教育王國

標題: 如果學校說篩選出來有得面試的學生 ...... [打印本頁]

作者: TracyC 時間: 13-3-25 15:59 標題: 如果學校說篩選出來有得面試的學生 ......

如果學校說篩選出來有得面試的學生 , 面試既老師係唔知呢位面試同學的成績排名, 以公平來取錄 , 即是甚麼意思 ?

作者: ohnono 時間: 13-3-25 16:26

TracyC 發表於 13-3-25 15:59
如果學校說篩選出來有得面試的學生 , 面試既老師係唔知呢位面試同學的成績排名, 以公平來取錄 , 即 ...

有兩種可能：第一種是分開兩組唔同的老師，面試的老師只專注面試和給與面試的分數。最後還會加埋學業和操行的成績落去。但比例是多少，沒見你提及。

第二種是將學業和操行的成績先用作評核，然後揀選出進入面試的名單。然後同學的取錄與否就單憑面試的表現去決定取錄與否，而不會重新將學業和操行的成績計算在內。這種方法對面試好的同學有好處。

如果以公平來說，第一種方法看似較公平，因為係睇晒所有成績，包括學業、操行和面試。而面試又係以第二組老師處理，減去先入為主的感覺。但只是奇怪為何沒有面試的評分比例。

作者: TracyC 時間: 13-3-26 09:30

真係唔知 ? 我問回仔面試過程, 佢話面試老師好似知佢活動的資料而問佢有關問題. 面試老師還 mark 幾part 分在文件中

作者: 憫父 時間: 13-3-26 09:37

理論上，所有中學都會響中學概覽度列明中一入學申請時的評分準則，不過到實際面試時會唔會跟評分準則黎評核就唔肯定。

所以，理論上家長可以響中學概覽度知道各校既評分準則。

e.g.
http://chsc.hk/ssp2012/sch_detai ... ct_id%3D1%26page%3D
請參看「中一入學」

作者: 憫父 時間: 13-3-26 09:41

我估大部份學校都係睇成績次第、學校成績、操行、班主任評語、面試表現，黎決定入學名單

作者: 憫父 時間: 13-3-26 09:42

如果學校係用 group interview 的話，我估好少會問有關學生的課外活動及獎項等問題。

作者: TracyC 時間: 13-3-26 10:28

一日考兩 part , 一part 單對單 , 見老師填了幾part 分, 另一part 考小組討論是另一面試老師見只是填一part 分真係唔知佢點選學生

作者: TracyC 時間: 13-3-26 10:43

參考了你憫父  提供其中
中一入學  :
中一收生比重：
申請學生成績次第名單20%、校內成績15%、面試表現  30 %、操行及考勤10%、小學的評語10%、課外活動、服務及獎項15%。

但我報以上咩都有但是沒有  呢一項面試表現 %

作者: TracyC 時間: 13-3-26 12:52

可能我表達得不清楚了, 應該學校是以中一收生比重：
申請學生成績次第, 校內成績, 操行, 課外活動, 服務來篩選同學面試

面試後會用那方面來計分去取錄學生 , 我就不知

作者: mrs.so 時間: 13-3-26 13:46

本帖最後由 mrs.so 於 13-3-26 13:48 編輯

我想分享我仔上星期面試情況...

呢間中學講明參考次第名單才邀面試, 面試當日係以姓氏排列面試先後次序, A至Z, 所以可能有好多組都會同姓氏,

面試形式--

PART ONE---先閱讀中學所派既英文文章, 及後與老師全英文單獨面談和圍繞英文文章內容問問題

PART TWO---五個人廣東話小組討論, 包括時事題目及介紹自己在小學內參與之校隊

小組討論:
有學生面試後講題目包括 : 如果你係多拉A夢你會做咩, 如果你係校長會處理邊樣校務, 我仔題目係: 點睇子女殺父母, 我當睇我仔講之後當場O咀...

另外, 有學生面試後講小組討論係輪流表達意見, 但我仔話佢個組係搶答

總括: 任何面試形式都不重要, 因為無完全一樣既面試形式, 有些搶答, 有些輪流, 無絕對既公平及不公平, 所以平常心面對

作者: ohnono 時間: 13-3-26 13:51

TracyC 發表於 13-3-26 12:52
可能我表達得不清楚了, 應該學校是以中一收生比重：
申請學生成績次第, 校內成績, 操行, 課外活動, 服務 ...

一般都會列出面試所佔的比例，或用文字交代。
就算有兩次面試的，如林護都有清楚列明：

第二次面試的成績都只是佔總分的40%，其餘60%都會保留用回第一次面試後用作篩選的分數，只不過到第二次面試後，第一次用作篩選進入面試的分數所佔比例會縮減為60%。即是第二次面試的重要性加強了，但仍保留著甚麼教局次第名次、操行、課外活動等的影響力。

好少會到面試時就取消晒全部以前的分數，單憑面試的分數去定高低。如真的有這情形，日後那些成績好但面試唔強的學生就會離棄你，到時學校搵唔到那些讀書成績好的同學再來，等同自己縮減學生的來源。只會在某些受歡迎的band 1頭學校中，來得報名的全是叻仔叻女，經過篩選後進入面試的就好大程度上會大家分數好接近，理論上只有這樣才有機會100%靠面試分數去分別。

最緊要就係有得面試姐，既然有得面試，就有機會扭轉乾坤。所以唔好諗咁多，常存在希望總好過無希望，得與唔得都好，都係要等7月才會知曉，做好眼前的功夫要緊，就算面試唔得，大抽獎都一樣有機會進入一間合適而好的學校！

作者: TracyC 時間: 13-3-27 08:44

這間中學篩選 150 個 , 同得一次面試機會, 沒寫面試佔幾多 ?
無論點, 這自行階段都告一段落. 多謝 ohnono 和憫父解答

歡迎光臨教育王國 (/)