教育王國

標題: 呈分試一問 [打印本頁]

作者: cclbaby 時間: 13-3-15 12:18 標題: 呈分試一問

小兒呈分的 GRADE 是:-
第一次是中 B, 英 A, 數 A, 常 B
第二次是中 C, 英 A, 數 A, 常 A
請問是份是 BAND 2 頭？

作者: DadDad 時間: 13-3-15 12:57

單從你給的資料是不能決定banding的，因為：
1. 不同學校給grade的準則不同；
2. 不同學校的水準也不同。
要知道大約的banding，只有請老師幫你估下。

作者: cclbaby 時間: 13-3-15 13:24

回復 DadDad 的帖子

但有些家長說去年老師估錯了, 所以選錯學校。因此我也很擔心估錯 BANDING, 希望各位可幫幫忙﹗

作者: 憫父 時間: 13-3-15 13:48

我問過老師，佢地話每個學生升中一時都會響註冊中學考分班試，份卷係教育局提供，學校會將學生成績上報，教育局會檢查呢班學生黎自邊間小學，然後會透過成績黎決定各間小學既水平，以後用黎調整呢班學生既師弟師妹既呈分成績。

所以淨係用校內成績決定唔到 banding，要經過教育局調整過。

作者: 憫父 時間: 13-3-15 13:51

不過.........以前 d 家長點知老師估錯成績，選錯學校？

作者: 憫父 時間: 13-3-15 13:55

如果同網中有幾間學校既學生響分班試進步左，自己間學校無進無退，派到入 band 1 學校既機會就會下跌，老師都好難估得完全準。

作者: 憫父 時間: 13-3-15 13:58

所以有好 d 小學會響分班試前讀學生返學校操練點考分班試，目的唔係要幫學生入中學精英班，而係要幫小學下年多 d 人入到 band 1 學校，保住自己既飯碗，唔駛咁易俾人殺校。

作者: MC1128 時間: 13-3-15 14:00

cclbaby 發表於 13-3-15 13:24
回復 DadDad 的帖子

但有些家長說去年老師估錯了, 所以選錯學校。因此我也很擔心估錯 BANDING, 希望各位可 ...

沒有學校資料,單說Grade,是談不出所以然

作者: Chunyan 時間: 13-3-15 14:02

其實大家都系估計,不過老師掌握以前的同學成績及派位,相對估得準D

作者: ohnono 時間: 13-3-15 14:21

老師一係唔估，要估的話，要用兩隔年的成績去調整已經相對較中肯，好少大上大落，加上以往的派位情況，錯的機會唔係咁高。除了有直屬中學或一條龍的小學要小心老師會刻意將band 1尾2頭的同學說高和將band 1頭同學說低之外，其餘的通常會係家長唔信小朋友會咁差，所以唔信老師講的就較普遍。

作者: laips 時間: 13-3-15 14:39

回復 ohnono 的帖子

點解老師會將band 1尾band2頭講高D，如果我係band1尾band2頭米好大件事

作者: lau 時間: 13-3-15 14:47

最基本3科合格,可以進取些

作者: ohnono 時間: 13-3-15 15:12

本帖最後由 ohnono 於 13-3-15 15:16 編輯

laips 發表於 13-3-15 14:39
回復 ohnono 的帖子

點解老師會將band 1尾band2頭講高D，如果我係band1尾band2頭米好大件事 ...

等你地可以放心上直屬中學或一條龍的中學。這班學生一般都是屬於全港頭40%之內，對於學校能否繼續保持以全英語授課係有直接關係。學校為了要收足所有直屬位，對這班同學是極重視，希望他們留底。若將他們說成是或將事實講出來是band 2的話，有部份同學會因為要等band 1派完，餘下的學位才輪到他們抽，變成機會不大，還要跟其餘band 2中、尾的同學一起競爭，倒不如在外面找一間band 2頭的學校還更有保險。
所以一般有直屬中學的學校，老師會適當地說出有那些同學是機會大，好等機會細的同學知難而退，從而達到保持收生水平的目的。

我又唔覺得咁係好大件事，我覺得重好添，老師先做一輪犀選，加大了機會進入band 1直屬中學的保証。問題係你喜唔喜歡自己的直屬中學，只有一心離開直屬中的同學，又誤將band 2當band 1的才是問題。所以有直屬中的同學真的要好小心。

