教育王國
標題: 小四內向聽話型男仔只喜歡英文，升學點算 [打印本頁]
作者: HKMumm 時間: 21-11-11 12:55 標題: 小四內向聽話型男仔只喜歡英文，升學點算
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, 冇愛回家，只有YouTube, 爸爸中文好，我剛相反。我們就係怕佢中文唔好，加上我們也只是小康之家，小朋友又內向。所以入了一間本地小學。小三前還叫勉強可以，排級半後一點。但小朋友人越來越大，越選擇英文看，佢自己要看英文圖書，又自己search 英文YouTube, 現在連去買外賣，自己改用英文order 外套賣，除了學校的功課，習作（專補中文一星期一天），已經每星期都做中文閱讀，但升上小四後情況插水式向下，我發現佢所有中文問的題目（中，數，常）全部都飛字看，或者叫冇心機看。佢自己都知問題，什麼方法都用過了。
作者: HKMumm 時間: 21-11-11 13:01
現在已經是小四，正常都應該堅持至升中。一直都只想/打算大學才看是否改到外地升學，因為我哋也只應付到大學外地升學的費用。同時也希望他能本地讀，始終希望我們可以陪伴他。由開學到而家，天天開捉油，真係唔知點算，只能一直陪他溫習，升中真係唔知點算好
作者: chitchitboy 時間: 21-11-11 13:05
回覆 HKMumm 的帖子
陪佢睇多D中文書，返回基本步，小六開始有文言文，更痛苦。
作者: HKMumm 時間: 21-11-11 13:10
佢超抗拒看中文圖書，我又中文水平不好，中文有限公司，所以中學真係唔知可以點選，又冇打算去外國生活，好煩。
作者: chitchitboy 時間: 21-11-11 13:43
回覆 HKMumm 的帖子
咁揾爸爸教。
作者: rainbowcov 時間: 21-11-11 13:58
或外判找專教中文的補習社
作者: fatman69 時間: 21-11-11 14:05 標題: 回覆樓主：
本帖最後由 fatman69 於 21-11-11 14:06 編輯
有冇心水男校定男女校？
作者: Poyau 時間: 21-11-11 14:09
HKMumm 發表於 21-11-11 12:55 
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, ...
請問英文程度如何
作者: HKMumm 時間: 21-11-11 14:29
爸爸和仔完全兩種個性格，爸爸完全教唔到，小朋友又玩對抗。
作者: HKMumm 時間: 21-11-11 14:31
由小二開始已經一直有一星期外判中文專補
作者: HKMumm 時間: 21-11-11 14:37
我不太清楚本地中學情況，所以上來問問有什麼可以做。我哋重視小朋友品行，要勤力，現在社會太功利了。
作者: HKMumm 時間: 21-11-11 14:41
佢喜歡上英文，一直每星期劍橋英語flyer，看tree houses Tom gates果類書，佢喜歡看而適合他的我們都不會不準
作者: chitchitboy 時間: 21-11-11 14:52
回覆 HKMumm 的帖子
你們現在是英小抑或中小？
作者: HKMumm 時間: 21-11-11 15:09
現在中小啊
作者: chitchitboy 時間: 21-11-11 15:17
回覆 HKMumm 的帖子
咁中小要努力D，否則上唔到英中更痛苦。爸爸幫唔到手就交俾外判，试多2間作比較。揾一間適合既。
作者: HKMumm 時間: 21-11-11 15:22
係，好頭痛
作者: Poyau 時間: 21-11-11 15:28
HKMumm 發表於 21-11-11 14:41
佢喜歡上英文，一直每星期劍橋英語flyer，看tree houses Tom gates果類書，佢喜歡看而適合他的我們都不會不 ...
試看他喜歡的英文書有無中文版
作者: HKMumm 時間: 21-11-11 15:49
有試過買中文版回來，一句我睇唔明，放埋一邊，所以真係越大越難教
作者: YmOra 時間: 21-11-11 15:57
HKMumm 發表於 21-11-11 12:55
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, ...
