教育王國

標題: 亞氏保加症適合跳級嗎? [打印本頁]

作者: ngkayan55    時間: 18-12-28 05:18     標題: 亞氏保加症適合跳級嗎?

我有一個朋友的孩子患有亞氏保加症,學習能力高,智商158,成績不俗,但不是每科都是成績好,英文和普通話會較弱,但全級的名次也是十分理想,但唯獨是社交十分弱,會受到同學排擠和欺負,班上沒有一個朋友,朋友們也議提她跳級,避開現在的同學,同時也可以學習高層次的知識,她也常常上課覺得很悶,有時會上堂睡覺,給老師責備,想請教你們這個情況跳級適合這個同學嗎?
作者: 小曳人    時間: 18-12-28 07:11

建議搵教育心理學家做相關評估

另,香港唔係你想跳班就跳到,阿氏仔社交一定唔好,跳班响社交層面上,作用不大
作者: Charlotte_mom    時間: 18-12-28 09:06     標題: 回覆樓主

係,唔係電視劇,跳級唔係咁易,學校亦未必配合

如果跳級係為避開而家果班同學,我就唔建議。跳高一級,又會識到新朋友嗎?阿氏仔我唔睇好(我仔都係阿氏),讀高一級,其他同學思維又成熟一年,小朋友一樣會面對同同學融合問題

如果學習能力高,我都會建議見教育心理學家,睇下有無咩資優/增潤課程岩佢,加強返佢自信心,亦切合返佢需要

作者: IloveJJ    時間: 18-12-28 09:25

提示: 作者被禁止或刪除 內容自動屏蔽
作者: asweetmom    時間: 18-12-28 09:33     標題: 回覆樓主:

本帖最後由 asweetmom 於 18-12-28 15:23 編輯

恐怕教育心理學家評估那關不容易過

作者: Soundervolt    時間: 18-12-28 13:49

ngkayan55 發表於 18-12-28 05:18
我有一個朋友的孩子患有亞氏保加症,學習能力高,智商158,成績不俗,但不是每科都是成績好,英文和普通話 ...

高智商學生因思考力強,所以通常數理科目比較好。語文需要毅力同時間去浸,未必同智商有直接關係。亞氏人普遍性格遍執,寛容度比較低,容易同其他人為小事爭執,跳班亦未必改善交際問題,有尐學校會特別協助呢類學生改變社交問題(喺學生不知不覺之下),建議家長先跟註校社工或負責嘅老師聯絡尋找方法~

作者: crazyhippo    時間: 18-12-28 15:22

當年全級好多人去考ST. PXXX CO. EXX, 只有1人考到, 而那人就是有亞氏保加症, 佢智商非常高, 但人際關係差. 無人鐘意同佢做朋友
作者: ngkayan55    時間: 18-12-28 21:34

請問你們的孩子也是亞氏仔女嗎?都會遇到同樣的問題嗎?請問你們會如何處理?請問亞氏男的比例是不是多很多?
作者: 小黃豆B    時間: 18-12-28 21:59

明顯係社交問題而唔係同學問題,現在成績應付到,先正視社交問題,跳班問題只會更嚴重。
作者: Charlotte_mom    時間: 18-12-28 23:01

ngkayan55 發表於 18-12-28 21:34
請問你們的孩子也是亞氏仔女嗎?都會遇到同樣的問題嗎?請問你們會如何處理?請問亞氏男的比例是不是多很多 ...

好似係男仔較多
其實阿氏/自閉,主要兩種方法,一係hardcode,即見人pk就機械式要講「你有無事」,見人喊就標準台詞「你唔好喊」
一係潛移默化,不停提住佢地做人處世之道,令佢地明白

不過社交都係難攪,好多時佢地自己衰左都唔知。要留意佢地唸法同心情。好多時呢類仔習慣「個個都話我唔岩、我做咩都錯」,日子耐左唔願打開心窗

作者: moubb    時間: 18-12-30 11:18

我兒亦是A仔,小學時冇朋友,受同學欺凌,但成績OK。所以就算有直屬中學,我們亦放棄了。經歷一年不停參觀中學,最後鎖定一間包容度較高的直資學校,亦成功入讀。現見他開心了不少,以前從來沒有人找他,現在亦不時見同學打電話問他功課。

但冇錯,D個想法(「個個都話我唔岩、我做咩都錯」,日子耐左唔願打開心窗)根心蒂固,仲要時間慢慢令佢打開心屝。

所以與其跳級,不如揾間適合的學校。

作者: ikenmak    時間: 19-1-1 11:20

moubb 發表於 18-12-30 11:18
我兒亦是A仔,小學時冇朋友,受同學欺凌,但成績OK。所以就算有直屬中學,我們亦放棄了。經歷一年不停參觀 ...

你好!請問是哪一間中學包容度比較高?

