教育王國

標題: 自行派位 [打印本頁]

作者: fila 時間: 11-10-26 00:10 標題: 自行派位

既然在統一甲部都可以選擇不受校網的學校,為什麼又
有自行派位呢? 況且自行派位結果都是跟統一派位同一時間知道,它的意義是什麼呢?

另外,如果自行選了那些學校,是否在甲部或乙部都要填寫,不然會影響入讀機會?

請指教!

作者: twcho 時間: 11-10-26 09:22

自行派位是學校根據同學的成績、操行、面試表現等決定收錄與否，而甲部大抽獎則是純靠運氣，兩者差異極大。

另兩者的選擇可完全不同。

作者: Papa_wong 時間: 11-10-26 09:27

甲部自愿也不是说纯靠什么运气，始终是由band1 学生优先派位。

作者: Wendy212 時間: 11-10-26 14:08

分別係:
自行 -- 中學揀學生.
統一甲部 -- 可以比少少希望d家長去揀跨區學校.
統一乙部 -- 唔使解釋啦!

作者: fallenleaf 時間: 11-10-26 15:34

自行收生係可以滿足下d學校等佢地可以揀選自己喜歡的學生。另一方面又可比機會學生去揀選自己喜歡的學校。學位數目一般都係學校提供的學額的不多於30%，即是大約4x-5x個位。因學校憑成績、操行、課外活動和面試幾方面評核和考慮，所以好睇學生的實力和配對。
相反統一派位的甲部是學校所提供的學額總數經扣除自行收生後的10%。即是大約得10個8個學位。只要你喜歡都有機會選擇和抽選，但當然視乎你的隨機號碼先後和banding來決定分派先後。
簡單d講，你更係可以搏完自行，再搏甲部，如果係同區的話，重可以在乙部填多次同一間中學。但3次係獨立過程，互相沒有影響，有有影響的只是在扣門時，中學可能會考慮你是否將他們三次都放第一志願而矣。

作者: Terry280905 時間: 11-10-26 17:51

原帖由 fallenleaf 於 11-10-26 15:34 發表
自行收生係可以滿足下d學校等佢地可以揀選自己喜歡的學生。另一方面又可比機會學生去揀選自己喜歡的學校。學位數目一般都係學校提供的學額的不多於30%，即是大約4x-5x個位。因學校憑成績、操行、課外活動和面試幾方面 ...

但有人話如果自行唔收, 叩門都不會收, 對嗎?
因中學唔會自打咀巴.

作者: fallenleaf 時間: 11-10-26 18:34

原帖由 Terry280905 於 11-10-26 17:51 發表

但有人話如果自行唔收, 叩門都不會收, 對嗎?
因中學唔會自打咀巴.

自行唔收有好多不同原因。應該唔關自打嘴巴，可能係學生跟本就唔係學校的那杯茶。有學校叩門只考慮之前有面試的同學。當然考好第三次呈分和畢業試都好重要，到叩門時學校沒有教局的排名，所以成績表是好緊要！

[ 本帖最後由 fallenleaf 於 11-10-26 18:38 編輯 ]

作者: nc2000 時間: 11-10-26 23:37

原帖由 fallenleaf 於 11-10-26 15:34 發表
自行收生係可以滿足下d學校等佢地可以揀選自己喜歡的學生。另一方面又可比機會學生去揀選自己喜歡的學校。學位數目一般都係學校提供的學額的不多於30%，即是大約4x-5x個位。因學校憑成績、操行、課外活動和面試幾方面 ...

叩門時, 學校知唔知我地放他學校在第幾志願呢?

作者: fallenleaf 時間: 11-10-27 00:17

原帖由 nc2000 於 11-10-26 23:37 發表

叩門時, 學校知唔知我地放他學校在第幾志願呢?

除非你話比學校聽，或者學校要求你話比佢聽。敬請不要掉以輕心，因有學校會要求你話比佢地聽，並只收你在甲乙部都填佢地為第一志願的學生。(當然叩門的要求係層出不窮。有要全科A，操行又要A或以上，又或者要曾經在自行時曾面試，又或者要同學考筆試...等等)
不過叩門就真係唔好寄汝厚望，因每間學校得幾個位，但又大把人去爭。抱著碰碰運氣的就無妨。

作者: fila 時間: 11-10-27 16:44

咁看來自行是有自己心水學校還要配合好成績才有希望和意義,如果是BAND2生長平平成績)都不會有機會入好一點學校,就算你選,學校都不會選你,而自己又不會選較差學校,那其實對成績BAND1學生才有意義,是否可以這樣子理解?

作者: fallenleaf 時間: 11-10-27 19:01

原帖由 fila 於 11-10-27 16:44 發表
咁看來自行是有自己心水學校還要配合好成績才有希望和意義,如果是BAND2生長平平成績)都不會有機會入好一點學校,就算你選,學校都不會選你,而自己又不會選較差學校,那其實對成績BAND1學生才有意義,是否可以這樣子理解? ...

係呀，我地上年好多屬於band 1的同學都係得個報字，真係連面試機會都無。不過佢地最終都可以憑大抽獎進入理想的中學，所以都唔駛灰心。

而事實上band 2都有band 2頭、中、尾的學校，band 2生一樣咁激烈，佢地目標就係band 2頭的學校。

你話除左有心水，還要配合好成績，其實除成績之外，課外活動的獎項都有幫助，其次就係要過面試呢一關。

歡迎光臨教育王國 (/)