教育王國
標題: 直資vs津校 [打印本頁]
作者: honeybabypig 時間: 22-10-8 01:50 標題: 直資vs津校
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse, 請問直資有咩優勝？ 資源多 ？活動教學？但可唔可以具體啲講，唔該各位🙏
作者: Mchacha 時間: 22-10-8 02:15
honeybabypig 發表於 22-10-8 01:50 
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...
資源多，好多都分set上堂，比較多校外嘅體驗，最重要係高中選修科比較多選擇同埋有彈性，基本上學生想揀嘅大多都可以如願。
作者: LeeCC 時間: 22-10-8 06:45
本帖最後由 LeeCC 於 22-10-8 06:48 編輯
Mchacha 發表於 22-10-8 02:15
資源多，好多都分set上堂，比較多校外嘅體驗，最重要係高中選修科比較多選擇同埋有彈性，基本上學生想揀嘅 ...
高中選科是我覺得最重要的因素，因為無信心小朋友在同級津校會做到最top穩陣入到心儀科目
身邊聽不少官津例子，成績因為不是前列，畀學校塞左一至兩科非心儀的科目
作者: LeeCC 時間: 22-10-8 07:39
Mchacha 發表於 22-10-8 02:15
資源多，好多都分set上堂，比較多校外嘅體驗，最重要係高中選修科比較多選擇同埋有彈性，基本上學生想揀嘅 ...
分科分set上課也是一個優點，比較返不同set的教學方法，睇到是因才施教
作者: behappypapa 時間: 22-10-8 08:07
感覺上津校好多時靠自己，課外活動都係要好主動先得。比較起在直資的同學仔，直資真係會多活動，中四選科好flexible
作者: Rpp 時間: 22-10-8 08:19
唔係所有直資學校分set上課，顏寶鈴係一班上課，想轉制讀IB都要級最前嘅D，協恩都係要好前成績先揀到最心儀理科競爭大。
官津同直資讀書都要靠自己。
作者: DD仔 時間: 22-10-8 09:18
honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...
直資相對地多些資源，相對地易啲揀科。我自己覺得最大優勢係B2 or B3都可以有英中提供。官津的話基本上英中=B1
作者: jesswu 時間: 22-10-8 12:20
DD仔 發表於 22-10-8 09:18
直資相對地多些資源，相對地易啲揀科。我自己覺得最大優勢係B2 or B3都可以有英中提供。官津的話基本上英 ...
冇錯。
有d英文強但中文差的小朋友。入B2/3津校全中文會越讀越差。直資便照顧到呢類小朋友
作者: DD仔 時間: 22-10-8 12:30
jesswu 發表於 22-10-8 12:20
冇錯。
有d英文強但中文差的小朋友。入B2/3津校全中文會越讀越差。直資便照顧到呢類小朋友
...
的確係咁，有些學生根本就係叻仔叻女，只因屋企自細側重培養英文，結果小朋友對中文冇乜興趣，中文成績自然差，情況就好似DSE其他科攞5+但中文攞2咁，但其實佢哋絕對有能力入大學，甚至讀得好好㗎。
（利申：我好鍾意中文科，成績好好㗎）
作者: lot888 時間: 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。
樓主請小心一些一開始就帶你去直資方向的留言。要清楚自己要乜，如果肯定考DSE，而一些核心科目如中英文又是必需，那重點是怎樣讀好，考好。如果津校因成績而篩選學生，從唔一個角度看，學生材能可能是吾一方面較出色。任你選科可能會讀得開心，但開心同成績好不一定有関係。直資可能是較多資源，但這些資源是你小朋友需要嗎？如直資提拱法文，西班牙文，你小朋會選嗎？如果唔選，這些資源對你未必有意思。時常看到一些直資跟資源的回覆，但非常空泛，未能提供那些實質資源，而那些資源怎樣幫助，及改变小朋友發展。選校還是多看學校網頁，多了解學校理念，對學生倍育。津校或直資可能是較後的考量。
作者: WFH 時間: 22-10-8 15:08
lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。
樓主請小心 ...
作者: honeybabypig 時間: 22-10-8 15:47
lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。
樓主請小心 ...
令你誤會，唔好意思，我係真心問問題，所以一開始我已經提咗如果同樣都係英中，我就係想知如果我小朋友已經有能力入到band1英中，點解我仲要比錢去讀直資？(因為英小，多數都只會係直私)，成日聽人講資源多，我就係想知多喺啲乜地方度，係咪要去到神級，好似mcs咁，啲資源同活動先可以同直資差唔多，定會因為佢係津校，其實都係不及？
嗰啲直資band2,3都有英中，同IB, IAL，對我嚟講，算係唔關我事
直心指教，唔該大家
作者: Rpp 時間: 22-10-8 17:42
MCs係傳統名校本身學校有錢，校友又經常捐錢，所以資源咪同直資差唔多。但係只有一個學制，要留意。
作者: Szetimmy0225 時間: 22-10-8 19:13 標題: 回覆樓主:
如果一心留港考dse 就不如讀官校/津校 留返D學費自費出面操啦! 純屬個人意見! 多多得罪!
