教育王國

標題: 呈分成績 [打印本頁]

作者: caca316 時間: 19-3-25 23:47 標題: 呈分成績

我見升中版，大家都講到自己小學的小朋友在呈分階段仲攞咁多個A，又話好多人考到100分，九十幾分等等，但我小朋友間小學，自小四開始，大部分同學已經好難攞A，見到其他學校咁嘅情況，有d擔心。我小朋友小學算是傳統名校，但看似其他小學的學生張成績表反而靚好多，我地拎張成績表出去好似好難睇咁。

作者: In2c68 時間: 19-3-26 05:22 標題: 回覆樓主:

我地果間都係, 不過我知有d程度會差用遠! 只能接受我地果d學校又深又難搵分, 不過有d中學會知邊d深d邊d淺d, 所以直支已收左好多同學同自行都應該有著數, 但去到大抽奬就睇命了!

作者: 1998Ruby1998 時間: 19-3-26 05:43

咁你上到中學應該暈低，唔少 Band 1 校部份科目有 6 字已經高分，平均分有 80 已經排全級頭 20% 內。

呈分唔係睇 A，睇排名，三私一直嘅 80 分，值錢過二三線學校嘅 90 分。校長收咁多學生，老師又面試咁多，知道邊啲係真實力，邊啲只係學校程度淺所以高分，心中有數。

作者: pypy405 時間: 19-3-26 07:12

1998Ruby1998 發表於 19-3-26 05:43
咁你上到中學應該暈低，唔少 Band 1 校部份科目有 6 字已經高分，平均分有 80 已經排全級頭 20% 內。

呈分 ...

Agree

作者: gracelam 時間: 19-3-26 07:42

caca316 發表於 19-3-25 23:47
我見升中版，大家都講到自己小學的小朋友在呈分階段仲攞咁多個A，又話好多人考到100分，九十幾分等等，但我 ...

中學睇成績表主要睇操行, 評語, 缺席率, 優點/缺點, 參與服務等等

邊間小學科目中的AABB值幾多斤兩, 中學已經心中有數。

作者: caca316 時間: 19-3-26 07:49

希望中學老師識睇啦，我地連操行都好難攞A，以全級來計，五隻手指以內的人先可以拎到A

作者: 妹妹頭 時間: 19-3-26 07:56

回覆 1998Ruby1998 的帖子

同意，我女級一果個，總平均分都只有80分

作者: 1998Ruby1998 時間: 19-3-26 08:09

caca316 發表於 19-3-26 07:49
希望中學老師識睇啦，我地連操行都好難攞A，以全級來計，五隻手指以內的人先可以拎到A ...

本帖最後由 1998Ruby1998 於 19-3-26 08:11 編輯

問返老師，上幾屆同級數同學報乜學校，中學有 history 就知道你個 80 分實際值多少。除非你間小學好新啦，又或者你走去報往年從來冇人報過嘅學校，否則中學點會唔知貴校實力呢！我教個小朋友，學校算熱門，英文科 9X 分，總排名頭 20%，但連普通嘅字如 elephant, biscuits 都串錯，作文冇圖畫會唔多識作。另一個讀名私，一樣年紀，英文科剛剛好過 8 字，總排名 25%-30% 左右，但作文好好，亦識用好多詞彙，自己本身學校亦教快 1.5 年課程。我係校長，一個面試便知龍與鳳。

放鬆啲，分數只係一個小學給予你嘅數字，不代表中學給予你嘅分數。下下咁著緊有冇 A，命都短幾年。呈分持續有進步便可。

作者: little_yolky 時間: 19-3-26 09:13

caca316 發表於 19-3-25 23:47
我見升中版，大家都講到自己小學的小朋友在呈分階段仲攞咁多個A，又話好多人考到100分，九十幾分等等，但我 ...

100分又好, 85分又好, 成績表都只係出個A字。入得傳統名校, 已有佢特定優勢, 傳統名校=全港中學都識你哋, 知你哋水平, 考直G無問題。至於大抽奬就更無問題, 因為唔理你成績表全科C都好, 只要係B1, 就係B1。

雖然話我哋學校呈分仲有人攞100分, 但係, 要成績表全部A, 都仍然有難度。班主任話齋, 全部A果D, 都係頭幾名同學, 多個B, 就後少少。你哋可能頭60-70%都係B1, 我哋連三成都無, 點可同日而語。其實家長了解清楚呈分遊戲, 就少好多不必要既煩惱了。

歡迎光臨教育王國 (/)