作者: cclbaby 時間: 13-3-15 15:15

回復 lau 的帖子

我朋友的女讀另一間學校, 老師說佢女係 band 2頭, 佢老師都說叫佢女可試 band 1尾的學校, 咁點解呢？

作者: cclbaby 時間: 13-3-15 15:19

回復憫父的帖子

因去年家長說佢小朋友一向都係考全級頭 11-20名內的，老師說佢小朋友是 band 1 學生, 但點知派了 band 2 頭學校呢？所以是否老師說錯了？

作者: ohnono 時間: 13-3-15 15:23

進唔進取呢，好睇你小朋友所屬學校的區域和以往跨區派位的成功率有幾高。校網好，學位多的話，自行唔得都唔驚，還有大抽獎慢慢玩的話，進取一點無妨。另外，最好唔好睇成績，從來呈分和banding的分配以學校的名次來做基本的準則，再經教局左調右較之後，點樣為之高、點樣為之低已經變晒形。最好睇番以往的派位歷史來作依據。

作者: 憫父 時間: 13-3-15 15:25

我教會既小朋友有好多讀同一間港島區小學 (呢間小學學業水平唔錯，口脾好)，佢地升中選校時，班主任會叫頭果幾十名學生揀佢地響九龍既聯繫中學，話果間學校係 band 1，口脾好，不過佢地入讀左果間中學後，我見到佢地名次唔係太差，但學業水平就麻麻，英文同數學都好一般，問佢地覺得間學校點，佢地都剩係講同學響上堂時點樣唔聽書，點樣「寸」d 老師，唔多聽到佢地讚學校。

作者: chun媽 時間: 13-3-15 15:26

以今年的小六學生為例,是以2010及2012的中一入學試成績計算的,而有關數據早已去年10月或以前送給小學,所以,學校是有相關banding的數據

作者: laips 時間: 13-3-15 15:27

回復 ohnono 的帖子

請問小女九龍城校綱，第二次呈分完左，老師謐我女係中間3分1的頭差小小就頭3分1，我問即係band幾，老師吾肯答，如果係band1我想選第二間，但係邊原人就留底，你可否比D意見我

作者: cclbaby 時間: 13-3-15 15:38

回復 chun媽的帖子

請問是用 2010 及 2012年兩年嗎？但點解會選 2010 及 2012年？ 2011年呢？

作者: 憫父 時間: 13-3-15 15:38

Band 1 學校中下成績的學生能力可能同 band 2 學校中上的學生相若，但我見到 band 1 學校中下成績的學生成日覺得自己差唔及人，band 2 學校中上的學生成日俾老師讚，做俾好多表現機會俾佢地。

結果，我見到好多 band 2 中上成績既學生入大學，表現自信，見到好多 band 1 中下成績的學生入唔到大學，覺得自己唔及人 (佢地早就唔記得自己曾經係當年升中派位時最叻果頭三份一人)

係咪真係一味追求 band 1 中學？還是揀一間有教育質素，校風好既 band 2 學校？

作者: cclbaby 時間: 13-3-15 15:40

回復 ohnono 的帖子

如用以往派位資料來參考, 請問用多少年來參考好一點呢？上年加前年兩年足夠嗎？但上年是龍年, 可以作準嗎？

作者: cclbaby 時間: 13-3-15 15:43

回復憫父的帖子

我同意你的說法, band 2 頭我都係會考慮, 但可惜我唔知自己小朋友的 banding, 所以很難選校呢？

作者: laips 時間: 13-3-15 15:54

回復 cclbaby 的帖子

我都好同意其實我地只係想清楚知道死都要知自己點死

作者: cclbaby 時間: 13-3-15 15:56

請問有冇高人可指點一下呢﹗謝﹗

作者: ohnono 時間: 13-3-15 16:01

laips 發表於 13-3-15 15:27
回復 ohnono 的帖子

請問小女九龍城校綱，第二次呈分完左，老師謐我女係中間3分1的頭差小小就頭3分1，我問 ...

老師唔肯答的原因不外乎因為係邊緣人，都唔知話比你聽係當band 1好定band 2。Band 1又驚比太多希望家長，Band 2又會令你失望，好多家長都唔敢信信亦唔會信。但奇就奇在老師會以3份1來做準則，一般老師會好直接說出大概是band 幾，band 1就band 1、band 2就band 2、邊緣就邊緣。真係好少會用3份1來做準則，又有幾多家長會明這個1/3呢。
不過如果是我自己，我估計是band 2的機會都好大了。

第一，老師好清楚用3份1的話，即是老師是好清楚表明入不了頭3份1的band 1，連邊緣都費事講。

第二，上年九龍城區有大約千五個band 1組別的學生，但今年人數減少了400多，即是連頭3份1的cut off line都推前了差不多百多個名次，因此我估計屬band 2的機會都幾大。

但話雖說今年少了band 1組別的同學，但九龍城區的band 1學額相對變多了，成功率亦相對增加。如果以倍數增長的機會率去考慮，既然band 1同學的機會增加，好自然對這班同學的進取程度又會增加，說不定在自行時已走晒去其他名校林立的區域。所以有機會連band 2的同學都有機會可以抽進band 1尾的學校。

作者: laips 時間: 13-3-15 16:27

回復 ohnono 的帖子

好多謝你的意見，好多家長投訴左先肯講3分1，講左等如無講你仲講得清楚、band2我都吾會向外走為有翁係自己中學

作者: ohnono 時間: 13-3-15 16:38

laips 發表於 13-3-15 16:27
回復 ohnono 的帖子

好多謝你的意見，好多家長投訴左先肯講3分1，講左等如無講你仲講得清楚、band2我都吾 ...

這個3份1先至可圈可點！夠竟老師係指本區的全部學生排列之後的3份1，還是有意無意去指出學校全部升中同學中有3份1是band 1學生？還是學校連3份1的名額是屬於band 1都沒有，所以才會這樣說！

作者: chun媽 時間: 13-3-15 17:30

cclbaby 發表於 13-3-15 15:38
回復 chun媽的帖子

請問是用 2010 及 2012年兩年嗎？但點解會選 2010 及 2012年？ 2011年呢？

這點我也不清楚,是學校告訴我的

作者: khmama 時間: 13-3-15 21:57 標題: 引用：回復+chun媽+的帖子請問是用+2010+及+201

原帖由 cclbaby 於 13-03-15 發表
回復 chun媽的帖子

請問是用 2010 及 2012年兩年嗎？但點解會選 2010 及 2012年？ 2011年呢？

呢個係教育局嘅規則，會隔年取分班試成績去調整呈分試，而且會攞最近兩次抽樣嘅樣本，所以2013年同2014年都會攞2010年同2012年嘅樣本.

作者: chun媽 時間: 13-3-16 17:17 標題: 回覆：khmama 的帖子

我有點不明白。為何2013 及2014年的band one 人數都是用2010及2012年的中一入學試成績呢?

作者: ohnono 時間: 13-3-17 00:35

chun媽發表於 13-3-16 17:17
我有點不明白。為何2013 及2014年的band one 人數都是用2010及2012年的中一入學試成績呢?

...

教局只係用2010和2012的PreS1平均成績來計算出小學的調整分，跟人數沒有直接關係。當有了調整分，學校會跟據呈分試的成績出來的名次再用調整分去處理後才會用作計算banding。

作者: hkangel89 時間: 13-3-17 00:53

本帖最後由 hkangel89 於 13-3-17 00:54 編輯

回復 cclbaby 的帖子

其實影響大抽獎結果的因素很多，不是只以名次便是十拿九穩，隨機號碼、所選學校是否多人選等很多複雜因素都會影響結果，所以不可以說是老師估錯，因老師都只是根據數據及經驗推斷，不會有必然把握的。

作者: chun媽 時間: 13-3-17 08:34

khmama 發表於 13-3-15 21:57
呢個係教育局嘅規則，會隔年取分班試成績去調整呈分試，而且會攞最近兩次抽樣嘅樣本，所以2013年同2014年都 ...

我的問題可能欠清晰,我是奇怪為何2014跟2013同樣都係用2010及2012的中一入學試的樣本?我以為2014是用其他年份的樣本.

作者: hkangel89 時間: 13-3-17 10:53

chun媽發表於 13-3-17 08:34
我的問題可能欠清晰,我是奇怪為何2014跟2013同樣都係用2010及2012的中一入學試的樣本?我以為2014是用其他 ...

這只是EDB用的方法：2010及2012對某些人來說只一個年份，冇任何重要意義，正如小班定義，21人才是少，抑或33人便己是小班。

作者: 春卷 時間: 13-3-17 12:06 標題: 引用：Quote:khmama+發表於+13-3-15+21:57+呢個係

原帖由 chun媽 於 13-03-17 發表
我的問題可能欠清晰,我是奇怪為何2014跟2013同樣都係用2010及2012的中一入學試的樣本?我以為2014是用其他 ...

好像為了減低學生壓力，不是年年考，所以不是年年有新成績用。（有錯請指教）

作者: khmama 時間: 13-3-17 12:26 標題: 回覆：chun媽的帖子

2013年9月入學嘅考生，最近嘅分班試樣本係2010年同2012年. 2014年9月入學嘅考生，最近嘅樣本都係2010年同2012年，因為2014年嘅分班試7月先考，用唔到嚟調整2012/14年度考生嘅呈分試.

作者: cclbaby 時間: 13-3-18 13:32

回復 khmama 的帖子

請問是否 2013年入讀小六的學生是用 2010年及 2012年的分班試成績來計算 banding 呢？

作者: khmama 時間: 13-3-18 17:52 標題: 回覆：cclbaby 的帖子

冇錯.