作者: honeybabypig 時間: 22-10-8 21:55 標題: 回覆樓主：
本帖最後由 honeybabypig 於 22-10-8 23:12 編輯
雖然淨係會考DSE，但鍾意多活動，唔想中學生涯淨係讀書咁沉悶 ，但如果為咗多活動而讀直資，其實係咪有啲唔值呢？
有冇咩官津係多活動㗎？
作者: juneforgbb 時間: 22-10-8 23:53
直資多活動、教學比較多元化, 當然如果你想知道"有幾多元、有幾多活動", 好多家長都未必答到你, 就算直資, 間間都唔同, 最好親自去學校open day了解/認識。 我覺得冇話邊樣好D, 或者抵讀D, 我識人鍾意揀直資, 亦有朋友一心讀津校, 都有其原因。老土咁講, 津校都有多活動, 直資都有谷成績。就算係官校vs津校, 教學和資源上都會有分別, 如果有時間, 多D去唔同學校open day睇下。
作者: medicine 時間: 22-10-9 04:31
大學的撥款由大學資助委員會（UGC）決定，而收生的成績是決定大學學系表現的主要指標。如果收生成績不斷下跌，證明這個學系不受歡迎，UGC的撥款就會減少；反之，撥款就會增加。本地聯招學生的成績，標準清晰。而非聯招學生的成績標準比較含糊，難以與聯招學生的成績比較，UGC衡量大學學系「業績」的時候，都會忽略非聯招生的入學成績。所以，只收取成績最好的一小撮聯招學生，餘下的學額由非聯招學生補足，就成為粉飾「業績」、向UGC取得高撥款的秘技。
大學高層爆料，本地名牌大學一早已用上述方法收生提升高考生的分數，搞到收取非聯招學生比例大升。若其他大學用相同方法收多過兩成半，一定會被政府責罵，政府嚴重「大細超」。
大學學系是按學生人數收取經費的，王牌學系還有一招可以既保持收生分數線較高，又可以多收學生以爭取經費，就是在多收由副學士及高級文憑轉過來的三年級生。現時香港副學士課程每年收生人數過萬，香港每年會資助約五千名完成兩年副學士等課程的學生入讀大學三年級的銜接課程，大學特別喜歡接收這些副學士銜接學生。大學在大一收聯招學生時維持嚴謹的收生標準，卻大量招收副學士銜接學生，即使明知這些學生的水平，不如申請入讀一年級而被拒諸門外的學生，也樂此不疲。主要原因是多收一個副學士銜接生，就多得一份資源。更重要的是，招收的副學士生，無論水平高低，都不會影響到大一收聯招生的分數線，不影響學系的「業績」。
總的來說，大學資助有一套成文制度，而王牌學系收生，透過減收聯招生來繞過這個制度。另外，又多收副學士生去弄高學生人數去多拿資助，這就對那些正正經經參與本地高考的聯招學生不公平。
那些想報讀王牌學系但剛剛不及聯招分數線的學生，他們的成績其實比非聯招學生更好，卻不獲取錄。這些學生的成績可能也較相同學系於三、四年級招收的副學士生更好，卻沒有副學士生這樣幸運可以入讀到心儀的王牌學系。
參加聯招考試的本地學生，比較多的是來自基層家庭。近年大量的名校轉做直資學校，她們收取政府資助之餘，也收取較高的學費，形成她們可以有雙重資源去培訓學生，可以做到小班教學，甚至有雙班主任制度等等。基層小學成績很好的學生，負擔不起每月幾千元甚至高達萬元的學費，只能望直資中學的大門而興歎。
直資學校大量湧現，加上在外國讀書回來的非聯招學生也搶佔了很多學位，就形成一個對基層學童的歧視。香港的教育制度，正在製造結構性的跨代貧窮。http://hd.stheadline.com/news/columns/417/20180811/692488/
睇完上面的報道,你會如何規劃教育路向?從而選擇合適的學校/學制?
作者: 山海兒女 時間: 22-10-9 10:03
要睇邊間津校同直資，唔可以一概而論，呢幾年嚟，身邊正正就有唔同朋友讀唔同直資，有人係由小學開始，有人升中先讀
當年有幾個人揀科時名次唔夠前冇得揀三科，有人想讀音樂，唔夠人唔開班
最後有人未考DSE就到外國升學，留係香港考DSE嘅，就入唔到八大，要讀MU
當然我接觸到嘅都係好少例子，成功嘅一定多好多，我只係想提醒你要去了解每一間想讀嘅學校，而唔係諗住俾錢就一定好，見到啲朋友比咗6-12年學費，大學都仲係要繼續比貴啲
作者: dickpoo 時間: 22-10-9 10:53
lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。
樓主請小心 ...
作者: Dylanli2017 時間: 22-10-9 13:20
回覆 honeybabypig 的帖子
我個人體驗是，今日既津校同直資越來越似，我講緊1A津校，其他banding津校我唔清楚。同樣是行雙班主任制，甚至是考試模式都接近，例如，數學卷會有bonus分既題，有增潤班補底班，有大量stem活動。我唔知直資參加課外活動是咪要選拔，如果是要既話，咁你去讀直資，你想參加既課外活動，如果你小朋友係選拔中冇入選，咁其實又唔覺得直資會令你多左機會參加課外活動。我就覺得近屋企同慳錢會是2個重要因素，是咪直資唔太重要，呢個世界太多人雲亦雲，有時多人選既野，當你去體驗既時候，好多時都會有貨不對辦既情況，你未必會得到你想要既野。
作者: Rpp 時間: 22-10-9 14:14
要睇邊間津校同直資，要做吓嘢資料搜集，有啲津校硬件確係殘舊，電腦堂成班學生爭用電腦，爭到電腦都呆坐，電腦廢嘅，實驗室工具又壞咗，係無任何意思嘅。新校舍津校就唔會出現此情況 。
其實直資同津校都係要好成績先揀到心儀理科。
作者: LeeCC 時間: 22-10-9 14:44
揀直資或津校其實考慮好多因素，屋企附近的學校是否合心意？
當講緊屋企最近的幾間學校，都要15分鐘巴士＋15分鐘步行，幾間都係band2尾至3的津校，就會寧願搭多2個站地鐵，去一間banding適合的直資
作者: DD仔 時間: 22-10-9 15:08
Rpp 發表於 22-10-9 14:14
要睇邊間津校同直資，要做吓嘢資料搜集，有啲津校硬件確係殘舊，電腦堂成班學生爭用電腦，爭到電腦都呆坐， ...
