教育王國

標題: 將軍澳區vs何文田區升中 [打印本頁]

作者: 祖明 時間: 11-9-11 12:14 標題: 將軍澳區vs何文田區升中

自己住tko，亞仔讀何文田區小學，下年升中，因交通不便，所以考慮揀返tko區升中，但又不捨何文田區校網比tko好，好難取捨。

作者: hinhin-mother 時間: 11-9-11 12:20

Asked your son which one he like! He is the one who goes to school.!!

作者: fallenleaf 時間: 11-9-11 14:19

原帖由祖明於 11-9-11 12:14 發表
自己住tko，亞仔讀何文田區小學，下年升中，因交通不便，所以考慮揀返tko區升中，但又不捨何文田區校網比tko好，好難取捨。

何文田都應該屬於九龍城校網。將軍澳有105小巴和93k，或者297巴士都可以去九龍城，早上又有特別班次巴士。不過去到何文田，例如迦密就要在官塘轉17號。
不過聽聞好似迦密有校巴往返將軍澳，係放學想留校就可能麻煩d。

作者: 祖明 時間: 11-9-12 19:11

我近坑口村嗰邊，打選揀陳瑞祺書院，但學校個位好吊脚，住我呢頭嘅學生去何文田，多數去官塘轉17號巴士再步行到學校，但左轉右轉，好似浪費好多時間搭車咁！

作者: fallenleaf 時間: 11-9-12 20:11

原帖由祖明於 11-9-12 19:11 發表
我近坑口村嗰邊，打選揀陳瑞祺書院，但學校個位好吊脚，住我呢頭嘅學生去何文田，多數去官塘轉17號巴士再步行到學校，但左轉右轉，好似浪費好多時間搭車咁！ ...

所有那裡的學校都可用這個方法。搭98C或98S在亞皆老街九龍醫院站落車，經巴富街和石鼓街(沿何文田官立和旅港開平)，不出10分鐘就到。
懶d都得，搭17號囉。若係band 1生，我寧願留在九龍城區。

作者: 祖明 時間: 11-9-14 12:54

原帖由 fallenleaf 於 11-9-12 20:11 發表

所有那裡的學校都可用這個方法。搭98C或98S在亞皆老街九龍醫院站落車，經巴富街和石鼓街(沿何文田官立和旅港開平)，不出10分鐘就到。
懶d都得，搭17號囉。若係band 1生，我寧願留在九龍城區。 ...

fallenleaf謝謝你的解答！可否再給我一點意見？

但若果band2頭呢？我應否留在九龍城區，因是陳瑞祺小學生，選擇陳瑞祺書院機會很大，但若返回tko區，我只得撰擇直資播道書院，是否睇埋唻緊呈分試成績如何才作决定呢？

作者: 祖明 時間: 11-9-14 13:07

亞仔鍾意旅港，但我恐怕佢應付唔唻，所以未必揀！會唔會對亞仔唔公平呢？

作者: fallenleaf 時間: 11-9-14 17:29

九龍城區band 1生和band 1位數目相約，加上有一班band 1頭的學生會跨區自行，或投向直資行列，而且這班人數目都唔少。所以如果band 2頭的學生，我留係九龍城區，甚至有機會搏到band 1學校。之前我講過有朋友兒子成功搏入丘佐榮，如果是陳瑞祺小學band 2生都好大機會入陳瑞祺中學，我知道好多陳瑞祺小學的band 1生都選擇華英或迦密。
至於旅港對band 2生來說，機會好微。旅港係九龍城區band 1生的熱門選擇。
九龍城區重有好多band 2的選擇，例如何官和胡兆熾，機會總比將軍澳多。

作者: 祖明 時間: 11-9-14 18:22

原帖由 fallenleaf 於 11-9-14 17:29 發表
九龍城區band 1生和band 1位數目相約，加上有一班band 1頭的學生會跨區自行，或投向直資行列，而且這班人數目都唔少。所以如果band 2頭的學生，我留係九龍城區，甚至有機會搏到band 1學校。之前我講過有朋友兒子成功搏入丘佐榮 ...

謝謝fallenleaf，你解釋得好清楚，令我釋懷好多！其實我都諗住第一稭段，首選陳中及丘中，但最終都要睇亞仔成績才可決定。到時又要勞煩fallenleaf給我意見

作者: fallenleaf 時間: 11-9-14 18:53

原帖由祖明於 11-9-14 18:22 發表

謝謝fallenleaf，你解釋得好清楚，令我釋懷好多！其實我都諗住第一稭段，首選陳中及丘中，但最終都要睇亞仔成績才可決定。到時又要勞煩fallenleaf給我意見 ...

