教育王國

標題: 有直資Offer，去試問自行有冇機會收？ [打印本頁]

作者: FatCatCat 時間: 18-3-26 19:37 標題: 有直資Offer，去試問自行有冇機會收？

有冇人已有直資Offer，然後打電話去試問自行學校有冇機會收？

作者: kkhon 時間: 18-3-26 20:40

FatCatCat 發表於 18-3-26 19:37
有冇人已有直資Offer，然後打電話去試問自行學校有冇機會收？

咁要睇下揸住邊間offer而又去問邊間。某B1a女津校校長有曾舉個例話如果揸住女拔/SPCC取錄信來信問她，她見到咁有誠意會考慮。我覺得如果係同級甚至次級最好免問，以免招致反效果。

作者: FatCatCat 時間: 18-3-26 21:11

本帖最後由 FatCatCat 於 18-3-26 21:15 編輯

回覆 kkhon 的帖子

謝謝你的分析！

作者: FatCatCat 時間: 18-3-26 21:19

小朋友收到嘅係SPC 奬學金offer，咁應唔應該去自行學校問吓呢？
（寫信、電郵、電話、定係親身走去學校一趟問吓呢？）

作者: b3410 時間: 18-3-26 21:27

kkhon 發表於 18-3-26 20:40
咁要睇下揸住邊間offer而又去問邊間。某B1a女津校校長有曾舉個例話如果揸住女拔/SPCC取錄信來信問她，她見 ...

邊間？有冇人試過並成功

作者: kkhon 時間: 18-3-26 21:30

FatCatCat 發表於 18-3-26 21:19
小朋友收到嘅係SPC 奬學金offer，咁應唔應該去自行學校問吓呢？
（寫信、電郵、電話、定係親身走去學校一趟 ...

好視乎你自行果間的校長點定位自己學校，如果反感會5會影響日后叩門。

作者: kkhon 時間: 18-3-26 21:41

FatCatCat 發表於 18-3-26 21:19
小朋友收到嘅係SPC 奬學金offer，咁應唔應該去自行學校問吓呢？
（寫信、電郵、電話、定係親身走去學校一趟 ...

如果你真係想試就寄比校長係最直接，記得在信中留下聯絡電話。

作者: casecase 時間: 18-3-26 23:40 標題: 回覆樓主

如果官校，估計應該明示/暗示都難... （要跟足教育局規矩）
名津會唔會為左一個‘可能’會收既考生而破例透露？學校都會考慮，萬一暗示會收，但家長最後考慮完都係take 左直資咪慘...

作者: 小時了了 時間: 18-3-27 00:09

本帖最後由小時了了於 18-3-27 00:12 編輯

樓主嘅困擾，令我想起舊年呢單新聞，處境不一樣，但都係有關津校自行暗示／明示

中學面試後發信「適合就讀」家長批誤導: https://www.edu-kingdom.com/foru ... 878&fromuid=1539350
......在自行分配學位階段面試後，向家長發信稱其子女「整體表現十分良好，十分適合於本校就讀及成長」，並「分享入讀本校的最佳策略」，建議家長在統一派位將該校選為第一志願，如未能入讀也「歡迎貴子弟於放榜後申請『叩門位』」（見圖）。有收到信的家長最終兩階段都落空不獲取錄，質疑校方誤導。教育局指該校做法不恰當.... 發言人稱，中學學位分配辦法的自行分配學位及統一派位結果一向同時公布，而局方每年都向參與中一派位的中學發出相關指引，不得在派位結果公布日期前，透露自行分配學位的申請結果。.......

作者: FatCatCat 時間: 18-3-27 07:23

回覆小時了了的帖子

真心好多謝你為我解答，就係因為曚盛盛，聽人講以前有人試過，走去問自行嗰邊，所以先咁白痴寫上嚟問吓各路高人嘅意見。
唉！咁都真係要動高床板諗吓搏唔搏。

唔係唔該晒你。

作者: giveupaguy 時間: 18-3-27 07:26

小時了了發表於 18-3-27 00:09
樓主嘅困擾，令我想起舊年呢單新聞，處境不一樣，但都係有關津校自行暗示／明示

學校大體說話令人多想左，要引以為鑒。呢篇報導有提醒作用。

作者: chunchundaddy 時間: 18-3-27 07:29

小時了了發表於 18-3-27 00:09
樓主嘅困擾，令我想起舊年呢單新聞，處境不一樣，但都係有關津校自行暗示／明示

當時有關家長應該上 EK 問，如果其他家長都收到相同信件，就知道唔駛太認真

作者: little_yolky 時間: 18-3-27 17:28

FatCatCat 發表於 18-3-27 07:23
回覆小時了了的帖子

真心好多謝你為我解答，就係因為曚盛盛，聽人講以前有人試過，走去問自行嗰邊，所以 ...

其實你要諗下點解學校要為咗你破壞規矩先, 佢俾人知道都好麻煩。再者, 佢答完你, 你都要等到7月放榜。到時唔得, 你又放棄咗個直資offer, 唔通你告佢咩? 佢一定係用口講, 唔會有black and white痛腳你揸住。好似樓上講, 最後咪話你會錯意囉。我就唔會咁做, 最多係到時叩門, 攝埋張SPC offer入去俾佢哋知(不過, 叩門表應該都要填派咗邊間學校)。

作者: e2m 時間: 18-3-27 17:58 標題: 回覆樓主:

但喇叭brother會放風喎

作者: FatCatCat 時間: 18-3-27 18:34

回覆 little_yolky 的帖子

我都認同你嘅講法，學校係唔咁笨掘個氹俾自己踩！就算答最大把都係口頭囉！

作者: emibaby 時間: 18-3-27 20:42 標題: 回覆樓主:

相信冇津校會答你

作者: little_yolky 時間: 18-3-28 10:46

FatCatCat 發表於 18-3-27 18:34
回覆 little_yolky 的帖子

我都認同你嘅講法，學校係唔咁笨掘個氹俾自己踩！就算答最大把都係口頭囉！ ...

所以應該先take SPC個offer, 然後去叩門。如果小朋友夠勁, 學校有自行record就會叩到, 如果唔得, 實情自行都未必掂, 放咗SPC到時兩頭唔到岸。

歡迎光臨教育王國 (/)