教育王國

標題: 學樂器有幾大優勢? [打印本頁]

作者: 蒜蓉 時間: 12-5-22 12:08 標題: 學樂器有幾大優勢?

小朋友只係小一,只係學鋼琴,無學管弦樂. 其實樂習樂器除了天份,亦要花大量時間去練習,學校本身無硬性規定一定要學樂器,咁我想知,其實學樂器對升中有多大影響?唔學係咪真係好洩底?因為我小朋友興趣一般,與其花大量時間落樂器身上,係唔係應該將時間分配落讀書會更有效? 因為俾你用心練習,可能去到小六,一般情況下都只可以考到五級,咁其實對考中學有咩優勢,因為可能個個學生都有依d級數? Thanks!

作者: miffy 時間: 12-5-22 12:54

提示: 作者被禁止或刪除內容自動屏蔽

作者: CrabPincers 時間: 12-5-22 13:12

除非學到可以係公開賽拿獎，校際不計，又係冷門樂器，如果純為升中而有目的去學樂器，不如將時間放係看書身上好過。。。。

成績大過天，除非真係好特異功能，但憑特異功能入到去，成績又不得，當你追成績時，特異功能又慢左，變左無左個人優勢，到時又會點呢？

作者: presents 時間: 12-5-22 13:17

提示: 作者被禁止或刪除內容自動屏蔽

作者: k_0530_a 時間: 12-5-22 13:28 標題: 引用：除非學到可以係公開賽拿獎，校際不計，又係

原帖由 CrabPincers 於 12-05-22 發表
除非學到可以係公開賽拿獎，校際不計，又係冷門樂器，如果純為升中而有目的去學樂器，不如將時間放係看書身 ...

讚成講法，成績首要，有成績可抽B1學校，成績未到B1,特異功能又攞吾到全港獎，想考B1都幾難。就算真係有B1學校收，小朋友個底打得吾好跟吾上，到時又要交異能成績，兩頭吾到岸。如中學階段冇左動力及目標.........

作者: CrabPincers 時間: 12-5-22 19:21

其賓想知校際有無用
求其是但入一間小學, 看下學生獎項, 看下每年校際拿到獎的名單水蛇春甘長, 就知道有無用啦....................

作者: marcuscyrus 時間: 12-5-22 19:28

回復 CrabPincers 的帖子

校際有幾個class 的獎比較有睇頭12歲以下concerto/junior exhibition

作者: JustAParent 時間: 12-5-23 08:47 標題: 引用：升中除了成績好外,+好多名校都要求有獎項:+

原帖由 miffy 於 12-05-22 發表
升中除了成績好外, 好多名校都要求有獎項: 體育或者音樂

無辦法, 個遊戲係咁玩 ...

其實都是家長的迷思，一廂情願，基本上家長數得出的名校，我孩子都有師兄師姐同學考到，許多還不是音樂運動普通但學術成績好，當然，學校永遠歡迎有學術以外獎項的學生，但邏輯上看不到是必須的。

作者: miffy 時間: 12-5-23 09:03

提示: 作者被禁止或刪除內容自動屏蔽

作者: marcuscyrus 時間: 12-5-23 10:09

回復 JustAParent 的帖子

這也正是我常常推卻學生為了升中而狂報比賽和考試的原因首要還是成績，讀好書，有閒余時間玩下無妨，報了名又常推說學校溫習很忙，兩頭唔到岸
有時家長聽聞某學兄學姐被名校取錄，而他又有學某種樂器，誤以為名校是因為該樂器取錄他，實情人家成績名列前矛份人又淡定。

作者: CrabPincers 時間: 12-5-23 11:50

miffy 發表於 12-5-23 09:03
我download過名校申請表看過, 其中課外活動一欄不是要填學緊咩和幾多級, 係填有咩獎如果無獎, ...

