教育王國
標題: khmama & redkoni 請比D意見 [打印本頁]
作者: k_0530_a 時間: 12-3-21 20:43 標題: khmama & redkoni 請比D意見
本帖最後由 k_0530_a 於 12-3-21 20:54 編輯
khmama & redkoni , 還有各位媽咪 , 請比D意見 .
今天收到培基信 ,但同時又收到體藝信參加面試 .
簽培基就要棄體藝 .
搏體藝就要玩太抽獎 .
B2A 成績
作者: khmama 時間: 12-3-21 23:08
回復 k_0530_a 的帖子
我都係喜歡培基多過體藝{:1_1:}.
作者: kanlawts 時間: 12-3-21 23:19
回復 khmama 的帖子
WHY?!照計BANDING體藝高D仲唔駛學費
作者: k_0530_a 時間: 12-3-21 23:49
kanlawts 發表於 12-3-21 23:19 
回復 khmama 的帖子
WHY?!照計BANDING體藝高D仲唔駛學費
因有人話體藝有面試已是 1/2 機會 , 公開成績也較高 ,
所以我都想聽多D理據 . 謝 !
作者: 霖霖B媽咪 時間: 12-3-21 23:57
我上年都有同樣煩惱, 最後放棄左體藝面試. 主要原因係, 自己OPEN DAY時問過學生既學習情況, 學生都說學校唔會好迫學生, 但學生本身既時間控制同自律性要做得好好, 因為既既要應付常範課程, 又要應付主修既體育項目. 心知中學課程好緊張, 再加上自己小朋友絕非自律又懂時間控制的一頖, 所以放棄了.
作者: Mymaggie 時間: 12-3-22 00:01
培基，較安全
作者: csy_ma 時間: 12-3-22 00:19
本帖最後由 csy_ma 於 12-3-22 00:21 編輯
我都會揀培基多d。
第一，因為一鳥在手，勝於百鳥在林。
第二，以前對體藝都有過興趣，朋友特地幫我打電話向教局知情人士打聽，評價亦相當正面，但係去參觀，發覺本來搞開劇社既音樂老師被調去教通識
咁即是話，該校既高層無甚遠見，到334落實執行既去年先作匆匆部署。
加上我響網度搵資料，好多時都係個副校長出黎講野，但響學生網誌度，位副校長又無甚好評？？
加上校長之職太常換人了，令人擔心其校政。體藝一直都係收band1生入，但會考成績差過唔少band2學校，雖云，因為學生既精力去咗第二方面，但係……
培基可能學術上冇其他直資咁好，但係都未至好似體藝咁負增值？而培基既學生似乎歸屬感好好，應有好多發揮潛質既機會噃？
假如兩間都肯定會收，我都會慎作考慮（最主要既係小朋友既興趣，因為無論行體育定係視藝，都係幾花時間又辛苦既，咁佢地既興趣又係唔係足以支撐佢行呢條路呢？如果唔係，既要兼顧體藝，又要保考績，都咪話唔辛苦），不過而家係犧牲能確定入既一間，黎換取另一間既最多五成機會既可能性，咁似乎未必咁值博？
至於公開考績，到咗334，大概都要重新洗牌？我舊年參觀時就唔多覺體藝準備得很好，不過，可能我係正常上課日子去參觀，感覺流於片面？最好有體藝家長講吓意見。之但係，我囡既英作老師都講過，佢試過幫體藝學生跟英數，都發覺老師對課業要求不高，佢要執咗好耐……
作者: ohnono 時間: 12-3-22 00:36
如果體藝想做得好，所花的時間和精力都比平常學科多和回報唔成正比。
所以先有左這個概念先，然後諗小朋友是那一類人適合那一類模式，跟自己的期望會唔會有衝突。最後更係小朋友自己的意願。
作者: k_0530_a 時間: 12-3-22 00:36
csy_ma 發表於 12-3-22 00:19
我都會揀培基多d。
第一，因為一鳥在手，勝於百鳥在林。
第二，以前對體藝都有過興趣，朋友特地幫我打電話 ...
很感謝您這麼詳盡解釋 .
我會同阿女及老公開個家庭會議 . 再作決定 .
阿女都說要將這事通知老師 , 看看老師的睇法 .
已這麼夜 , 您還能給與我這些寶貴資料及意見 , 真是萬二分感激 .
