教育王國

標題: 各位父母, 您地D細佬妹會唔會選返阿哥家姐間學校? [打印本頁]

作者: yip_ip 時間: 12-3-16 12:39 標題: 各位父母, 您地D細佬妹會唔會選返阿哥家姐間學校?

家姐間學校收左阿妹, 但阿妹唔係好想去, 煩

作者: csy_ma 時間: 12-3-16 12:52

阿妹唔係好想去，梗有佢既理由，要問清楚。我識有對孖囡既家長，都唔想俾姊妹一齊上同一間學校，認為咁會阻礙佢地兩個既發展。我老公同過對孖女一齊玩過一日，後來知悉家長既決定，都覺得好明智。因為據佢觀察，孖女感情好好，家姐好自然就會讓成績稍遜，性格較隨和但較開朗自信既妹妹，會俾阿妹贏，咁對兩姊妹既發展都未必有好處。

姊妹既野，難免存在互相比較，細妹唔想走家姐條路（特別係家姐叻既話），都幾正常？

作者: yip_ip 時間: 12-3-16 13:03

我係知佢既理由, 我都有同佢傾過呢個問題, 出黎既答案都係因為唔想同家姐同校(佢地兩姐妹, 好就糖痴豆, 唔好就水溝油), 都旁敲側擊知佢係怕同家姐比較..
咁我都有認同佢既想法, 但同時都比佢知我地做父母既心係點諗...
我都有比佢自己去諗下點(因為下星期一就要CONFIRM OFFER)
不過, 我都開心既係, 呢個女都有自己既想法, 同埋佢都有應承我地佢會比心機同有信心去考黎緊試..
我諗我都會專重佢既想法, 會一家人去面對呢個一個決擇

作者: nganc9 時間: 12-3-27 15:48

唔會, 因應細佬係band1成績, 哥哥係band2.

作者: irisyan 時間: 12-3-27 22:33

如果細妹可以入家姐間學校一定無須考慮，即刻拍板

作者: csy_ma 時間: 12-3-28 13:33

我識一位家長，響同聰明而懶既細佬升中前，都有諗過揀另一間學校，但因為佢地家長好多出自阿哥間學校既，最後都係兄弟同校。而家讀咗幾年，老師成日攞佢黎同考級十名內既阿哥黎比較，叫佢學吓阿哥……佢地兩兄弟雖然感情都好，但係細佬好明顯刻意唔響學業上用力，可能俾人比較得多，又覺得阿哥太叻，難追到，好冇癮吧？
細佬同阿哥之中，其實細佬聰明過阿哥好多，不過阿哥學習態度好，細佬就……似乎愈黎愈唔好，唔知係唔係唔想面對比較有關？

歡迎光臨教育王國 (/)