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例如喇沙嘅設施質素係咪拍得住直資如DBS? 定係但凡係津校都差過直資？
作者: Rpp 時間: 22-10-9 15:29
DD仔 發表於 22-10-9 15:08
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例 ...
我無研究過，但係新校舍嘅津校各方面設施唔差過直資。例如學校村有保良局嘅小學同兩間中學，保一各項設備殘舊到一個點，保堂設備又新淨到如直資，小學同保堂都多資源，年年換新野，又多拔款搞呢樣搞果樣。學生受益唔少。
新校舍津校就唔會差過直資設施，包括資源。
作者: LeeCC 時間: 22-10-9 15:44
DD仔 發表於 22-10-9 15:08
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例 ...
喇沙mcs呢d津校，校友有錢，又捨得捐錢，母校要錢一呼百應
作者: Rpp 時間: 22-10-9 15:47
DD仔 發表於 22-10-9 15:08
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例 ...
仲有我無仔讀過男拔，無得比較，但係喇沙嘅設施已經OK了，如果無異心轉制IB，我會選擇喇沙，讀書都係靠自己，爭入G F班最實際。
作者: lot888 時間: 22-10-9 16:55
其實呢幾年，部份直資真係兩難。先是出生率低，外來生缺，加上移民潮，間間學校爭學生，成績好的一批未必肯入讀，成續差又驚影響賽果，以後冇人讀。人數少除缺學費收入，更重要是缺政府資助，但維收，行政費只有加冇減。如以上粗略觀察成立，直資更會善用資源，家長其望子女能參加任何或更專門活動，可隨意因個人喜好選科似是不可能，如果得幾個同學有興趣選修冷門學科，從學校角度計算，就算校長，老師讚成，也很難被校董會接納而開班。就算真係開，也未必有錢聘請有經驗老師，最後小朋友只可開心學習，但同公開試成績可能是兩碼子事，家長會又再一次落空。虎年高出生率已過，今年到兔年昇中，情况可能更差一點。來年是龍年，出生率應是高一些。直資努力吧。
作者: Sing13 時間: 22-10-10 23:19
lot888 發表於 22-10-9 16:55
其實呢幾年，部份直資真係兩難。先是出生率低，外來生缺，加上移民潮，間間學校爭學生，成績好的一批未必肯 ...
為何成績好既未必肯入讀直資呢，移民潮，有海外課程既直資唔是更理想咩？
直資收左政府每個學生每年七萬幾,再加上家長學費,點會資源少呢？
反而当生源少，band3官津中學要縮班時,最後band1官津同樣要縮班。
官津中學老師人工太高了，可以去到七萬幾一個，兩個官津老師既人工夠直資請三個，唔止請教院畢業，三大畢業專科專教都夠。
直資更善用資源，我見今年某直資簡介會，話明夠五個學生就開科。
小朋友開心學習，反而會主動學習，學習持久性反而更好。英美教育理念,由學生興趣出發會學得更好. 有啲新興直資實行愉快教育，短短十幾年間已經進入band1A B既行列
相反如果讀書壓力大，已經對學習冇興趣，當到中學家長不能約束，手機吸引力肯定比學習大。
作者: Sing13 時間: 22-10-11 00:21 標題: 回覆樓主：
本帖最後由 Sing13 於 22-10-11 00:25 編輯
我認為中學來講，直資同官津，前者優勢是選科，海外升學考試出路。
其他亦非分別太大，升中選校反而睇小學既教育模式與邊間中學相衔接，例如陳守仁，救恩既學生一般較多選擇直資。
反而直資小學與官津小學分別較大，見幾間新派直資都是一條龍學生考DSE個屆成績開始明顯進步。
作者: Dylanli2017 時間: 22-10-11 07:42
本帖最後由 Dylanli2017 於 22-10-11 07:45 編輯
Sing13 發表於 22-10-10 23:19
為何成績好既未必肯入讀直資呢，移民潮，有海外課程既直資唔是更理想咩？
直資收左政府每個學生每年七萬幾 ...
嘩，如果直資中學老師得4，5萬幾蚊人工VS津校7萬幾，咁直資教學質素咪好差? 小學津校老師都有3萬幾人工啦。人工效應下，質素高既老師咪去晒官校?老師人工是政府開既，津校都話唔到事，你如果覺得7萬高，只能對教育局投訴，而且，政府應該未窮到要去減老師人工。直資學生人數會影響資助額，所以，開左學後，仲是咁不停收插班生。
作者: lot888 時間: 22-10-11 07:49
以上師兄意見绝對可作參考。要了解自己孩子適合什麼環境學習，強弱，長短處，外向內向，倍養學習興趣是十分重要，之後再對相關學校作分析，小心選校。直資或官津真不是第一個要考慮問題。
作者: hkpapa852 時間: 22-10-11 09:39
本帖最後由 hkpapa852 於 22-10-11 10:10 編輯
honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...