你囝囝喜歡"普通話"的發音嗎？本身學校都有學普通話，會好容易察覺孩子喜不喜歡。若然對普通話有好感，或許可以嘗試用普通話學中文、記中文字、理解中文文章意思。其中，對數學的文字理解亦有幫助。不過，如果對普通話不感興趣就不要免強利用了。
作者: 200904 時間: 21-11-11 16:01
我覺得語言是學些的工具，如果他不喜歡中文，那麽坦白説，他的成績只會越來越差。爲什麽不給他轉學去英文小學呢？你現在留著錢給他讀大學，還不如現在讓他轉去英文小學，還有機會將來上英文中學（津貼）。否則，你小學成績不夠班，就上不了英文津貼中學了。
作者: 200904 時間: 21-11-11 16:08
不要逼小朋友去補一種語言，否則只會越來越抗拒。如果實在不能轉校，試著和他好好談談。讓他知道還有3年時間努力，這樣才會讀到英文中學。
我女兒小二的時候也是抗拒看英文書，我小三的時候跟她們說，現在香港的教育體系，band 1的學校都是英文中學，將來是用英文學習各科知識的。你覺得自己將來是想讀band 1 還是band 2學校？如果將來是band 1， 你是想現在起用4年時間慢慢儲英文單字量，還是等中一才開始一路查字典看教科書？自己選擇。
她們明白之後，便願意去接觸英文。
作者: HKMumm 時間: 21-11-11 16:53
他對普通話一般
作者: HKMumm 時間: 21-11-11 16:57
現在已經小四，還能轉嗎？我都有想過，但又怕風險更大，去到新的也差，因為始終冇別人咁由小一開始。佢K3時都有in 温幾間英小，但奈何太小，果時更內向，冇人收。
作者: gundamx 時間: 21-11-11 17:18
風險大是怕入了英小，英文不及別人? 如果英文弱，插班面試也不合格啦! 一般英小都是直資，是靠自己考入去，所以英文都很強。小四'和小五，有直資巳經會叫學生去考英文公開試，用來測試學生實力。
作者: HKMumm 時間: 21-11-11 17:20
咁又係，我只係怕令小朋友以為可以從此唔理中文，也怕比別人差。不過現在看來都要試下
作者: Sheep06 時間: 21-11-11 17:25
200904 發表於 21-11-11 16:01
我覺得語言是學些的工具，如果他不喜歡中文，那麽坦白説，他的成績只會越來越差。爲什麽不給他轉學去英文小 ...
轉去英文小學，並不是等於解決了中文差的問題。 而且轉去英文小學，就保證升到英中了嗎？
作者: HKMumm 時間: 21-11-11 17:38
總之煩就係了
作者: notcool 時間: 21-11-11 17:40
也許試試
漫畫科學實驗王套書.....漫畫xxx書
or
大偵探福爾摩斯
作者: 傻太 時間: 21-11-11 17:44
雖然都遲，但也建議嘗試轉英小，語文真係牽髮動全身，值得搏下
作者: wongtw 時間: 21-11-11 18:24
本帖最後由 wongtw 於 21-11-11 18:53 編輯
讀普教中文津小，當年情況同樓主相似，暑假時發現問題嚴重，(母語是廣東話，但那時係發現他講嘢前要諗一諗)，升小三後全面封殺英文書只買中文書，直至今年小六只買過一本英文書，中文由老夫子開始看起，但進展得好慢，至今中文算叫做拉回，不過仍經常執筆忘字，中作十分慢，閱讀理解無問題，算勉強能跟上學校進度不算太差。YouTube的威力好大，試試強制要有一半時間只准看中文，諗辦法多接觸中文，看看效果如何，而英文暫時不用理會，英強的小朋友正常會自動升lv。
作者: HKMumm 時間: 21-11-11 18:33
係呀，佢視看英文書為減壓活動，唔本身冇乜娛樂，所以才～～～現在的小朋友很慘，唉
作者: wongtw 時間: 21-11-11 18:48
HKMumm 發表於 21-11-11 16:53
他對普通話一般
作者: YmOra 時間: 21-11-11 20:41
本帖最後由 YmOra 於 21-11-11 20:42 編輯
wongtw 發表於 21-11-11 18:48
勸說小朋友睇YouTube去學好普通話，睇時打開字幕，因為都是中文字嘛，由卡通片開始睇，是要花一段長時間啲 ...
你係過來人就知，有些唯獨愛英文的小孩子，其實試下用"普通話"學習，重新去掌握番一些中文字係幾好的方法，可惜樓主的孩子沒興趣。不過，有時小孩子未明白好處在哪兒，ｊｍ係要花多ＤＤ心機和耐性氹孩子落搭。
作者: hkpapa852 時間: 21-11-11 21:50
本帖最後由 hkpapa852 於 21-11-12 01:48 編輯
HKMumm 發表於 21-11-11 18:33
係呀，佢視看英文書為減壓活動，唔本身冇乜娛樂，所以才～～～現在的小朋友很慘，唉
...
