教育王國

標題: 葵青區保祿六世 [打印本頁]

作者: 亞力士 時間: 11-12-1 14:47 標題: 葵青區保祿六世

好似冇太多人講這間學校,有冇人知這間女校質素如何,如果小學讀慈幼葉漢千禧考44左右自行有機嗎?

作者: alice44 時間: 11-12-1 17:38

阿仔同你間學校係姊妹校.
上年情況, 有一女同學, 小五呈分試第9名, 小六上學期呈分試第25名, 自行都考不到.

作者: 亞力士 時間: 11-12-1 21:24

我都知未必收,雖然44左右,老師話band 1,但我覺得D分唔似中:70,英85,數85,常90,我都驚唔夠其他小學爭,上年精英班都好多人去東華三院伍若瑜,好少人派到英中

作者: alice44 時間: 11-12-2 09:52

係呀! 上年我仔嗰班(精英班), 真係好多人派咗去伍若瑜, 好少好少人派到英中, 派到石天&裘錦秋嘅都有呀! 真係好恐怖, 校長都話派得唔理想, 頭三志願的比率跌咗, 派位當日, 一開咪就話"如果派得唔好, 都唔好太失望", 可想而知派得唔好的人會好多.

作者: csy_ma 時間: 11-12-2 12:09

原帖由 亞力士 於 11-12-1 14:47 發表
好似冇太多人講這間學校,有冇人知這間女校質素如何,如果小學讀慈幼葉漢千禧考44左右自行有機嗎?

我在以下連結講過去年去參觀保祿後既感覺：
http://forum.edu-kingdom.com/viewthread.php?tid=2260925

今年因為碰著女兒表演，冇再去參觀

，不過，佢向來響葵青區我行我素，唔係點跟住全港既催谷潮既（F1-3較輕鬆）。預科收班三班自己學生，您可以查一下，響葵青佢係除咗林護安柱外開預科班最多既，但入U率亦唔差得過他校好多。

囡囡有個同級既跳舞班同學仔爸爸係NET，佢爸覺得保祿女仔既英文好過蕭明，最重要係老師放心俾學生同"鬼佬"溝通，唔會好似蕭明咁，第二句老師已接咗黎講……

我唔係太知道葉漢千禧既banding？？但揀保祿既多數既荃葵區，競爭相對較少。呈分試成績已定，您不妨專攻英文口語，如果對話流利既話，或許增加成功機會？

作者: csy_ma 時間: 11-12-2 12:20

原帖由 亞力士 於 11-12-1 21:24 發表
我都知未必收,雖然44左右,老師話band 1,但我覺得D分唔似中:70,英85,數85,常90,我都驚唔夠其他小學爭,上年精英班都好多人去東華三院伍若瑜,好少人派到英中 ...

我囡都響佢學校都係3x，band1中，佢中文爭幾分攞唔到A，常識少您囡2分，但呢科既級排名已經響百幾名以後，數學差唔多，英文高您囡十分以上……但名次只係前您個囡少少……單從分數計，貴校既水準可能爭少少……不過保祿去年既簡介會，校長只係話有C既機會就少d，冇話絕對冇機既？？

作者: SARIDON 時間: 11-12-3 00:04

如果你囡囡係我個囡果間小學
中C,英B,數B,常A,
A: 90-100 B:89-76

老實說你個囡D成績真係好一般，去年你地學校全級考頭4果位，都係入咗伍若瑜！伍若瑜佢都讀得辛苦ka！

我囡係佢學校，中8x,英8x,數9x,常9x，最尾一次呈分都係Band 2，亦可能係band 3頭，(不過頭2次呈分都因為病，所以差D)我唔係講笑，比較之下，你自己想想，你囡囡真係讀Band 1 英中，會否很辛苦？

[ 本帖最後由 SARIDON 於 11-12-4 00:54 編輯 ]

作者: viewer 時間: 11-12-3 00:10

原帖由 亞力士 於 11-12-1 14:47 發表
好似冇太多人講這間學校,有冇人知這間女校質素如何,如果小學讀慈幼葉漢千禧考44左右自行有機嗎?

這間女校質素好好，學生又純品又乖巧，讀書成績又好，可以話係品學兼優。不過很多人爭，頗難入。

作者: kswiss 時間: 11-12-3 08:51

提示: 作者被禁止或刪除內容自動屏蔽

作者: kswiss 時間: 11-12-3 08:52

提示: 作者被禁止或刪除內容自動屏蔽

作者: alice44 時間: 11-12-3 11:50

原帖由 kswiss 於 11-12-3 08:51 發表
咁想問如果考你講呢個名次之後既同學, 應該考咩D學校? 自行唔係要進取嗎? 咁快要考B2? 係唔係考30以後冇晒行?

自行時, 揀咩學校要睇下家長想搏定係要穩陣.
如果想搏, 當然可以揀好一點, 唔得就等統一.
如果想穩陣唔搏, 就要揀門當戶對的學校了, 但最好唔好揀低過自己banding的學校, 就算唔得, 都可以等派位, 唔使第一round就去了比自己低banding的學校, 否則低banding的學校真係收咗, 咁就連統一派位搏運氣的機會都無o架啦!
其實, band 1尾的學生去選band 1頭/中的學校, 多數無行, 佢地要收都大多收了banding較前的學生, 因為只收30%, 即是大約收41-43個人. 不過都仲要睇面試表現嘅!

作者: 亞力士 時間: 11-12-3 16:12

葵青區保祿六世2010在Band 1C 組別

作者: SARIDON 時間: 11-12-4 00:48 標題: 回復 3# kswiss 的帖子

我娘家住石離，我家住葵涌，所以認識慈幼葉漢千禧和一般葵涌區中小學，我囡囡並不是在這區小學讀書。

我曾經把我囡囡的成績跟我所講去年全級考第4(其實我忘記佢係考第3定4)果個同學比較過，雖然唔同區，但我見到佢D試卷後，我同佢媽咪講叫佢唔好考林護，老實講話就話考頭5內，但佢間學校比較弱，可能性好低，但佢話佢地校長叫佢唔好考安柱，好似話佢地的歷史無幾多個入得到，最後佢都係派咗去伍若瑜！亦有好多佢地band 1的學生入咗伍若瑜！

作者: viewer 時間: 11-12-4 20:02

原帖由 亞力士 於 11-12-3 16:12 發表
葵青區保祿六世2010在Band 1C 組別

請留意該排名只考慮2010一年的會考成績。以往成績，高考成績，校風，學校設備，學生品德培養......都未計算。

歡迎光臨教育王國 (/)