教育王國

標題: 女孩子活潑，高主教小學 vs 蘇浙國際 [打印本頁]

作者: yoyue10 時間: 25-8-17 13:31 標題: 女孩子活潑，高主教小學 vs 蘇浙國際

女孩子活潑好動，現在有2間offer, 應該揀高主教小學，還是北角的蘇浙國際？？家住港島區，所以地點學費都不是問題。謝謝

作者: RainyRice 時間: 25-8-18 17:24

yoyue10 發表於 25-8-17 13:31
女孩子活潑好動，現在有2間offer, 應該揀高主教小學，還是北角的蘇浙國際？？家住港島區，所以地點學費都不 ...

一間國際學校課程、一間本地課程你有什麼偏好？為什麼會考慮國際課程？

作者: millk1106 時間: 3 天前

我地都係呢2間vs, 想問你最後點揀？

作者: RainyRice 時間: 10 小時前

millk1106 發表於 25-12-12 22:20
我地都係呢2間vs, 想問你最後點揀？

其實兩位家長點解會揀這間國際學校？有同時報一間本地學校？是打算最終去國際學校，而蘇浙國際有比其他國際學校吸引的地方？
都認識好幾位曾經讀蘇浙國際的，絕大部份在升中之前已經離開。有轉國際學校/PIS，也有轉本地學校（NCS）的。亦有想轉IS/LS轉唔到，最後去外國的。原因有學校中學、課程、校舍、活動、等等。
也認識幾位高主教學生，成績好的升中去了另一些B1A名校；也有成績不如理想應該屬於B2但大抽獎順利直升。
所以根據以上例子，我會選高主教。蘇浙國際是一間學費接近本地學校、門檻比較低、中文比其他IS好（但未必能涵接本地學校）的一間國際學校。而最重要是研考慮清楚蘇淅國際中學情形、校舍、等等，以免因小失大。
高主教未必是你心目中最理想的小學，但也是一間成績和校風口碑也不錯的B1學校。

作者: millk1106 時間: 9 小時前

RainyRice 發表於 25-12-15 08:46
其實兩位家長點解會揀這間國際學校？有同時報一間本地學校？是打算最終去國際學校，而蘇浙國際有比其他國 ...

多謝你嘅資訊
考慮蘇浙國際係因為佢嘅收費喺國際學校之中係最相宜，都知佢中學部唔太好，但係幼稚園小學都不錯
而且因為比較buy IB理念，亦覺得語境好重要，所以先想喺自己能力負擔到嘅情況下揀蘇浙國際
小朋友而家喺高幼適應得唔錯，但係聽高小家長講高小再更加嚴同傳統，我覺得唔係咁適合自己小朋友，當然當初揀佢都知道佢條龍唔錯先揀
所以而家掙扎嘅點係值唔值得為咗蘇浙國際而放棄本地一間算係唔錯嘅一條龍學校

作者: RainyRice 時間: 7 小時前

millk1106 發表於 25-12-15 09:09
多謝你嘅資訊
考慮蘇浙國際係因為佢嘅收費喺國際學校之中係最相宜，都知佢中學部唔太好，但係幼稚園小學都 ...

贊成IB的理念是不錯，但我覺得執行亦都同樣甚至更重要。其實就算是英加美課程甚至校本課程的學校，尤其是在小學，只要執行得好，有好的領導和老師，其實和IB理念所做到的差不多。
所以我覺得一間好的學校更重要。選擇蘇淅的話，我基本上可以當他是一間小學獨立考慮。

國際學校3-8年前已經相對不容易入，所以都贊成如果要轉國際線，要盡早決定。學費相宜的國際學校其實還有一些選擇，PLK HKCA (只有小學）口碑都唔錯, 還有FIS, DSC, … 甚至ESF。
這個網頁主要講英語教學學校，不過有一部份都是國際學校：https://www.littlestepsasia.com/hong-kong/learn/schools/affordable-schools/

如果這兩間，加上學費的考慮，個人會寧願留在高主教然後去考有國際課程的學校、符合家庭理念的本地學校或國際學校。

歡迎光臨教育王國 (/)