作者: 安格斯媽媽 時間: 13-3-19 18:43

cclbaby 發表於 13-3-15 13:24
回復 DadDad 的帖子

但有些家長說去年老師估錯了, 所以選錯學校。因此我也很擔心估錯 BANDING, 希望各位可 ...

我上年都擔心老師估錯他不是b1，但結果令我驚喜，他剛是頭三分一最後五個，學校水平只屬中等，抽奬結果已証實無錯，入了第一志願，我老師沒有講banding，他建議選第一組別放一、二志願，跟著排b2，當時我沒有理會有無估錯，真係抱著抽獎心態同信老師
边緣人試一至兩間不要太進取，萬一估錯都不會太差，但最主要校網是否有足夠b2位作保險線

作者: fa_fa 時間: 13-3-21 15:47

想請教如果小兒是1b的學生, 是否選1c或2a的學校較穩固,
或是band1的學生不論是a/b/c,都是一樣, 要選2a先穩陣呢?
因我不想太進取, 希望小朋友能在校有滿足感和成功感!

作者: 安格斯媽媽 時間: 13-3-21 18:35

本帖最後由安格斯媽媽於 13-3-21 19:50 編輯

作者: khmama 時間: 13-3-21 18:50 標題: 回覆：fa_fa 的帖子

你要同兒子先有個共識，唔好太一廂情願. 你要了解仔仔係遇强愈嘅人，定是缺乏自信嘅人. 還有是否容易受人影響而失去動力. 另外派完位仲要受得住其他人嘅說話.

作者: 安格斯媽媽 時間: 13-3-21 19:48

回復 fa_fa 的帖子

正常情況下後者會較穩陣,統一是將所有b1生一起處理,依隨機編號派位,若選第二組別學校,少第一組別生選,若隨機編號後也會獲派;若選1c校未必穩陣,要視乎你區是否熱門或是否有足夠b1位,有些區嚴重不夠b1位,或有些區只有b1位但又甚少b2位的,要看你的校網才可決定
b1校有較好的學習氣氛未必讀得辛苦的,但b2校可能谷但學生未必受會更唔開心,要了解清楚所選學校,我仔讀b1比b2尾學校輕鬆,但成績當然未必及他人,現在他的情況英文教授科目比中文教授科目好,成績雖然麻麻,但現在選擇是適合他的

作者: lucia6119 時間: 13-3-22 00:18

想問自選的2間學校是否只CONSIDER 第1 和第2 次呈分 , 如果第3 次呈分試失手..是否會影響自行..

作者: ohnono 時間: 13-3-22 00:56

lucia6119 發表於 13-3-22 00:18
想問自選的2間學校是否只CONSIDER 第1 和第2 次呈分 , 如果第3 次呈分試失手..是否會影響自行.. ...

若計呈分試來說是第一和第二次的呈分試會影響教局的排名次第之外，但中學還要家長呈上兩次呈分試的成績表，甚至連同五年級上學期，有的甚至要求四年級的成績表都要附上。

作者: hkangel89 時間: 13-3-23 00:09

lucia6119 發表於 13-3-22 00:18
想問自選的2間學校是否只CONSIDER 第1 和第2 次呈分 , 如果第3 次呈分試失手..是否會影響自行.. ...

一般來說，第三次呈分(即六年級下學期)時，中學已將自行所取錄的名單交了給教局，故第三次呈分成績對自行冇影響，但對大抽獎及叩門則仍有影響。

作者: cellon 時間: 13-3-23 00:24

lucia6119 發表於 13-3-22 00:18
想問自選的2間學校是否只CONSIDER 第1 和第2 次呈分 , 如果第3 次呈分試失手..是否會影響自行.. ...

自行的兩間學校，由於時間上的原因，是看不到第三次呈分試的成績的，故沒有影響。

第三次呈分試只會影響：

(1) 大抽獎。（但大抽獎只考慮Banding，若第三次呈分試的進／退步不導至升／跌Band，便沒有影響）。

(2) 叩門。叩門要交成績表，所以理論上六年級的所有考試都有影響。

作者: littlegreenluk 時間: 13-3-23 11:01

cellon 發表於 13-3-23 00:24
自行的兩間學校，由於時間上的原因，是看不到第三次呈分試的成績的，故沒有影響。

第三次呈分試只會影響： ...

真係好擔心呀 !

作者: cclbaby 時間: 13-3-26 15:09

khmama,

你好。請問有沒有 2013-2014 年九龍城 band 1 資料？

作者: ANChan59 時間: 13-3-26 17:46

本帖最後由 ANChan59 於 13-3-26 17:46 編輯

升中呈分試的校內名次是如何以標準分排列

http://www.edu-kingdom.com/forum ... &fromuid=107125[/url]

It's a classic...

歡迎光臨教育王國 (/)