教育王國
標題: band 2-3 女孩升中出路 [打印本頁]
作者: glocatcat 時間: 22-6-2 21:49 標題: band 2-3 女孩升中出路
小朋友今年在大校讀小四，但眼見佢級成績徘徊在九十幾都應該係B2/B3的成績, 佢數學長期不合格英文也不見得很好，可能真的不太適合主流的學校。但她美術及在創作的方面比較有能力及興趣。
想請教大家在香港有哪一些的中學會比較啱女兒發展？
因為就來考試，今天同佢商量星期日要多補兩個小時數學，佢大叫大喊話星期日佢要全日休息。平時都有溫開補開的但因為仍然都不合格，所以想作最後衝刺。但看佢這個反應，哎！我實在不太想迫佢 
作者: blueski 時間: 22-6-2 22:14
如果補開數學，仍然唔合格，會唔會補習老師唔夾佢？唔夾就要轉老師。
作者: captain0tsubasa 時間: 22-6-2 23:15
和我女兒差唔多，你仲有1年時間努力，我只得1個月，唯有盡力而為(emoji)
作者: Froggy_joe 時間: 22-6-3 05:06
glocatcat 發表於 22-6-2 21:49 
小朋友今年在大校讀小四，但眼見佢級成績徘徊在九十幾都應該係B2/B3的成績, 佢數學長期不合格英文也不見得 ...
四年級仲有提升成績的空間
首先要搵到問題所在
小朋友是否有鬥心？有冇同佢講返利害所在？
另外是否平日已好多補習，令佢吃不消？（見你話星期日「補多兩個鐘數」）
其實數學唔使補好耐，補得中已經差好遠
最重要係搵到朋友邊啲topic唔識
同佢慢慢拆解
暑假其實好好用
小學四年級啲數好淺，試下同囡囡一齊努力，真係要睇住佢計（記住，唔使計得多，做一次綜合練習已經知佢唔明咩，再做針對性的練習）
我自己係咁做，小朋友的成績可以提升不少呢
至於語文，呢啲要長期浸，但短期亦有方法可以提升
但要視乎囡囡係咪有鬥心
如果由Band3升到Band2，選擇已經多好多
加油！
作者: Face3366 時間: 22-6-3 10:44
數學比較悶，要想小朋友聽得入，一定要講得生動有趣。教果陣由淺入深，建立佢嘅自信心好重要，唔識千祈咪執著。
作者: Face3366 時間: 22-6-3 10:47
其實小學嘅，好淺，如果家長真係有破斧沉舟嘅決心，相信一定可以有進步嘅。不過又如果，家長嫌麻煩，想將個包袱推俾老師，補習社，咁一定係唔會有收穫。
作者: captain0tsubasa 時間: 22-6-3 13:40
我阿囡錯的有一半係唔小心錯，其實係識計，剩扣這些也扣死，次次也同一樣錯，真係冇哂計
作者: glocatcat 時間: 22-6-3 21:55
blueski 發表於 22-6-2 22:14
如果補開數學，仍然唔合格，會唔會補習老師唔夾佢？唔夾就要轉老師。
應該唔係，因為隨左補習社外，我哋仲有補習姐姐一星期兩日上門教，佢上堂係有聽的, 但就好快唔記得。
作者: glocatcat 時間: 22-6-3 23:41
captain0tsubasa 發表於 22-6-2 23:15
和我女兒差唔多，你仲有1年時間努力，我只得1個月，唯有盡力而為(emoji)
多謝你 ！
作者: glocatcat 時間: 22-6-4 08:59
Froggy_joe 發表於 22-6-3 05:06
四年級仲有提升成績的空間
首先要搵到問題所在
多謝你嘅鼓勵！
佢係有鬥心嘅，但同時佢又自尊心很重，佢有時覺得自己唔識，好似自己好蠢，但我哋想教佢幫佢，佢又唔領情，敎咗幾次佢仲未明，佢就已經發脾氣 （我都未開始話佢），話唔使啦我自己嚟啦。
所以我只好搵人教，自己唔教，因為咁樣真係好傷感情。而對住外邊的老師佢起碼會多一份尊重。但對住屋企自己人佢就成日都發脾氣。其實佢係都好乖的，但就真係學極都唔識或好快唔記得。
佢其實係好聰明嘅小朋友。我都有嘗試同佢講道理，及成績對升中的利弊，但佢好似仲係好細唔係太聽得明，佢會覺得佢找到方法可以偷懶唔溫書係好叻，覺得要溫書好似係蝕底咗。
我同佢講，以你現在嘅成績，真係有機會會跌落去Band 3, 到時就要讀Band 3 中學啦，佢好豁達咁同我講，其實讀書喺邊度讀都一樣啫。咁又真係駁佢唔到 。
我亦都好明白有啲小朋友真係在學業並不擅長，所以我都唔想太迫佢。所以開這個貼的目的都係想睇吓其實升中會唔會有其他更適合佢嘅出路。
作者: glocatcat 時間: 22-6-4 09:01
Face3366 發表於 22-6-3 10:44
數學比較悶，要想小朋友聽得入，一定要講得生動有趣。教果陣由淺入深，建立佢嘅自信心好重要，唔識千祈咪執 ...