直資同津校既比較, 唔同時期有唔同結果
早兩年計, 直資會有優勢, 但隨著過去一年所見, 大部份直資除咗硬件同雙學制外, 都失去咗優勢
如果一心諗住留港升學, 以至讀大學, 即好DSE其實係最好途徑 (除非你非神科不入)
除咗成績屬頂級個堆名官津中學, 日後高中選科彈性較高外, 其餘大部份官津中學, 都只得套餐式選科
直資呢方面可能好D, 但唔係間間都係咁好
呢一年多既變化, 係不少頂級學校(包括所有官津同直資)既老師同學生都大量流失, 結果導致大量學校周圍搶老師
不少直資學校本身有部份老師離職, 留低個班可能為"錢途" (官津教師有由政府包底, 保証年年有錢賺既公積金, 直資老師只有MPF) 轉入官津陣營 (尤其係可能會有更有名氣既官津校請佢地), 所以二/三線直資, 教學水平一定會受影響. 就算係二線官津中學, 亦因相同原因, 部份教師會轉走而導致教學水平受影響
但無論如何, 隨著香港學校既"新常態" (不時都有學生同教師離職), 睇學校成績高低已經無咁有意義. 反而留意下邊D學校能維持"學習氣氛"先緊要.
當經常有老師同學生離開, 除了教學水平, 亦會對學習氣氛有影響, 甚至對小朋友心態都有影響 (如可能佢會問, 點解咁多人走, 但我仲要留低呢?)
作者: Dylanli2017 時間: 22-10-11 09:55
hkpapa852 發表於 22-10-11 09:39
直資同津校既比較, 唔同時期有唔同結果
早兩年計, 直資會有優勢, 但隨著過去一年所見, 大部份直資除咗硬件 ...
作者: hkpapa852 時間: 22-10-11 10:15
Dylanli2017 發表於 22-10-11 09:55
所言甚是。官津基層多d,中產少d, 直資就中產多d,直資學生流失率相對會更高。 ...
如果係會IBDP, 因為要符合IBO要求, "必須"請合資格既老師, 但如果係IAL/AL, 其實不少直資, 都係搵番教開DSE既老師嚟教, 咁呢個雙學制既安排, 係咪真係咁好呢?
話說黃大仙女同深水埗男校都吹緊風要開IAL/AL, 不如大家有機會問下佢地有冇"專門"負責教IAL/AL既老師
作者: Cliokohonda 時間: 22-10-11 10:48
lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。
樓主請小心 ...
官津直都有分set 上課既，直資普遍老師勤力上心啲，起碼叫有見過工先請，唔係EDB 塞過嚟，有啲老師可能明明教開B1 ,下年推佢去B3. 津校亦有感情用事，老師至尊無上問題。
首先唔好對直資有偏見或起勢話人哋打手，假如有個學生英文滿分而中文不合格，抽獎下場必定係中中，直資自住收生仍存在價值，試問邊間B1 英中唔在乎RO . 言歸正轉，直資資源當然德法日語等噱頭野可有可無，但課堂秩序及同學操行大致上仍比地區1A好，數理可能相距不大，但英文仍然有明顯優勢，自己仔女仍分別喺官津直求學中，下年另一個升中都會首選直資，冇得揀先去津中抽獎。
作者: Cliokohonda 時間: 22-10-11 10:56
hkpapa852 發表於 22-10-11 09:39
直資同津校既比較, 唔同時期有唔同結果
早兩年計, 直資會有優勢, 但隨著過去一年所見, 大部份直資除咗硬件 ...
的確有唔小直系老師上岸當官，雙學制或單一DSE ，單靠師資望天打掛，倒不如等待北方下聖旨:[不準補習］，官津直業績才有比較空間.
作者: Dylanli2017 時間: 22-10-11 11:12
hkpapa852 發表於 22-10-11 10:15
其實仲有一點, 不少所謂"雙學制"既直資中學, 到底非DSE既科目, 係咩人教呢?
如果係會IBDP, 因為要符合IBO要 ...
作者: DD仔 時間: 22-10-11 11:12
Sing13 發表於 22-10-10 23:19
為何成績好既未必肯入讀直資呢，移民潮，有海外課程既直資唔是更理想咩？
直資收左政府每個學生每年七萬幾 ...
如果直資和官津嘅老師薪酬待遇差咁遠，直資老師都係騎牛搵馬，又一直覺得唔公平，佢哋點會好有心機教書及照顧學生？定係話top schools like SPCC, DBS嗰啲有可能俾市場更高嘅pay, 但某啲新校比較缺乏資源嗰啲，就很麻煩，老師難manage, 學生難招難留
作者: hkpapa852 時間: 22-10-11 11:12
Cliokohonda 發表於 22-10-11 10:56
的確有唔小直系老師上岸當官，雙學制或單一DSE ，單靠師資望天打掛，倒不如等待北方下聖旨:[不準補習］， ...
所以首校要考慮, 邊間學校能維持同學既學習氣氛. 無學習氣氛 (如大多數同學都只當自己係過客, 唔認真讀書), 俾班補習天王教你都未必有用
作者: hkpapa852 時間: 22-10-11 11:15
DD仔 發表於 22-10-11 11:12
如果直資和官津嘅老師薪酬待遇差咁遠，直資老師都係騎牛搵馬，又一直覺得唔公平，佢哋點會好有心機教書及 ...
作者: hkpapa852 時間: 22-10-11 11:16
Dylanli2017 發表於 22-10-11 11:12
雙學制好多時都是吸引學生讀既一種噱頭，但實際IAL同AL是咪易考過DSE?可繞過中文科? 改制前既中學AL難過而 ...