無填吾=吾駛報，有就係錦上天花，無，亦吾會吾比你報，如果係琴的獎，又看下間學校當吾當係獎啦，小提琴，同琴，好多學校都不當是樂器，起碼我女間學校就吾當先，但講到底，當年填form 時，副校都話過佢地有一套評分標準，乜野係豬肉獎，乜野係真係獎，佢地心裡有數
我不會以為，成績同一張cert 佔同樣比例，除非間中學好缺呢本樂器的學生

作者: CrabPincers 時間: 12-5-23 11:52

我女當年都無乜野填，得幾個作文獎，標語創作，同校際的豬肉獎。。。。。

作者: ABC-DAD 時間: 12-5-23 12:27

任可課外活動要興趣行先，小一生俾佢試唔同嘅活動係為身心健康發展，不過時間分配要己學業做核心，真係唔使專登為升中去學，佢有興趣會自發去練，會成為終身愛好。學樂器要時間，一係長時間浸，升左中至見功力，較為可以兼顧學業，一係谷行佢考音樂試，小學前要有成績，不過要把握得好要付出好大，值唔值要諗清楚，因為就算入到心儀B1好學校都重有好長嘅路要行。有個"笑傲江湖"嘅爛 GAG好似係咁講嘅，

欲練神功(葵花寶典)，揮劍自宫，...到秘級最後一頁係咁寫，[ 如不自宫，也可成功]。

:surprised :有時有D方法唔好人做你又跟。正如運動有益身心，小朋友身心健康自然有好嘅發展，不過父母自己決定啦，始終你係最有權嗰個。

作者: 蒜蓉 時間: 12-5-23 12:41

多謝大家意見!

其實我覺得亞仔音樂細胞一般,一開始佢學開鋼琴,所以有得佢繼續學,無諗過用黎考中學,只係希望可以陶冶性情,多一d興趣!但當周圍朋友都話"學鋼琴?無用架?快d轉學管弦樂啦!",我就感到很frustrated,當初都唔係為左考中學而學,如果過幾年佢無興趣或學業兼顧唔到,我都會由得佢quit,但peer group pressure令我又自問,我有無做錯決定,有d驚,因為我亦無經驗!

作者: JustAParent 時間: 12-5-23 12:53 標題: 回覆：學樂器有幾大優勢?

這題目討論過百千次，其實，你問擁有一種技能有優勢否，答案永遠是，看當時對該技能的需求和你做得有多好，升中、升大學、找工作亦如是。前者多少靠運氣，後者要努力和天賦。昨日你見有人一口流利日文入了co-ed，今日又有灌藍高手去了La Sa，明天還有條飛魚游了入協恩，你孩子點算好？要他集各家大成？人都癲。科學一點，你要確定某技能對升中的影響和必要性，不是去看有該技能的人，而是去比對control group。我敢大膽說，任何一間名校，收生決定性因素必定是學術成績。當然有家長說，我孩子就是讀不好要找特異功能旁身，絕對正確，但前題是你要確定孩子練好特異功能比讀好書容易。

作者: JustAParent 時間: 12-5-23 13:00 標題: 引用：+本帖最後由+miffy+於+12-5-23+09:04+編輯+

原帖由 miffy 於 12-05-23 發表
本帖最後由 miffy 於 12-5-23 09:04 編輯

香港學生比賽多如天上繁星，表格不會空的。

作者: ABC-DAD 時間: 12-5-23 13:15

學鋼琴好架，可以話係好好嘅基礎音樂訓練，對學其他樂器都好有幫助，我有一次問過一個在國內受過正規訓練嘅朋友，如果小朋友學二、三年停左唔學會唔會好浪費？佢話唔怕，音樂係一種個人素質嘅培養，有興趣一路學落去固然好，不過有咗基礎訓練，同真心喜歡音樂，到大個再學都可以；要好似李雲廸、或者音樂神童又另作考慮，要睇天份、個人努力、資源配套各方面。咁自己小朋友小三左右無再學琴，玩下其他運動，時間多左同好用左，到中學佢自己見吹管樂D聲好聽，又再學都學得好投入。

作者: ABC-DAD 時間: 12-5-23 13:41

本帖最後由 ABC-DAD 於 12-5-24 01:12 編輯

事實嘅另一面係，如果到中學想有機會代表學校出賽，係樂團佔一席位，揀樂器上面要有取向，同有心理準備要面對相當大的競爭，如果只為揾學校，又花好多金錢同時間又值唔值。
如果培養到對欣賞音樂的品味，又可以輕鬆咁去睇成件事，音樂在無壓力下學同欣賞係一件樂事，反之，會唔會有少少煮鶴焚琴，大殺風景？

作者: 蒜蓉 時間: 12-5-23 14:34

謝謝大家!

