教育王國

標題: 同個仔妥協唔到 [打印本頁]

作者: nataliewing 時間: 07-12-16 18:12 標題: 同個仔妥協唔到

我心儀三間中學...諗著叫個仔 choose 兩間, 但個仔就完全唔 like 呢三間中學 ,話要考另外兩間 . 佢唔 like個三間o既原因係因為個三間中學o既 sports 唔勁 ,屬學界 o既 D3 ,而且其中一間又要一人一樂器 ,佢又唔鐘意學 . 而佢就好想入o的注重體育o既中學.

我係唔係應該尊重佢o既意見 ,話曬係佢讀6年. 但係佢心儀o既一間係區外 ,我驚好難入到.
而家我地仲未決定到 ,但又要同老師講考邊兩間 ,因要拎推薦信.

作者: tictactoe 時間: 07-12-16 20:00

如果你個仔的選擇不太差，可接受，就讓他自已選吧！否則，他會怪你一世！

作者: dad1234 時間: 07-12-16 22:17

恭喜,你個仔好有主見

,我會比佢自已楝

作者: HillaryMom 時間: 07-12-16 22:31 標題: 回覆 #3 nataliewing 的文章

Actually, your son would realize what he likes. That's good! You should not think the point from your point. You look selfish, you know?!

作者: Mcmug_1999 時間: 07-12-17 01:04

其實九龍及香港區都有不少學校是學業及體育兼備(因為新界區學界不會分division)。另外，一般來說，除非是拔萃及喇沙這一類學校，否則學校不會是所有運動項目都勁，只會是幾項左右。你個仔有興趣什麼運動，可以找找在這方面強的學校。

另外，升中有個人取向是好，不過連體藝中學都強調學業及運動並重。升中不宜只為玩體育興趣，也要考慮全人教育方面(不是單指學業成績，更重要是個人的長遠發展)。小六學生還細，有時思考得較簡單片面(例如，他只是喜歡玩運動，還是有更長遠目標？)，我們做大人，一方面尊重他的想法，也許更要引導他如何去考慮，看看可否平衡兼備。

作者: el1008 時間: 07-12-17 08:39 標題: 回覆 #1 nataliewing 的文章

其實現在嘅中學已經讀書同課外活動都同樣重要, 而且一人一樂器已經差不多間間學校都要, 不如你盡量搵d你個仔心儀個間同你心儀個間中學資料相比, 再同佢分析, 最好搵d係到讀緊嘅學生攞料, 因為好多時學校俾人嘅感覺同實際嘅係兩回事, 真係唔入去讀都唔知

作者: 碧加 時間: 07-12-17 11:22

原文章由 el1008 於 07-12-17 08:39 發表
其實現在嘅中學已經讀書同課外活動都同樣重要, 而且一人一樂器已經差不多間間學校都要, 不如你盡量搵d你個仔心儀個間同你心儀個間中學資料相比, 再同佢分析, 最好搵d係到讀緊嘅學生攞料, 因為好多時學校俾人嘅感覺同 ...

題外話：我想知在九龍城區有邊幾間中學係提倡一人一樂器(西樂)？el1008可否告之？

作者: 小草 時間: 07-12-17 13:24

我無咩意見，但都好想講難得你仔仔有自己既意見

，你好好考慮下~

原文章由 dad1234 於 07-12-16 22:17 發表
恭喜,你個仔好有主見 ,我會比佢自已楝

作者: el1008 時間: 07-12-17 13:27 標題: 回覆 #7 碧加的文章

我所講嘅一人一樂器, 並不是單指西樂, 亦唔係指報中學必需, 而係如果你小學時唔識, 中學亦希望你識, 因為現在334機制下,希望小朋友係要全面嘅, 除左讀書成績外, 體藝亦計分, 所以如果小朋友不懂任何樂器,將來升大學計分咪少左d分囉
而家中學亦要你去欣賞音樂會, 唔係偶像個隻播, 有d學校睇完仲要做report, 如果你有學樂器, 或多或少對欣賞音樂會有d感覺,功課都易做d, 而且中學音樂亦要考學理, 如果小朋友有學樂器嘅話, 咪對佢地有利d囉

作者: danniecy 時間: 07-12-17 15:44

同個仔唔妥協是會影響關係,因六年中學是仔仔成長期,如果讀得唔開心就唔好啦。我都有同個仔仔相討緊選校事宜..還有時間.慢慢妥協啦。

作者: 碧加 時間: 07-12-17 16:19 標題: 回覆 #9 el1008 的文章

Thank you！

我覺得而家的細蚊仔十八般舞藝樣樣精，中學行三三四學制，佢地好容易適應。相反，家長跟住佢地臨老學D打，慘！

另外，想同nataliewing講，如果仔仔分析有理，不妨係首輪自行收生階段其中一個志願讓他填報，因為這階段是不限地區的，只要夠實力，美夢會成真的！

作者: bonnieandy 時間: 07-12-17 17:24

我會尊重子女的決定，因為讀的是他們耶。
我女就是: 你喜歡我讀邊間就讀邊間....

作者: LittleKidult 時間: 07-12-17 17:41

我個仔先前都話冇所謂, 後來佢就想讀king's 因為上次 king's開放日好多同學仔都有去玩, 有幾個同學話想係果度讀, 所以佢又話要讀.....

不過我地希望佢博華仁同聖約瑟, 同埋已經入紙st. paul co-ed 同 st. paul boys, 唔知有冇得面試呢:-|

作者: kyliekung 時間: 07-12-18 16:23

原文章由 tictactoe 於 07-12-16 20:00 發表
如果你個仔的選擇不太差，可接受，就讓他自已選吧！否則，他會怪你一世！

同意。不如一人選一間。

作者: 蘇菲姨姨 時間: 07-12-19 00:28

原文章由 kyliekung 於 07-12-18 16:23 發表

同意。不如一人選一間。

我同阿女又係爭持不下, 我同佢揀女校, 佢話唔鍾意女校呀, 我一心諗少咗男仔入嘅機會大D, 結果係一人一間, 將來派到的話大家都唔好後悔

, 唔洗叩門撲學校係我最大嘅心願.

作者: 十一 時間: 07-12-19 13:04 標題: 合作比妥協好

小六學生仲係好細，無論家長話哂事或由得佢自己決定，日後結果唔理想都會賴家長無幫佢。所以家長應該好理性地協助孩子做決定，為免諗埋一邊，我就試過用以下的評分法去揾出應該揀邊間，效果不錯，起碼無得怨。

	分數（1-5）	比重（%）	理據	總分
學業前途
體育
藝術
音樂
興趣小組
校風
名氣
成功機會

[ 本文章最後由十一於 07-12-19 13:07 編輯 ]

歡迎光臨教育王國 (/)