教育王國

標題: 國際學校插班直私小學 [打印本頁]

作者: Harryiem 時間: 25-8-13 17:13 標題: 國際學校插班直私小學

阿仔報緊26/27小一，心儀聖瑪加利，王錦輝，優才等直資，但競爭非常激烈。佢本身有美國國籍，如果冇offer，我想比佢讀 American International School ，小二再插班報直私，想問下可行嗎？有人有國際學校插班直私經驗嗎？

作者: RainyRice 時間: 25-8-13 18:24

Harryiem 發表於 25-8-13 17:13
阿仔報緊26/27小一，心儀聖瑪加利，王錦輝，優才等直資，但競爭非常激烈。佢本身有美國國籍，如果冇offer， ...

可行。插班主要做卷睇成績，多數中英數。如果入咗國際學校，在小朋友讀國際學校的課餘時間要溫+學相關本地課程的中英數。而且唔單止要識，成績都要中上，因為插班都要和其他競爭對手比成績。
學術上還要留意：雖然讀國際學校英文好，但都要知本地英文考試卷模式、問什麼類型的問題；數學要知道本地課程大約教學範圍；中文大致同上面都是一樣。
另外就是文化適應上：本地學校規矩比較多，功課比較多，不過你選擇那幾間應該還好，加上一年班年班升小二應該相對容易適應。
至於小一應該入美國國際還是其他本地學校，就睇家長priority及小朋友將來的升學打算。希望你直接有心儀直私Offer，唔使煩

作者: Harryiem 時間: 25-8-14 14:47

回覆 RainyRice 的帖子

多謝解答🙏

作者: kawag 時間: 25-8-19 11:33

國際學校中途插去直私學校我覺得幾難，課程不一樣，國際學校冇課本、唔刷卷，知識點唔一樣，而插班直私首先靠考試（有些學校係報名時候就叫上傳成績單或者寫分數，IB成績單全部系評級和評語），考試唔過關就冇機會面試（除非有些學校筆試和面試係同一日）。如果真係想轉直私，可能課後真係要補習，特別係數學同中文，而且越早轉越好。

作者: Aiyoyo 時間: 25-8-22 15:51

國際轉本地有點困難，除非家長自己中英數都跟的好緊。本地轉國際，只要英文夠好就問題不大

作者: RainyRice 時間: 25-8-22 16:30

Harryiem 發表於 25-8-14 14:47
回覆 RainyRice 的帖子

多謝解答🙏

基本上就係在課餘時間，確保小朋友的中英數程度符合本地學校的學術要求，熟習相關測驗考試卷模式。

作者: jbbmom 時間: 25-9-7 22:58

希望樓主已入到心儀小學。
我覺得小二插班更難，一來位少（或者無位，無人退學），加上要做卷，所以要操卷，真係唔容易。

作者: ReanLeung 時間: 25-9-12 13:04

提示: 作者被禁止或刪除內容自動屏蔽

歡迎光臨教育王國 (/)