AL/IAL只要集中考3-4科選修科都夠, 相對"負擔"會低D
作者: Dylanli2017 時間: 22-10-11 11:20
回覆 Cliokohonda 的帖子
假設上面果位仁兄所講屬實，話2個官津老師既人工等於3個直資老師既人工，直資應該都好難請到超水準既老師，畢竟人都是睇錢途搵工。我就覺得，讀書9成靠學生自己，無需太介懷是咪神校之類，今時今日既香港，同幾年前已經好唔同。
作者: Dylanli2017 時間: 22-10-11 11:27
回覆 hkpapa852 的帖子
又是既，牌面睇是輕鬆d, 睇餸食飯（學生資質），各適其適。
作者: DD仔 時間: 22-10-11 11:28
hkpapa852 發表於 22-10-11 11:15
過往官津校老師又配額, 好難有長工 (不少新老師都係合約制, 無乜福利同保障, 識人教咗10年都仲係合約制, 轉 ...
長工唔長工都算，月薪7萬同4萬係兩個概念喎
作者: Cliokohonda 時間: 22-10-11 11:29
Dylanli2017 發表於 22-10-11 11:20
回覆 Cliokohonda 的帖子
假設上面果位仁兄所講屬實，話2個官津老師既人工等於3個直資老師既人工，直資應 ...
人工同工作表現不可以掛勾，編制可令人崩壞。
作者: Cliokohonda 時間: 22-10-11 11:34
hkpapa852 發表於 22-10-11 11:12
所以現今選校, 唔好諗住靠老師, 更大可能, 去到邊間最後都要靠自己.
所以首校要考慮, 邊間學校能維持同學 ...
咁就要衡量吓家長群功力
作者: gracelam 時間: 22-10-11 11:34
Dylanli2017 發表於 22-10-11 11:20
回覆 Cliokohonda 的帖子
假設上面果位仁兄所講屬實，話2個官津老師既人工等於3個直資老師既人工，直資應 ...
高人工唔等於有水準老師，好多官津old seafood老師仲用萬年ppt照讀一次當教咗書，hea吓hea吓又一day。
最後讀書真心靠屋企!阿爸阿媽mon住吓或出錢揾補習。
作者: Dylanli2017 時間: 22-10-11 11:38
gracelam 發表於 22-10-11 11:34
高人工唔等於有水準老師，好多官津old seafood老師仲用萬年ppt照讀一次當教咗書，hea吓hea吓又一day。
最 ...
作者: Cliokohonda 時間: 22-10-11 11:52
Dylanli2017 發表於 22-10-11 11:20
回覆 Cliokohonda 的帖子
假設上面果位仁兄所講屬實，話2個官津老師既人工等於3個直資老師既人工，直資應 ...
係囉，9成靠自己，自己靠得住，中中B3C 都可以，可惜本人對自己仔女信心不大，要靠朋輩湊大。
今日既香港同幾年前香港教育最大分別係乜呢？ LS 答題方向明確？唱歌企好啲SBA 有bonus ?
作者: Dylanli2017 時間: 22-10-11 12:14
回覆 Cliokohonda 的帖子
咁如果你小朋友是靠老師為主，當然是選師資最好既啦。家下移民潮咁勁，應該大部分人都可以選到自己中意讀既中學。我覺得1A夠用有餘，你唔使拎band 3出來講到咁消極，有人靠自己資質，有人靠老師，有人靠外補，睇餸食飯。我既經驗是主要靠小朋友自己，適合就好。
作者: hkpapa852 時間: 22-10-11 12:24
Dylanli2017 發表於 22-10-11 12:14
回覆 Cliokohonda 的帖子
咁如果你小朋友是靠老師為主，當然是選師資最好既啦。家下移民潮咁勁，應該大部 ...
讀書靠學生自己, 同靠朋輩更重要; 想依靠老師, 咁去搵定補習吧!
千金易得, 好老師難求, 可以協助到子女成長/學到嘢既老師更難求
作者: hkpapa852 時間: 22-10-11 12:27
DD仔 發表於 22-10-11 11:28
長工唔長工都算，月薪7萬同4萬係兩個概念喎
作者: Cliokohonda 時間: 22-10-11 12:32
Dylanli2017 發表於 22-10-11 12:14
回覆 Cliokohonda 的帖子
咁如果你小朋友是靠老師為主，當然是選師資最好既啦。家下移民潮咁勁，應該大部 ...
何解覺得b1a 夠用有餘嘅？可推介嗎？
我果堆讀開街坊小學，當然想飛上枝頭，這些年都係靠ek 前輩指點迷津，亦盼望閣下能介紹好學校比小女報考.
作者: Dylanli2017 時間: 22-10-11 12:35
回覆 hkpapa852 的帖子
你講得好岩，只不過是樓上果位唔認同讀書靠自己, dse雖然唔難，但都比小學課程難好多，如果小朋友自己領悟力好，會易讀好多，只靠學校靠老師就唸住拎5**唔是一件易事。
作者: Sing13 時間: 22-10-11 12:36 標題: 回覆樓主：
本帖最後由 Sing13 於 22-10-11 17:14 編輯
直資老師可以不拘一格選人材，可以搵母語普通話，英文既老師，有能力既老師自然會挽留，專搵做過DSE評卷既老師又得，搵外國返嚟既名校生又得，人工有平有貴，能者居之.
我覺得重本系中五中六老師就得，其他老師我都冇咩要求，只要求普教中老師普通話流利，英文老師英文流利.見過一啲退休英文老師zoom代課,遠差過外國返嚟既年輕老師.
另外五萬蚊對唔是搵食科既三大生唔錯了.
作者: Dylanli2017 時間: 22-10-11 12:38
回覆 Cliokohonda 的帖子
1A好多區都有，好多選擇呀，你邊區呀? poyau隨時都可以比到資料你。
作者: Cliokohonda 時間: 22-10-11 12:39
Dylanli2017 發表於 22-10-11 12:38
回覆 Cliokohonda 的帖子
1A好多區都有，好多選擇呀，你邊區呀? poyau隨時都可以比到資料你。 ...
