教育王國

標題: 麗澤中學一問 [打印本頁]

作者: lengyiyi 時間: 08-4-11 13:56 標題: 麗澤中學一問

請問油尖旺區的麗澤中學校風,成績,老師態度等好唔好?

作者: barng 時間: 08-4-22 10:10 標題: 回覆 #1 lengyiyi 的文章

學生是 band 3 程度，質素認真…學校將陸續降低收生標準，即使是智障學生也會收錄。鑑於校內教學方面越趨政治化，老師及學生也疲憊不堪，學年中及學年底均有老師離職。由於流失量大，部份新聘老師未達認可的師資標準。

作者: SW 時間: 08-6-3 10:32

原文章由 barng 於 08-4-22 10:10 發表
學生是 band 3 程度，質素認真…學校將陸續降低收生標準，即使是智障學生也會收錄。鑑於校內教學方面越趨政治化，老師及學生也疲憊不堪，學年中及學年底均有老師離職。由於流失量大，部份新聘老師未達認可的師資標準。 ...

唔好意思, 唔知點解你會咁樣評論呢間學校.....因為你同我知的完全唔同!!!

麗澤中學係band3頭的學校, 歷史好耐lu, 所以校舍偏細同埋舊, 但已獲政府批准在九龍公園側加設新校舍, 到時會大好多同埋多好多資源!

該校換左校長幾年, 現任校長屬於積極進取派, 所以佢地對好多公開活動都積極左好多, d學生都漸漸smart左...

講真，這些學校查詢或排名，不是當事人又怎會清楚?! 同埋每一年也有不同，不能一概而論, 即使係名校也有壞份子做壞事。

最後, 至於你講的「智障學生也會收錄」, 相信你可能唔係教育界中人la, 教育局自從實施融合教育, 其實間間中學(band1到band3都係)都要收呢d學生架.....智障又好, 讀寫障礙又好, 傷殘又好, 所以學生都可以有平等機會被派到中學, 而學校亦無從拒收!

希望你唔係教育界中人啦, 如果係, 恐怕就係你對麗澤有少少誤解la!

作者: fatpanda 時間: 08-6-3 14:36 標題: 回覆 #3 SW 的文章

我也同意上述 barng 這位國民的說法, 如果有其他的選擇, 最好不選這間學校.

作者: SW 時間: 08-6-7 22:51

原文章由 fatpanda 於 08-6-3 14:36 發表
我也同意上述 barng 這位國民的說法, 如果有其他的選擇, 最好不選這間學校.

好公道咁講, 「如果有其他選擇」, 邊個會主動選一間band3學校丫.....

但, 唔代表band3學校一定係咁差、咁冇所為囉! 當然, 各人有自己的看法是好事, 最重要是消息來源而已! 我有朋友是該校的管理層, 所以自問算是清楚! 未知barng和fatpanda君的消息來源又是家長還是老師呢?

歡迎光臨教育王國 (/)