係呀，因為我有兩個小朋友，同佢哋跟數學時好明白有啲topic，佢個腦袋真係可能未發展到佢嗰個階段，係點教都唔明的，但係再大啲再接觸返又會好啲。
作者: glocatcat 時間: 22-6-4 09:06
Face3366 發表於 22-6-3 10:47
其實小學嘅，好淺，如果家長真係有破斧沉舟嘅決心，相信一定可以有進步嘅。不過又如果，家長嫌麻煩，想將個 ...
多謝你嘅回覆！
其實我都好理解，但因為我本身自己都要返工，而現在佢哋因為成日都會用iPad，所以一至五冇嘢做佢哋就會成日拎住個iPad打機上YouTube睇啲無聊片，咁我唔想佢日頭的時間浪費，所以我一至五都會幫佢安排晒有幾日就去補習社，有兩日就有補習姐姐上門，咁其實這個都可能係惡性巡環，因為在佢的角度佢已經全日在讀書溫習，所以當我夜晚返到屋企同佢檢查功課時，佢都唔會太想我又再拎啲功課出嚟同佢溫。因為就變咗佢好似全日都冇時間抖。
我都幾支持要work life balance，所以佢哋由細到大都會編排星期日是乜都不用做。真係休息玩等等。所以當佢知道佢今個星期日開始要再去補兩個鐘數佢就反應好大。
作者: glocatcat 時間: 22-6-4 09:08
captain0tsubasa 發表於 22-6-3 13:40
我阿囡錯的有一半係唔小心錯，其實係識計，剩扣這些也扣死，次次也同一樣錯，真係冇哂計
...
我女佢一來有唔小心錯，二來佢係唔睇題目的，可能一條題目佢睇咗一半就已經唔睇落去就做，所以好多時都係咁樣會錯。已經提過佢好多次，但佢就係好急個人
有時又調返轉有啲睇咗但佢真係又唔識做
作者: jesswu 時間: 22-6-4 10:29 標題: 回覆樓主:
請問邊區？
b2,3小朋友可選二線直資。
校風更重要
作者: 拿拿利 時間: 22-6-4 11:48
glocatcat 發表於 22-6-2 21:49
小朋友今年在大校讀小四，但眼見佢級成績徘徊在九十幾都應該係B2/B3的成績, 佢數學長期不合格英文也不見得 ...
作者: glocatcat 時間: 22-6-4 11:53
jesswu 發表於 22-6-4 10:29
請問邊區？
b2,3小朋友可選二線直資。
校風更重要
我哋係新界南
如果佢成績好D，都可以簡下李國寶、基崇呢類。但佢現在呢種成績，這些學校唔到我地簡。所以想請大家有經驗的可以分享下 。(emoji)
作者: pccw2017 時間: 22-6-4 14:43
glocatcat 發表於 22-6-4 09:06
多謝你嘅回覆！
其實我都好理解，但因為我本身自己都要返工，而現在佢哋因為成日都會用iPad，所以一至五 ...
作者: glocatcat 時間: 22-6-4 16:24
拿拿利 發表於 22-6-4 11:48
直資林大輝, 佢個服裝設計係好 top, 不過要攪好小朋友 D 英文, 另外樓主可以留意下 "創意兆基", 他們今年開 ...
