教育王國

標題: 有冇人只揀一間中學面試？ [打印本頁]

作者: 小時候 時間: 11-12-9 20:45 標題: 有冇人只揀一間中學面試？

自行派位，有冇人只揀一間中學面試？
如果只揀一間，咁如果去呢間叩門，會唔會多d誠意分？

作者: kamtong 時間: 11-12-9 21:58

現實一些吧，學校只看成績，點解唔比多次機會給妳的子女。

作者: 小時候 時間: 11-12-9 22:02

原帖由 kamtong 於 11-12-9 21:58 發表
現實一些吧，學校只看成績，點解唔比多次機會給妳的子女。

唔係我唔現實，只因有家長向我咁提議，我先係度問下有冇人會咁樣，同埋會唔會好d咁啫！

作者: talent2000 時間: 11-12-9 22:07

提示: 作者被禁止或刪除內容自動屏蔽

作者: 小時候 時間: 11-12-9 22:13

原帖由 talent2000 於 11-12-9 22:07 發表
係有的，因为佢怕另一間收左而失去心意的中学。不會係你的理由。

原來係咁，唔該晒！

作者: K1 時間: 11-12-10 02:50

有，好似我地有直屬中學，有d家長只揀自己個間。

作者: alice44 時間: 11-12-10 10:44

上年, 我有2個朋友的女+1個阿仔的同學, 他們都只選了一間中學面試, 因為他們只心儀一間中學, 怕會派到自行第二志願, 所以只選一間, 結果他們三個都派到自行嗰間心儀中學, 不過真的不知道是自行還是好彩統一派到. (阿仔同學就一定係統一派位時派到, 因為成績不是好標青.)
又有一個例子, 阿仔同學選了兩間自行, 第一間當然係最想入, 就係因為唔想浪費第二個機會, 所以第二志願都選了另一間英中, 結果派了到第二自行嗰間中學(統一派位乙部沒有填呢間中學, 甲部填第二). 知道結果時, 呢位家長唔係好開心, 因為入唔到第一自行, 如果做了會令自己後悔的事, 我情願浪費第二個機會.

作者: YING951016 時間: 11-12-10 14:18

我個女都係下年3月面試,我有兩間心儀中學,但我個女特別喜歡其中一間(其實我都係),所以我都念住只面試一間,唔係因為成數高,而係怕比第2間收左,就冇得大抽獎,千其唔好覺得晒左個機會而去面試一間會後悔的中學
以上只係個人意見,希望大家都入到心儀的中學.

作者: 雪文 時間: 11-12-10 20:03

我都會暫時只會選一間

作者: Rattie 時間: 11-12-10 20:31

O 唔去面試唔等於間學校唔會收你
只要你有入過表
就算你冇去面試間學校一樣有權收你
如果你係唔想入某一間學校就唔應該去入表
話唔定你小朋友個排名好突出屬於必收
唔去面試只係代表機會微唔等於冇
諗清楚.

原帖由 YING951016 於 11-12-10 14:18 發表
我個女都係下年3月面試,我有兩間心儀中學,但我個女特別喜歡其中一間(其實我都係),所以我都念住只面試一間,唔係因為成數高,而係怕比第2間收左,就冇得大抽獎,千其唔好覺得晒左個機會而去面試一間會後悔的中學
以上只係 ...

作者: chanpa 時間: 11-12-10 22:21

我堅持自行選一間高少少band, 一間合適banding。其中一間收，就飲得杯落。沒有一間是最心儀的，間間band 1A、 band 1B、band 1C 都好！

上到中學，校風最重要，同學要自己發奮讀書，挑戰自己的目標，家長只有從旁協助和鼓勵。

大抽獎靠運氣，無保障。最好是自行收咗。

作者: ohnono 時間: 11-12-10 22:25

自行收生可以跨區，大抽獎只可選擇本區和他區。自行收生的選擇較多，如果有心水的亦大可不必放棄第二選擇。

歡迎光臨教育王國 (/)