教育王國

標題: 2021升中問題 [打印本頁]

作者: 小學鴨 時間: 20-8-6 18:16 標題: 2021升中問題

本帖最後由小學鴨於 20-8-6 18:20 編輯

好驚仔仔呈一嚴重試失手(依家讀緊九龍灣聖若翰天主教小學)中文B英文B數學A常識A 全班11 全級48 唔知有冇可能入到Band 1中學語文科目全B 英文寫作攞C 全級表現都係麻麻仲有冇可能入到觀瑪個啲我覺得冇可能各位家長有冇啲咩意見今次升中會唔會比較鬆手？

作者: PTL_L 時間: 20-8-6 20:55

回覆小學鴨的帖子

以你囝囝分數及級名次，自行觀瑪係諗都唔駛諗，係咪BAND 1 POOL都未知？九聖天歷年都係約級40-50做BAND 1 / 2分水嶺。努力考好之後嘅呈分啦。

九聖天今次範圍唔多，唔算難，我識嘅小朋友全部有進步，但人地停課咁耐都冇停學，在家溫習又有繼績補習。我估你同囝囝都HEA咗好耐，一係臨急抱佛腳谷唔起？

作者: 小學鴨 時間: 20-8-7 14:05

回覆 PTL_L 的帖子

唔該分享,仔仔應該係1C-2A,如果係嘅話,應該就會揀蒙民偉或者觀官,順天之類,唔該晒分享🙏🏻🙏🏻

作者: PTL_L 時間: 20-8-7 16:08

小學鴨發表於 20-8-7 14:05
回覆 PTL_L 的帖子

唔該分享,仔仔應該係1C-2A,如果係嘅話,應該就會揀蒙民偉或者觀官,順天之類,唔該晒分享& ...

你話自行階段會揀觀瑪，順天，蒙嗎？如是，可能蒙都仲有可能，觀瑪同順天起自行階段揀就浪費咗個位喇，但自行揀蒙（有機會但好好好微）或呂郭（如果你仔仔係1c即band 1pool）又睇下甘唔甘心？
最緊要裝備好仔仔先，佢穩入band 1嘅話就可以考慮想唔想起自行離場定玩搞珠？

作者: Poyau 時間: 20-8-8 17:07

PTL_L 發表於 20-8-7 16:08
你話自行階段會揀觀瑪，順天，蒙嗎？如是，可能蒙都仲有可能，觀瑪同順天起自行階段揀就浪費咗個位喇，但自 ...

自行蒙民偉+觀官如何?

作者: PTL_L 時間: 20-8-8 17:32

本帖最後由 PTL_L 於 20-8-8 17:32 編輯

Poyau 發表於 20-8-8 17:07
自行蒙民偉+觀官如何?

呢幾年九聖天一級得130人左右（除咗今年剛畢業一級有155人左右），佢小朋友級48好大機會係1尾2頭，自行揀觀官同蒙都係博，因為唔係穩守band 1 pool。佐聖今年級20幾自行都入唔到呂郭（估唔到），後來靠搞珠入，呂郭都唔收個band 1生，更何況觀官同蒙應該唔會起自行收band 2A學生。

作者: PTL_L 時間: 20-8-8 17:53

回覆 Poyau 的帖子

我囝囝情況係佢的話，我會
呈最後一次後確定1C-2A
唔一定自行離場
自行：蒙+觀瑪
搞珠：乙一觀瑪、乙二蒙、乙三呂郭、乙四羅中

想自行離場
自行：呂郭+羅中

以上是我個人想法咋，唔好作準，級30內，穩入band 1我會進取啲，揀埋跨區，佢地今年派位都唔錯。

作者: 小學鴨 時間: 20-8-8 19:22

如果我仔仔自行填觀瑪or順天會浪費左個位的話如果自行填1.蒙 2.觀官 ok嗎？
而乙部填 1.觀瑪 2.順天 3.蒙 4.觀官 5.開始Band 2
仲有冇可能？可唔可以比啲意見！

作者: OctoberW 時間: 20-8-10 11:11

本帖最後由 OctoberW 於 20-8-10 11:12 編輯

小學鴨發表於 20-8-8 19:22
如果我仔仔自行填觀瑪or順天會浪費左個位的話如果自行填1.蒙 2.觀官 ok嗎？
而乙部填 1.觀瑪 2.順天 3.蒙 4 ...

你乙部咁填，你一定要肯定你仔仔是band1組別！如果跌了入 band 2，你咁樣填會好危險！

而且觀瑪同顺天只可放乙一，放乙二基本上已經冇位，會浪費咗乙二嘅位置！
(另外，注意返自行觀瑪band 1B 都未必穩入！)

不過你還有呈二的機會追上，叫仔仔加油努力，追上band1 穩陣位置！

作者: 煩媽你好媽 時間: 20-8-22 04:33 標題: 回覆樓主:

谷行啲考呈2，肯定是band 1再說，加油

作者: 煩媽你好媽 時間: 20-8-22 10:03 標題: 回覆樓主:

樓主，你仔考44，48，你仔就是這個位置，不算是失手，你要好好考慮自行安排，多找一些好的，合你仔性格的 1c , 2a 校，找老師問下上一年自行和派位的的結果

作者: PINK2007 時間: 20-8-26 23:35

小學鴨發表於 20-8-6 18:16
好驚仔仔呈一嚴重試失手(依家讀緊九龍灣聖若翰天主教小學)中文B英文B數學A常識A 全班11 全級48 唔知有冇可 ...

樓主，我系今年的過來人，我囝呈一系嚴重的失手，之前考2x,3x名，呈一去到5x，我心情简直跌到谷底，到呈二博命追去返2x,不過兩次呈分加埋都去唔番band 1,最後仲要冇埋呈三

，不過呈二之後已經有直資收左，心情定d！
樓主繼續努力，支持你
好彩唔使再玩升中遊戲，真系冇命

作者: PINK2007 時間: 20-8-26 23:40

小學鴨發表於 20-8-6 18:16
好驚仔仔呈一嚴重試失手(依家讀緊九龍灣聖若翰天主教小學)中文B英文B數學A常識A 全班11 全級48 唔知有冇可 ...

樓主觀塘網?如果你喜歡官瑪，我谂我唔會自行放蒙，呂郭……，返正呈分未呈完，預自行唔收，博大抽獎入
不過呈分要加倍努力，加油

作者: carven1977 時間: 20-8-27 15:52

本帖最後由 carven1977 於 20-8-27 15:53 編輯

我諗全級48讀九灣聖若翰自行報觀瑪.....真係放棄好過啦!
除非你有特別專長

歡迎光臨教育王國 (/)