唔該晒你，我都研究吓先。thank you！
作者: Mamalababy 時間: 22-6-4 17:25
如果唔介意學校係左派， 可考慮一下九龍城網直資創知中學， 我朋友仔讀緊， 佢對學校評語除左太嚴之外， 基本上都滿意， 以band2尾學校黎講， 佢校風都算ok, 係EK 既評語亦唔差， 上大學比率大概4成， 三十幾%, 不過朋友仔係讀英文精英班， 所以學校都講明會谷呢班， 聽講話好多小測，默書。其他班既情況就唔太清楚，不過朋友講校風都真係算可以， 佢仔話講粗口食煙情況唔嚴重，亦少聽， 但就係小小事就要留堂同埋被記警告，決點，可能有家長 buy 既， 不過朋友都話嚴過頭，所以要接受到佢地學校既特點先好考慮
作者: Froggy_joe 時間: 22-6-4 18:45
glocatcat 發表於 22-6-4 08:59
多謝你嘅鼓勵！
佢係有鬥心嘅，但同時佢又自尊心很重，佢有時覺得自己唔識，好似自己好蠢，但我哋想教佢 ...
囡囡有你的支持，相信一定會搵到啱自己的路
作者: Azzurro 時間: 22-6-7 08:32
你期待你小朋友以後讀大學嗎？
大概 50000 人有 15000 人考到本地大學（成績一般的話重可以考慮大陸或台灣嘅大學）
基本上唔係 band 1嘅考到本地大學機會好低
你期待小朋友以後做咩工作行業？
你小朋友一個星期幾多嘅小時睇課外書？（唔係學校嘅書）
你有冇去圖書館嘅習慣？有家長放小朋友係圖書館到晚上關門，做功課又可以睇其他書都很好
作者: chitchit0520 時間: 22-6-7 08:44
提示: 作者被禁止或刪除 內容自動屏蔽
作者: piyohk 時間: 22-6-7 12:07 標題: 回覆樓主：
本帖最後由 piyohk 於 22-10-5 08:13 編輯
作者: cy36baby 時間: 22-6-8 07:58
glocatcat 發表於 22-6-4 08:59
多謝你嘅鼓勵！
佢係有鬥心嘅，但同時佢又自尊心很重，佢有時覺得自己唔識，好似自己好蠢，但我哋想教佢 ...
同我一樣，數學都係攪唔掂
作者: worldcat 時間: 22-6-8 10:26
數感，或多或少係天生。
當然小學數學係大人眼中大部分都好易，但對小朋友就未必係。人大左，就會用日常知識去填補數感的缺憾。
唔係嚇你，但盡量小四前打好4則運算基礎。因為到小五再加埋分數運算，只會更加複雜難明。
如果家長有時間，可以試下蒙特梭利教具或類似工具，星期六日同小朋友一齊練下基本運算或用工具輔助下做文字題。
作者: chrisycy 時間: 22-6-29 22:55
阿囡BB時侯係唔係比較少爬？可能她的空間感比較弱，找多些她能做到的地方，數學那些題目比較好，讚多啲她做得好地方，係建立她去面對難題的力量。
我小時候數都好差，大大下又ok，未致于能讀理科，起碼應付到。
IiPad 直係唔好留比佢啦，這是逃避學業的東西，可免則免！
作者: amyyiu888 時間: 23-5-11 17:22
請問樓主找到適合女女的學者了嗎？
女女成績有進步嗎?
我女兒現在小四，和你女兒好相似，我女兒亦聰明但就不喜歡讀書，對書本知識金魚記性，對其他事物就好好記性
作者: 仔仔錫錫你 時間: 23-5-11 17:42
本帖最後由 仔仔錫錫你 於 23-5-11 17:52 編輯
朋友個女有學障，中數常3科長期唔合格，乘數表到現在中一都成日背唔到，英文叫好d。數用左好多個都教唔明，小朋友同導c都無心機。小6又再轉左個，有耐性，雖然小學測考都係唔合格但小朋友明顯是識做，因為佢跟本認唔到d 中文字，只要搵人讀題目就無問題（以前讀比佢都唔識）。現在中一讀英數，所有測考都合格
如果小朋友問題好似朋友咁根本認唔到中文字，數學可能要去到中學英數才有轉機，加油！
作者: lot888 時間: 23-5-13 10:00
我有同事跟以上家長相以，從閒談間，我得知家長寧在公司工作，也不想看管小朋友，叫小朋放學後去工課班自己攪掂，每月俾錢已盡責任，這刻，我真係無言，最後只拋出一問題，你願意小朋友考试前放年假倍温習，還是留年假去旅行？人對利益係會分先後次序。如果同一條問題問你，你又如何取捨？對work life balance這個字我有不同理解，人不應只顧工作，還需顧及家人及自我，時間按需要分割，作調整及全身全意投入。這個部並不適過早放在小朋友身上，令佢誤解。以上只是簡單分享，及個人睇法，無意冒犯任何人。
| 歡迎光臨 教育王國 (/) |
Powered by Discuz! X1.5 |