若你肯定囝囝是band 2生，第一階段丘中就機會微。
問題係如你放陳中於第一階段，好大機會入左，到第二階段想搏丘中都冇機會。
話時話，到最後我地都係要考慮小朋友的能力，費事第日追唔上時後悔。

作者: 祖明 時間: 11-9-14 19:36 標題: 回覆 10# fallenleaf 的文章

係呀！fallenleaf你講得啱！揀學校唔係好就免強，小朋友入到間band1英中，但成績長期處於谷底，將會失去自信及學習興趣，反而得不償失！呢點我要小心考慮。

作者: chumamma 時間: 11-9-20 08:55

我覺得留在播道書院較適合

(1) 校風好
(2) 校長理念好
(3) 交通好, 慳時間, 安全
(4) 開心學習。
(5) 老師有愛心
(6) 我從未聽過家長或學生討厭學校。

不過播道書院都唔易入架。我朋友都要 '蟻' 校長好多次才獲取錄, 它出名了, 升晒呢啦, 只收 brand one 生。

原帖由祖明於 11-9-14 12:54 發表

fallenleaf謝謝你的解答！可否再給我一點意見？

但若果band2頭呢？我應否留在九龍城區，因是陳瑞祺小學生，選擇陳瑞祺書院機會很大，但若返回tko區，我只得撰擇直資播道書院，是否睇埋唻緊呈分試成績如何才作决定呢？ ...

作者: mandy_lee 時間: 11-9-21 18:01

ec 今年小6 可以直上中一所以位我估唔多. 話事話我都好想知道學校係band 幾. 黎緊月尾開家長會問問學校先.

作者: khmama 時間: 11-9-21 22:37

九龍城band2頭有機會係全港band1尾, 甲部不妨試丘中, 陳中同景嶺. 如果大抽獎仍係band2, 可以填陳中, 宣基, 慕德.

作者: hw1115 時間: 11-9-21 23:15

原帖由 khmama 於 11-9-21 22:37 發表
九龍城band2頭有機會係全港band1尾, 甲部不妨試丘中, 陳中同景嶺. 如果大抽獎仍係band2, 可以填陳中, 宣基, 慕德.

宣基現在是band 2 嗎?

作者: khmama 時間: 11-9-22 20:00

原帖由 hw1115 於 11-9-21 23:15 發表

宣基現在是band 2 嗎?

宣基同慕德係九龍城有跨區位. 九龍城band1位多, 跨區band1位未必會比band1生抽晒, 有機會比band2生抽到, 而且又近番樓主屋企.

作者: hw1115 時間: 11-9-22 22:26

原帖由 khmama 於 11-9-22 20:00 發表

宣基同慕德係九龍城有跨區位. 九龍城band1位多, 跨區band1位未必會比band1生抽晒, 有機會比band2生抽到, 而且又近番樓主屋企.

怪不得2仟多元租信箱啦!

作者: fallenleaf 時間: 11-9-22 22:29

原帖由 khmama 於 11-9-22 20:00 發表

宣基同慕德係九龍城有跨區位. 九龍城band1位多, 跨區band1位未必會比band1生抽晒, 有機會比band2生抽到, 而且又近番樓主屋企.

宣基得7個位，慕得3個位，我擔心有小小風險，反正都係band 2，或者考慮唔好擺咁前。

作者: khmama 時間: 11-9-22 22:41

原帖由 fallenleaf 於 11-9-22 22:29 發表

宣基得7個位，慕得3個位，我擔心有小小風險，反正都係band 2，或者考慮唔好擺咁前。

其實抽獎都係一個捉心理既遊戲, 個個見位少唔敢填又反而有位, 將軍澳比較遠, 如果唔係入面住, 選跨區學校將軍澳都未必係家長首選, 所以可以搏下.

作者: csk家長jj 時間: 11-9-23 00:15

祖明 ,不要氣餒啊！根據我地今屆嘅派位成績,你仔仔的名次仍屬band 1尾,並非band 2啊

作者: 歌地亞 時間: 11-9-23 09:27

祖明, 努力考好第二次呈分先諗其他啦 ~

作者: 祖明 時間: 11-9-24 23:21

感謝各方友好的鼓勵

可能皇帝唔急太監急，見亞仔唔緊唔緊咁，我嘅焦慮症又唻啦

幸得各位無私奉獻給與寶貴意見，大家繼續努力，爭取更好成績

作者: csk家長jj 時間: 11-9-24 23:39

原帖由祖明於 11-9-24 23:21 發表
感謝各方友好的鼓勵可能皇帝唔急太監急，見亞仔唔緊唔緊咁，我嘅焦慮症又唻啦幸得各位無私奉獻給與寶貴意見，大家繼續努力，爭取更好成績 ...

祖明,要爭取自行一席位,成績固然重要,但面試表現也不容忽視！現在要開始準備喇

預祝您心想事成

歡迎光臨教育王國 (/)