冇所謂呀，主要想讀你推介的
作者: Dylanli2017 時間: 22-10-11 12:44
回覆 Cliokohonda 的帖子
當然是睇你住邊區啦。
作者: hkpapa852 時間: 22-10-11 12:46
Sing13 發表於 22-10-11 12:36
直資老師可以不拘一格選人材，可以搵母語普通話，英文既老師，有能力既老師自然會挽留，有貴有平. 五萬蚊對 ...
莫道你在選擇人, 人亦能選擇你
我諗要大部份家長接受"母語"係普通話既老師嚟教學生非中文科, 唔係咁多家長接受到
如果學校selling point係呢點, 可能係倒米
雖然我相信醫護人員之後, 政府遲早會話要輸入"大灣區教師"
作者: Cliokohonda 時間: 22-10-11 12:47
Dylanli2017 發表於 22-10-11 12:44
回覆 Cliokohonda 的帖子
當然是睇你住邊區啦。
沙田加九龍區都可以，如果你認為好的，可考慮渡江
作者: Cliokohonda 時間: 22-10-11 12:48
hkpapa852 發表於 22-10-11 12:46
莫道你在選擇人, 人亦能選擇你
我諗要大部份家長接受"母語"係普通話既老師嚟教學生非中文科, 唔係咁多家 ...
存在好耐了，一張 edu dip 任我行
作者: hkpapa852 時間: 22-10-11 12:48
Cliokohonda 發表於 22-10-11 12:47
沙田加九龍區都可以，如果你認為好的，可考慮渡江
作者: hkpapa852 時間: 22-10-11 12:49
Cliokohonda 發表於 22-10-11 12:48
存在好耐了，一張 edu dip 任我行
作者: Cliokohonda 時間: 22-10-11 12:50
hkpapa852 發表於 22-10-11 12:48
雖然此江不同彼江, "民心"妳接唔接受先?
中正死穴
作者: Dylanli2017 時間: 22-10-11 12:53
回覆 Cliokohonda 的帖子
沙田出名d我識曾肇添咋，九龍又有喇沙培正瑪利諾。poyau熟過我，佢見到呢個post就會覆你。
作者: Cliokohonda 時間: 22-10-11 12:58
Dylanli2017 發表於 22-10-11 12:53
回覆 Cliokohonda 的帖子
沙田出名d我識曾肇添咋，九龍又有喇沙培正瑪利諾。poyau熟過我，佢見到呢個post ...
曾肇添夠用？好過考直資女校？
作者: hkpapa852 時間: 22-10-11 13:00
Cliokohonda 發表於 22-10-11 12:58
曾肇添夠用？好過考直資女校？
作者: Dylanli2017 時間: 22-10-11 13:05
回覆 Cliokohonda 的帖子
離沙田唔遠都仲有鄧顯。咁好大程度要問翻你個女是咪中意女校多d，最緊要讀得開心。
作者: Cliokohonda 時間: 22-10-11 13:05
hkpapa852 發表於 22-10-11 13:00
等妳分享名校秘史呀!
前輩剛才介紹那間，話說剛開學已有一個低年級同學被同學打到塊面瘀青，果款團體比家長更要面.
作者: Cliokohonda 時間: 22-10-11 13:11
Dylanli2017 發表於 22-10-11 13:05
回覆 Cliokohonda 的帖子
離沙田唔遠都仲有鄧顯。咁好大程度要問翻你個女是咪中意女校多d，最緊要讀得開心 ...
你自己仔女讀果間呢
作者: medicine 時間: 22-10-11 13:18
Cliokohonda 發表於 22-10-11 12:48
存在好耐了，一張 edu dip 任我行
作者: Dylanli2017 時間: 22-10-11 13:23
回覆 Cliokohonda 的帖子
唔同區就無謂了。我地冇唸住主要靠學校，所以邊區1a都ok,最緊要返學方便。大家理念唔同，你覺得學校比左好大幫助你既，當然就去選你心儀果間直資。
作者: Cliokohonda 時間: 22-10-11 13:28
medicine 發表於 22-10-11 13:18
笑而不語
你又有邊間推介？靠你指路了.
作者: Cliokohonda 時間: 22-10-11 13:35
Dylanli2017 發表於 22-10-11 13:23
回覆 Cliokohonda 的帖子
唔同區就無謂了。我地冇唸住主要靠學校，所以邊區1a都ok,最緊要返學方便。大家理 ...
好啦，咁我哋試吓自行曾記啦，考唔入先去叩香島.
作者: medicine 時間: 22-10-11 13:36
Cliokohonda 發表於 22-10-11 13:28
你又有邊間推介？靠你指路了.
笑而不語的是"遠景',"真是形勢一片大好"丫.
作者: Dylanli2017 時間: 22-10-11 13:41
回覆 Cliokohonda 的帖子
我見你之前有post話想入清華北大，讀香島對入呢2間學校應該好有幫助，校長推薦。香島親中，內地人脉廣。
作者: gracelam 時間: 22-10-11 15:39
hkpapa852 發表於 22-10-11 12:46
莫道你在選擇人, 人亦能選擇你
我諗要大部份家長接受"母語"係普通話既老師嚟教學生非中文科, 唔係咁多家 ...
大灣區教授接唔接受到？
阿女話佢宜家有1科定2科嘅教授都係來自祖國。 
作者: Szetimmy0225 時間: 22-10-11 15:48
hkpapa852 發表於 22-10-11 12:24
認真的, 1A1B1C都好, 不要迷信可以靠老師反而係學校令子女提早認清 "社會現實" (乜咁都可以做老師? 乜原來X ...