我當然唔會覺得有人因為某d"技能"厲害入到名校,便覺得我個仔都要有, 我ge著眼點反而係個主流,就好似踏單車ge主車群,我只係唔想甩左主車群而已! 好似我地ge年代,好少人讀普通話,但依家就無可能!

我無特別想小朋友要識d咩"特異功能",反而希望佢有全面d ge發展,如果佢搵到有興趣/潛能,就想佢定下目標去下苦功,去實現,但就唔想好功利咁去為左達到咩目標(e.g.考中學)而花時間落去做d好short term ge野.

作者: Yanamami 時間: 12-5-23 14:47

蒜蓉發表於 12-5-23 14:34
謝謝大家!

我當然唔會覺得有人因為某d"技能"厲害入到名校,便覺得我個仔都要有, 我ge著眼點反而係個主流,就 ...

我細女肯定被主車群拋甩了......

P1時已同我講唔要學樂器.

作者: 龍舌蘭 時間: 12-5-23 15:04

最少有一樣, 因為音樂要呈分, 如果音樂真係考得唔好, 會拉低整體名次, 即係影響派位嘍~~~

作者: marcuscyrus 時間: 12-5-23 15:14

龍舌蘭發表於 12-5-23 15:04
最少有一樣, 因為音樂要呈分, 如果音樂真係考得唔好, 會拉低整體名次, 即係影響派位嘍~~~ ...

曾經有一個冇學過樂器的學生想搵我教5級樂理，我當時仲諗，唔駛麻，5級樂理證書用黎報中學都冇用bor後來先知佢媽咪係諗住當補習下呈分試的音樂科，如果讀完，順手又可以考多張cert都冇乜害
又再後來見到呢度討論呈分的機制，才知道音樂科在呈分試中佔住相當重要的比重(因為standard deviation的關係)

作者: 蒜蓉 時間: 12-5-23 15:16

係喇!我就最驚依d"技能"其實會間接影響學業成績,我地學校無話compulsory要學樂器,但又聽聞高年級音樂科要考樂器,咁我就最驚,樂器依家野無得短時間惡補架嘛!

作者: ABC-DAD 時間: 12-5-23 15:31

回復蒜蓉的帖子

主車群去得邊？你與我同坐在這條船，一隻大郵輪，甲板A有車群，甲板C、D、E...都有，頭等倉有，二等有，三等倉都有，點跟，坐低飲完杯咖啡，都係同一個位落船。

作者: torunpoland 時間: 12-5-23 15:47 標題: 回覆：ABC-DAD 的帖子

我的問題是：「為何一定要跟著大隊做主車群？」、「為何學習變成一個不能（只是暫時甚或長時間）所謂落後的過程？」

Are we cultivating our kids to be a better person or putting them into a mechanism for a formula-based success?

作者: ABC-DAD 時間: 12-5-23 15:48

本帖最後由 ABC-DAD 於 12-5-24 01:15 編輯

回復蒜蓉的帖子

少担心。我小朋友小學吹牧童笛，係學校老師教嗰隻，無學樂理，都係A，中學未有5級乐理，暫時都係A，佢想考高於5級以上嘅試，要學樂理，我會支持，因為有需要嘛﹗補充一點，佢小學身邊同學好多有6-8級水平都係A OR A+，老師比分好公道，要按佢地課程俾分，如果唔係學校上音樂課咪好多餘？

作者: ABC-DAD 時間: 12-5-23 16:03

回復 torunpoland 的帖子

唔好意思，你中及英部份想問我D咩呢，我無提過要跟主車群。
What I am suggesting is "Cultivating our kids with music is good . It is time consuming and a matter of life-time hobby." "Better not follow the steps of others if no such urge exist."
Now What ?

作者: 蒜蓉 時間: 12-5-23 16:06

回復 torunpoland 的帖子

條條大道通羅馬,唔係一定要跟主車群,只係現實問題,讀書條路會無咁難行,等於以前讀文法中學,條路會straight forward d,但唔代表讀職業先修學校唔得,一樣可以讀大學,但條路可能難行d而已!