作者: csy_ma 時間: 12-3-22 01:39
回復 k_0530_a 的帖子
阿囡既意願都好重要
。我囡因去年參觀時，由於係正常上課時間既參觀周，果D哥哥姊姊都當我地冇到，唔會打招呼，囡囡覺得佢地唔友善，就冇咩興趣；再加上，後來佢有位大佢一年既朋友仔，有同學入咗去體藝之後變壞，好夜都響街上流連，就更加唔想去。
我囡好鍾意視藝，佢做完功課要休息，或者請小朋友黎屋企玩，通常都係會做手工或者畫畫；細個既時候，佢自己一個起咗身，唔叫我地，通常唔係睇書就係畫畫；我問視藝科老師意見時，老師都承認佢做功課好用心……都有想過會否剝奪佢寓興趣於學習既路，但當我地搜集各樣資料後，佢阿爸就情願搵間課業較輕鬆既學校，亦繼續容其多花時間去習畫和習舞，取得較平衡既發展。
通常我地對一間學校有興趣，就會狂摷該校資料；恰巧，體藝有不少學生都有寫網誌，從佢地對老師既評價，可感覺體藝既好老師其實也不少（果位幾惘然面對通識既原音樂科老師，好似都幾受學生歡迎
）。不過，由畢業生既緬懷，亦睇到有批獲好評價既老師已然離去……
唔知您既囡囡係體育定係視藝果邊？如果係視藝，外面學可能都仲有好多機會（雖然體藝既硬件方面據聞較某d大學既藝術系好），且視藝亦人文藝術，作品要好，首先要入得多，即係睇書要多，訓練好基本既理解力同分析力，作品先至有超越技巧既底蘊。不過假如係行體育，咁體藝又真係有其獨特優勢。
但假如係要學術為先，咁好可能揀培基會好d？因為直資學校，其實骨子裡都會注重成績，呢個係收生既要素。就算而家因為怕競爭力唔夠而唔公布，直資都必然千方百計整靚考績，而培基既老師口碑又頗佳，小朋友入到去，如有潛質既，可能都會落力培養？
我地同囡囡既選校傾向，向來係揀俾小朋友有空間既學校，但小朋友畢竟未成熟，如有太多空間卻冇示下探索方向，佢地可能會白白浪費當中既＂自由＂，如何平衡，是門學問。所以我地亦傾向揀較囡囡程度低少少既學校，因為，成功感係令小朋友向上既最佳動力。響佢既成長階段，我地傾向佢做小塘大魚，因為咁，學校同老師先會俾多d機會佢去鍛煉自信，去試。當然，在培養了自信後，就必須搵機會俾佢睇吓個塘究竟有幾大，不過，響小朋友未善泳之前，都未必適宜拖佢出深水？
響我既角度係，做一間band1尾band2頭既十名內尖子，好過響一間band1頭既學校掙扎，免被淹沒。中學係好關鍵既成長階段，自信係會愈多成功既機會就愈有既，但係如果寄望小朋友睇住人地既背影狂追，咁唔肯放棄既小朋友可以話係天賦異稟，非常人也。您認為小朋友走帶前定後追既路會易d？
祝妳同囡囡最後揀了間唔會令自己後悔既學校
作者: redkoni 時間: 12-3-22 04:34
回復 k_0530_a 的帖子
體藝的定位是讓學生在學術及體藝上的成就兩者兼得, 理想高瞻遠矚, 現實可能資源不足, 學校重視體藝, 自然對體藝科老師人才渴求, 但市場上僧多粥少, 挽留人才也非易事, 那邊廂, 學術科老師可能覺得被冷待, 兩邊都吃力不討好, 學生如果要學術及體藝成就兩者兼得, 就算不計天份, 努力及時間何止要多付出一倍, 如果欠鬥心及信念根本不能夠持續. 況且學術成績只能作為參考的一部份, 體藝上的成就也是因人而異, 所以不應與一般中學直接比較, 總之要有心理準備是 - 要求高而結果不討好. 我覺得除非有特異功能可以借助體藝中學長線主力發展, 否則學術始終是主菜, 體藝是興趣發展, 只是配菜, 循着這個方向便不應選擇體藝. 培基不過不失, 不妨先向學校查詢, 她們有沒有資源投放培訓囡囡的體藝專長項目, 再作決定.
作者: csy_ma 時間: 12-3-22 09:40
redkoni 發表於 12-3-22 04:34 
回復 k_0530_a 的帖子
有沒有資源投放培訓囡囡的體藝專長項目, 再作決定. ...
參觀培基時，有位同學講講吓眼泛淚光，話今年中六唔捨得d老師。位同學係美術學會既，話視藝老師超好人，會俾埋手提電話予同學，又關心佢地既全面個人發展。
作者: csy_ma 時間: 12-3-22 09:52
至於老師既意見……老師一般都代表學校既立場，假如小朋友係band1，老師就傾向叫你學業為重，揀間band1英中會好d；假如小朋友係band2，因體藝都算係band1英中，就反而叫你進取d，以期學校又博多一個band1英中額……可作參考，而不可盡信??
