教育王國

標題: 咁既成績屯門區應該點揀？ [打印本頁]

作者: 小時候 時間: 11-12-7 14:40 標題: 咁既成績屯門區應該點揀？

阿仔的學績如下：
學校名次(頭兩次呈分試經調整後的模擬次第)：27
第二次呈分試除了視藝B之外，其他全部A
操行：A-
劍橋Flyers (13)
SPC少兒普通話：A
老師話屬B1級別，可惜冇乜其他有代表性既奬項，請問咁既成績可以申請屯門區邊d學校？陳瑞芝及百周年有冇機會？

[ 本帖最後由小時候於 11-12-7 14:42 編輯 ]

作者: EricMike 時間: 11-12-8 17:41

睇成績唔錯，幾乎全A，自行可以進取d選兩間，但係到統一就要取舍一間了

原帖由 小時候 於 11-12-7 14:40 發表
阿仔的學績如下：
學校名次(頭兩次呈分試經調整後的模擬次第)：27
第二次呈分試除了視藝B之外，其他全部A
操行：A-
劍橋Flyers (13)
SPC少兒普通話：A
老師話屬B1級別，可惜冇乜其他有代表性既奬項，請問咁既成績可以申請屯門區邊d ...

作者: 長生不老 時間: 11-12-8 17:51

提示: 作者被禁止或刪除內容自動屏蔽

作者: 小時候 時間: 11-12-8 18:13

其實自行我都只係諗住博下，都知機會唔大，大抽獎可能會揀陳中及馬中，因為冇百周年咁top，希望有機會抽中！
請大家比d意見！

作者: chanpa 時間: 11-12-8 18:20

譚伯羽、屯官、南屯門官立中學比較穩鎮。入到後，再扣門。

作者: 小時候 時間: 11-12-8 21:11

原帖由 長生不老 於 11-12-8 17:51 發表
我覺得這两間自行無機, 27名應該係band1中至band1尾, 前10名就機會大.

校長話佢哋學校前60名都係B1，咁廿幾都未算係B1尾吧？老師提議我哋自行可以嘗試高一線既學校，所以我先諗住試B1A既學校，但大抽獎就頭痛啦，唉！

作者: 長生不老 時間: 11-12-8 22:27

提示: 作者被禁止或刪除內容自動屏蔽

作者: 小時候 時間: 11-12-8 23:12

原帖由 長生不老 於 11-12-8 22:27 發表
全級有幾多人? 如果band1中嘅, 就陳中啦! 百周年應該好難.

全級約有160人！

我都係咁諗，所以陳中都會係我既首選，希望博得到吧！

作者: kooku2004 時間: 11-12-9 11:17

小時候:

我小朋友成績同你的差不多, 同樣冇代表性奬項.

我都係以陳中為首選, 想以董中次選;  老師指以我小朋友的成績選田中"必入", 語氣中帶些會浪費了級名次的意思;

放董中在次位, 純綷博吓, 但煩緊不選董中又放邊間呢? 田中, 譚中, 唉???  去過兩間官校, 不太喜歡, 梁中及百周太勁, 百周上台的家長說話好囂.

其實想知入陳中的是否多"BAND 1 中"的學生, BAND 1 頭的是否都入了百周, 梁中呢?  譚百X的成績及校風如何, 請各位幫忙, 好苦惱!

作者: 小時候 時間: 11-12-9 15:36

原帖由 kooku2004 於 11-12-9 11:17 發表
小時候:

我小朋友成績同你的差不多, 同樣冇代表性奬項.

我都係以陳中為首選, 想以董中次選; 老師指以我小朋友的成績選田中"必入", 語氣中帶些會浪費了級名次的意思;

放董中在次位, 純綷博吓, 但煩緊不選董中又放 ...

係呀，你既意見同我既諗法一樣，本來阿仔今次全級考十幾，以為都算唔錯，點知經調整後名次變成廿幾，搞到本來係我次選既陳中變成首選了！但我擔心陳中都難入，因為我個仔班上好多排係佢前面既同學都話想揀呢間，競爭太大，所以我怕爭唔到，我又係唔鐘意兩間官立，田中我都係麻麻地，所以而家好煩惱，希望可以搜集多d過來人既意見！

作者: EricMike 時間: 11-12-10 01:07

自行階段大家心態都進取d，博博無妨，但係統一就真係要講小小運氣。陳中都係四大之一，B1大部分都會第一選擇四大，馬中呢幾年又係極熱門，又撞正縮班，萬一lucky no.唔多靚，可能會雙失。其實陳中及馬中原本都ok，但仔細分析來又有小小風險，不過可以準備自行先，到時再慢慢諗統一如何選擇。。。

原帖由 小時候 於 11-12-8 18:13 發表
其實自行我都只係諗住博下，都知機會唔大，大抽獎可能會揀陳中及馬中，因為冇百周年咁top，希望有機會抽中！
請大家比d意見！

作者: kooku2004 時間: 11-12-11 09:21

琴日去完董中講座, 校長同老師的講解都唔錯, 又煩排第一家第二啦!

歡迎光臨教育王國 (/)