教育王國

標題: 長天 VS 九華 [打印本頁]

作者: lion 時間: 20-1-4 00:02 標題: 長天 VS 九華

長天VS 九華請問兩間學校在學術氣氛和學生品德方面邊間較好?
唔知點揀，如果諉有其他的比較，請指教!!
謝謝!

作者: machuchu 時間: 20-1-4 11:18 標題: 回覆樓主:

我都想了解一下 , 希望有高人指教 , 指教 ...

作者: V.G 時間: 20-1-6 14:15

我都想知。兩間學校都有去聽簡介會，長天比我嘅印象相當好，校長同啲學生感覺幾打成一片，校園氣氛好似幾開心，九華我就特別鍾意佢午飯後有10分鐘的意識省察時間。唔知有沒有家長有個仔喺呢兩間學校讀書，可以比啲意見我哋？因為聽有人講九華好自由，但就比較好似放羊咁，俾啲同學自己自由發揮，九華是否比較用傳統教學方法？

作者: lion 時間: 20-1-6 18:08

有同感，兩間感覺都唔錯。長天好似比九華更多活動，不過網上找不到長天公開試的成績，唔知成績如何，果日簡介會校長又好似無提

因為只可以二選一，留返一個位報本區學校，諗住穩陣D，宜家心大心細!

作者: medicine 時間: 20-1-6 18:16

回覆 lion 的帖子

九華FANS一定不會認同樓主個標題！

遠的僅僅講歷史與校舍兩樣，完全不需比較。

近的，就算九華DSE成績不可與往日而語，但亦是勝一籌。

至於校風或用家意見建議等是主觀範疇，可以一百個人有一百個觀點。

作者: popochiny 時間: 20-1-6 18:18

長天我自己三十年前讀過，但時間久遠已沒有參考價值，留待其他用家分享。
九華我仔現在讀緊，校風自由不是浪得虛名的，我覺得真係要自律丶會自主學習的才適合，又或者仍然接受父母適量的管束，否則都幾危險

作者: medicine 時間: 20-1-6 18:26

popochiny 發表於 20-1-6 18:18
長天我自己三十年前讀過，但時間久遠已沒有參考價值，留待其他用家分享。
九華我仔現在讀緊，校風自由不是 ...

自己長天舊生禮送阿仔入九華……

已經做了最實際的解答

作者: popochiny 時間: 20-1-6 18:45

medicine 發表於 20-1-6 18:26
自己長天舊生禮送阿仔入九華……

已經做了最實際的解答

我是阿媽，當年的男校女生，我只在長天讀了一年，談不上有歸屬感，但亦無意貶低長天，兩間學校不同校網，風格亦不同，適合與否家長自己衡量。btw, 我仔零運動，九華個足球場佢都冇掂過，所以長天的長跑佢頂唔順的。

作者: gracelam 時間: 20-1-6 18:58

popochiny 發表於 20-1-6 18:18
長天我自己三十年前讀過，但時間久遠已沒有參考價值，留待其他用家分享。
九華我仔現在讀緊，校風自由不是 ...

我女2個幾熟的朋友仔分別讀九華及長天。

九華名氣，校舍及DSE成績一定完勝，但校風自由不得是浪得虚名非常認同，睇到佢ig上堂/學校情況free到呢。。。。

利申: 我仔今年小六，不過我2間都唔會揀，佢麻麻地男校

作者: carmenlook 時間: 20-1-6 20:55

本帖最後由 carmenlook 於 20-1-6 20:57 編輯

popochiny 發表於 20-1-6 18:45
我是阿媽，當年的男校女生，我只在長天讀了一年，談不上有歸屬感，但亦無意貶低長天，兩間學校不同校網， ...

我個仔又係怕長天長跑,佢本身唔鍾意運動,所以揀咗九華,今年S1,而家讀得都幾開心,功課唔多,上堂都有規有矩,同埋同學間都會比較下成績,所以佢都有自己溫下備課,所以暫時看來還可以,之於長天早兩年睇過開放日印像都好好,啲仔都好純品

作者: arman118 時間: 20-1-7 01:24

本帖最後由 arman118 於 20-1-7 01:26 編輯

長天我侄仔讀緊，校風淳樸，功課測驗較九華多;
小兒今年入讀九華，由原本無參與課外活動變成參加排球、籃球及制服團隊，有時仲會踢足球添，校園設施真係無得彈

學習氣氛亦較自由，學生都很有歸屬感，小兒非常喜歡返學。
我覺得若兒子比較主動及自動波的會更合適。

作者: grandmalolo 時間: 20-1-7 07:57

今年去了九華講座，校舍不錯，感覺良好，學校注重靈修和品行，注重英文，同意要學生本身是讀書自動波型較適合。轉了新校長，相信會再提升DSE成绩。

作者: Cliokohonda 時間: 20-1-7 10:24

medicine 發表於 20-1-6 18:26
自己長天舊生禮送阿仔入九華……

已經做了最實際的解答

如果自己九華舊生'想'送阿仔入循道呢……

作者: medicine 時間: 20-1-7 10:36

本帖最後由 medicine 於 20-1-7 22:40 編輯

Cliokohonda 發表於 20-1-7 10:24
如果自己九華舊生'想'送阿仔入循道呢……

講話想之嘛，不如做左先再講啦！

作者: V.G 時間: 20-1-7 13:22

popochiny 發表於 20-1-6 18:18
長天我自己三十年前讀過，但時間久遠已沒有參考價值，留待其他用家分享。
九華我仔現在讀緊，校風自由不是 ...

點危險法？可否講多少少？我兒都幾肯自主學習，但我都期待會有師長關心、鼓勵同幫助佢尋找和發揮自己所長，同協助佢地應付種種難題。青少年階段其實都幾多困惑，但未必願意同父母講，校園嘅生活影響都好大，自由固然有好多好處，但如果欠缺適當嘅引導，我都多少有啲擔心，唔知道有冇前輩可以講下，呢兩間學校嘅校園氣氛如何？主觀都唔緊要，真實事例就可以係多一個參考例證。

作者: popochiny 時間: 20-1-7 15:29

V.G 發表於 20-1-7 13:22
點危險法？可否講多少少？我兒都幾肯自主學習，但我都期待會有師長關心、鼓勵同幫助佢尋找和發揮自己所長 ...

學校有德育組，有教育心理學家支援，老師都普遍年青有活力，師生打成一片，所以這方面你不用擔心。我指的危險是，當學校太自由，而學生本身唔算自律和欠缺自制能力的話，就很容易似斷了線的風箏咁......

有些學生會自動波，而有些學生需要人在背後推一把才向前，所以合適真的好重要。

作者: V.G 時間: 20-1-7 18:08

謝謝回覆！

作者: V.G 時間: 20-1-7 18:10

Cliokohonda 發表於 20-1-7 10:24
如果自己九華舊生'想'送阿仔入循道呢……

敢問高人何解放棄送仔入九華？因為素聞舊生歸屬感強，很多回來照顧師弟的。

作者: Cliokohonda 時間: 20-1-7 20:23

V.G 發表於 20-1-7 18:10
敢問高人何解放棄送仔入九華？因為素聞舊生歸屬感強，很多回來照顧師弟的。
...

其實我果屆冇乜舊生會送自己個仔回母校……自由可能美化了鬆散的現象，如有打算DSE 前放洋，會是一個好環境去觀察仔仔的自理能力。

作者: Cliokohonda 時間: 20-1-7 20:39

medicine 發表於 20-1-7 10:36
高人抉擇，事必有因。

我也想知級頭光顧那間補習社……

QE 學生來自五湖四海，再加上成績榮光應否歸小學也說不定了…
伊中初中讀全科，某些同學或家長可能放棄兩三科去迎接高中心儀科目，有些又可能'兩頭唔到岸', 冇乜參考價值……只可說比較易入QE 離不开一堆官小及基榮。

作者: Justmichelle 時間: 20-1-7 20:51 標題: 回覆樓主：

本帖最後由 Justmichelle 於 20-1-7 20:55 編輯

九華嘅校風自由程度同其他中學係兩個世界。
自己有個好朋友係九華舊生，十年前識佢個陣佢F.6, 當時見佢係學鍾意返就返，鍾意走堂就走堂，功課鍾意交就交，唔交都冇人話你。佢話九華啲老師唔識教書，所以平時都係靠自己自修。另外佢係泳隊，所以對學校歸屬感非常強，佢話自己有小朋友都一定要送佢返入去。但今次會揀間勁啲嘅小學，小學個底打得好，有自律性，入咗呢類校風自由嘅先會跟得上。

作者: medicine 時間: 20-1-7 21:33

本帖最後由 medicine 於 20-1-7 21:35 編輯

Cliokohonda 發表於 20-1-7 20:39
我也想知級頭光顧那間補習社……

QE 學生來自五湖四海，再加上成績榮光應否歸小學也說不定了…

級頭榮光歸小學，對此講法持保留意見。

級頭就須光顧補習社？對此不認同！

易入QE並不等于入讀之後能繼續有好成績。相信油尖旺的家長，除非兩耳不聞窗外事，否則多多少少亦知道本區幾間官小的招生狀況，在公開論壇就無須多言明者自明未明者亦不需明。如此之下，巧婦難爲無米之炊道理應不需贅述。

若數QE大戶，當太協爲最。

作者: 奥脫福 時間: 20-1-7 23:30

本帖最後由奥脫福於 20-1-7 23:31 編輯

Justmichelle 發表於 20-1-7 20:51

九華嘅校風自由程度同其他中學係兩個世界。

自己有個好朋友係九華舊生，十年前識佢個陣佢F.6, 當時見佢係學鍾意返就返，鍾意走堂就走堂，功課鍾意交就交，唔交都冇人話你。佢話九華啲老師唔識教書，所以平時都係靠自己自修。另外佢係泳隊，所以對學校歸屬感非常強，佢話自己有小朋友都一定要送佢返入去。但今次會揀間勁啲嘅小學，小學個底打得好，有自律性，入咗呢類校風自由嘅先會跟得上。

今時今日，上高highlight左的就唔再係事實咯。。。

作者: Justmichelle 時間: 20-1-8 01:00

奥脫福發表於 20-1-7 23:30
今時今日，上高highlight左的就唔再係事實咯。。。

唔明，邊到highlight咗？

作者: gracelam 時間: 20-1-8 07:29

Justmichelle 發表於 20-1-8 01:00
唔明，邊到highlight咗？

應該係走堂，唔交功課冇人理，老師唔識教書嗰D。

作者: Poyau 時間: 20-1-8 08:21

Justmichelle 發表於 20-1-8 01:00
唔明，邊到highlight咗？

係app睇唔到用網頁版見highlight咗呢句「學鍾意返就返，鍾意走堂就走堂，功課鍾意交就交，唔交都冇人話你。」

作者: gaia4 時間: 20-1-8 08:57

每間學校都有所謂 “唔識” 教書的老師, 不止九華和長天、以前或現在...説到底, 讀書也是自己的事
如果我是F6(~17歲)&泳隊的老師, 我也不會迫他交功課了
學生遇到不同的老師, 就要學習面對/溝通
九華長天都是band 1男生的選擇, 好仔, 最大分別只是地理位置和校舍size...
仔(WYK)F1第ㄧ次數測成績欠佳, 班裏的同學們自發成立小组, 幫忙補課。另外,數學老師在考試前, 也幫他們補課, 考試進步了很多，實在感謝他們。

作者: Justmichelle 時間: 20-1-8 13:06

Poyau 發表於 20-1-8 08:21
係app睇唔到用網頁版見highlight咗呢句「學鍾意返就返，鍾意走堂就走堂，功課鍾意交就交，唔交都冇人話你 ...

原來係咁, thx~
不過我講嘅真係（個別）真人真事，信不信由你~

另外，識唔識教書個度，我無意批評/中傷任何教師，呢個只係我個位朋友嘅個人觀感。講真，做咗學生咁多年，點都會覺得過以前某啲老師教得好、某啲老師教得唔好，只係呢層意思。

所有嘅制度都冇話好定唔好嘅，只有適唔適合。
於我，我係好鍾意九華咁樣嘅學校，俾學生自由度大，其實係信任學生，咁大個人相信你有自理、判斷能力，知道乜野應該做，咩唔應該做。

作者: carmenlook 時間: 20-1-8 13:27

本帖最後由 carmenlook 於 20-1-8 13:33 編輯

Justmichelle 發表於 20-1-8 13:06
原來係咁, thx~
不過我講嘅真係（個別）真人真事，信不信由你~

以前就唔知,不過而家就真係冇走堂呢樣嘢,功課欠咗真係要補返,另外見佢哋英文數學測驗成績唔好的話,老師都會再補課跟返教返,不過唔係個別,可能一班人一齊,另外初初開學試過代數有半班同學好似有啲亂,老師都喺考試前再執一次,因初初開學可能唔係所有同學都能夠全英聽數學同一下子轉英數未習慣,老師再開堂半中半英交返大家,剛剛過咗第二次考試大家開始跟到就冇,不過今次考試前有抄返以往舊卷畀佢哋試做

作者: silvia_ng 時間: 20-1-11 12:19 標題: 回覆樓主:

長天資訊日有講DSE成績，有張PowerPoint添。

長天畢左業嘅師兄都有回校教師弟溫習，只要同學自組小組後，老師就會安排。

唔運動嘅學生入讀後，可以多做運動，唔好成日掛住打機。不過本身如果好憎/好抗拒跑步嘅話，就建議唔好揀了，因為每年上學期嘅體育考試，都係考跑圈呢

作者: Ktfk 時間: 20-1-11 12:34

gaia4 發表於 20-1-8 08:57
每間學校都有所謂 “唔識” 教書的老師, 不止九華和長天、以前或現在...説到底, 讀書也是自己的事
如果我是 ...

很好！

作者: UTB 時間: 20-1-12 16:38

medicine 發表於 20-1-6 18:26
自己長天舊生禮送阿仔入九華……

已經做了最實際的解答

據我所知，有部分長天學生當年升中選校，係以九華做第一志願。相反我冇聽過九華學生以長天做第一志願。

作者: 潛水 時間: 20-2-2 09:46

V.G 發表於 20-1-7 13:22
點危險法？可否講多少少？我兒都幾肯自主學習，但我都期待會有師長關心、鼓勵同幫助佢尋找和發揮自己所長 ...

既然九華校風自由dse成績都好過長天，即係學生讀到書之外仲可以有愉快的中學生活。

作者: 小鹿揀學校 時間: 20-2-2 10:39

潛水發表於 20-2-2 09:46
既然九華校風自由dse成績都好過長天，即係學生讀到書之外仲可以有愉快的中學生活。

...

生源質素有別噃

作者: silvia_ng 時間: 20-2-5 12:23

UTB 發表於 20-1-12 16:38
據我所知，有部分長天學生當年升中選校，係以九華做第一志願。相反我冇聽過九華學生以長天做第一志願。
...

我仔以前油尖旺校網都冇揀九華，填表都冇填，咁又代表咩？你呢個說法有啲奇怪

歡迎光臨教育王國 (/)