作者: k_0530_a 時間: 12-3-22 11:08
多謝各位媽咪回覆您們的經驗及意見 . 很有用 . 可能我較喜歡女仔爽直 , 所以自小就陪養D女做一個運動型女孩 ,
阿女強項是游泳 , 視藝成績在校內也很好 . 因沒時間所以只專注在校外運動比賽 .
而體藝給我的感覺也是吸收這類型學生的學校 + 成績也是b1c .
所以覺得不錯 . 阿女也喜歡 其實阿女自律及自理能力尚可叫 ok , 所以學校品行分很好 .
阿女成績只是 2A , 英文較弱 , 都擔心上到中學跟不上時( 全英中 ) .
反而擔心是此校學生投放在體藝時間也較其他學校多 . 因而疏忽了學業 .
還有我都認識一班體藝的舊生 .
他們的評語也是一般 ( 讀書風氣 / 學生較易拍拖 / 管理問題 / 對管理層感覺等 ) ,
所以更加領我十五十六 .
當然對學業成績小學時已不錯 , 尤其英文及自律性很好的小朋友就沒問題 .
如若是收硬 , 入到都會很開心 .
但現階段要決定簽直資或放棄............對我這個有選擇障礙証的人來說真是要命 . 
因擔心最終體藝晤收 , 自行晤收 , 大派彩派得晤滿意 . 到叩門找一間好b2學校也不易 . 
其實聽到各位媽媽在 BK 提及培基中學評語也是正面的 .
學校成績也是阿女程度 ( 當然也會吃力 , 也是一間英中 ) , 交通也十分方便 .
簽培基機會都高 , 希望決定正確 .
現階段阿女正打更仗 ( 考呈分試 ) , 但24&28是體藝面試日 ,
未收到培基信前 , 已通知阿女會溫小日書及加操 / 加補應付面試 .( 做晒預備 )
因若簽培基 , 這兩項面試都不用參加 .
但現同阿女商量太多又怕她分心 .影響考試 .
今天阿女會通知老師這個消息 , 看看老師有否意見 .
作者: k_0530_a 時間: 12-3-22 11:13
本帖最後由 k_0530_a 於 12-3-22 14:00 編輯
霖霖B媽咪 發表於 12-3-21 23:57
我上年都有同樣煩惱, 最後放棄左體藝面試. 主要原因係, 自己OPEN DAY時問過學生既學習情況, 學生都說學校唔 ...
霖霖媽咪 , 多謝您的寶貴經驗 .
作者: k_0530_a 時間: 12-3-22 11:31
csy_ma 發表於 12-3-22 09:52
至於老師既意見……老師一般都代表學校既立場，假如小朋友係band1，老師就傾向叫你學業為重，揀間band1英中 ...
您講的也是我所想 , 不過學校要求簽直資前一定要通知老師 . 所以這步不能不做 .
因阿女不是話事型格 , 而老公也不識得玩這個遊戲 , 他識的比我還小 .
所以最終也會是由我這個媽媽決定 .
講開又講 : 早排阿女回來話我知 , 有個同學被觀塘福建收左 ,
回校通知老師及問意見 . 老師回應他 , 以您這個成績 b2中-頭 ,
有這校收您確實執到..........都晤明E加D老師點解講野更無品 .
講D鼓勵說話吾得咩 ! 
作者: ccl 時間: 12-3-22 14:09
回復 k_0530_a 的帖子
我個情況差不多; Khmama, Redkoni, csy-ma 可以比D意見嗎?
小兒是葵青區Band 1 A 學生，現選擇應否去 體藝 (24/3 interview 運動) 或是 深水埗聖瑪加利。
究竟聖瑪加利是 B1c or B2A 呢? 還是等七月的大抽獎！好唔想等咁耐。
作者: k_0530_a 時間: 12-3-22 14:27
真頭痛 ,
老師無意見 , 自已決定 .
告知阿女決定時 , 她吾係太想放棄體藝..........眼有淚光 , 之后見我有些變面 ( 因有些無從入手感覺 ) 就話都好 , 無所為 .
跟住又問我幾時要簽及回校再問下同學 .
看到好她這事放上心 , 分散了精神 . 重點溫習 , 今天才考完第一科 .
況且今天考試回來告知.........中文有些難 , 無時間覆卷 , 看錯兩條題目等..........這次無全A都幾難駁入 B1 線 .
九龍越B2 學校又不是太多選擇 , 合心水的及交通方便的只有培道及真光 , 其他交通又不太方便 .
部份要轉車 .
作者: kanlawts 時間: 12-3-22 15:17
D咩老師，問意見傘，培基屬B1尾-B2頭，體藝又唔係實得，入到無損失;我係你無謂博了。
作者: k_0530_a 時間: 12-3-22 16:23
kanlawts 發表於 12-3-22 15:17
D咩老師，問意見傘，培基屬B1尾-B2頭，體藝又唔係實得，入到無損失;我係你無謂博了。 ...
多謝您的意見 , 請問您是否也簽了培基 , 看看會否有機會做同學 .
作者: kanlawts 時間: 12-3-22 16:36
我無報直資(小朋友屬b1尾)，但有報體藝有得面試，其實都有考慮培基，但沙田區抽獎都應入b1或b2頭學校，家庭收入唔多，留資源要來將來補習同興趣班吧!慶幸小朋友今次呈分都keep到成績，god bless
作者: k_0530_a 時間: 12-3-22 17:23
kanlawts 發表於 12-3-22 16:36
我無報直資(小朋友屬b1尾)，但有報體藝有得面試，其實都有考慮培基，但沙田區抽獎都應入b1或b2頭學校，家庭 ...
學費方面我都有想過 , 話晒都係長線投放 ,
所以考這校前都有參看校網資料 , 知道這校有減費申請 , 如合資格便可減半或全兔 .
作者: redkoni 時間: 12-3-22 17:28
ccl 發表於 12-3-22 14:09
回復 k_0530_a 的帖子
我個情況差不多; Khmama, Redkoni, csy-ma 可以比D意見嗎?
小兒是葵青區Band 1 A 學生
小朋友有咁好成績, 你還有大把選擇嘛! 點解咁心急!
作者: k_0530_a 時間: 12-3-22 19:06
本帖最後由 k_0530_a 於 12-3-22 19:10 編輯
redkoni 發表於 12-3-22 17:28
小朋友有咁好成績, 你還有大把選擇嘛! 點解咁心急!
讚成見解 . B1 吾洗咁心急 .
因阿女是 B2A 成績 , 所以想搏考D1c 直資 , 但都 rejected 晒 ,
反而比培基收左 . 當然這校也是不錯及程度也適合 .
其實我都有想過等參加大派彩 . 但上年縮班 + 今年龍年B多 , 所以競爭好大 .
尤其是見到阿女條件已不錯 , 只是英文科較弱 , 又有學界運動獎 , 但連1C直資都吾收 .
感覺到今年 B1 位喝求 .
加上看完 khmama 資料分析 . 雖然九龍城 B1 學校也不小 , 但自選時 B1 一定
選 B1 成績學生 , B2頭學校也會先選 B1 成績學生 ,
所以阿女在自選時被選中機會不高 , 而玩大派彩時 ,
B2 中學只有4間是B2A ( 中中 ) , 只有培道及真光較喜歡及方便 , 但位也不多 . ( 我想B1尾及B2成績女仔一定放頭幾位 )
若然 no. 吾靚 , 就會被派到 B2B/C 中學 , ( 上年有幾個學兄 B2中/頭成績也派到B2尾學校 , 所以有點失望 , 最終也叩門轉了直資 ) .
作者: ccl 時間: 12-3-22 19:22
回復 redkoni 的帖子
你們有所不知，我仔雖是band 1, 但把口好唔掂，所以先唸體藝 (因都有d d 田徑獎)。而St. Margarate 又收, 話哂英中，但St. Margarate 可能係 band 2, 所以好煩。
今個 Saturday 都可能會去體藝 性向評估，但下星期三都唔 知去唔去好。
~ Sorry, k_0530_a 插咗入你開的post~~ 因為同病相憐 ~ 想找其他人比意見
作者: k_0530_a 時間: 12-3-22 19:54
ccl 發表於 12-3-22 19:22
回復 redkoni 的帖子
你們有所不知，我仔雖是band 1, 但把口好唔掂，所以先唸體藝 (因都有d d 田徑獎)。而 ...
無問題囉 !
我都想有多D same case 既家長出尼講下 , 聽多D意見才決定 .
培基應會注冊 , 因話吾考體藝時阿女很 down , 現階段仍等阿女決定會否去考體能試 , 滿足下佢既願望 .
但如去體能試就會去埋下週三既面試 . 等阿女見完後 . 看看有否信心會收佢再決定會否抽回學生証 . ( 唉 ! 無左$800)
想八下 , 既然您都去體能試 , 點解吾考埋個面試 ?