嚟到小四先想補救其實太遲
認真諗下轉國際或去外國讀書
留係本地學制最多只能入B2中中（當然可以考慮B3英中），到時仲大鑊
作者: chitchitboy 時間: 21-11-11 21:55
回覆 hkpapa852 的帖子
是一針見血，到哂位！
作者: ycycwing 時間: 21-11-11 22:00
HKMumm 發表於 21-11-11 17:20
咁又係，我只係怕令小朋友以為可以從此唔理中文，也怕比別人差。不過現在看來都要試下
...
我朋友都有你同一問題，不過小朋友當時K3，但只愛英文。佢地最後都係選擇英文小學。佢認為如其放小朋友係中文小學令成績或學習興趣下降，佢寧願英小愉快學習。結果上小學之後，小朋友反而因為學校教法令佢鐘意中文。
作者: YmOra 時間: 21-11-11 22:12
ycycwing 發表於 21-11-11 22:00
教學模式都會影響一個人的學習興趣。
我朋友都有你同一問題，不過小朋友當時K3，但只愛英文。佢地最後都係 ...
轉英小會是唯一選擇，其實大不了咪留一年重讀小四，重建自信心好緊要。
作者: dingyan 時間: 21-11-12 07:20
HKMumm 發表於 21-11-11 12:55
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, ...
既然三年級之前中文接近中等水平，而家四年班只係過咗三分一時間，真係有心追就做多啲嘢啦。個人覺得對小朋友來講YouTube度嘅英文內容比起中文內容豐富有趣，而中文可能較多用文字表達，三四年班開始睇多啲中文書又唔算太遲，由漫畫開始會唔會有趣啲？有冇可能爸爸媽媽拎書講下睡前故事，成語歷史科學故事甚至散文揀啲有趣嘅讀下？似乎興趣會由一啲開心嘅體驗開始。。
作者: 964000 時間: 21-11-12 07:35
HKMumm 發表於 21-11-11 12:55
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, ...
快轉英小，非傳統如WKF, St Margaret, YMCA呢啲，仲唔洗煩升中, 又可以唔考DSE. 而家普遍插班易咗。
如果負擔到又唔怕culture shock 就入IS更好，一條龍直升考IB, 英文更好，其實都可以繼續按stream學中文, 不過你預更少機會用中文，但你仔而家都差唔多
作者: hkpapa852 時間: 21-11-12 09:24
HKMumm 發表於 21-11-11 16:57
現在已經小四，還能轉嗎？我都有想過，但又怕風險更大，去到新的也差，因為始終冇別人咁由小一開始。佢K3時 ...
中學既中文科要求係小學既N倍 (即係要考更多無謂嘢), 只會令小朋友更抗拒兼厭惡
作者: subb 時間: 21-11-12 09:57
本帖最後由 subb 於 21-11-12 10:00 編輯
你指向下插的是點向下法先???
中文科邊一part最差?? 差到點???
我女小學又係好多同學英超勁,中文差,
上到中學都免強可以 !
所以但真係想知他是差到什麼情況???
＃作文好底分?？？
＃可唔可以先由日本漫畫入手?？？
作者: YmOra 時間: 21-11-12 10:10
subb 發表於 21-11-12 09:57
你指向下插的是點向下法先???
中文科邊一part最差?? 差到點???
其實，我估樓主思緒好亂，亦好芧盾，一方面好想給孩子自然自由發展，另一方面又好怕再咁落去中文實影響升中，心態上係無百分百把握係唔敢想去試。不過，樓主嘗試放鬆下心情去想想，跟ｓｕｂｂ話齋，同樣個案嘅大把，只要"逐步逐步、着少着少"去改變，小孩子的中文無話改善唔到的，將來ＤＳＥ咪只求攞個３咪得囉，一樣大把Ｕ課程有得讀。我女由ＤａｙＯｎｅ已經不投放時間响科通識處，只求攞個２就收工，結果反而有驚喜。
作者: minichong28 時間: 21-11-12 10:48
英文程度去到邊? 因為就咁睇, 小四睇Tom Gates and Tree House, 上緊Cambridge Flyers, 好像程度偏淺, 如果去考英小, 英文程度未必夠, 而且就算讀英小, 中英數都係缺一不可
我小朋友中文都係好弱, 又係只睇英文書, 暑假期間我隔日要求佢作文, 每日做閱讀理解,重組句子, 而家中文唔算最叻, 但都叫應付到學校要求
作者: cyiuming 時間: 21-11-12 10:57
回覆 HKMumm 的帖子
我眼見男仔普遍喜歡偵探小說又或者你扮煲劇
叫佢陪你一齊煲
作者: 貓頭鷹之家 時間: 21-11-12 11:08
我兩個仔同你小朋友差不多，大仔升中了，讀了一間英中。在他小四時也有外補中文，但效果一般，中文成績沒有進步也沒有對中文產生興趣。現在升中了，全英反而讀得更開心。中文課就剛剛合格。
作者: mcl203 時間: 21-11-12 12:01
HKMumm 發表於 21-11-11 12:55
小朋友自幼稚園已明顯一聴英文醒神，中文頭暈。我哋冇姐姐，自己帶，家庭一致用廣東話話，冇 video game, ...
