教育王國

標題: 想請教去英國讀大學 [打印本頁]

作者: LuckyLimams 時間: 26-4-20 13:32 標題: 想請教去英國讀大學

請問去英國讀大學嘅第一年，你地有陪同一齊去打點開學嗎？有無小朋友係零親朋友，爸媽又無去，單拖過去自己攪掂所有？有無咩要注意㗎？可以分享下嗎？

作者: TTEE1819 時間: 26-4-20 14:49 標題: 回覆樓主:

如家長唔得閒陪孩子出發，真的唔緊要，開始讀大學，佢地有能力處理，亦開始學獨立。

另外，大部分大學會安排人去最近嘅機場接學生，通常學生在orientation 前一兩天到達英國。

另外，好多社交媒體有該大學香港學生會，佢地年年暑假在港都有orientation day，讓新生認識嘅師兄師姐，又會講解pre-departure info。

唔洗擔心的，所有準備都唔困難。

當然，如果我有假期，我實在開學前跟孩子一齊飛去英國，一方面跟孩子旅遊，另一方面幫手攞多一個大喼。

作者: poonseelai 時間: 26-4-20 15:02 標題: 回覆樓主:

當年我孩子大學有規定入住宿舍日期時間, 同日開始已經有活動, 我哋陪去嘅就早一天買定枕頭床單被廚房用具等一齊搬去宿舍, 起碼第一晚有覺好訓, 其他就跟住自己攪, 如果自己去就預早上網訂送去宿舍

作者: ada_fung 時間: 26-4-21 06:50

LuckyLimams 發表於 26-4-20 13:32
請問去英國讀大學嘅第一年，你地有陪同一齊去打點開學嗎？有無小朋友係零親朋友，爸媽又無去，單拖過去自己 ...

本帖最後由 ada_fung 於 26-4-21 06:52 編輯

如果可以，最好開學前1-2星期去陪佢。
搬入宿舍，好似被鋪枕頭，去到先買，
準大學生們未必有經驗去選/買。

我當時係開學前1星期同佢一齊過去，
先入住宿舍附近Airbnb，
同佢行下附近有咩超市/餐廳，
去Ikea/大商場買被枕，
及特訓基本煮食。

到可以入住宿舍時，
幫手一齊搬屋，
執下野，教佢點用宿舍洗衣機等等。

始終以前個個都係公主王子，
好多基本家務係冇乜概念。

debit card/credit card要準備，
現金好少用，
最好去到就開個基本銀行戶口，
方便同同學夾錢時用。

作者: monsterparentss 時間: 26-4-21 10:52 標題: 回覆樓主:

2年前我有陪呀仔開學。原來去到有啲嘢要預備，例如衣架，洗衣袋。我哋又唔熟路，所以好難搵到。另最深刻係呀仔參加Freshers Week，幾日後佢發燒，唔舒服，嚇死我，好驚係covid。佢話自己有Freshers Flu，佢係我租嘅地方瞓咗2日先好啲。第一次係外地病，我覺得好彩有陪住佢，佢又人照顧，我又唔駛咁擔心。如果家長去唔到，真係要預備好啲平安藥。

作者: sumikogurashi 時間: 26-4-24 17:56

LuckyLimams 發表於 26-4-20 13:32
請問去英國讀大學嘅第一年，你地有陪同一齊去打點開學嗎？有無小朋友係零親朋友，爸媽又無去，單拖過去自己 ...

我哋有陪佢去開學，行李又多，又要買吓煮食用具同些少家品，一次過同佢去楝和買，我哋租了車又方便出入，其實時間許可，陪開學係好㗎。

作者: caralee20 時間: 26-4-24 21:17

嚟緊考完DSE都規劃中，亦都擔心這個問題

作者: LAUGHT 時間: 26-4-27 16:46

回覆 LuckyLimams 的帖子

我個女當年去英國讀U我無去, 零親人, 零朋友. 不知不覺佢今年YR. 3了, 你會發現佢會大得好快的.

作者: kingandi888 時間: 26-5-4 22:36

而家英國讀大學第一年guarantee 有宿舍？

作者: jindui 時間: 26-5-5 09:42

仔2年前入U, 佢自己跟同學一齊去英國, 不用家長陪!

作者: khill 時間: 26-5-5 10:16 標題: 回覆樓主:

其實很睇小朋友是否夠獨立, 夠主動. 如果你/佢很不安, 陪去先settle down也不為過.

如果對英國零認識, 冇friend, 咁衣/醫食住行, 每件事情也要explore.

入宿舍後, 主動識多了朋友, 自然有很多資訊.

另外除了精神上打氣支持, “彈藥”支持也很重要, 可以多感受下物價, 知道給予多少零錢才合適.

作者: ada_fung 時間: 7 天前

kingandi888 發表於 26-5-4 22:36
而家英國讀大學第一年guarantee 有宿舍？

我估間間大學唔同，
要睇番學校點寫，
我仔嗰間係 guarantee 第一年宿舍，
之後要抽籤。

作者: LAUGHT 時間: 6 天前

回覆 kingandi888 的帖子

通常第一年都GUARANTEE有HALL, 但要留意有D UNI 要揀佢做FIRM CHOICE 同有APPLICATION DEADLINE (未放榜).

作者: LAUGHT 時間: 6 天前

回覆 ada_fung 的帖子

通常第二年好難抽.

作者: ada_fung 時間: 6 天前

LAUGHT 發表於 26-5-7 17:27
回覆 ada_fung 的帖子

通常第二年好難抽.

我仔好彩第二年抽到，
宜家等緊第三年抽籤結果。

作者: 大食媽咪 時間: 前天 18:22

LuckyLimams 發表於 26-4-20 13:32
請問去英國讀大學嘅第一年，你地有陪同一齊去打點開學嗎？有無小朋友係零親朋友，爸媽又無去，單拖過去自己 ...

我女I人,英國都無任何認識既人,佢自己一個人去開學無問題,佢今年畢業禮會係我第一次過去。我都係認為睇性格,我女雖然內向但佢對自己出行好有信心,係佢叫我地唔使陪佢去開學。不過我知佢事前都做咗D功夫,有睇定點搭車同轉車,又有睇咗地鐵站有無elevator/escalator,因為行李都重。咁佢大學係倫敦市中心,所以又會易D。我估陪唔陪需要睇返個別情況。

作者: BBCoffee 時間: 昨天 18:14

請問大家welcome week 就過去定開學先過去呀？

作者: fckmama 時間: 昨天 18:14

本帖最後由 fckmama 於 26-5-13 01:56 編輯

想請教大家近年入境英國讀書時，immigration容唔容易，有冇試過要問好多嘢？

作者: LAUGHT 時間: 6 小時前

回覆 BBCoffee 的帖子

提議你WELCOME WEEK 之前去. 通常U 有ORIENTATION, 好快FULL 的. 有問題可以PM我.

歡迎光臨教育王國 (/)