作者: khmama 時間: 12-3-22 21:02
回復 kanlawts 的帖子
其實體藝係另類既學校, 如果純粹為咗體育或視藝既發展而讀, 似乎無此必要. 一般運動有成績既學生, 都會跟出面既體育會去訓練, 亦有升級制度, 由精英運動員而至港隊, 教練一定會好過學校既老師. 要KEEP住讀書同運動/視藝都出色, 係頗為辛苦同花時間, 小朋友對運動/視藝有興趣, 作為興趣當然可以, 但入到體藝要DROP又未必得, 所以要清楚是否有持續既興趣先好考慮. 近幾年體藝既成績一直大幅下跌, 已去到band1尾邊緣, 而培基經人數調整後剛剛可以去到band2頭. 雖然論成績仍然係體藝較好, 但係以前睇過關於體藝既評語都只係好一般, 反而培基既評語唔錯, 所以如果比我選, 我會選培基多o的. 何況培基已收, band2生選校比較大風險, 入到英中直資已很不錯, 我唔會再去搏.
作者: MrsYing 時間: 12-3-22 21:04
khmama.
Pls check pm. Thx
作者: k_0530_a 時間: 12-3-22 21:19
khmama 發表於 12-3-22 21:02
回復 kanlawts 的帖子
其實體藝係另類既學校, 如果純粹為咗體育或視藝既發展而讀, 似乎無此必要. 一般運動 ...
吾好意思 , 到我插咀講兩句 . 嘻嘻 !! 
所言屬實 ..........阿女游水是參加校外隊 . 視藝是天份+校外班 .
可能之前講太多體藝是一間較活動式學校 , 又是B1英中 , 所以阿女很喜歡 .
現在有機會面試 , 又要她放棄 , 佢當然會晤開心 .
因為現正考更試 , 所以不想太刺激佢既情緒 . 
現階段已搵了很多理據給她看 ..........BK 媽咪對話及體藝舊生評語 .
希望她能明白選培基這個決定是對她好的 .
作者: csy_ma 時間: 12-3-22 23:09
ccl 發表於 12-3-22 19:22
回復 redkoni 的帖子
你們有所不知，我仔雖是band 1, 但把口好唔掂，所以先唸體藝 (因都有d d 田徑獎)。而 ...
根本上，好多band1英中係先睇成績，既然係band1頭，仲響葵青，唔駛揀到band2？就算係大抽獎，首志願唔揀林護安柱，選運動好既李兆基，機會都好大？都唔得，走去敲門，都未至到去band2直資？見體藝，以近年體藝著重成績多於功能既往績，band1頭去應該收硬？體藝收咗就去唔到第間喎，您係唔係唔想俾佢收所以唔想去面試？
李兆基都好注重體藝，成績較體藝好，假如係我，就未必會捨近圖遠。今年個形勢，對介乎band1-2之間既學生幾不利，因為到大抽獎時，band2頭學校既餘額可能所剩無多，分分鐘被派唔係幾理想既學校，到時敲門又未必夠錯配既band1生爭，可能會幾徬徨。不過band1頭又唔同玩法，敲門因為主要以筆試取決，優勢好大。就算驚第一輪競爭太大怕失蹄，大抽獎避開兩大熱門既話都好有機會，唔係好明您點解咁擔心？
放鬆
作者: MrsYing 時間: 12-3-22 23:30
Khmama, Thanks for your reply, pls check pm.
作者: pineapple0983 時間: 12-3-23 09:27
係我就等大抽獎囉~
老實講，培基並唔係d唔讀唔得既學校；既然體藝肯見，機會就唔細。另外仲有機會其它 b1 既官津；到最後博唔到先扣番直資囉，差不多既培橋亦唔差遮；體藝肯見，即表示你小朋友有番咁上下；無謂為左一棵樹放棄一個森林囉~
當然，如果 b2/b3 既學生如果培基收就即去喇~
純個人見解~
作者: MrsYing 時間: 12-3-23 10:26
Khmama.
Thx again.pls check pm
作者: samanthat38 時間: 12-3-23 14:36
Hi 各位,
我都有差不多的情况,小兒tko區,Band 1尾,福建已收了,交了留位費,現24/3可有机會in 協和,宣基 n 体艺.本來我和小兒都很喜歡体艺,但他沒有任何体育獎,但跆拳黑帶和只是田徑,游泳校隊.但看了以上的post,又有点担心小兒未能兼故,而且最想入協和,現15/16,不知如何事好?因本想看intrewiev 後,和28/3考第三次呈分試後,再決定是否取回福逮的註冊証.因29/3 体艺面試,明天一定intrewiew every school. But 29/3 就不知是否去 面試.
請各位給些意見!!! Thanks advance.
作者: k_0530_a 時間: 12-3-23 15:48 標題: 引用：Hi+各位,我都有差不多的情况,小兒tko區,Ban
原帖由 samanthat38 於 12-03-23 發表
Hi 各位,
我都有差不多的情况,小兒tko區,Band 1尾,福建已收了,交了留位費,現24/3可有机會in 協和,宣基 n ...
作者: samanthat38 時間: 12-3-23 18:09
是否申請 Nr : 84X or 考生 Nr PM03X
Any use for this Nr? Stand for what??
