教育王國

標題: 有無校網係深水埗? [打印本頁]

作者: marjoriepoon 時間: 08-7-8 16:16 標題: 有無校網係深水埗?

亞囡第一志願上智,第二銘賢,第三聖母玫瑰,結果派左聖母,佢依家唔開心

作者: fatpanda 時間: 08-7-8 16:34

現在唯一可以做的就是前往上智提交叩門信, 請在校網內下載申請表格, 請留意截止日期.
另方面, 我想問你們為什麼不大喜歡聖母玫瑰嗎? 這間也是有名氣的女子英中.

作者: G-Ma 時間: 08-7-8 16:41

聖母玫瑰都唔錯哦, 有人話好過銘賢tim.

作者: virgokaren 時間: 08-7-8 16:47

聖母玫瑰都唔錯丫，估唔到第三志願都派到。
上智件校服靚，可能你囡囡中意。
叩門試下囉！唔得都無壞。

恭喜你地先！

[ 本文章最後由 virgokaren 於 08-7-9 00:28 編輯 ]

作者: bplus 時間: 08-7-8 19:04

如果係讀書性格的學生，會比較容易適應「上智」的高分要求。

如果係好動性格的學生，讀「銘賢」就輕鬆啦。

「聖母玫瑰」的名氣雖然無「上智」高，但係收生來源係同一組別的，可能「上智」的讀書風氣比較好，日後個別用功的學生成績會好標青。「聖母玫瑰」的體育成就都唔錯，係比較活潑的一間學校。

「上智」及「聖母玫瑰」都係深水埗校網，同樣面對學生的成績差距很大，我指同級頭十名同包尾十名計，所以，無論派到那一間，一定要keep住成績係最好的一班，物以類聚，互相競爭，一定有進步。

今時今日，有那一間學校唔可以出狀元，唔好唔開心啦！如果叩門失敗，希望你囡囡調節好心情，迎接新學期。

作者: 揚莉煒媽咪 時間: 08-7-9 11:05

原文章由 marjoriepoon 於 08-7-8 16:16 發表
亞囡第一志願上智,第二銘賢,第三聖母玫瑰,結果派左聖母,佢依家唔開心

唔係band 1
有咩咁唔開心呀?
第三志願都派到

作者: marjoriepoon 時間: 08-7-9 22:46 標題: 回覆 #5 bplus 的文章

我都有咁樣同囡囡講,不過因為佢有4-5個好好朋友0既同學都入左上智,銘賢,所以佢咪唔開心囉,尋日同佢去左上智叩門,不過我都解釋比佢知機會好少,不過今日心情好番d啦~

[ 本文章最後由 marjoriepoon 於 08-7-9 22:48 編輯 ]

作者: marjoriepoon 時間: 08-7-9 22:47 標題: 回覆 #5 bplus 的文章

我都有咁樣同囡囡講,不過因為佢有4-5個好好朋友0既同學都入左上智,銘賢所以佢咪唔開心囉,尋日同佢去左上智叩門,不過我都解釋比佢知機會好少,不過今日心情好番d啦~

[ 本文章最後由 marjoriepoon 於 08-7-9 22:49 編輯 ]

作者: I_sister 時間: 08-7-9 22:58

學校有同學仔跨區入了上智,是考進去的,因為派位沒有選,同學是天主教徒,全級只是二十名左右,不過她英文和數學都很好~

作者: 穎穎媽咪 時間: 08-7-9 23:04

有時讀邊間都要睇小朋友資質及性格,如唔係考全級頭十名我唔見議去上智,好似我女都係band 1,但我知佢比較好動同懶,所以我甲乙都揀埾母玫瑰,我囡有個差佢2名都去了上智,但人地又肯讀又文靜,你放心啦!好多讀聖母玫瑰都好開心,相反讀上智好多都感好大壓力!

作者: 穎妍媽咪 時間: 08-7-10 00:36

非常同意.選校是看小朋友的性格.上智是專注讀書型.聖母玫瑰是活動+讀書型.小囡是派咗入上智.

原文章由 穎穎媽咪 於 08-7-9 23:04 發表
有時讀邊間都要睇小朋友資質及性格,如唔係考全級頭十名我唔見議去上智,好似我女都係band 1,但我知佢比較好動同懶,所以我甲乙都揀埾母玫瑰,我囡有個差佢2名都去了上智,但人地又肯讀又文靜,你放心啦!好多讀聖母玫瑰都 ...

作者: marjoriepoon 時間: 08-7-14 11:00

唔該各位,囡囡考全級第四,不過有d同學仔考全級十幾都派左入上智,所以條氣唔係好服,加上幾個朋友仔都入左上智,同埋全級十幾果個同學入左聖母,所以佢對呢間中學有點抗拒,不過我分析左比佢知,呢間都係一間非常出色0既學校,開始慢慢無咁抗拒

作者: kswiss 時間: 08-7-14 13:40

提示: 作者被禁止或刪除內容自動屏蔽

作者: 穎穎媽咪 時間: 08-7-18 00:18

我校都好多全級十幾到文至廿頭去上智喇!有個全級頭3名揀聖母玫瑰喎

歡迎光臨教育王國 (/)