都係果啲意見，睇佢個人性格和取態，如果佢係唔會放棄類型，應該唔使太擔心，要佢認識中文科嘅重要性。如果佢係已經放棄類型，炒中文科嘅機會係極大。中文科並非甚麼殺手，問題係自己是否想生存～～～
作者: 貓頭鷹之家 時間: 21-11-12 12:19
最近，有位國語老師對我説，所有的語言由說話開始，香港人生活節奏急促，尤其是雙職父母，工作後回家，跟小朋友說話也不多，同時也不夠深入。大家可以以作參考。作為父母，除了鼓勵小朋友看書外，平常還可以作什麼呢？
作者: b3410 時間: 21-11-12 12:59
hkpapa852 發表於 21-11-12 09:24
小朋友咁抗拒中文, 如果堅持留係本地學制相信9成無運行
中學既中文科要求係小學既N倍 (即係要考更多無謂嘢) ...
如果不打算將來外國生活，以整體形勢發展來看，只有俾心機學好中文。
語言的背後是文化，其實好多時候學多種語言都是希望了解多一些相關文化。多元化社會就是這樣（唔好意思離題，不過想帶出的信息就係學中文唔係齋學中文字/語言）
如果因為普教中而影響上堂效果，其實可以多看普通話節目，YouTube 唔多，可以試試抖音/小紅書之類。有很多有趣的寵物搞笑視頻，通常小朋友都會有興趣。
多接觸，不僅普通話突飛猛進，潮語都會學多很多。再可以追一下中文劇，例如我d小朋友之前追瑯琊榜，自己再搵書睇，順便學埋歷史
作者: yianleen 時間: 21-11-12 13:16
朋友女一樣情形, 唔鐘意中文的小朋友上中小係好痛苦, 因為除英文外全部都係中文, 影響埋數學的理解和解題能力。
結果朋友女轉去英小, 英文程度絕對無問題, 中文淺咗、少咗, 反而無咁討厭, 而且對數學的理解都好咗。一石幾鳥!
所以如果唔考慮國際學校, 可以趁移民潮搏英小。
作者: wongtw 時間: 21-11-12 13:22
再說白啲，以我經驗相信其實關鍵在於youtube=語境，成也youtube敗也youtube.......唉，因為它能輕鬆地自然學習，而且英語入面有海量資訊，程度可以自動提升到那個地步，就看小朋友平日是喜歡看甚麼東西和節目了。如果每天看上一小時，再加上六，日的特長時間，家長應要盡力平衡youtube內的中英文時間，返半日學相信會令情況更快出現一面倒向英文，因為中文是象形文字嘛，然後手機和電腦平台亦被變成英文版，如果有打機更衰多二錢重，因為輸入英文字不用學嘛，中文就會卡在讀和寫這兩方面，相對地如果是玩開中文版的打機迷，中文和普通話能力就會較英文好，因為youtube的攻略多數是說普通話嘛。
作者: YmOra 時間: 21-11-12 13:29
b3410 發表於 21-11-12 12:59
對，包括將來大學/工作。如果打算將來外國生活，就簡簡單單轉國際學校，中文隨興趣去發展。
如果不打算將來 ...
我嗰個小學時係睇普通話講故事嘅"四字成語"的由來，睇得津津有味，雖然Ｄ動畫製作一般般，但勝在小學生無咩要求嘛！
作者: tuelovefei 時間: 21-11-12 16:35
回覆 yianleen 的帖子
我小朋友同樓主情況一樣, 想問大家有無易入英文小學介紹?
作者: dingyan 時間: 21-11-12 18:05
hkpapa852 發表於 21-11-12 09:24
小朋友咁抗拒中文, 如果堅持留係本地學制相信9成無運行
中學既中文科要求係小學既N倍 (即係要考更多無謂嘢) ...
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為中學做準備啦。。
作者: YmOra 時間: 21-11-12 18:11
dingyan 發表於 21-11-12 18:05
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為 ...