作者: holymami 時間: 12-3-24 00:12
Hi Redkoni, send you pm, please check!
作者: redkoni 時間: 12-3-24 05:07
holymami 發表於 12-3-24 00:12
Hi Redkoni, send you pm, please check!
Done. Please check it out.
作者: ccl 時間: 12-3-24 07:41
回復 csy_ma 的帖子
Csy_ma, 你真係明白我的情況。自選我是報了李兆基，但呀仔把口 ”麻麻地”，都担心呀！So, 先至想博吓體藝(都唔錯)，但又正如你講，怕體藝收咗就去唔到李兆基(實收咩！).
不過好奇怪喎，我search 過，除了 redkoni 有寫過葵青李兆基中學外，好似好小post 講及李兆基中學。是知名度低定係冇乜特別好講呢？有冇資深媽咪有料呀！唔該！
作者: k_0530_a 時間: 12-3-24 13:47
samanthat38 發表於 12-3-23 18:09
是否申請 Nr : 84X or 考生 Nr PM03X
Any use for this Nr? Stand for what??
其實阿女考生編號都很前....PF05X .
以阿女條件......... 只是成績 B2A , 我覺得機高
但聽取多方面資料 ( BK 家長分折 / 意見及舊生評價 ) ,
最終選擇簽培棄體 . 可能這個決定不是最好 , 但一定無悔 .
在這段爭扎其間 , 多得各位家長幫助 , 提供不小有關資料給我參考 .
真是無限感激 .
阿女已接受了這個決定及繼續努力應付呈分試 .
她還緊張地再三提我 . 26 號一定要記得交留位費 .
怕我這個大頭蝦媽媽忘記了 , 無左個學位 . :loveliness:
作者: k_0530_a 時間: 12-3-24 15:08
kanlawts 發表於 12-3-22 16:36
我無報直資(小朋友屬b1尾)，但有報體藝有得面試，其實都有考慮培基，但沙田區抽獎都應入b1或b2頭學校，家庭 ...
記得有個上年考入體藝男學生話我知 , 體能試要求不高 , 因他記得考體能試時 , 見到有一個肥妹仔跑得得差 ,
但入學后居然有收到佢 . 所以如以您阿仔既條件 , 入到機會很高 .
作者: kanlawts 時間: 12-3-24 15:45
仔仔在體藝考緊技能，我搵d讀緊的學生問下讀得開不開心。希望無揀錯。
作者: k_0530_a 時間: 12-3-24 16:32 標題: 引用：仔仔在體藝考緊技能，我搵d讀緊的學生問下
原帖由 kanlawts 於 12-03-24 發表
仔仔在體藝考緊技能，我搵d讀緊的學生問下讀得開不開心。希望無揀錯。
作者: ccl 時間: 12-3-24 17:22
我也是在體藝等緊仔，D小孩很有陽光氣息
作者: samanthat38 時間: 12-3-26 12:52
Hi Khmama N redkoni and 各位媽咪,
阿仔 in 完,相信協和無機,因他說他很緊張,答得" luck luck cut cut",他說他一個對2個老師,其中一個副校(他認得),他很驚,而且他見副校和另一主任都令令頭, 他之前和之後的女孩子則表現很好.所以他很失望.
而宣基和体艺則表現一般.現要煩腦是否keep福建英文班學位,因大抽獎tko區,so 協和只得甲部,機會極低.
但阿仔又喜歡体藝,如不寄宿,我又feel 太遠, 15/16????
且常問如放棄大抽獎,自行的紀錄intreview 是否可計入叩門的誠意分 or 不計(cancel 所有record.)及是否都要填大抽獎表,不過電腦不派位,可當派不到頭志願,而不影响叩門誠意分.
Sorry too much question, too much worry!!! 因當年小一太失敗,且小兒抽獎運太差(經驗話我知,派尾3 choice,不想信也怕有萬一.)
Please help to let us the comments. Thanks.
作者: redkoni 時間: 12-3-26 13:56
回復 samanthat38 的帖子
請勿介意, 我誠意地一問, 點解你哋好似唔願意讀福建, 有甚麽主要因素?
作者: samanthat38 時間: 12-3-26 15:09
回復 redkoni 的帖子
Hi,
Thanks for your quicky reply.
我唔系唔like 福建,不過系有少少保留---始終都系有Ｄ偏差:----"左".
响bk同其他家長得知福建是一所好學校,且學費不太貴.知道自己已很幸運.