作者: 蒜蓉 時間: 12-5-23 16:08

回復 ABC-DAD 的帖子

ABC-DAD, thanks! 咁我放心d!

作者: marcuscyrus 時間: 12-5-23 16:26

樓主..我覺得如果小朋友現在學彈琴的興趣一般，其實都可以試試學其他樂器，先唔講升中，其他樂器較多機會可以合奏，玩orch/band呢d，比起彈琴多數都係自己彈，小朋友其實會學得開心d
去到幾遠，第時用唔用得著呢個技能就係後話啦，享受學習音樂的過程，專注去做一件事，都不失為一個好的成長經驗^_^

作者: 蒜蓉 時間: 12-5-23 16:49

回復 marcuscyrus 的帖子

我意思係佢音樂細胞一般, 但有興趣, 所以就繼續無停. 我有試過俾佢上過d管弦樂班(接觸不同樂器),但上完佢全部無興趣再玩!

不過,我承認有其他人一齊玩可能開心同有樂趣d,事實上佢好鍾意同鋼琴老師一齊彈duet!

作者: marcuscyrus 時間: 12-5-23 16:53

回復蒜蓉的帖子

咁繼續去無不可啦學左o既唔會冇用的
加油!!

作者: redkoni 時間: 12-5-23 17:05

蒜蓉發表於 12-5-22 12:08
小朋友只係小一,只係學鋼琴,無學管弦樂. 其實樂習樂器除了天份,亦要花大量時間去練習,學校本身無硬性規定一定要學樂器,咁我想知,其實學樂器對升中有多大影響?唔學係咪真係好洩底?因為我小朋友興趣一般,與其花大量時間落樂器身上,係唔係應該將時間分配落讀書會更有效? 因為俾你用心練習,可能去到小六,一般情況下都只可以考到五級,咁其實對考中學有咩優勢,因為可能個個學生都有依d級數? Thanks!

其實如果小朋友無興趣，你逼佢學都唔會學得好，學得唔好便談不上優勢？如果小朋友有興趣，也不表示佢一定學得好，談不上優勢便不應該繼續學？你講來講去都是擔心「投資回報」，我真心希望家長以子女為本，小朋友培養興趣，無論得失都大有裨益，其實都巳經擁有內在的優勢，跟唔跟大隊並不重要，重要在能否培養小朋友堅毅的學習精神，天份並不是人人有，所以能夠有這份對學習的堅持，才真正是小朋友將來所把握的優勢。樓主，唔係呃你，我識得有小朋友小六巳經考獲8級鋼琴，但她自己也不以為意，坦言更感激自小學琴帶給她很強的學習專注力，令成績進步甚大，終於能夠順利升讀自己喜歡的中學。

作者: 長生不老 時間: 12-5-23 17:12

提示: 作者被禁止或刪除內容自動屏蔽

作者: 蒜蓉 時間: 12-5-23 17:23

回復 redkoni 的帖子

謝謝你提醒,其實我都係想咁,唔想為左一d目的變成好"功利"咁,只係我被"外在"ge peer group pressure沖昏了頭腦!

作者: CrabPincers 時間: 12-5-23 17:59

redkoni 發表於 12-5-23 17:05
其實如果小朋友無興趣，你逼佢學都唔會學得好，學得唔好便談不上優勢？如果小朋友有興趣，也不表示佢一定 ...

講得好，好多家長講黎講去都係投資回報

作者: torunpoland 時間: 12-5-23 18:26

回復 ABC-DAD 的帖子

對不起, 貼文時按錯回覆鍵. 我沒有問你問題的意思, 對不起.

作者: torunpoland 時間: 12-5-23 18:36

我ge著眼點反而係個主流,就好似踏單車ge主車群,我只係唔想甩左主車群而已! --> 這是樓主說的
唔係一定要跟主車群--> 也是樓主說的
我希望我沒有理解錯誤, 當中兩句應該是互相矛盾吧!
我也明白, 為人父母, 莫不想小朋友好. 個個出發點也是善良的. 問題是, 如果父母都唔道怎樣是"合適的好", 只怕日日被人牽住鼻子走.
我或許回答樓主的問題吧: 學樂器應該冇咩優勢可言. (1) 太多人學, 除非孩子天賦異稟 (2) 我相信中學校長, 見到有個申請人, 識得彈琴, 或拉小提琴, 或者是較常見的樂器, 只會說一句 "幾好呀, 學下學器", full stop. 我相信, 校長會沒有甚麼特別的感覺, 完全看不到所謂的優勢何在.

作者: ABC-DAD 時間: 12-5-23 19:31

本帖最後由 ABC-DAD 於 12-5-24 01:05 編輯

回復 torunpoland 的帖子
別介意，我估都係咁。

作者: ABC-DAD 時間: 12-5-24 01:40

本帖最後由 ABC-DAD 於 12-5-24 02:07 編輯

講開投資回報呢樣，早輪小朋友約左D朋友夾歌，同學拉小提琴，佢吹長笛，有個重吹口琴，人地有8 級，口琴個位好似校際賽有好高水平，遲下去亞太口琴節TIM，佢地自己玩得頭頭是道，自己揀歌，又就住囝囝水平夾歌同有指點下我個囝囝，俾左D琴譜佢自己玩，學音樂交朋友，

咁算唔算有回報？我自己會收貨。

作者: 蒜蓉 時間: 12-5-24 14:35

其實我唔係想講"投資回報",反而係小朋友太細,得6歲人仔,佢有時都唔識得講咩係鍾意/唔鍾意, 好多時都係neutral,唔太抗拒,亦唔見得特別好鍾意,所以唔知有d事(如學樂器)應唔應該proceed, 出發點只係唔想back and forth唔知想點,加上我亦係第一次做人父母, 坦白講仍努力去學習如何當一個父母, 正正因為咁,我先驚自己所諗未必係o岩,所以先入黎問下大家意見嗟!

作者: JustAParent 時間: 12-5-24 17:50

本帖最後由 JustAParent 於 12-5-24 18:18 編輯

回復 JustAParent 的帖子

like_travel 家長應學會謙虛和內儉, 經常掛口邊我係名校生, 我孩子學校好多學生入名校...這是反面教材嗎 ? 我女學校也有許多學生入名校但我從來不打算向外宣揚 ...

-----

點評不設回應，本來也不打算答你，但說話也得有分寸。看上文下理，有人說名校要樂器獎，我說孩子學校就有很多無獎學生進各名校，有何不對？早前有人說名校生讀書到半夜，我說自己也在這種學校畢業，無須這樣的，你又耿耿於懷？這是什麼心態？互聯綱上，你我互不相識，我無必要為一個虛擬ID去炫耀，所謂，講者無心，聽者有意，佛家說得好，眼看旗幟飄揚，不是風在動、不是旗在動，是你的心在動。「名校」二字令你彈起，你心中有何不快只有你自己最清楚。況且，拜讀閣下過去批評某名女校收生的言論，也不見得你謙虛內斂到那裏去。在下直言，多有得罪。

作者: BallBallMaMa 時間: 12-5-24 18:09

本帖最後由 BallBallMaMa 於 12-5-24 22:07 編輯

回復 JustAParent 的帖子

like_travel 家長應學會謙虛和內儉, 經常掛口邊"我係名校生, 我孩子學校好多學生入名校...這是反面教材嗎 ? 我女學校也有許多學生入名校但我從來不打算向外宣揚發表於 2 小時前

我記得like_travel 曾在之前的Post 說過自己囡囡就讀的也算是"九龍區名校"

P.S. 內斂 = 指人的性情沉穩自律。如：「他的性格內斂，處事謹慎。」
儉 =

		節省、樸實。如：「節儉」、「勤儉」。論語˙八佾：「禮，與其奢也，寧儉。」
		謙和有節制的。左傳˙僖公二十三年：「晉公子廣而儉，文而有禮。」禮記˙樂記：「恭儉而好禮者，宜歌。」
		收成不好的。後漢書˙卷六十九˙竇武傳：「是時羌蠻寇難，歲儉民饑。」
		匱乏、不足。南史˙卷二十˙謝弘微傳：「弘微家素貧儉。」南朝梁˙劉勰˙文心雕龍˙銘箴：「李尤積篇，義儉辭碎。」