作者: hinhei    時間: 19-1-1 13:21

ngkayan55 發表於 18-12-28 05:18
我有一個朋友的孩子患有亞氏保加症,學習能力高,智商158,成績不俗,但不是每科都是成績好,英文和普通話 ...

社交行先,我當時就係忽略咗嚴重性,結果因無乜朋友無心向學。
當時同佢傾,初時佢仲覺得自己有朋友,但其實人哋只係玩佢笑佢。到大啲佢就話唔介意無朋友,其實一切都係假!所有嘢開始收埋……
功課完全唔做唔交,因覺得無聊!
後期巳好憎返學。
最後dse祼考,成績有345,只有一科中文2。雖然覺得真係好浪費,不過無辦法,人越大,越唔聽人講!

緊記你要做到佢最好朋友,學校真係唔好指望佢有好多朋友,有都難長,因亞氏仔真係極難相處!

作者: ada_fung    時間: 19-1-1 14:10

moubb 發表於 18-12-30 11:18
我兒亦是A仔,小學時冇朋友,受同學欺凌,但成績OK。所以就算有直屬中學,我們亦放棄了。經歷一年不停參觀 ...

想問邊間中學比較包容?

作者: licpd    時間: 19-1-1 20:21

本帖最後由 licpd 於 21-5-1 17:04 編輯


del
作者: hinhei    時間: 19-1-1 20:52

ada_fung 發表於 19-1-1 14:10
想問邊間中學比較包容?

就算學校幾包容,最大問題始終出於同學!
家長真係要比好多時間去關心佢哋!
因佢哋會免你擔心而講大話,甚至自己都呃埋!

作者: LeeCC    時間: 19-1-1 22:19

hinhei 發表於 19-1-1 13:21
社交行先,我當時就係忽略咗嚴重性,結果因無乜朋友無心向學。
當時同佢傾,初時佢仲覺得自己有朋友,但其 ...


亞氏仔同返亞氏仔是否易d做到朋友呢?

作者: hinhei    時間: 19-1-2 01:02

LeeCC 發表於 19-1-1 22:19
亞氏仔同返亞氏仔是否易d做到朋友呢?

我覺得係,因我仔有個更嚴重嘅亞氏朋友!

作者: little_yolky    時間: 19-1-2 11:09

Charlotte_mom 發表於 18-12-28 23:01
好似係男仔較多
其實阿氏/自閉,主要兩種方法,一係hardcode,即見人pk就機械式要講「你有無事」,見人喊 ...
其實阿氏小朋友會有咩特徵? 點解同學要排擠人咁衰? 我哋學校都應該有SEN, 不過好少聽到有人排擠人, 有時D同學上堂好鬼曳(唔知點解就係男仔多), 我問阿女老師有無鬧佢哋, 阿女就話, 佢哋係SEN, 鬧都無用, 過一陣佢哋就無嘢了。我問, 咁唔會影響上堂咩? 阿女話, 咁咪自己睇返本書囉, 個個都係咁架啦, 反正老師上堂都係講廢話, 無所謂啦。佢哋班同學又好似幾OK咁。
作者: bobbob    時間: 19-1-2 11:36

LeeCC 發表於 19-1-1 22:19
亞氏仔同返亞氏仔是否易d做到朋友呢?
如果大家志趣相投都有可能,但如果無就更加worse,因為大家都唔識遷就對方
作者: Charlotte_mom    時間: 19-1-2 11:48

little_yolky 發表於 19-1-2 11:09
其實阿氏小朋友會有咩特徵? 點解同學要排擠人咁衰? 我哋學校都應該有SEN, 不過好少聽到有人排擠人, 有時D同 ...

唔係個個都好似係個女咁抵得唸。恭喜你,有個咁識體諒人嘅女女

作者: bobbob    時間: 19-1-2 11:49

little_yolky 發表於 19-1-2 11:09
其實阿氏小朋友會有咩特徵? 點解同學要排擠人咁衰? 我哋學校都應該有SEN, 不過好少聽到有人排擠人, 有時D同 ...
參考下:

https://slp.heephong.org/cht/autism-and-asperger-syndrome
其實而家阿氏保加都會統稱做自閉症,不過程度唔同,阿氏保加智力正常或以上,亦少語言障礙(不過仍只會講自己有興趣嘅話題,亦唔識睇人尾頭眼額),所以相對社交會好少少。

作者: little_yolky    時間: 19-1-2 11:54

Charlotte_mom 發表於 19-1-2 11:48
唔係個個都好似係個女咁抵得唸。恭喜你,有個咁識體諒人嘅女女
佢哋個個同學都係咁喎。最多話你兩句, 但唔會有乜bully。唔啱咀型最多唔做friend, 做乜要排擠人哋?
作者: bobbob    時間: 19-1-2 12:26

little_yolky 發表於 19-1-2 11:54
佢哋個個同學都係咁喎。最多話你兩句, 但唔會有乜bully。唔啱咀型最多唔做friend, 做乜要排擠人哋? :surpri ...
上堂嗰陣梗唔會做乜,落咗堂啲同學做乜你女會唔會知晒?小學生好少出手出腳,但小事如收埋你啲嘢、掃跌啲文具落地、行過kick你腳、成班人嘲笑改花名、行埋去趕你走。。。你女肯定啲同學無做?
作者: little_yolky    時間: 19-1-2 12:43