非常讚同! 讀書九成靠自己!老師只是輔導! 另外朋輩同學真的影響非常大的。
作者: Szetimmy0225 時間: 22-10-11 16:06
Cliokohonda 發表於 22-10-11 13:05
前輩剛才介紹那間，話說剛開學已有一個低年級同學被同學打到塊面瘀青，果款團體比家長更要面.
...
邊間甘離譜呀？
作者: Sing13 時間: 22-10-11 16:54
Dylanli2017 發表於 22-10-11 11:12
雙學制好多時都是吸引學生讀既一種噱頭，但實際IAL同AL是咪易考過DSE?可繞過中文科? 改制前既中學AL難過而 ...
睇男定女吧，女仔叻文科，DSE有著數，男校普遍中文同通識弱.
作者: fasola 時間: 22-10-11 18:55
Dylanli2017 發表於 22-10-11 11:20
回覆 Cliokohonda 的帖子
假設上面果位仁兄所講屬實，話2個官津老師既人工等於3個直資老師既人工，直資應 ...
不過高人工唔等於教得好.
年輕會有心幾教. 直資人工編制靈活, 可以招聘多幾個教師.
學生普遍鍾意年輕教師
作者: Jean1769 時間: 22-10-11 23:13
DD仔 發表於 22-10-11 11:12
如果直資和官津嘅老師薪酬待遇差咁遠，直資老師都係騎牛搵馬，又一直覺得唔公平，佢哋點會好有心機教書及 ...
識人做AO辭職去你講的其中一間教書（佢係舊生）。呢d top school舊生好多時有情意結，可能真係為左回饋母校放棄高薪去教書
作者: 天外之人 時間: 22-10-12 10:54
本帖最後由 天外之人 於 22-10-12 10:56 編輯
honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...
直資資源一定係多,其實冇咩好稔,呢度好多人都支持直資,但係唔係用得著冇人會知,當然到高中選擇讀既範疇係多呢點會好,起碼會好過津校單一.各校老師既教學能力就............睇緣份. 都係嗰句,小朋友小學時候基礎攪得好,自然佢選邊一間中學讀都有能力.
作者: medicine 時間: 22-10-12 11:04
天外之人 發表於 22-10-12 10:54
直資資源一定係多,其實冇咩好稔,呢度好多人都支持直資,但係唔係用得著冇人會知,當然到高中選擇讀既範疇係 ...
都係嗰句,中朋友中學時候基礎攪得好,自然佢選邊一間大學讀都有能力
都係嗰句,大朋友大學時候基礎攪得好,自然佢選邊一間公司做都有能力
~~~~
係咪甘?
唔怪得超前教育大有市場
作者: Rpp 時間: 22-10-12 13:42
不太認同樓上多位嘅講法。
作者: AgapePa 時間: 22-10-12 15:19
honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...
我孩子讀直資，我可以具體講多左乜資源，當然間間唔同，其他直資學校絕對唔同。
1. 課室，全部用電子白板，直接播片，播power point, 又可以寫野.
2. Net teacher. 有大約十個八個NET. 學oral 好
3. 興趣班，幾十個班，搵外人教，人人參加兩個
4. 第三語言，可選法，西班牙，德，日，韓，手語
5. 與外他學校交流，疫情前，中一至中三，自由選擇，輪住去，人人有份
6. 出外比賽，疫情前，很多國際比賽，出外參賽。
7. 多活動：o camp， 唱歌比賽，話劇，聖誕晚會…..
8. 多獎學金，有少少錢攞番。孩子又開心。
9. 師資：老師唔一定好叻，但就無得hea 教，一唔掂就bye bye.
作者: honeybabypig 時間: 22-10-12 15:26
AgapePa 發表於 22-10-12 15:19
我孩子讀直資，我可以具體講多左乜資源，當然間間唔同，其他直資學校絕對唔同。
1. 課室，全部用電子白板 ...
好多謝你咁具體解釋我知，唔該晒
你介唔介意講係邊間學？有興趣報讀
作者: Hello_Guy 時間: 22-10-12 15:55
回覆 honeybabypig 的帖子
其實物都係假, 最重要係揀選修科, 直資同官津係天與地分別, 我問左學校話90%都可以揀選自己喜歡的科目
作者: lot888 時間: 22-10-12 16:32
本帖最後由 lot888 於 22-10-12 16:48 編輯
回覆 Hello_Guy 的帖子
見到D跨張及有古怪嘅答問，忍唔往要請教。選科那裏天與地？成績唔達標也冇問題？如果是，賽果差怎樣吸引學生？我信收費確是天與地。利申，我對直資無偏見，亦有不少朋友兒囡從小到大都讀直資，只是希望多些客觀資料，免學生，家長張來期望落空。
作者: twhkleung 時間: 22-10-12 19:32
lot888 發表於 22-10-12 16:32
回覆 Hello_Guy 的帖子
見到D跨張及有古怪嘅答問，忍唔往要請教。選科那裏天與地？成績唔達標也冇問題？如 ...
聽講官律直資選科分別較大，
如學生X，ABCD四科成績分別是［70,70,70,70］，average 是70.
而學生Y是［50，56，90，80］，平均是69.
所以X有先選科權，X選了C同D.
到Y選科時，官律开班是計quota,而CD科巳滿，所以Y同學只好選AB科。
結果是，
- X同學4科都好成績，選CD科沒問題
- Y同學只能選AB科，但其实他CD科成绩比X更好，只因average比不上X而已，
直資因开班較有彈性，Y同學应可選到CD科。
不知有否这情況？
作者: medicine 時間: 22-10-12 19:57
本帖最後由 medicine 於 22-10-12 20:32 編輯
twhkleung 發表於 22-10-12 19:32
聽講官律直資選科分別較大，
如學生X，ABCD四科成績分別是［70,70,70,70］，average 是70.