但最心儀的是協和,阿仔就系体艺,協和(兩边擺),我們也想他讀基督教學校,但体艺因阿仔好like,
小四己話耍入,才努力争取參加田徑校隊和游泳校隊,當時想体艺也是Band 1 英中,以此為目標也不錯,
到小六才adjust.但看了之前的post,又怕阿仔兼顧不到,兩頭不到岸,加埋原先想俾阿仔寄宿學獨立,但最近有人
remind 我,他青春期留在身边會好一點,怕寄宿無王管,有問題時覺察不到或太遲,更難處理.不寄宿又feel太遠.
協和合哂我們要求,但我兒不合人家要求呢!!差點搬到WTS ( 因另外細兒子:第2個兒子,現於WTS 小學讀,方便照顧),但後來耽置了. so 沒有轉校網.
所以若可以爭取更好的,又不用錢的,當然想努力爭取.
但又担心,又貪心,才15/16!!!!
希望各位給予 Comments,免得萬料不及而影响分折,因希讀書的是小兒(大仔),希望分析給他自己揀.故希望集各方之意見,免得他/我後悔.
Thanks 各位,拜托,拜托....
作者: k_0530_a 時間: 12-3-26 21:16
khmama 發表於 12-3-22 21:02
回復 kanlawts 的帖子
其實體藝係另類既學校, 如果純粹為咗體育或視藝既發展而讀, 似乎無此必要. 一般運動 ...
Khmama ,
剛返看以上內文 ,
請問 [ 而培基經人數調整後剛剛可以去到band2頭 ] 是什麼意思 ?
作者: khmama 時間: 12-3-26 21:27
回復 k_0530_a 的帖子
六科14分的比率係以[(中六總學額 - 中六首階段餘額) / 中五學生人數 x 100%] 計算, 因為學校周年報告未出兼趕時間, 所以之前中五學生人數純以班級數目 x 40人作計算. 會有少少誤差. 周年報告有準確中五人數, 人數如果比預期少, 再計算個百份率就會提升. 不過無論點, 呢個都只係一個推算方式, 只能作參考.
作者: k_0530_a 時間: 12-3-26 23:33
khmama 發表於 12-3-26 21:27
回復 k_0530_a 的帖子
六科14分的比率係以[(中六總學額 - 中六首階段餘額) / 中五學生人數 x 100%] 計算, ...
作者: khmama 時間: 12-3-26 23:44
回復 samanthat38 的帖子
好少小朋友好似你囝囝咁有計劃, plan咗3年想入體藝. 你應該好開心. 如果你唔比佢試就真係對佢唔住.
作者: k_0530_a 時間: 12-3-27 00:31
khmama 發表於 12-3-26 23:44
回復 samanthat38 的帖子
好少小朋友好似你囝囝咁有計劃, plan咗3年想入體藝. 你應該好開心. 如果你唔比佢 ...
讚成講法 . 
作者: redkoni 時間: 12-3-27 00:48
samanthat38 發表於 12-3-26 15:09
回復 redkoni 的帖子
Hi,
Thanks for your quicky reply.
我唔系唔like 福建,不過系有少少保留---始終都系有Ｄ偏差:----"左".
响bk同其他家長得知福建是一所好學校,且學費不太貴.知道自己已很幸運.
但最心儀的是協和,阿仔就系体艺,協和(兩边擺),我們也想他讀基督教學校,但体艺因阿仔好like,
小四己話耍入,才努力争取參加田徑校隊和游泳校隊,當時想体艺也是Band 1 英中,以此為目標也不錯,
到小六才adjust.但看了之前的post,又怕阿仔兼顧不到,兩頭不到岸,加埋原先想俾阿仔寄宿學獨立,但最近有人
remind 我,他青春期留在身边會好一點,怕寄宿無王管,有問題時覺察不到或太遲,更難處理.不寄宿又feel太遠.
協和合哂我們要求,但我兒不合人家要求呢!!差點搬到WTS ( 因另外細兒子:第2個兒子,現於WTS 小學
讀,方便照顧),但後來耽置了. so 沒有轉校網.
所以若可以爭取更好的,又不用錢的,當然想努力爭取.
但又担心,又貪心,才15/16!!!!
希望各位給予 Comments,免得萬料不及而影响分折,因希讀書的是小兒(大仔),希望分析給他自己揀.故希望集各方之意見,免得他/我後悔.
Thanks 各位,拜托,拜托....
見你咁坦白, 我都不妨坦白些說, 請勿介意, 我感覺你根本樣樣都很清楚, 而且一直與囝囝很鍾情於體藝, 只不過囝囝從未動搖過, 而你可能受到一些影響巳經開始動搖. 如果你怕偏左, 你根本連報名福建也不會, 如果你最心儀協和, 你決不會讓體藝有機會收生凌駕於自行的協和, 咁樣你想點? 就算如果囝囝最終真的讀體藝, 你又驚佢寄宿無王管, 要佢天天來回將軍澳與沙田, 你又唔驚囝囝天天同你嗌交咩? 如果放棄福建, 你都知要面對大抽獎, 但你似乎無重視過乙部大抽獎, 連西貢區揀乜學校都無提及, 而且還正在計劃如何叩門協和, 即是話你又會想註冊福建等放榜後去叩門協和, 你咁樣唔止15/16, 似氹氹轉菊花園多啲, 你不如放低你心中盤算, 好好同囝囝傾吓, 達成共識, 免得他和你後悔, 我覺得這事你其實不用搜集我們各方無謂人的意見！
作者: samanthat38 時間: 12-3-27 17:21
回復 redkoni 的帖子
Redkoni,
多謝你的指教.我真是氹氹轉菊花園.因我自己也拿不定主意,
所以我根本不知怎樣分折給我仔聽,我不想我的偏見誤導了他,
而且他一向最怕選擇,選吃東西也選很久的.
(但此次,我們希望他有份選,因他要在哪裹讀6年…)
-
1.福中 : 好學校,已收夠保險,但担心左派和要錢.
-
(但小朋友根本不知甚麽是左派,他怕第三次呈分試失手,所以也
-
曾說讀此校,因有同學入了,而且老師和補習哥哥都說此校不錯.
-
但我們想看埋呈分試result才決定,此2天有結果.
-
並他也算懂事 : 1.不用錢 better than 交學費 if we have choice.
而我們想因競爭太大,不想他太大壓力和不想抽獎.(P.1 experience.)
(起初只希望試試,找個水泡,收都不讀,後來各方好評,有所改觀 but 仍
有保留.)
2.他與弟弟感情很好,他起初最喜歡体艺,但因協和與弟弟現讀小學(P.1)附近,他
又改變主意,以方便我們照顧和他也可以幫助照顧弟弟. 因弟弟有点special need not so serious. 而他 interview 也有說此點,所以他 interview 失敗後,他就說要叩門.,及前陣子考慮是否 interview
2. 体藝 : 路遠.雖然有得 in, 机會大,但仍可能 miss. 但不in 又覺對不起
他,因他P.4已想入,雖然他己說不想,但我們覺得他心裹是想的. 相信他會讀得開
心,但卻沒想到,他不是自律小朋友,怕他兼顧不來,兩個不到岸.而且他只是喜歡体育,但並不出色,沒有獎項,且成績只是 Band 1 尾,加上交通…etc
又不敢放了水泡.,不想大抽獎,,而且是遲一点的事,所以遲點再算.
不想我的無知和小朋友的懂事而影响決定,所以才希望集思廣益.
Anyway, 也很多謝各位的提醒.
作者: samanthat38 時間: 12-3-31 10:05
Hi 各位,
多謝各位給我的意見.由於阿仔第三次呈分試退步了,所以己不用煩腦,
決定--- 福建中學,.雖然阿仔初in完体藝後,覺得戚覺很好,但仍有很大的
風險.經多番分析和 review Bk 各 Aunt n Uncle 的 post 後,也欣然接受,
決定福中,以免打沒有把握的仗.
我們終於可以鬆一口氣.雖然繞了個大圈,但不竟他和我也上了一課,
也讓他見識不少呢!!!
Thank much very much!!!
作者: k_0530_a 時間: 12-3-31 12:54 標題: 引用：Hi+各位,多謝各位給我的意見.由於阿仔第三
原帖由 samanthat38 於 12-03-31 發表
Hi 各位,
多謝各位給我的意見.由於阿仔第三次呈分試退步了,所以己不用煩腦,
作者: florencelau 時間: 12-4-1 12:41
Hi,各位
我亦有相同問題，囡囡是b2生，已到顏保鈴註冊，放棄培基學位，亦到體藝做面試．因囡囡在體藝未能完成800M，面試in副校被問為何成日忘記帶功課等．自知入體藝機會非常低．
但囡囡非常想入體藝，想放棄顏保鈴，參加政府派位．請問應如何選擇呢？
作者: k_0530_a 時間: 12-4-1 13:17
florencelau 發表於 12-4-1 12:41
Hi,各位
我亦有相同問題，囡囡是b2生，已到顏保鈴註冊，放棄培基學位，亦到體藝做面試．因囡囡在體藝未能 ...
已感體藝機會不高 , 現想放棄顏已玩大派彩 . 但今年個個都知 B2 選校是最危險的 .
所以您真係要想清楚 .要有心理準備若果體藝不收又派得吾好既後果 .
作者: florencelau 時間: 12-4-2 18:33
Hi k_0530_a
多謝回覆。會同囡囡再傾，已問老師，都不同意參加政府派位及放棄顏保鈴學位，因太大risk。
Thanks
Florence
| 歡迎光臨 教育王國 (/) |
Powered by Discuz! X1.5 |