7年的語言評核年，通過審查先可開辦，所以band 1生都會選擇一些起碼有兩至三班英文班的band 2中中作為保險線)
第十一輪
甲填上佢次選的band 2學校，這間學校沒有英文班，但阿甲因為沒有其他對手，所以成功派入。
在這情況下，若第十一輪仍有band 1英中學位的話，阿甲就可派進第十一輪的band 1英中中學。
可惜，現在阿甲就係派去一間沒有英文班的band 2中中。
最壞的打算下，阿甲就係派去一間沒有英文班的band 2中中。阿乙就係派去一間在第十輪已成為一間全收band 1同學的band 2有3班英文班的中中。
我地可以清楚看到甲和乙兩位同學的兩種派位情況。
所以沒有好與壞，搏唔搏好睇家長。搏得到就故然好，搏唔到最差的就係band 2中學。過早選擇band 2學校，如果後面重有band 1學位的又會後悔。所以我好強調在沒有人可以肯定這區有沒有足夠學位給全部band 1生的時候，硬填所有band 1學校，最後的結果可能就像阿甲。
阿甲和阿乙的結局和分區的學額是否足夠，我唔想係解釋甲乙派位的過程時將佢地連係在一起以免有人對號入座而令人誤會，以為真係有人會知邊到有足夠學位但其實係只有教局才會知的；我亦唔想給人誤會，以為我的立場淨係多位可以搏，少位唔好搏。我強調選校的策略才是最有機會派到理想學校的最好方法。那怕是邊一區，少位唔一定輸，多位亦未必一定贏。若強行將阿甲和阿乙選校和派位的解說跟九龍城、沙田、灣仔等區連繫起來，並說這些區是有足夠band 1位派比band 1生，我覺得實有誤會我的原意，並會誤導其他家長，以為這幾個區有足夠band 1學額派給所有band 1生。就連我自己最熟的九龍城區我在隔離post都唔敢講話有足夠學位，請各家長在填表時要小心選擇，有次序和有策略才是上策，不是一窩蜂搬晒所有九龍城區的band 1落去算數。我自己上年就經歷過在選校時的無助，好多野都似是如非。我亦都曾經好似這裡的家長一樣十分痛恨教局，十分痛恨這個遊戲。我明白點解有家長連張選校表格上的不完善的地方都拿出來大力鞭撻，正因如此我更加唔想令家長有誤會，我痛恨那些亂點鴛鴦譜為求學校能派到頭三志願而放棄學生的利益的學校以至他們的老師。我明白這個遊戲不能出錯，毀了自家孩子的前途我都唔想，何況人家的孩子。係這方面請容許我較為執著。
記得在今年3月中幾間熱門的直資相繼放榜，有家長在這裡互相恭賀，我直情感受到佢地的歡欣和喜悅。歡就係可以有好學校取錄；喜就係佢地可以唔駛再玩這個遊戲。我清楚知道任憑你有幾精確的計數機，你都計唔到邊個區有足夠學額；任憑你有幾複雜的算式，你都算唔完這個覆雜的派位遊戲。
作者: jillianmami 時間: 12-4-28 09:19
Dear Kamama,
As #75,#76, 你覺得B2放第幾呢?
請賜教!
作者: 楠 時間: 12-4-28 09:55 標題: 引用：Quote:sumheima+發表於+12-4-28+01:09+ohno
原帖由 ohnono 於 12-04-28 發表
我都想借呢個機會去解釋一下甲和乙的關係。甲的編號比乙前，照理，係想同的派位輪次上，電腦係會考慮甲的 ...
圖片附件: myphoto.jpg (12-4-28 09:55, 96.29 KB) / 下載次數 26
/forum.php?mod=attachment&aid=Nzg3fDc5YjVhYzVhfDE3NTg2MjIwMTF8MA%3D%3D
作者: cowboymama 時間: 12-4-28 10:08
回復 jillianmami 的帖子
Hi jillianmami,
今年SSP網多他區英中，可放一些看可否執雞，才放Band2在後。老師建議放第四，甚為保守。可否告知是那一間Band 2中學？
兩年前我是到第七位才放他區Band 2。
作者: LeoRyan 時間: 12-4-28 12:29
如果好似我仔的情況(#80)，有冇家長有類似經驗，可否俾d意見。
Khmama，PM了你，如有時間，可否看看。謝謝！
作者: ANChan59 時間: 12-4-28 12:42 標題: 回覆：redkoni 的帖子
By Game Theory, yes.....
作者: khmama 時間: 12-4-28 13:05
回復 jillianmami 的帖子
睇咗咁多回應, 其實大家對一間學校既band既定義唔同啫. 我既定義係只要間band2學校全收band1生, 就係一間band1中學, 唔理佢開幾多英文班, 因為開英文班係根據全港頭40%去定, 而區內band1/2中學係睇區內學生banding分配去定. 事實上可能有o的你地心目中認為係band2既中學, 已經收咗好多band1生, 因為好多人搵佢做保險線. 假如有一間仲係收緊band2生既band2頭學校, 放係band1生o個輪去抽, 無論放第幾都會抽到. 假如band1生會連較好既band2學校都搶晒, 試問band2生何來有band2頭學校去抽? 結果豈不是有o的band1學校有位冇人去爭而落入band2o個輪抽囉, 懂得去執雞既band1生就可以搶到呢o的學校啦.