本帖最後由 little_yolky 於 19-1-2 12:44 編輯
bobbob 發表於 19-1-2 12:26
上堂嗰陣梗唔會做乜,落咗堂啲同學做乜你女會唔會知晒?小學生好少出手出腳,但小事如收埋你啲嘢、掃跌啲文 ...

佢哋D同學上堂時過位, 坐唔定, 周圍行, 唔理老師自己同同學講嘢等等, 乜都出齊。收埋你D嘢, 行過click下你, 成班人改花名呢D, 係對friend都做, 唔係對SEN做, 阿女都試過俾人咁做了, 佢哋玩夠, 有新嘢, 就又玩過其他了。花名全班都有的, 老師都有。至於行過趕你走.............衰成咁真係無聽過, 對friend就有, 你知啦, 青春期D女仔係咁。前排, 阿女問佢BFF功課, 咁佢BFF教緊佢時, 另一個BFF走埋嚟, 叫阿女走開, 話唔好打擾佢兩個之間既友誼。阿女心裡面都好興架, 因為教到一半仲未教完, 不過, 咪自己行開囉, 唔通同佢嘈咩。過一排又無事, 三個又玩埋一堆了。

佢哋學校係咁架, D男仔雖然曳到爆炸, 但單純D, 女仔就個個青春期發作, 不過唔多關SEN事, 就係青春期, 會成日換堆玩, 唔入呢堆就入另一堆, 無乜話特別排擠某D人。反正夾就講多兩句, 唔夾咪同其他人玩囉。佢哋係咁。

作者: bobbob    時間: 19-1-2 13:30

little_yolky 發表於 19-1-2 12:43
佢哋D同學上堂時過位, 坐唔定, 周圍行, 唔理老師自己同同學講嘢等等, 乜都出齊。收埋你D嘢, 行過click下你 ...
好簡單,如果成班淨係咁樣對你女一個,仲要日日如是,你女會點諗?唔好當個個細路係小天使,而家啲小1小2已經識攻心計,自己唔出手搵啲傻嘅出手
作者: 王家爸爸    時間: 19-1-2 13:38

ngkayan55 發表於 18-12-28 05:18
我有一個朋友的孩子患有亞氏保加症,學習能力高,智商158,成績不俗,但不是每科都是成績好,英文和普通話 ...
語言能力、表達能力又點?如果語言能力、表達能力都得,其實跳級都係辦法,反正社交弱,中學階段去到邊都無朋友,快啲讀完中學。趁住跟住呢幾年容易升大學,早啲升大學,大學生成熟啲,被排擠和欺負既機會細啲。
作者: LeeCC    時間: 19-1-2 13:59

bobbob 發表於 19-1-2 13:30
好簡單,如果成班淨係咁樣對你女一個,仲要日日如是,你女會點諗?唔好當個個細路係小天使,而家啲小1小2已 ...


精人出口,笨人出手,呢d 唔洗高小中學先出現,小一二已經有人識甘玩,我個領教過

作者: Charlotte_mom    時間: 19-1-2 14:18

LeeCC 發表於 19-1-2 13:59
精人出口,笨人出手,呢d 唔洗高小中學先出現,小一二已經有人識甘玩,我個領教過
...

So true!
辣到你發火(挑釁,取笑),睇你衰就係佢嘅成功

作者: little_yolky    時間: 19-1-2 15:19

bobbob 發表於 19-1-2 13:30
好簡單,如果成班淨係咁樣對你女一個,仲要日日如是,你女會點諗?唔好當個個細路係小天使,而家啲小1小2已 ...
所以咪話我哋學校無咁囉。其實D小朋友做乜要排擠人, 得閑無事做嗎? 學校老師唔理? 日日如是, 唔可能老師唔知道。而且老師一定知小朋友係SEN, 會睇實D, 俾人蝦一定知喎。

我哋學校唔係好教書架, 成日鵝班小朋友要點做人, 所以成績咁差囉。可能大部份都係幼稚園一齊上, 由細玩到大, 唔理你係咪SEN, 習慣咗了。

作者: little_yolky    時間: 19-1-2 15:21

LeeCC 發表於 19-1-2 13:59
精人出口,笨人出手,呢d 唔洗高小中學先出現,小一二已經有人識甘玩,我個領教過
...
其實佢哋阿爸阿媽知唔知自己小朋友响學校做D乜?
作者: LeeCC    時間: 19-1-2 15:23

little_yolky 發表於 19-1-2 15:19
所以咪話我哋學校無咁囉。其實D小朋友做乜要排擠人, 得閑無事做嗎? 學校老師唔理? 日日如是, 唔可能老師唔 ...


其實有部分sen 小朋友本身行為比較奇怪,或者易惹火,有時系不同類的sen 系易有衝突的,例如adhd 和asd 係易有衝突的,如果一班裡面有幾個sen ,老師真系幾頭痕

作者: 王家爸爸    時間: 19-1-2 15:26

little_yolky 發表於 19-1-2 15:19
所以咪話我哋學校無咁囉。其實D小朋友做乜要排擠人, 得閑無事做嗎? 學校老師唔理? 日日如是, 唔可能老師唔 ...
女仔既世界複雜啲,男仔單純啲,話知你SEN唔SEN,你叻,小組功課你願意做多啲,大把小朋友想同你同組,可能做 free riders。
作者: little_yolky    時間: 19-1-2 15:30

LeeCC 發表於 19-1-2 15:23
其實有部分sen 小朋友本身行為比較奇怪,或者易惹火,有時系不同類的sen 系易有衝突的,例如adhd 和asd  ...
我哋學校小朋友揀過, 就算有, 估計都唔會係嚴重果D, 除非係幼稚園已入果批。唔好話一班幾個SEN, 朋友話佢阿女果班D男仔鬼咁曳, 都成日搞亂上課秩序, 佢阿女成績呢兩年都跌咗(跌咗都仲要叻我阿女好多先慘.....) 都見佢好無奈。
作者: LeeCC    時間: 19-1-2 15:31

little_yolky 發表於 19-1-2 15:21
其實佢哋阿爸阿媽知唔知自己小朋友响學校做D乜?
做得精人的,點會甘易俾父母知,佢地系大人面前都表現系天使,我經驗係,笨人家長發現孩子做錯而不知自己俾人點而揭發的
我小朋友一年級時,常常不見文具 ,但講不出怎樣唔見,直至某出手同學媽咪交還文具俾我小朋友,說發現書包有不少我小朋友名的文具,一問之下,才知咩事,那時我才知道出手同學系受精人同學指示收埋我小朋友的文具,而出手同學唔知系做錯的,而精人同學就話係出手同學拿的,不關佢事。

作者: LeeCC    時間: 19-1-2 15:33

本帖最後由 LeeCC 於 19-1-2 15:34 編輯
little_yolky 發表於 19-1-2 15:30
我哋學校小朋友揀過, 就算有, 估計都唔會係嚴重果D, 除非係幼稚園已入果批。唔好話一班幾個SEN, 朋友話佢阿 ...

津校無得揀,咩款都可以有,大抽獎佢夠膽填,又夠運,就入到
作者: little_yolky    時間: 19-1-2 15:38

LeeCC 發表於 19-1-2 15:31
做得精人的,點會甘易俾父母知,佢地系大人面前都表現系天使,我經驗係,笨人家長發現孩子做錯而不知自己俾 ...
呢個我聽過, 我住果區, 仲有話同學A將同學B既嘢攞咗放去同學C度, 冤枉同學C偷嘢。果間學校聽聞都係好多SEN。我都好擔心呢D嘢, 所以兩個細既P1時, 都唔俾佢哋交換文具(唔知點解小朋友好鐘意交換文具), 費事瓜田李下。
作者: bobbob    時間: 19-1-2 16:07

little_yolky 發表於 19-1-2 15:19
所以咪話我哋學校無咁囉。其實D小朋友做乜要排擠人, 得閑無事做嗎? 學校老師唔理? 日日如是, 唔可能老師唔 ...
你唔信有人真係得閒無事搵人嚟玩?識個終於忍唔住同個同學對質,個同學話睇佢唔順眼,專登要玩佢,奈佢唔何。佢仲識響父母老師面前做戲,話自己無做,咁個sen小朋友可以點?

作者: bobbob    時間: 19-1-2 16:09

LeeCC 發表於 19-1-2 15:31
做得精人的,點會甘易俾父母知,佢地系大人面前都表現系天使,我經驗係,笨人家長發現孩子做錯而不知自己俾 ...
類似事件我哋學校都發生過,知道後都幾心寒
作者: little_yolky    時間: 19-1-2 16:23

bobbob 發表於 19-1-2 16:07
你唔信有人真係得閒無事搵人嚟玩?識個終於忍唔住同個同學對質,個同學話睇佢唔順眼,專登要玩佢,奈佢唔何 ...
信, 但唔明點解咁無聊。而且, 我哋幼稚園時已經領教過。其他家長都知, 只有「聰明人」父母唔知。其實, 有時師長可能唔係唔知, 係選擇性唔知吧。始終, 係咪SEN都好, 乜嘢小朋友都要俾心機教, 個個小朋友, 都有自己既SEN。
作者: RoseRosa    時間: 19-1-2 17:24

moubb 發表於 18-12-30 11:18
我兒亦是A仔,小學時冇朋友,受同學欺凌,但成績OK。所以就算有直屬中學,我們亦放棄了。經歷一年不停參觀 ...