所見是級排名和科排名都會參考.
極端的例子,應該極細機會出現,多一個半個不是大問題,再者,又不是一次過選科,摸底階段已勸導使不少摸棱兩可發生改變以使整個選科符合預期(直資一樣是有限額的,只是限額條綫在哪裏而已.)
思考一下,個數學模型,一共才130人至180人(個別學校去到200餘人),選修科有幾多科?(考評局網頁:4個主科外僅僅甲類有20個選修科),每個學生可選修2-4科,可謂千變萬化.加埋M1M2.話任選個啲,似乎需要學下統計概率.直資比官津的老師多了幾多個?又有幾多個老師可以兼多科?(兼多幾科,是否又是資深或者講教有所長?),是否真係可以做到?
講開又講,M1M2以往是數學高分考生居多參與,評分亦比其他高.以後,假如當一科選修科,是否會有大量考生?及評分標準調整?(就算直資)是否會開多幾個班從而讓更多學生選到?
作者: Sing13 時間: 22-10-12 21:07 標題: 回覆樓主：
本帖最後由 Sing13 於 22-10-12 21:15 編輯
由某直資簡介會,唔會套餐式選科,每年先survey再設計適合時段課程，滿足大部分學生學習及升學需求，此安排學校要投放很多資源，但學生以後考公開考試往往表現特別好，每年都有其他band1英中學生為左選科轉校過嚟。
作者: emmyfok 時間: 22-10-12 21:36
其實，最熱門嘅科目，來來去去都係 phy chem bio econ ⋯ 讀到小六，能力同興趣越來越明顯，有人愛歷史文學，有人只看科學雜誌，有人連常識科入面嘅中史都搞唔掂，有人見到摃桿已經頭暈⋯ 其實只要自己細路有機會㨂嘅科夠多位就可以了。
另外，選校保守一點，入學後維持中上名次，選科也不用太擔心。
曾經去過一直資女校簡介會，我問佢哋 phy chem bio 有幾多位，副校長答三科夾埋超過一百⋯ 我預計阿女就算好彩入到呢間名校，將來選科都唔夠人爭，叠埋心水入地區津校算了。
作者: lot888 時間: 22-10-12 22:02
回覆 Sing13 的帖子
非常好，估計這正正是官律跟直資分別，直資這方面可能較有彈性。如果這一年很多學生想選修某科，科主任就會睇下手頭上能調配嘅資源，如果仍然不足，再計算外聘所須支出，如能抵消成本（成本須包括短暫新聘老師外，亦要墊附之前，或現行因學生流失而要继續營運的科目），之後再預測該批學生能達到的成績。如模擬結果是正數，那就開班。我想官律確是缺這彈性。但這彈性燒錢，相信不是所有直資能做到。
作者: Cliokohonda 時間: 22-10-12 22:31
Szetimmy0225 發表於 22-10-11 16:06
邊間甘離譜呀？
1A 便是皇的話，也應包括紂王吧，降罪在小學及父母吧，級頭永遠是品學兼優的。
作者: Szetimmy0225 時間: 22-10-12 23:15 標題: 回覆樓主:
吾明?
作者: kirstyau 時間: 22-10-13 07:08
本帖最後由 kirstyau 於 22-10-13 07:15 編輯
重複
作者: kirstyau 時間: 22-10-13 07:14
本帖最後由 kirstyau 於 22-10-13 10:24 編輯
自己一個津一個直，
津初中，中一中二中英數分 set 大概23至24人一組（平常33人一班），直反而冇，40人一班。
津對外課外活動都唔少，當然自己都要主動舉手。女最近參加對外JA比賽，都係同學自己組隊參加，同學一個搵一個，肯參加就有份。剛剛個暑假參加 HKFYG Leadership program都係老師問同學有冇興趣，自己舉手參加，對外面試，自己爭取sponsorship。選科 phy chem bio各開2班 ，係chem多人爭，要考頭一半以上。M1M2各一班，睇數成績，女話唔難入，不過佢冇興趣冇修。
直資一星期有半日規定必上兩項課外活動（冇收費），算係比津照顧乜都唔願參加同學。直有外語修，另外收費，留校上堂，但好抵上。另有多一個公開考試選擇，但一樣要爭成績入。
但津都可以有收費（間間唔同，應唔多要比），女間津每月要交600，高中另加幾十蚊堂費。(
好樂意比)
作者: lot888 時間: 22-10-13 08:21
回覆 kirstyau 的帖子
女英華
作者: hkpapa852 時間: 22-10-13 09:23
本帖最後由 hkpapa852 於 22-10-13 10:01 編輯
不要迷信直資選科彈性度高就一定選到心儀科目, 直資只係可多D選料組合, 唔需要套餐方式選科, 但普遍都有限制, 如個別科目有人數上限 (啫係又要睇成績囉!), 科目選修人數太少唔會開或根本學校唔會開某D科目
否則點會有名牌女直只得2班Phy? 有D直資10年嚟都無開過M1?
選科彈性度, 官津校只有最頂級個班, QC, SJC, LSC, 兩間華仁, St Mary, MSS, MCS ...... 呢D會較高, 其餘所謂出色既B1中學, 如HTC, 華英等其實都係要食套餐, 只係套餐選擇會多過級數再差D既學校
| 歡迎光臨 教育王國 (/) |
Powered by Discuz! X1.5 |