我所講既策略, 亦並非一味叫家長填晒band1學校咁不負責任, 有仔細去睇晒我寫既4篇策略而又思考過既, 應該知道我仍然分為選校, 執雞同包底3個部份, 而選校亦有5條策略任由選擇, 填晒其餘band1純屬選校(頭3志願)之後執雞既做法, 正如我所講, 絕大部分人一聽到填晒band1就覺得好危險, 咁你地不如先諗諗有咩風險先再講. 包底當然係band2頭, 可以填幾間, 因為o的band1生鍾意好早填band2學校, 恐防真係比佢地填晒, 不過如果真係咁, 即是前面執雞既成功機會更大.
作者: redkoni 時間: 12-4-28 13:14
回復 redkoni 的帖子
聰明人就係咁，係最多位最有利的位置時就唔會想到保險，家長的目標究竟是為子女選一間合適學校，抑或為贏盡這個遊戲，為獲得大獎，為博得掌聲、榮耀和羨慕。人心不足蛇吞象，往往在選擇多誘惑多的時候便無乜理智，聰明人係最佳時機最大機會俾自己好好把握個陣就唔去諗保險，偏偏係學位餘額最少最分散的時候去諗保險，咁樣算唔算反智行為。我成日唱反調似牛多過聰明人，今次真係嚟混吉(運吉)，唔使理我。哈哈
作者: 黃巴士 時間: 12-4-28 13:28
khmama 發表於 12-4-28 13:05
回復 jillianmami 的帖子
睇咗咁多回應, 其實大家對一間學校既band既定義唔同啫. 我既定義係只要間band2學 ...
AGREED!! 看KHMAMA&其他高人回覆的策略必須看齊所有, 不可斷章取義.
作者: khmama 時間: 12-4-28 13:32
回復 redkoni 的帖子
你唔算運吉, 理性討論係好事, 只係觀點與角度問題. 如果話填咗保險線, 家長入咗band2都欣然接受, 呢個當然冇問題. 而你所提到最多位既時候, 唔知係咪指band2位? 而位少又分散唔知係咪指頭3志願之內?
作者: pchui2046 時間: 12-4-28 13:50
回復 khmama 的帖子
亞囝雖然仲係P.5，我都好「得閑」咁用你同其他家長嘅寶貴意見弄左個表出来，排嘅時侯真係有考慮到机會率、banding、全區人數、學校以前派位成績等等，作一個較保守的估計，大概有七八成能入到頭三志願，已經頗滿意了。如果仲要去追尋更高的机會率，那只好交给上帝了。昨晚又好「得閑」咁同亞囝研究下張排位表，亞囝睇完後話，佢担心佢幾個死黨一齊入唔到同一間中學，因為成績唔係咁好，我話仲有得追，大家可可再努力一下。
作者: csy_ma 時間: 12-4-28 13:57
本帖最後由 csy_ma 於 12-4-28 14:32 編輯
我覺得，個遊戲規則係咁既：可以賭，不過一次起，兩次止。
假如唔係跟住＂大路"（多半係老師指定）既方法，博咗次，唔得，即係話你既冧把唔夠前，咁咪跟返大隊既保險玩法囉？
所以，盡量推到較前位置去博，可能機會會大d，損失亦細d。如果唔係，得返三幾個位，咁你冧把夠前都未必有用？
不過，如果真係咁唔好彩，博咗兩次都輸，咁即係你既冧把都好後，呢個時候，你大概都係band1既水尾，無論志願係排第六、七、八、九定十，都好可能係最後果一成派到位既band1生，咁真係分別唔大，逐間試都得。
不過，band3A同band3B既分別就好大，如果係band2生，就要諗清楚值博率至試。之但係，好多band2生都諗住叩門，但係要諗吓，到叩門階段，band2生除非有特異功能，否則叩2A真係唔夠band1既爭，叩返2B，都有d危，2B同2C真係唔可以太進取。
至於band3，反正選擇唔多，自行保守少少揀間啱程度既就最好啦，跟住可能都要早d揀校風好既3b，唔好入到3c就還得神落。
作者: redkoni 時間: 12-4-28 14:09
本帖最後由 redkoni 於 12-4-28 14:18 編輯
khmama 發表於 12-4-28 13:32
回復 redkoni 的帖子
你唔算運吉, 理性討論係好事, 只係觀點與角度問題. 如果話填咗保險線, 家長入咗band2都欣然接受, 呢個當然冇問題. 而你所提到最多位既時候, 唔知係咪指band2位? 而位少又分散唔知係咪指頭3志願之內?
khmama,
你是高手不在話下，亦是我偷師的對象，我從來不懷疑你的理論和說法，因為我覺得合理比不合理佔優，所以我亦會接受。在我的個人看法，Band1位就定義為我最鍾意嘅學位，Band2位就無咁鍾意，Band3位就最唔鍾意，是很主觀的看法而且角度狹窄，我但求心之所安，沒有必要隨波逐流。
| 歡迎光臨 教育王國 (/) |
Powered by Discuz! X1.5 |