教育王國

標題: 邊間中學冇BYOD [打印本頁]

作者: chy134 時間: 23-10-21 16:43 標題: 邊間中學冇BYOD

如題，請問各位邊間中學冇BYOD ?

作者: Mchacha 時間: 23-10-21 17:30

問題太空泛，全港咁多中學。
而且學校今日唔推行，唔代表聽日唔推行喎

作者: LeeCC 時間: 23-10-22 11:54

有學校手機，iPad,都唔可以入校園

學校提供上課和活動用的電腦，iPad

作者: chy134 時間: 23-10-22 16:57

請問邊間學校手機，ipad 唔俾入學校呢？想知道有那些學校上堂唔會咁多電子教學，例如所有科目都用ipad ，電腦等

作者: godfreychoi 時間: 23-10-22 17:42

其實電子輔助教學於中學很普遍，你有沒有目標中學清單呢？可以讓用家/家長分享所知道

作者: hiuching8 時間: 23-10-22 18:02

BYOD小學比較多，中學唔需要太多互動，特別是高中

作者: Vana 時間: 23-10-22 20:47

hiuching8 發表於 23-10-22 18:02
BYOD小學比較多，中學唔需要太多互動，特別是高中

會唔會相反？ so far 我自己幾個小朋友同其他朋友都無小學要 byod, 反而而家一上中學就指定要了

作者: Vana 時間: 23-10-22 20:55

chy134 發表於 23-10-22 16:57
請問邊間學校手機，ipad 唔俾入學校呢？想知道有那些學校上堂唔會咁多電子教學，例如所有科目都用ipad ，電 ...

其實唔應該用呢個作為比較重要嘅選校指標，好多學校都有，但唔一定經常用，我囡話佢學校其實冇乜用......media sharing 都係出面播，佢話佢主要鍾意用來做筆記，無乜其他作用

作者: 1998Ruby1998 時間: 23-10-22 21:11

依家 EDB 鼓勵中小學 BYOD 同電子教學/學習，避免唔到。
唔多高中會搞電子教學，中一至三會。今年唔搞出年都搞。
不過都要睇學校安排，可能寫就話自己係，實際教書嗰陣都冇幾多日要學生帶 iPad
唔畀帶手機就更加少。

作者: Mchacha 時間: 23-10-22 22:07

Vana 發表於 23-10-22 20:55
其實唔應該用呢個作為比較重要嘅選校指標，好多學校都有，但唔一定經常用，我囡話佢學校其實冇乜用......m ...

我地都係不是太常用，但學校會要求學生購買。
主要用作搵資料，方便同學間互相share，網上繳交功課等等。
老實講，而家呢個年代嘅中學生好難唔接觸電子媒體，完全唔識反而係落後。

作者: chy134 時間: 23-10-23 12:02

謝謝各位回覆, 想搵男校但最好唔係BYOD電子教學既，日日帶 IPad/laptop , 助長沉迷網絡打機又壞眼，真心唔想咁明白係教育大勢，希望盡量揀到少D上堂依賴電子既學校

作者: 19801980 時間: 23-10-23 12:20

chy134 發表於 23-10-22 16:57
請問邊間學校手機，ipad 唔俾入學校呢？想知道有那些學校上堂唔會咁多電子教學，例如所有科目都用ipad ，電 ...

學校如何證明學生不會帶手機、iPad回校？難道搜身、搜書包？重點不在學生有冇電子產品，而在於學校如何處理違規的學生，有學校沒收電子產品一段時間才讓學生取回、有學校要父母親自去學校取回
至於你擔心的電子教學，現今香港的教習模式未至於全面實施由電子教學取代實體書，但有些學校要求學生在堂上透過電子產品做quiz、資料搜集等，另外，學生亦要透過google classroom 提交功課。
最後，如果你心儀的band 1學校要求BYOD，你不會因此而放棄吧？

作者: Mchacha 時間: 23-10-23 14:19

chy134 發表於 23-10-23 12:02
謝謝各位回覆, 想搵男校但最好唔係BYOD電子教學既，日日帶 IPad/laptop , 助長沉迷網絡打機又壞眼，真心唔 ...

既然係咁就不要選男校，男校偏向校風較自由。
另外直資學校亦較多需要own device.
不過我個人覺得應該係訓練年青人自律，唔係斬腳趾避沙蟲。

作者: mcl233 時間: 23-10-23 16:17

19801980 發表於 23-10-23 12:20
學校如何證明學生不會帶手機、iPad回校？難道搜身、搜書包？重點不在學生有冇電子產品，而在於學校如何處 ...

EK都有家長分享係唔準帶手機返學喎。SPSS係要到校交出手機中央處理，應該唔少吧，起碼校內禁用手機～

作者: 19801980 時間: 23-10-23 16:57

mcl233 發表於 23-10-23 16:17
EK都有家長分享係唔準帶手機返學喎。SPSS係要到校交出手機中央處理，應該唔少吧，起碼校內禁用手機～
...

我估冇乜邊間學校「公然」俾學生在校內用手機。樓主target 男校，要待其他男校嘅家長回應邊間男校嚴禁㩦帶手機回校。

作者: PTL_L 時間: 23-10-23 17:24

本帖最後由 PTL_L 於 23-10-23 20:30 編輯

Sjc 都係BYOD,iPad 會叫家長統一買，應該同喇沙同一供應商。學校一開始講到明，校內嚴禁用電話，一用又見到即收（老師仲有個收機績分榜，唔知講真定講笑

）
買iPad 時，供應商同時會裝一個app定software?!話可以控制部ipad 起校內用幾耐同唔可以立亂download game!

不過，其實以我所知，班仔嘅電話係你有你收，佢有佢繼續攞嚟用，相信以佢哋既聰明才智，大人點block佢，佢一樣可以破解到。

所以我覺得禁用係冇咩用，如果唔太過份又唔影響到功課同成績，咪觀察下先囉

其實做家長，一話要收起部機有幾難？sjc 成績唔算最top,但男校又要接band 2直小生嘅情況下，成績尚算前列啦，咁係咪可以證明到Boyd 影響未必係咁大呢？！最緊要係小朋友要明白同心甘情願！

作者: tkinwong 時間: 23-10-23 18:24

其實，學校用嘅iPad，雖然download唔到遊戲，但仍然可以通過browser 睇YouTube. 也可以玩一啲網上遊戲.

另外，中學生都可以唔俾手機佢？

所以我覺得要避開電子產品，都避唔得咁多。最緊要佢自己識得有節制。

作者: chy134 時間: 23-10-23 21:43

回覆 PTL_L 的帖子

SJC 有咩科目上堂真的要用 Ipad , 定只係要買，但又少用的呢？

作者: PTL_L 時間: 23-10-23 22:26

chy134 發表於 23-10-23 21:43
回覆 PTL_L 的帖子

SJC 有咩科目上堂真的要用 Ipad , 定只係要買，但又少用的呢？ ...

呢一刻未知，second term 先正式用，到時再分享

作者: twhkleung 時間: 23-10-23 22:40

tkinwong 發表於 23-10-23 18:24
其實，學校用嘅iPad，雖然download唔到遊戲，但仍然可以通過browser 睇YouTube. 也可以玩一啲網上遊戲.

...

其实學校個app,係會記下iPad的所有活动，如用browser 去睇过乜website, youtube睇过乜片，裝过再uninstall过d乜app. 学校可能只係唔理，或唔係太过份就算

作者: hkpapa852 時間: 23-10-24 07:29

大部份官校都無BYOD既安排

作者: chy134 時間: 23-10-24 07:46

謝謝， BYOD不是政府政策嗎，反而官校冇

作者: hkpapa852 時間: 23-10-24 12:34

chy134 發表於 23-10-24 07:46
謝謝， BYOD不是政府政策嗎，反而官校冇

政府只係推廣, 無話係必需, 非必需既嘢EDB就唔會有錢俾官校攪
正如官立小學, 絕大部份都唔會係全面普教中 (有D早兩年甚至連普話班都無埋), 因為唔係"必需"

作者: mcl233 時間: 23-10-24 15:53

hkpapa852 發表於 23-10-24 12:34
政府只係推廣, 無話係必需, 非必需既嘢EDB就唔會有錢俾官校攪
正如官立小學, 絕大部份都唔會係全面普教中 ( ...

重點係官津BYOD未必係100%家長肯比錢～

就算官津自己肯出機，第一要有資源，第二要有額外支援，第三係啲機好快散晒，二手機都未必有人肯用～

作者: lot888 時間: 23-10-25 14:14

本帖最後由 lot888 於 23-10-25 14:25 編輯

有個故事，同年青人使用电子產品有関，但同主題不大相關，想同大家分享。話說小朋友升中，為方便联絡，學習，家長送小朋友一部电話。小朋友從始喪打游戲，睇短視頻，上IG。小測當然不理想，亞爸開始醒覺，叫亞媽同小朋友傾傾，亞媽要求10點後鎖机，小朋友話可以，但要公平，亞爸，亞媽一樣要鎖机。亞爸立刻講公司會有call，唔可以鎖机，而阿媽就話夜晚要同加拿大亞姨傾家事，一樣唔可以。小朋友就衝口回覆一個富本地文化，大家非常熟悉嘅"字"。亞爸立刻擘大眼，而亞媽就開口勁鬧，問佢邊度識咗D懷朋友，同學，係咪網上學。要第二日call老師研究。一個寧靜嘅家庭從此不再寧靜，小朋友亦一瞬間告別童年，正式踏入青年，開展自己的人生。矛盾，青春期，反叛期,也由此刻開始。

作者: heidya 時間: 23-10-25 15:40

控制子女玩手機, 首先係家長要以身作則, 控制自己玩機癮先, 否則子女唔服, 容易產生對抗, 攪壞關係.

BYOD 大勢所難免, 電子教育係時代進行, 大家都唔想子女脫節.

個人認為BYOD初中以下可以避免, 高中以上某D課程/學科是要配合的.

某D學校要求BYOD, 同時應該提供資助蓋括不同階層的學生

作者: chy134 時間: 23-10-28 12:40

是的，真心唔明初中點解都要咁多電子教學

作者: Calaci 時間: 23-10-28 20:10

chy134 發表於 23-10-28 12:40
是的，真心唔明初中點解都要咁多電子教學

我反而覺得初中使用比高中好
高中才學習太遲(好多小學已經有）
而且高中應主力針對公開考試

作者: LeeCC 時間: 23-10-28 20:36

Calaci 發表於 23-10-28 20:10
我反而覺得初中使用比高中好
高中才學習太遲(好多小學已經有）
而且高中應主力針對公開考試

高中反而會回歸用筆多，因為要練習寫字速度應付公開試

歡迎光臨教育王國 (/)