不要再弄錯了

俾你地笑死, 咁誇張

作者: like_travel 時間: 12-5-24 22:56

本帖最後由 like_travel 於 12-5-24 23:06 編輯

ah Ball ma 你真係好得閒，唔去教書晒左你! 我女係九龍區名校生又如何？　我有常掛在口邊，　無時無刻提醒你嗎　？而家唔係話名校生有罪，　而係唔應該無時無刻提醒人，　自己及細路係高人一等，以高姿態身份出場　！

作者: BallBallMaMa 時間: 12-5-24 23:28 標題: 引用：+本帖最後由+like_travel+於+12-5-24+23:06

原帖由 like_travel 於 12-05-24 發表
本帖最後由 like_travel 於 12-5-24 23:06 編輯

ah Ball ma 你真係好得閒，唔去教書晒左你! 我女係九龍 ...

原本我記性唔好，已經唔記得左，你又來提醒我，我又記得番啦。

不過，遲D 你delete左個post，我又記唔到架啦。

作者: like_travel 時間: 12-5-24 23:36

本帖最後由 like_travel 於 12-5-25 00:08 編輯

回復 BallBallMaMa 的帖子

Dear ah ball ma,
U have great sense of humour, i like it !
U are right, i will delete the thread sometimes later (if it makes anyone feel uncomfortable) !

作者: BallBallMaMa 時間: 12-5-24 23:48

本帖最後由 BallBallMaMa 於 12-5-25 00:13 編輯

deleted. deleted.

作者: like_travel 時間: 12-5-25 00:03

回復 BallBallMaMa 的帖子

did i misleading u anything ?

why u say so ?

come on ~ take it easy, be happy

作者: torunpoland 時間: 12-5-25 10:43

回復 ABC-DAD 的帖子

這種回報, 我收貨!

作者: rogerlam123 時間: 12-5-26 14:53 標題: 回覆：學樂器有幾大優勢?

亞囝鋼琴小提琴兩味，有番咁上下級數，成績都唔錯，以為對報中學有幫助，原來自己係井底蛙，兩樣樂器的大有人在，考得好的大有人在。今年報學校完全冇用。但話說回來，學樂器的好處，真的不該著眼升學，而係𠆤人本身的發展。

作者: ANChan59 時間: 12-5-26 15:40 標題: 回覆：rogerlam123 的帖子

一山還有一山高。

你平常心視之，非常好。

作者: like_travel 時間: 12-5-26 17:13 標題: 亞囝鋼琴小提琴兩味，有番咁上下級數，成績

本帖最後由 like_travel 於 12-5-27 15:48 編輯

原帖由 rogerlam123 於 12-05-26 發表
亞囝鋼琴小提琴兩味，有番咁上下級數，成績都唔錯，以為對報中學有幫助，原來自己係井底蛙，兩樣樂器的大有 ...

根本就是， inter-Schools 賽即使係頭3 or "皇家音樂五-八級 "都唔一定受名校青睞，但對孩子来说確是鼓勵！

作者: motherotk 時間: 12-5-26 17:43

回復 BallBallMaMa 的帖子

Ballballmama,

You are really "cool"...!!

作者: motherotk 時間: 12-5-26 17:46

BallBallMaMa 發表於 12-5-24 18:09
回復 JustAParent 的帖子

Ballballmama,

You are "cool", smart smart Mum!!

作者: khmama 時間: 12-5-27 12:19

我又確實識人靠冷門樂器入男拔, 當然佢本身成績都唔差, 只係講明要佢入樂團先收. 不過你又好難知道當你小朋友升中時o的學校缺咗邊隻樂器, 而且我都唔讚成為升中先學樂器, 正如為升小學去入教一樣. 學樂器都係興趣行先好o的.

作者: JuiceMum 時間: 12-6-1 16:52

提示: 作者被禁止或刪除內容自動屏蔽

作者: beywat496 時間: 12-6-12 10:07

miffy 發表於 12-5-23 09:03
我download過名校申請表看過, 其中課外活動一欄不是要填學緊咩和幾多級, 係填有咩獎如果無獎, 除了個人資料外, 成份form吉晒唔洗填, 即係唔洗報

極之同意你講法。

成份form吉晒唔洗填

這樣講法, 如果我一早覺得小朋友無天份, 不如疊埋心水讀好主科吧, 記碼一定抽到B1學校。

歡迎光臨教育王國 (/)