教育王國

標題: 聖瑪加利男女英文中小學 [打印本頁]

作者: 瑄婷 時間: 11-9-15 18:02 標題: 聖瑪加利男女英文中小學

請問這間中學校風如何?教學方式重那方面?容易考嗎?

作者: Hippomother 時間: 11-9-15 21:12

我有朋友的囝囝在此校讀書, 他讀得很開心, 在校內一定要用英文溝通, 因為有部份是非本地的學生 (好似日藉, 印藉), 而且有外語學, 老師也很好, 學生多數是Band 1尾-Band2學生.

去年小囡也考過這間學校 (想佢見識一下考中學時的情形), 佢地因為有直屬小學, 所以收生不多 (去年只有39個位), 1st IN要做test (中, 英, 數, 每科大約10條), 做完會有人帶佢地去面試 (小囡見副校及一位外藉老師), 問了一些問題 (有廣東話, 普通話及英文), 我個囡只用了15分鐘就下來 (同佢一齊上去的小朋友未有人落樓), 我估佢都唔得先咁快走, 點知一個星期後收信要2nd IN.

當日都見有幾位陳守X的學生來2nd IN, 有個家長仲話佢個女一直有學法文, 希望能入到此校. 小囡2nd IN是見校長, 而我就去見副校 (我都唔知當日原來要見家長, 什麼準備都無), 副校話佢有份見小囡, 佢對我個囡都有印像, 可以詳細講出當日小囡面試情形俾我知. 過了2天就收信取錄小囡, 不過我當然係等大抽獎啦!!

主要問小朋友有什麼強/弱項, 有無考其他直資或私校 (小囡好老實答有, 仲講埋邊間), 點解想讀呢間學校等等, 其實都唔難考, 祝你小朋友也可以成功.

作者: 701003 時間: 11-9-16 11:05

我女今年會試下報呢間

作者: LW829 時間: 11-9-16 12:18

請問你的囡囡有冇留位, 如果有註冊留位, 還能參加大抽獎嗎?

原帖由 Hippomother 於 11-9-15 21:12 發表
我有朋友的囝囝在此校讀書, 他讀得很開心, 在校內一定要用英文溝通, 因為有部份是非本地的學生 (好似日藉, 印藉), 而且有外語學, 老師也很好, 學生多數是Band 1尾-Band2學生.

去年小囡也考過這間學校 (想佢見識一下 ...

作者: monmonc 時間: 11-9-16 13:02

原帖由 Hippomother 於 11-9-15 21:12 發表
我有朋友的囝囝在此校讀書, 他讀得很開心, 在校內一定要用英文溝通, 因為有部份是非本地的學生 (好似日藉, 印藉), 而且有外語學, 老師也很好, 學生多數是Band 1尾-Band2學生.

去年小囡也考過這間學校 (想佢見識一下 ...

我都想試考這間學校, 不過請問Hippomother, 學校於2nd in後收了你女兒, 但你還是等大抽獎, 那麼是否便要放棄聖馬加利的offer?

作者: Hippomother 時間: 11-9-16 13:17

如果接受左學校的offer, 是不可以玩大抽獎, 因為學校要你簽份同意書, 放棄統一派位, 佢地會通知教育局.

我是想個女去體驗中一時學校而試的情況, 所以同佢報左幾間直資, 等佢有D實際經驗, 到自行IN時會定D.

作者: LW829 時間: 11-9-16 14:52 標題: 回復 6# Hippomother 的帖子

請問學校是在7月放榜前通知, 還是在3,4月已通知你們? 又听說是可以留了位而照樣去大抽獎的? 不知是否行得通?

作者: Hippomother 時間: 11-9-16 15:14

每間直資通知結果都不同日期, 我當時係1月中收到取錄信, 如果接受學位是不可以再玩大抽獎, 因為學校要你簽回同意書, 然後交上教育局.

作者: LW829 時間: 11-9-16 15:28 標題: 回覆 8# Hippomother 的文章

明白了! Thanks!

作者: TINGMUM 時間: 11-9-17 18:19 標題: 回復 2# Hippomother 的帖子

查返放榜, 原來今年係冇陳守X學生選擇入讀此校!

作者: fallenleaf 時間: 11-9-17 20:50

如果直資比左offer你，記得就算唔接受都要通知佢地，唔好立亂簽d文件。否則佢地當你接受，hold 住你個位，跟手通知教育局，隨時大抽獎機會喪失不特止，連自行時有學校取錄的學位都喪失埋。
舊年有同學就係因為直資收左，交左留位費，但未簽放棄抽獎紙，以為可以兩頭蛇，點知攪出個大頭佛，喊到無喂！

作者: Hippomother 時間: 11-9-17 21:54

其實以陳守X的往年派位結果, 又邊駛讀呢間, 只係果刻那位家長對另一位家長咁講!

作者: LW829 時間: 11-9-19 12:40

請問此校是Band1還是Band2呢? 在他們學校的綱頁上看不到他們往年的會考和AL成績. 听聞此校從2000年開始, 小學已收一些Band1 學生, 是否真有其事?

作者: eeefff0307 時間: 11-9-23 14:41

Hi Hippomother, 你好, 唐突一點我想問你個囡囡的成績如何? 聖瑪加利男女英文中小學是否不是你杯茶呢?

作者: monmonc 時間: 11-9-23 14:49

從khmama的升中資料內, 聖馬加利是Band2A的學校, 究竟現在它主要是收甚麼banding 的學生?

作者: 大頭mama 時間: 11-9-25 00:59

應該係自己小學學生!外來生要band 1 尾至 band 2頭的學生!

原帖由 monmonc 於 11-9-23 14:49 發表
從khmama的升中資料內, 聖馬加利是Band2A的學校, 究竟現在它主要是收甚麼banding 的學生?

作者: Hippomother 時間: 11-9-25 14:22

Hi eeefff0307,
小囡在校成績在2X/130以內, 佢成績好飄忽, 第一次呈分試在1X, 然後又回落到2X, 真的似坐過山車 (但又唔敢給太大壓力!).
我報聖瑪加利只是給她面試, 往後仲有幾間, 好多band 1學生, 都會揀一些直資學校來面試, 當實習一下, 如果係讀直資, 都會選東九龍匯基或顏寶玲先.

作者: hinhin-mother 時間: 11-9-25 23:38

如果我的子女是Band One成績，跟本不會考慮直資，wait the time!!

作者: eeefff0307 時間: 11-9-27 12:23

多謝 Hippomother 回覆, 其實我個囝囝現在只係四年級, 讀直資小學, 但因為成績不太標青, 不是BAND 1生所以要睇多D學校準備一下!! 真係好多謝你!!

作者: Hippomother 時間: 11-9-28 12:13

不用客氣, 有時路過見到些家長有問題, 就將自己知道的答人, 希望可以解答到.

你小朋友今年小四, 可以係小五時, 帶佢去心儀的中學參觀一下Open Day/中一簡介會, 我之前都係咁做, 因為小六先來參觀, 好似唔夠時間 (有些中學會撞期).

就算是Band 1生也有機會派Band 2學校, 你幾有信心都要睇有無運, 要個隨機編號比人地前, 才可以入到你想要的中學. 而且叩門係幾百人爭十多個位, 除非你小朋友在校名列前茅及有好多校外獎項, 否則點爭個十多個位?

歡迎光臨教育王國 (/)