談 何 容 易 
作者: dingyan 時間: 21-11-12 18:20
YmOra 發表於 21-11-12 18:11
談 何 容 易
我自己嗰個都愁緊中文，梗知不容易啦。。。
作者: hkpapa852 時間: 21-11-12 18:28
本帖最後由 hkpapa852 於 21-11-12 19:14 編輯
dingyan 發表於 21-11-12 18:05
換句話講，如果大機會需要考dse或在大中華地區做普通人，可能要趁早諗下點樣可以幫佢產生興趣增強能力，為 ...
如果只需要用中文溝通, 根本唔需要讀本地學制
就算今日轉到入英小, 唔通真係可以馬上"翻生"?
繼續留係本地學制, 一上中學馬上由6大科變1X科.
中文只係合格水平左右, 除非間小學本身係極弱既學校, 否則基本上無乜可能做到B1學生, 咁即係9成入唔到B1英中 (B2英中都難)
如果入唔到英中, 即係有10科以上用中文教, 到時點頂?
作者: dingyan 時間: 21-11-12 19:32
hkpapa852 發表於 21-11-12 18:28
如果只需要用中文溝通, 根本唔需要讀本地學制
就算今日轉到入英小, 唔通真係可以馬上"翻生"?
嗯，我覺得已經決心脫離本地學制的情況可以不做討論啦。。
而在本地學制下，無論中小定英小入英中可能都需要有一定競爭力，大機會也包括不太差的中文成績？入咗英中仍然需要面對dse中文科，一般人都希望可以合格吧？語言好難一蹴而就，細個又有先天優勢，現在開始綢繆希望可以幫第日慳啲功夫。。
其實呢幾日咁啱有外藉本地朋友傾起佢申請英文科pgde，其中要求有識中文，佢自己emi中學時第二語言揀嘅法文，而間學校而家有開普通話已經不再開法文。。咁十年廿年後又會係點呢？每個家庭情況都不一樣，裝備定迴避都可能要諗多啲。。
作者: Kirin007 時間: 21-11-12 19:37
如果學習能力係冇問題嘅，又如果我係樓主一定幫小朋友降級考英小，有機會情願將儲定大學嘅錢掉去國際學校！唔識字嘅人講嘢都可以好叻，所以(emoji)清楚係語言問題影響學業定係其他原因。
作者: emmyfok 時間: 21-11-13 11:05
睇晒三頁，由於唔知小朋友讀邊間小學，所以唔知實際上中文有幾差，可以肯定嘅係：
1、中文成績下降
2、小孩愛看英文書
從樓主列出嘅英文書來看，係 age appropriate 嘅選擇，但程度唔高。其實一般中文小學，中文教得深，英文教得淺，小朋友捨難取易，係人之常情，而且從分數看，家長會覺得小朋友英文好過中文，但分數反映出嚟嘅，未必係真相。真係去咗程度高嘅英小，會不會嚇親，驚咗英文？
我當年做法，係繼續培養英文嘅興趣，外籍老師練 oral，小四，就算未睇到 Harry Potter, 至少都要睇到 Land of stories 呢個程度。我女當年，中文差，唔睇書，靠睇電視浸中文，中文得C, 靠英數常一樣抽入band 1 英中。中學遇到好嘅中文老師，加上同學陪温習，中文keep 到中游成績。
作者: emmyfok 時間: 21-11-13 11:25
其實，一般地區 band 1(非名校) ，英文好，同native 一樣流利，已經足以令面試的老師眼前一亮。而中文成績，要谷到有 A 好難，但要合格，B或C的成績，是做得到的。當年我用睇電視劇嚟教閱讀理解，作文捉題目幫佢作定，文言文譯成英文教，保住大部分考試中文有B，只係其中一次呈分 C咗。
作者: hkpapa852 時間: 21-11-13 17:48
現實係升中先睇整體成績（排名），有排名先有機會面試。
小朋友唔係中文唔夠好，係「抗拒」呀！？要一個年由「抗拒」到接受已唔易，仲話努力吓會有進步？你估要幾耐？2/3年真係得？
作者: wongtw 時間: 21-11-13 22:35
hkpapa852 發表於 21-11-13 17:48
現實係升中先睇整體成績（排名），有排名先有機會面試。
小朋友唔係中文唔夠好，係「抗拒」呀！？要一個年 ...
作者: Bsc_arch 時間: 21-11-14 08:41
本帖最後由 Bsc_arch 於 21-11-14 08:42 編輯
同上，建議轉英小，因為始終中文喺中小除咗影響中文科，仲會影響數學同常識分。我有個親戚個仔之前讀中小好struggle,轉左英小後如魚得水。我又有一個朋友個仔有中文讀寫障礙，但英文無事，所以轉左IS。當然，官津都有英小選擇。
作者: kk20002022 時間: 21-11-18 14:11
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |