教育王國

標題: 請問屯門區頭10個志願應該點填？ [打印本頁]

作者: 小時候 時間: 12-4-2 14:50 標題: 請問屯門區頭10個志願應該點填？

自行多數係陪太子讀書，下個月就要填大抽獎，但到而家都冇頭緒，請問有冇媽咪可以比d意見我呢？

我個仔頭兩次呈分試次第係廿幾，校內試全級考十幾，心儀董中，請問頭10位置我應該點填好呢？

作者: kooku2004 時間: 12-4-3 08:39

我都諗唔掂究竟第二位排一間好的band 2 中中, 定係排間band 1英中.

陳瑞x (首位)
譚伯x
馬可x
申x年
崇真

己無頭緒! 我小朋友成績成同你的差不多, 好懊腦

作者: mchoy 時間: 12-4-3 13:26

我自己可能會咁排:

1 - 四大天王選一間
2 - 譚、田、馬三選一
3 至 4 - 南屯和屯官 (次序未定)
5 至 8 - 屯天、呂祥、崇真、辛亥 (但派到會去叩門)

咁排法係咪太正路或保守？唉！真難諗。

作者: sumheima 時間: 12-4-3 14:49

mchoy 發表於 12-4-3 13:26
我自己可能會咁排:

1 - 四大天王選一間

我覺得好正路,唔算保守.
要知道千禧年升中的屯門band 1學生,只有約7成可抽中英中學位(以上年數字推算).

作者: 小時候 時間: 12-4-4 21:47

我暫時頭三個既排位係：

1. 董中
2. 馬中
3. 屯天

咁樣算唔算保守呢？本來我想係馬中前面攝多間banding好d既，但又驚萬一排唔到首志願會彈到好後，真係唔知點揀…
另外，我仲諗緊譚中同馬中揀邊間，有冇朋友可以比d意見？

作者: kooku2004 時間: 12-4-5 09:43

回復 mchoy 的帖子

請問'南屯'同'屯官"唔係band 1咩? 點解你會放係"馬中"田炳同"譚中'係佢地後面呢?

1-2位已放band 1,
係咪唔好3-4位都放band 1 呢?

我小朋友全級考2x
請指教! 唔識玩!

作者: kooku2004 時間: 12-4-5 09:46

大家對'田家炳"及"譚伯x"及"呂祥光"的評價如何?

作者: Jackieson 時間: 12-4-5 10:26

According to the increased no. of student in the TM district: http://www.edu-kingdom.com/forum ... age%3D1&page=24
I think "mchoy" is fine.

作者: 已刪除用戶 時間: 12-4-5 15:48

我都想知如放第二位，譚中和馬中邊間好d？
另屯天、呂中、崇真、辛亥、宣道呢d屬於B2既學校，評價係點呢？
我都頭痛中，唔知點揀好，請比d意見！

作者: 小時候 時間: 12-4-9 12:16

B1生係咪應該第三志願開始填B2學校？如果係，點排位先好呢？
好驚填錯位置會後悔莫及，有冇媽咪可以比d意見，或者分享下你哋填表既選擇，大家交流下！
Thanks!

作者: mchoy 時間: 12-4-9 15:18

如果屯門Band 1 生約千三多人, 而九間英中加埋譚中, 喺咪應該夠派比Band1, 而唔駛咁快填Band2 呀?

作者: kooku2004 時間: 12-4-11 08:59

董中, 百周年, 陳瑞芝, 梁球琚, 屯官, 南屯官, ??? 仲有邊三間係英中? 馬可賓? 劉金龍???

就係煩緊第2-3位填英中定中中, 又怕咁快填b2, 又怕no.抽得後,B1派哂, 所以要填間校風好的B2. 有冇高人可以指點一下.

其實5月何時交表?

作者: dder 時間: 12-4-16 22:20

band 1 學生, 第二田中ok嗎?

作者: mchoy 時間: 12-4-16 23:24

看過khmama的選校策略後，加上覺得屯門區情況不太差，我可能會改為進取一點。除了四大天王選一間做第一志願外(另外三間不選)，跟住填哂所有Band 1, 再填三間有英文班的Band 2。等埋老師的意見才決定。又想請問大家知唔知屯天，呂中和辛亥各自有多少班英文班？

作者: 已刪除用戶 時間: 12-4-17 11:41

如果填晒B1先再填B2，萬一唔好彩頭一、兩個志願派唔到，咁會唔會跌到好後呢？但一早就填B2我又唔甘心…第一間B2學校，你哋會填邊間呀？
唉，詅到頭髮白晒都未諗到，呢個升中制度真係玩死家長呀！

作者: kooku2004 時間: 12-4-17 17:18

請問馬可賓係B1定B2(有英文班); 我知譚伯羽有英文班.

除左四大天王, 屯官, 南屯官仲有邊間係B1英中呢?

請問較好校風的B2中中, 是否申亥年, 呂祥光, 譚伯羽, 還有其他嗎?
仲有30間唔埧哂可以嗎? 因為我只諗到十間.

作者: 已刪除用戶 時間: 12-4-17 18:08

回復 kooku2004 的帖子

以我所知，馬可賓係B1尾，而譚伯羽係B1中既中中，Band1英中仲有田家炳，如有錯誤請指正！

作者: mo-ma 時間: 12-4-17 18:16 標題: 引用：看過khmama的選校策略後，加上覺得屯門區情

原帖由 mchoy 於 12-04-16 發表
看過khmama的選校策略後，加上覺得屯門區情況不太差，我可能會改為進取一點。除了四大天王選一間做第一志願 ...

作者: kooku2004 時間: 12-4-21 14:28

南屯官 / 田家炳 / 馬可賓 / 譚百羽 / 屯天的排序如何, 請指教!

作者: 小時候 時間: 12-4-22 00:31

大家覺得田家炳怎樣？我冇去參觀佢哋既學校，只係睇過附近環境，覺得間學校好細。你哋會將佢放第幾志願？

作者: kooku2004 時間: 12-4-22 08:15

我去唔到佢個講座, 但我個人覺得大當然好, 但佢由中中升到英中, 相信係進步中, 老師亦有建議呢間做第二位(乙部), 因為四大天王太渴市, 只可放一間在第一位.

我只係諗緊第三位定第四位放BAND 2A, 但有邊間係BAND 1C呢?

作者: 小時候 時間: 12-4-22 09:55

我諗住第二位放馬中，老師提議我第三可試田中，但又覺得田中位置唔係好就腳，而且對呢間學校完全冇認識。本來諗住放譚中，但我知譚中放第三絕對係浪費機會，冇可能派到，但又唔係好甘心第三就放B2，真係好煩！冇得揀之下，我或者都會跟老師意見，將田中放第三。

作者: pm-11 時間: 12-4-22 10:50

我小朋友係band1頭的,我都唔知第二至五點填,學話齋我都係唔甘心第二自願開始就填band2,所以我好煩惱,這樣填是否可以?
第一.董中
第二.田家炳 / 馬可賓/ 南屯 / 譚伯羽 (不知那間好)
第三.鄉議局 / 陳瑞芝 / 南屯 (不知那間好)
第四.南屯 / 屯門官立
第五.譚伯羽

還有,對屯天/呂祥光/辛亥年可以比些意見嗎..?

Thanks!!

作者: GUOMAMA 時間: 12-4-22 17:45

頭痛中,第四已經填B2學校,對B2學校又完全不認識,有沒有人可以给予意見?

作者: 小時候 時間: 12-4-23 23:03

大家決定左排位未？我而家都只係好勉強咁揀左三間B1，屯門既B1學校唔多，唔可以好似其他區咁可以揀10間8間擺係頭，好擔心唔好彩會派B2，但又唔敢太進取，好煩啊！

作者: mchoy 時間: 12-4-24 13:17

我的選校草稿，都比老師 rejected，話太進取。其實計一計數，屯門乙部十間 Band 1 加埋三間有英文班的 Band 2頭，應有超過一千個位，而當自行加甲部加直資走了三百個 Band 1 生(只是估計)，餘下最差的亦應可派到上述學校。問題是男仔少了一間、入了 Band 2頭的可能入不到英文班及沒有盡填 Band 1 學校而格食格入了 Band 2 中尾學校。而家仲心大心細，未決定是否跟老師填。

作者: 已刪除用戶 時間: 12-4-24 17:33

回復 mchoy 的帖子

你話進取既意見，即係揀左幾多間B1？或者係邊幾間？可唔可以分享下？

咁你會唔會照老師既意思去改？定係信自己呢？

就快要交表啦，我都仲未知點好…

作者: pm-11 時間: 12-4-24 18:05

如果要填第二自願,你們會填"譚伯羽或田家炳"呢..??另外,南屯官同田家炳又邊間好d呢......

弊家伙啦..聽日要啦交..到而家都未下到定論...

作者: kooku2004 時間: 12-4-25 13:20

回復 mchoy 的帖子

mchoy:
我都係填哂BAND 1先填BAND 2(四大只填一間在首選), 老師亦話冒險, 唔可以咁, 唉!!!

老師話第一及二填B1, 第三填B2頭; 但睇以往派位(現小學), 又真係BAND 1學校收咗九成BAND 1生喎!

所以第二至五排位好重要, 聽日交啦, 好煩呀!:loveliness:

作者: mchoy 時間: 12-4-25 13:26

尋晚用另一個方向諗，四大天王在第一輪（志願）抽曬，譚、田、馬第二輪被瓜分，南屯和劉金龍第三輪滿座，到第四輪只餘屯官及三間有英文班 Band 2。所以如果怕 No. 唔靚，跟老師意見第四開始排屯天、呂中及辛亥，亦不無道理。況且我小朋友可能自行入咗呢！(發吓夢先)，今次我會參考老師意見，希望成功喇。

作者: antia 時間: 12-4-25 13:28

如果成績是 band one 頭, 頭3間都可以填band one la, 但如果band one 中, 頭2個志願可以選band one 既英中, 第三志願選次要少少, 不過一切要講彩數, 另我有個朋友, 成績幾好, 第一選八周, 第二選田中, 最後入左第二志願田中, 但竟然有差個佢的同學都入到八周, 呢d好講彩數, 不過最後她 in 八周都入到!! 仲有, 我見我女果界入唔到第一志願都入到第二志願, 因為依家家長會因應成績而編排, 所以頭2個志願要好小心填!!

作者: antia 時間: 12-4-25 13:34

我覺得第一志願可以選比自己banding 好少, 第二志願保守少少會機會大些! 這只是本人之經驗分享!! 3年前我女是第一馬可, 第二崇真, 第三是永隆, 而她是band two 學生(老師話頭至中), 最後入到第一志願好開心!! ^^ 而馬可賓是band one 尾~! 不過千禧年, 人數自然很多! 機會可能相對地少!!

作者: antia 時間: 12-4-25 13:35

更正,-- 係我覺得第一志願可以選比自己banding 好少少!!

作者: 已刪除用戶 時間: 12-4-25 15:13

雖然明天就要交表，但我都仲未決定到，跟老師咁填，好大機會派B2，但如果唔跟，最驚一個唔好彩，連B2頭都派唔到，所以我都好煩…
如果你哋派左去屯天或辛亥年，會去B1叩門嗎？還是接受現實，照讀可也？

歡迎光臨教育王國 (/)