可PM是哪間中學嗎?謝謝!

作者: Olympian    時間: 19-1-4 09:24

LeeCC 發表於 19-1-2 15:31
做得精人的,點會甘易俾父母知,佢地系大人面前都表現系天使,我經驗係,笨人家長發現孩子做錯而不知自己俾 ...

其實band 1 好好的中學,都大把欺凌事件。只不過,班人做得精明,他們是不會留下任何線索,讓別人追查得到是自己做的。

聽過一單,是有人把一條男仔底褲,放入個女仔書包入面。老師知道是誰做,但礙於沒有證據,也不能懲處誰。

老師也算有愛心,往後對這個女同學給予更多關顧,但需知老師越關顧,搞事的同學就更加想搞佢。

所以係無辦法解決,只能等搞事的人轉移目標。

作者: asweetmom    時間: 19-1-4 09:47     標題: 回覆樓主:

既然樓主孩子成績好,不如把多出來的時間改善社交和情緒,這些不是短時間可以做到,跳級是逃避。現在不做功夫,孩子越大便越少人諒解,回天乏力。

作者: 王家爸爸    時間: 19-1-4 09:59

asweetmom 發表於 19-1-4 09:47
既然樓主孩子成績好,不如把多出來的時間改善社交和情緒,這些不是短時間可以做到,跳級是逃避。現在不做功 ...
我估唔係唔想,係做唔到。一般估計,香港每300 ~ 500個人就有一個係 Asperger's Disorder 既,佢哋既腦部發展特別啲,所以通常都有啲特別啲既興趣,不如係呢啲興趣度發展,將來成為某啲方面既專家,更加實際。
作者: asweetmom    時間: 19-1-4 10:02

王家爸爸 發表於 19-1-4 09:59
我估唔係唔想,係做唔到。一般估計,香港每300 ~ 500個人就有一個係 Asperger's Disorder 既,佢哋既腦部發 ...

完全放棄社交能力,友情和愛情(婚姻)甚至事業堪憂,這些是父母無能為力的。人生要追求甚麼,就是個人選擇了。

作者: 王家爸爸    時間: 19-1-4 10:08

Olympian 發表於 19-1-4 09:24
其實band 1 好好的中學,都大把欺凌事件。只不過,班人做得精明,他們是不會留下任何線索,讓別人追查得到 ...
間間學校都有,問題係處理方法係點,冚唔冚住、點樣冚住。
作者: 王家爸爸    時間: 19-1-4 10:10

asweetmom 發表於 19-1-4 10:02
完全放棄社交能力,友情和愛情(婚姻)甚至事業堪憂,這些是父母無能為力的。人生要追求甚麼,就是個人選擇 ...
唔係完全放棄社交,係唔好成為壓力;呢啲小朋友追求既野,同其他小朋友好唔同。
作者: asweetmom    時間: 19-1-4 10:40

王家爸爸 發表於 19-1-4 10:10
唔係完全放棄社交,係唔好成為壓力;呢啲小朋友追求既野,同其他小朋友好唔同。 ...

你的意思是在成為專家之前閉門造車嗎?可能嗎?

作者: 王家爸爸    時間: 19-1-4 10:51

asweetmom 發表於 19-1-4 10:40
你的意思是在成為專家之前閉門造車嗎?可能嗎?
焦慮係亞氏保加症小朋友既最大敵人,唔係社交。社交可以適當地訓練,唔可以太過,過份咗就會成為壓力。如果你令佢覺得社交係壓力,會引起焦慮,就會影響學習,最後兩頭唔到岸。呢啲只係讀書時學既理論,你去見心理醫生,可能佢都係同你咁分析,你要自己取捨。


作者: tutik    時間: 19-1-4 12:33

hinhei 發表於 19-1-1 20:52
就算學校幾包容,最大問題始終出於同學!
家長真係要比好多時間去關心佢哋!
因佢哋會免你擔心而講大話, ...

