教育王國

標題: band 1C 葵青&荃灣區第一階段應點選擇? [打印本頁]

作者: Cherie1975 時間: 13-12-10 23:23 標題: band 1C 葵青&荃灣區第一階段應點選擇?

今天於 11:21 PM

想請教中一第一階段自行選校，老師推薦阿仔報陳兆民＆王少清，但我朋友話王少清超難入。我考慮緊報八三总理定可風，但去到扣門階段，可風只俾中英數有Ｂ及操行Ｂ＋以上嘅学生面試，我發現原來只有極少數学生操行有Ｂ＋，阿仔係其中之一年年有Ｂ+嘅学生。咁第一階段報可風，即使唔收，扣門再報，会唔会有著數，抑或反而有反效果呢？請指教!

作者: senkawa 時間: 13-12-10 23:31

Band1C自行報可風肯定浪費機會吧！可風是band1B的，王少清只是band1C。
扣門想都不用想，可風扣門超難入！

作者: senkawa 時間: 13-12-10 23:36

不過可風有得面試，面試加活動佔五成分，有信心仍可一試嘅。。

作者: Cherie1975 時間: 13-12-11 00:26

謝謝! 那老師的推薦真的很精準了...

但聞說第一階段1C去面試1C多數唔會收, 學校會收成績更好果班先. 所以係陪跑居多. 因為1B都係入王少清咋!

得兩個位, 仲要排優先次序. 阿仔係怕羞型, 講說話唔叻, 但就好乖好純, 有學古箏, 網球, 不過唔係特別叻果隻.

陳兆民＆王少清&八三总理&可風, 你們會建議點排位?

作者: senkawa 時間: 13-12-11 09:40

如果純粹計成績優次, 1.可風 2.八三/王少清 3.陳兆民
自行建議選自己真係喜歡的, 一博無妨, 如太保守揀一間自己唔太喜歡的, 比人收左就冇左大抽獎機會!
其實大抽獎時, BAND1就是BAND1, 機會均等!

作者: moniquechoy 時間: 13-12-11 09:56

你小朋友咩成績呢?

作者: Chrisse 時間: 13-12-11 10:51 標題: 回覆：senkawa 的帖子

想請問如果荃灣區屬b1c 學生，用地址轉區返葵青選學校，band會唔同嗎？會唔會去左b2??

作者: Cherie1975 時間: 13-12-11 14:07 標題: 回覆：moniquechoy 的帖子

我个仔下五呈分麻麻，讀基慧馬湾，中常80+, 英数７０＋，全Ｂ，平均分80左右，老師評估Ｂ２Ａ。但上六就好好，中英數全部80+, 常90+，平均分有80尾，我估应係１Ｃ啩。所以先建議考陳兆民＆王少清。

作者: Cherie1975 時間: 13-12-11 14:12 標題: 回覆：Chrisse 的帖子

我都係由荃湾轉返葵青，多Ｄ英中嘛！大抽獎入英中机会都大Ｄ。老師話兩区成績差不多，我認為荃湾分分鈡成績仲高Ｄ，起碼嗡得出有名氣嘅小学已經多过葵青……

作者: Cherie1975 時間: 13-12-11 14:18 標題: 回覆：Cherie1975 的帖子

我考慮可風係因為佢唔纯綷睇成績同面試表現，仲好著重操行同体艺（佔成40-50%㗎），所以個人感覺上可能对我個怕羞仔会著数Ｄ啫，到第三階段叩門都好似超有誠意咁嘛！

作者: Jackieson 時間: 13-12-11 14:41

Cherie1975 發表於 13-12-11 14:07
我个仔下五呈分麻麻，讀基慧馬湾，中常80+, 英数７０＋，全Ｂ，平均分80左右，老師評估Ｂ２Ａ。但上六就好 ...

B1C/B2A 最怕邊緣人, 知道名次嘛?

作者: Chrisse 時間: 13-12-11 16:34 標題: 回覆：Jackieson 的帖子

我女都係邊緣人。。。而家頭都痛埋

作者: Cherie1975 時間: 13-12-11 16:37 標題: 回覆：Jackieson 的帖子

６上未知呀，不过阿仔話应該会幾好，因為好多同學退步咗喎～就係因為係边缘人，又唔係醒目型，又怕醜，所以先好買佢怕。

作者: moniquechoy 時間: 13-12-11 16:44

有朋友仔讀陳兆民, 聽說都要全A, 自行才有機會, 所以自行陳兆民機會不大. 另王少清都是看成績, 同樣自行機會不大.

另分數都不是大影響, 要看全級排名, 唔知小朋友全級排名如何? 如果老師話是BAND 1, 都可試陳兆民.

作者: Cherie1975 時間: 13-12-11 17:10 標題: 回覆：moniquechoy 的帖子

排名五上全级７４（全級１５４人），都有Ｂ２Ａ，只係馬湾基慧本身成績好，头６０幾都Ｂｌ了。

作者: kayeetoby 時間: 13-12-12 10:29

請問五年級呈分，中81，英75，數88，常90。六年級中90，英85，數96，常86
有游水同奧數，有參加泳總比賽冇獎，同參加奧數比賽銅獎，自行想第一選李兆基，第二荃灣聖芳濟，機會大嗎？

作者: baba3506 時間: 13-12-12 10:58

回覆 kayeetoby 的帖子

妳要清楚自行選校時唔係睇分數高低，而係教署根據每所小學的學術水平，然後決定每所學校有幾多百份比嘅Band 1學生，例如學校每級100人，有3成是Band 1生，即30人，如果妳的子女在全級排30，科科都60分，他/她仍是Band 1學生。反之，如果佢排31名，科科9字頭，佢都只係Bad 2生。
所以必須知道佢間學校約有百份之幾係Band 1生，自已又排第幾，然後才能評估子女屬Band 1頭、中或尾，在自行階段才能作出正確的選擇。

作者: dobbybabie 時間: 13-12-12 14:27 標題: 引用：請問五年級呈分，中81，英75，數88，常90。

原帖由 kayeetoby 於 13-12-12 發表
請問五年級呈分，中81，英75，數88，常90。六年級中90，英85，數96，常86
有游水同奧數，有參加泳總比賽 ...

就咁看你仔成绩自行李兆基成功率很低,但第二你選聖芳济(我估聖2B)又很大機會入,入咗没仇報的哦,如果在Band1池可抽奖入李都有機會

作者: calipama 時間: 13-12-12 15:46

經驗分享 ~ 自行BAND 1 學校, 操行B+,班長,風紀,朗誦隊,合唱團..呢D 真係基本野, 大部份應徵者都會有,(如果係全港性比賽三甲就唔同)
學校其實最主要都係睇學生學業成績的!

作者: moniquechoy 時間: 13-12-12 16:23

回覆 calipama 的帖子

非常同意! 基本上個個小朋友都一大堆公職在身, 唔係潑大家冷水, 只係大家真係未見識過咩叫做"特異功能", 有邊個唔係風紀, 班長呢?

作者: Cherie1975 時間: 13-12-13 18:22 標題: 引用：回覆+calipama+的帖子非常同意!+基本上個

原帖由 moniquechoy 於 13-12-12 發表
回覆 calipama 的帖子

非常同意! 基本上個個小朋友都一大堆公職在身, 唔係潑大家冷水, 只係大家真係未見識 ...

我个仔咪乜都冇囉～

歡迎光臨教育王國 (/)