教育王國

標題: 升中問題…麻煩大家 [打印本頁]

作者: Hoyee2312 時間: 22-2-24 10:46 標題: 升中問題…麻煩大家

請問大家有冇試過自行兩間學校，但係兩間學校Zoom interview時間一樣，如果我打去其中一間改時間，印象係咪會扣分，收嘅機會都會好微。

作者: gracelam 時間: 22-2-24 13:51

印象分應該唔會扣, 都係睇成績排名(RO)!唔改時間就一定冇機會。

作者: ok3 時間: 22-2-24 16:28

我覺得學校俾得你改嘅話就唔會咁小氣. 況且你唔改, 就係0分冇機會.

作者: Poyau 時間: 22-2-24 17:36

唔改無機會不妨一試改時間

作者: s99667973 時間: 22-2-24 23:04

可以試打，不過我無聽過人成功改到（亦唔覺有人在此分享成功）。可能係職員怕俾呢個改, 跟住又有其他人改，咪產生好多行政工作。如果你係撞到應一應，如要取捨，梗係in 自一。

作者: tkinwong 時間: 22-2-24 23:54

可以一問，但成功機會唔大。比唔比改時間，都唔係聽電話個人話事。

作者: Rpp 時間: 22-2-25 15:12

津校唔試吓就無機會，直資協恩去年撞女拔可以改時間，影埋面試時間通知叫協恩改面試時間，唔想失去唯一嘅機會，最後協恩有offer。所以印象分無關的。

作者: lukeskywalker 時間: 22-2-25 20:22

上年囡考bps撞咗另外兩間中學，所以打去bps改時間，學校肯改，最後收咗。
唔試吓改時間，連收你嘅機會都無。

作者: 王家爸爸 時間: 22-2-26 10:24

打電話去改，如果改唔到，其實都唔需要太擔心。Zoom面試同實體面試唔同，雖然兩間學校面試時段一樣，但係時間相同既機會相當低。如果有兩部機，分別連接兩間學校，其實可以同時進行。

作者: jason1978 時間: 22-2-26 10:29

個學生好忙喎

作者: Rpp 時間: 22-2-26 10:43

只怕兩間都失敗，一場空，不是開會議呀，同時開Zoom進行兩間面試基本上態度已失分，問題答非所問，問非所答。要誠意去面試，揀唔揀讀最後咪自己再決定。

作者: 王家爸爸 時間: 22-2-26 11:42

如果人哋唔俾改，自己又做唔到，其實都無辦法，只好認命。

作者: 王家爸爸 時間: 22-2-26 11:44

對，個學生好忙，其實好睇小朋友既能力。不過如果想兩間都面試，學校又唔俾改既話，呢個係唯一既辦法。

作者: ar_mak 時間: 22-2-26 12:08

提示: 作者被禁止或刪除內容自動屏蔽

作者: Rpp 時間: 22-2-26 12:11

唯有揀一間最想讀的去面試。再睇有無機會可以敲門，不認命。

歡迎光臨教育王國 (/)