本帖最後由 tutik 於 19-1-4 12:52 編輯

本帖最後由 tutik 於 19-1-4 12:41 編輯

同意,同窗是否單純更重要。我仔唔係亞氏,但都係社交低能,同班既同學都係競爭對手心態(其實家長都係),成日臨考試先忽然朋友,約仔打on line game, 但到時又出現一陣就消失,一考完又叫呀仔行開 , 分組玩杯葛。仔有你所提過既情況, 扮到唔在乎自己冇朋友,身邊有幾個同學成日玩佢, 故意挑釁 ,想佢比老師罰,我只能同佢分析提醒等,希望佢精明啲。

作者: IloveJJ    時間: 19-1-4 13:08

提示: 作者被禁止或刪除 內容自動屏蔽
作者: 王家爸爸    時間: 19-1-4 14:22

IloveJJ 發表於 19-1-4 13:08
除了社交,仲有好多事佢哋都覺得焦慮,咁係咪當發現有焦慮症時,就要去睇醫生呢?
...
如果真係去到焦慮症時,當然一定要去睇醫生。但係更有效既係防止同避免,而唔係治療。焦慮唔會真係突然發生,先係不安,然後慢慢發展成焦慮,慢慢增加焦慮既程度,父母應該係喺一早就觀察到,然後正面啲、慢慢幫佢減少焦慮。有啲話小朋友突然焦慮,其實只係早期無足夠既觀察,到好大鑊先發現。
作者: 王家爸爸    時間: 19-1-4 14:29

IloveJJ 發表於 19-1-4 13:08
除了社交,仲有好多事佢哋都覺得焦慮,咁係咪當發現有焦慮症時,就要去睇醫生呢?
...
社交未必會導致焦慮,迫佢哋社交先係焦慮之源。因為個個人既問題嚴重性唔同,所以方法唔同。但係最緊要既係唔好迫,適當地鼓勵佢哋社交,而唔係迫佢哋社交。
另外,係唔係迫,係需要從小朋友既角度去定義,而呢個定義,個個小朋友唔同。例如,家長以為自己係鼓勵,其實小朋友可能已經認為係迫。


作者: IloveJJ    時間: 19-1-4 15:41

提示: 作者被禁止或刪除 內容自動屏蔽
作者: 王家爸爸    時間: 19-1-4 16:12

IloveJJ 發表於 19-1-4 15:41
呢樣我自己一向係咁,無迫佢去社交,而且佢後來亦能交到朋友,現在社交都無問題。
不過佢係的確比較焦慮, ...
你嗰個無亞氏保加症,可以用力啲迫下。
作者: JustAParent    時間: 19-1-4 16:36

ngkayan55 發表於 18-12-28 05:18
我有一個朋友的孩子患有亞氏保加症,學習能力高,智商158,成績不俗,但不是每科都是成績好,英文和普通話 ...

如果我係你朋友,我唔會先考慮跳級,而係去搵多幾個醫生專家複檢。

我從來好懷疑,呢個世界有冇咁多亞氏保加症。幾十億人的星球竟有幾千萬人有呢種病?更奇係身邊同我講仔女有呢種病既,10個有3, 4個係高IQ,而Albert Einstein同Stephen Hawking IQ是160。

作者: IloveJJ    時間: 19-1-4 16:56

提示: 作者被禁止或刪除 內容自動屏蔽
作者: licpd    時間: 19-1-4 17:04

little_yolky 發表於 19-1-2 15:19
所以咪話我哋學校無咁囉。其實D小朋友做乜要排擠人, 得閑無事做嗎? 學校老師唔理? 日日如是, 唔可能老師唔 ...
人係動物有動物的基因,人類世界同森林世界無太大分別。
一group人有人想做boss就會揾pink monkey或弱小來蝦以表現自己的強橫,其他人為著要生存要做follower依附個boss,跟着一齊排擠和欺凌!


作者: licpd    時間: 19-1-4 17:09

IloveJJ 發表於 19-1-4 16:56
唔駛迫呀!我本身都唔覺得社交好重要,而且佢有朋友啦!
我都覺得社交吾係甘重要,只要吾好成為欺凌對像,有自己的朋友都可以啦!


作者: mytambb    時間: 19-1-4 17:10

ngkayan55 發表於 18-12-28 05:18
我有一個朋友的孩子患有亞氏保加症,學習能力高,智商158,成績不俗,但不是每科都是成績好,英文和普通話 ...

本帖最後由 mytambb 於 19-1-4 17:12 編輯

我想是可以試下。反正是不快樂,起碼學習上她可以快樂一點。社交活動是需要相向的,成熟一點的同學也會多一點包容、少一點誤解。環境改善對你們也是有好處。當然一些社交訓練班也能夠改善她本身的問題。


作者: 王家爸爸    時間: 19-1-4 17:16

JustAParent 發表於 19-1-4 16:36
如果我係你朋友,我唔會先考慮跳級,而係去搵多幾個醫生專家複檢。

我從來好懷疑,呢個世界有冇咁多亞氏 ...
亞氏保加症其實唔少(大約0.2~0.5%視乎你點畫界,中間數0.35%),IQ高既人都唔少(3個Std. Dev.,即係IQ有145以上,大約係0.135%),但係同時係亞氏保加症又IQ高就少好多(大約0.0005%),即係全香港有唔夠35個人。


作者: 王家爸爸    時間: 19-1-4 17:17

亞氏保加症既人興趣會比較狹窄,只對某啲方面既野有天賦同興趣。佢哋只會專注於狹窄既興趣,因為夠專注,所以就容易成功。如果加上IQ高,成功既機會更大。
作者: licpd    時間: 19-1-4 17:24

本帖最後由 licpd 於 19-1-4 17:25 編輯
Olympian 發表於 19-1-4 09:24
其實band 1 好好的中學,都大把欺凌事件。只不過,班人做得精明,他們是不會留下任何線索,讓別人追查得到 ...

係未真係無辦法解決呢?
你如果對尼班人都覺得要待人以禮就難講了!
我兒甥仔讀名直資,有個同學被個霸凌同學搶眼鏡冲著落toilet,巨媽咪好思文揾個霸凌同學傢長傾,揾老師幫手,一的用都無,繼續搞個同學。
尼個霸凌同學有日搶我兒甥仔個眼鏡,我兒甥仔一手搶囘個眼鏡然后揮權打過去,儅然有同學報寸巨打人,老師見吾到個霸凌同學搶眼鏡,罰著兒甥仔沒休息一星期!不過自此個霸凌同學都吾敢搞巨啦!

作者: IloveJJ    時間: 19-1-4 17:40

提示: 作者被禁止或刪除 內容自動屏蔽
作者: Olympian    時間: 19-1-4 18:26

licpd 發表於 19-1-4 17:24
係未真係無辦法解決呢?
你如果對尼班人都覺得要待人以禮就難講了!
我兒甥仔讀名直資,有個同學被個霸凌 ...

係。其中一個方法,就係夠膽還手,人地就唔敢再搞你。不過底褲單野唔知點還手好,受害人又係女仔...

作者: licpd    時間: 19-1-4 19:16

Olympian 發表於 19-1-4 18:26
係。其中一個方法,就係夠膽還手,人地就唔敢再搞你。不過底褲單野唔知點還手好,受害人又係女仔...
...
受害人係女仔又點?揾搞巨個班女仔阿頭然后一巴砍過去啦!
你吾想自己做受害人就要禁對班欺凌者!



作者: tutik    時間: 19-1-4 21:19     標題: 回覆樓主:

欺凌會唔會男校比較嚴重?

作者: JustAParent    時間: 19-1-4 22:04

本帖最後由 JustAParent 於 19-1-4 22:06 編輯

回覆 王家爸爸 的帖子

亞氏保加係呢二三十年才多人提及既病, 我童年時,呢D可能只係叫做唔聽教唔合群冇同理心,但又未去到自閉咁嚴重。如果我出世遲30年,憑我記憶自己中小學嘅所作所為,可能我亦會被診斷為亞氏保加。

我對近二三十年,兒科醫生心理學家不斷將大量兒童標籤為過度活躍、專注力缺失、阿氏保加、自閉症等等等等極有保留!點會無緣無故咁多小朋友有問題?理由呢?原因呢?

更甚者,之後一班所謂專家就拋出一大堆名詞,什麼自我世界的天才、與外界隔絕了的乜乜家物物家,教你比小朋友食藥啦、精神治療啦、甚至轉個方向接受天才教育發揮佢既才華。於是你即時上Google search吓,又真係見到數之不盡的"患了XX症的名人"名單喎。

我心諗,唔係化?呢個世界有冇咁多细路有病?又有冇咁多天才呀?仲要集係同一個小朋友身上。唔好信晒一兩個專家,搵多D專業意見。仲有,社交障礙歸社交障礙,高智商歸高智商,上帝唔會因為個細路有社交障礙而補償返高智力比佢!兩件事,一單還一單, 最好分開考慮,分開處理。

作者: IloveJJ    時間: 19-1-4 22:23

提示: 作者被禁止或刪除 內容自動屏蔽
作者: hinhei    時間: 19-1-5 02:10

JustAParent 發表於 19-1-4 22:04
回覆 王家爸爸 的帖子

亞氏保加係呢二三十年才多人提及既病, 我童年時,呢D可能只係叫做唔聽教唔合群冇 ...

本帖最後由 hinhei 於 19-1-5 02:12 編輯

我之前都有你咁嘅疑問,總結其實亞氏,活躍,自閉,天才 ……唔係一種病,只係唔同性格類型嘅人!

因有病係可以醫,但呢類嘅人係性格問題,唔會有得(醫),只能改善。正如一個黑心人,無得醫,但有得改咁解!

作者: IloveJJ    時間: 19-1-5 10:16

提示: 作者被禁止或刪除 內容自動屏蔽
作者: 王家爸爸    時間: 19-1-5 10:53

JustAParent 發表於 19-1-4 22:04
回覆 王家爸爸 的帖子

亞氏保加係呢二三十年才多人提及既病, 我童年時,呢D可能只係叫做唔聽教唔合群冇 ...
以前唔知,唔講,唔代表唔存在。不過我同意你講,問題被過分誇大。
作者: 王家爸爸    時間: 19-1-5 10:56

IloveJJ 發表於 19-1-4 22:23
有本美國醫生寫既書,《浮萍的男孩》,正係講你講呢啲疑點,而其中有提到藥廠同醫生既利益關係。
...
亞氏保加症既情況唔同,基本上藥係無用既。
作者: IloveJJ    時間: 19-1-5 11:07

提示: 作者被禁止或刪除 內容自動屏蔽
作者: YolandaTam    時間: 19-1-5 11:27

hinhei 發表於 19-1-5 02:10
本帖最後由 hinhei 於 19-1-5 02:12 編輯

我之前都有你咁嘅疑問,總結其實亞氏,活躍,自閉,天才 …… ...

十分同意。我識咗疑似亞氏佬(我老公)廿六年,初初喺團契好多人覺得佢難相處。經過咁多年事業上,家庭裏嘅經歴,半年前再轉做 technology management 後佢雖然仍無乜同理心,但社交技巧已好好多,不單喺新部門埋到堆,同牧師師母傾偈,師母細細聲同我講:我知你點解揀呢個人做老公,佢開朗又成熟。
一直覺得亞氏係一種性格,毋須治療。

作者: 王家爸爸    時間: 19-1-5 11:44

IloveJJ 發表於 19-1-5 10:16
我睇過專注力不足,成因係腦部成長既問題,係生理性架喎!
而食既藥係透過化學方式去改善問題,大部分患者( ...
如果只係ADHD問題,理論上興奮劑,例如Methylphenidate(聰明藥)係有短期效果既,不過副作用大,又會上癮同有Drug Tolerance問題(所有精神科藥都有呢啲問題)所以除非問題嚴重,否則唔值得試。
作者: IloveJJ    時間: 19-1-5 11:48

提示: 作者被禁止或刪除 內容自動屏蔽
作者: 王家爸爸    時間: 19-1-5 11:53

IloveJJ 發表於 19-1-5 11:48
醫生話我仔成績ok就唔駛食喎!唔知點解只係用成績來衡量?  
我仔操行麻麻,就係太悶而做一啲興奮 ...
唔需要食係好事,精神科既藥,始終唔可以隨便食。
作者: IloveJJ    時間: 19-1-5 12:01

提示: 作者被禁止或刪除 內容自動屏蔽
作者: licpd    時間: 19-1-5 17:32

本帖最後由 licpd 於 19-1-5 17:33 編輯
hinhei 發表於 19-1-5 02:10
本帖最後由 hinhei 於 19-1-5 02:12 編輯

我之前都有你咁嘅疑問,總結其實亞氏,活躍,自閉,天才 …… ...

過度活躍可以吃藥,係未病就各有各說!
我覺得亞氏,活躍,自閉,天才的小朋友只係同大部份人吾同!或者說跟本每個人都係獨特的,這些小朋友只係比大部份人更加獨特!

大部份人對一些跟他們不同的人都會有偏見,尤其是思想未成熟的小朋友!SEN傢長係要特別幫小朋友明白因為巨地既獨特會遇到乜野社交問題(其實就算吾係SEN都可能有社交問題)幫助這些小朋友了解自己,了解普通人的思拷模式,了解自己的思拷模式同大部份人有何不同,係group activities 的時侯點樣可以融入主群,發揮巨地的強項。


比如我仔都有小小亞氏特質,有時講野卑人感覺好blunt。甘我會同巨講你講野係只想到logically right就講,但你有沒有想過你講出來的傚果呢?大部份人講說話吾係只著重logic,還會想下聼的人會有何感覺。甘慢慢提點得多巨會進步!



另外我會提巨係一group人的時侯就少說話和多觀察組員係點同其他人互動,因為一大班人面前你講了不對路的說話個代價會大好多,好容易被人single out甚至被欺凌!我經常同巨講你吾係有問題,你只係IQ和思拷模式跟大部份人吾同,吾好期望其他人會明白你和就你,你要學習brown monkey係點樣社交和思拷的


SEN傢長係要費心好多,尼個話題好難三言倆語說清楚!





作者: 王家爸爸    時間: 19-1-5 18:02

licpd 發表於 19-1-5 17:32
過度活躍可以吃藥,係未病就各有各說!
我覺得亞氏,活躍,自閉,天才的小朋友只係同大部份人吾同!或者說 ...
亞氏保加症同邏輯理解才能其實有好有趣既關係。亞氏保加症小朋友既語言邏輯比較弱,但係數學邏輯比較強。
語言邏輯弱令佢哋唔明白啲太抽象概念,如果你好隱侮、好抽象既方法同佢哋講野,佢哋未必明,亦可能會誤解咗你想表達既野;人哋既英式幽默,例如自嘲、諷刺,佢哋會當真。
另一方面,佢哋既數學邏輯比較強,所以佢哋唔明白點解啲簡單既數學問題我哋會花咁多時間去理解。






歡迎光臨 教育王國 (/) Powered by Discuz! X1.5